رواية حب إجباري الفصل الثاني 2 بقلم ميساء
رواية حب إجباري الجزء الثاني
رواية حب إجباري البارت الثاني
رواية حب إجباري الحلقة الثانية
ساعة 6 تع صباح رميت يدي لتيليفون غلقت الرفاي باه متسمعوش غزلان وتنوض نضت ليمت شعري وبدلت حوايج النوم رحت غسلت ورجعت نوضت ايوب عندو خدمة وجدتلو حوايجو ناض راح يغسل وراح ل دوش هبطت لعمتي لقيتها في كوزينة مداير بريس قهوة على نار صبحت عليها. بديت نوجد في لفطور وعمتي تحكيلي على تيم واش مداير فيهم في ليل وتقلي هبلني ساعة يقلي نرقد عندك وساعة يقلي نطلع نرقد مع ماما وبابا نقله احكم بلاصة جدك راقد يدخل تحت كواة شوي ويعاود يرجع يقلي نطلع نشوفهم برك ونهبط نرقد عندك ، كي نعست عيطت ل ايوب قتلو أرواح طلعو عندك خاف غطا راسه مزادش طلعو_ههههه مام كي يطلع عدنا يدير هكذا يعود حاب يهبط عندكم يعيط عليه ايوب يخنس .. قعدنا نهدرو كملت وجدت طابلة عيطت ل ايوب مهبطش طلعت نشوفه فتحت الباب عضيت صبعي نتوعدله كي شفتو هاز غزلان من سريرها ومرقدها في سريرنا ويبوس فيها كي شافني شاورلي بيدو روحي طلعت حاجبي وقتلو منروحش هز راسه يضحك وليت خرجت لحقني غلق الباب صديت عندو خزرته كيفاه هزيتها من بلاصتها نشا لله نوضتها _كنت نبدل ناضت تبكي هزيتها في حضني سكتت ورجعت رقدت رقدتها ورقدت قدامها ريحتها تشهيني نعضها بقيت نبوس فيها _وكون ناضت نتعب معاها _متنوضش اصلا غفت على ريحة باباها ، هدرها وقرص خشمي بيدو حكم يدي وهبطنا صبح على عمتي وباس رأسها قعد يفطر ويعيط على عمي باه يجي يفطر معانا غسل عمي يدو وجاء قعدنا نفطرو مع بعض منبعد هو ناض خرج هكا شوي عيطلي رحت لقيتو في ڨراج قدام طوموبيل_حبيبي جيبيلي حوايجي نسيتهم لفوق _اوك_اسمعي_انعم _وتلقي قدام لمخدة دخان جيبيهم _معليش درك نجيبهم .. رحت هبطت حوايجو ، ايوب من ترقى عاد مدير مركز في منطقة في طرف ولاية ##### عاد يبات في خدمتو وباه يرجع يطول ساعات سمانة 10 ايام مرات أكثر. هزيتهم وهبطت حطيتلو في طوموبيل وهو ماكاشو رجعت للكوزينة سقسيت عمتي عليه قاتلي أو مع تيم يقعد يبوس فيه وينوضو من نومو كون خلاه يرقد وراح لخدمتو منبعد يبدأ يعيط من صباح ونبعد واش راح يسكتو ، رحت نجري لشومبرة عمتي فتحت الباب لقيتو مرقدو فوقو ويشم فيه ولا باسه وناض وانا عيني على تيم عاش ينوض بصح باين أو في عاشر نوما شرتلو يخرج خرج وانا موراه دخلنا للكوزينة عيطت عمتي _نشا لله ناض _لا عمتي مزالو راقد _خفت ولله يفضحنا بعياطو , نطق ايوب اني رايح كشما تحتاجو_سلامتك .. ولا راح خرج غلقت موراه الباب ورجعت للكوزينة نلم فيها وعمتي تدعيله وهازا هم فراقه ، ذرك عندي قداه من عام متزوجين وكل مرة يروح فيها للخدمة يهز روحي ويخرج نبقى قلقانة ونخمم غير فيه حتى لي يرجع هذا كامل من غير المسؤولية تع لولاد كلها في راسي الزايدة وناقصة لي يمرض انا لي نقوم بيه وهو بطبيعة الحال معندوش علم. يجي من خدمة ميت بالتعب اول يوم يفوتو راقد والثاني يولي هايج وماشي في احوالو برك ساعات نحسو يحكم في روحه. بدت المعاناة اول يوم يروح فيه ايوب تيم ياكل روحه بالبكاء كل مرة يتعاود هذا المشكل كي يهبط يدللو يشريلو ويخرجو يديه للمطعم والعاب ميخلي والو في خاطرو حتى لليل وهو معاه منبعد يديه الحانوت يشريلو طراطق لي يحط تيم عليها يدو ويرجعو لدار وكي ينوض تيم صباح ميلقاهش يضل يبكي وهكا يفوت علينا النهار كامل ميسكتش وينو بابا وينو بابا البارح قالي ارقد وغدوة نخرجك وهكذا نشريلك .. وعلى هذا الحال بقى حتى لي بشوي بشوي بدأ ينسى ويتلهى يلعب مع حامد (ولد سمر) ورهف رغم انو يقتلهم ومهبلهم بصح يحبهم ويحبوه قداه مرة تعاركو ويرجعو ثم ثم تقول مصرا والو وانا وسمر غير نضحكو عليهم. وحد نهار دارت سمر عيد ميلاد حامد ولدها ، بقينا نوجدو ونجهزو في دار كيعاد عيطت لولاد الجيران يجو هذاك نهار جاء ايوب ستغربت من جيتو وفي نفس الوقت فرحت لخاطر مش موالف يجي هكذا يومين ويبعثوه كي سقسيتو قالي باعثيني لبلاصة الفلانية على خدمة سكتت وصدقتو .. فات العيد ميلاد وتونسنا مع لولاد هذا كل وايوب في غير عالم غير شارد قتلو وشبيك يقلي اني تعبان مرقدتش حتى جاء باش يطلع لشومبرة حلفتلو عمتي كان يكمل يقعد حساتو قاعد على اعصابو حتى ابتسامة بسيف عليها تخرج .. زاد شوي وناض خرج جاء تيم لحقو قالو اني تعبان بابا متجيش مورايا ابقى مع لولاد غدوة نخرج ولدي وخرج خرجت موراه أنا طالعة في دروج حتى لقيتو يعيطلي رحت قبالو_شوي وارواحي ورايا خلي لولاد عند يما_اوك بصح ماكليت والو نجيبلك حاجة تاكلها_ماني حاب والو غيرك باه موراك نرقد فهمتو علواه يهدر قتلو اوك ذرك نجي .. رجعت هبطت لملمت مع سمر صالو عادت مهرجان عمي كبير ماشي تع لحوايج هاذو خلاهم وراح لشومبرتو وأحمد جاء وقف شوي ورجع لخدمتو وتيم غير يبكي معرف واش صرالو مع لولاد وعمتي حطت غزلان على رجليها تهز فيها عمرها غير اشهر. كملت كللش حتى لماعين والكوزينة حضرت لحليب لغزلان وعطيتو لعمتي وفتت لشومبرة كان تيليفون في يدو شافني طفاه وحطو قدام راسو أنا كنت موجدة روحي دوشت وتعطرت من حفلة حامد .. بدون سابق انذار دارني بين يديه قداه حسيت بلهفتو و وحشو وفي نفس الوقت حاساتو ماشي في حوالو ، زدت سقسيتو وشبيك يقلي متقلق من خدمة غدوة بصح هدرتو مقنعتنيش ايوب متوقف في وجهه حتى شي ويحب راحته واهم حاجة عنده نفسو وشبيه اليوم مانعرف .. كي كمل بعد وتلفلف ورقد لبست حوايجي ونضت _ايوب رايحة نهبط للولاد _براحتك حبيبتي بصح متنوضنيش للعشاء مانيش حاب واحكمي تيم متخليهش يطلع عندي_اوك. هبطت تحت تعشيت مع لبنات هكذا ومغفلتش عليه كل شوي نطلع نشوفو نلقاه في سابع نومة رقدت غزلان وتيم ولبنات راحو تروحو ولي هذا حكم شومبرتو وليت طلعت راح نرقد شفت تيليفون ايوب يدير في ضو يشعل ويطفى شفت مع ساعة 12:10 نضت رحت جيهتو شفت يصونيلو اسم راجل ، حركتو ونعيطلو ايوب ايوب _اممم_تيليفونك يصوني مكتوب حمزة .. أنا قلت هكذا ثم ثم طلع راسو مخلوع _وينوووو_ بإسم الله وشبيك حبيبي هذا تيليفون قدام راسك ناض وجهه مزنتر وعينيه مقفله جبدو طفااه ورجع لبلاصتو تسطحت قدامو حطيت راسي على صدرو جيهت قلبو نسمع فيه يضرب في الف تقول كان يجري طلعت وجهي قدام وجهه وقتلو _حبيبي وشبيك هكذا قلبك يدق _مابيا والو نضت من نوم مفجوع عليها _سمي بسم الله تشرب ماء _لالا لولاد وين _راقدين _ارقدي ارقدي ، عصرني في حضنو غطاني يبلع في ريقو ودقات قلبو بدت تهدى أنا غفيت قدقد حسيت بلمساتو وبوساتو. غدوة منو نضنا وبقى كيما رآه البارح يعني مش تعب لي مقلقو راح صلى وفطر وتيليفونو مدايرو صامت بصح يصوني ويدير ضوو شفتو قداه من مرة علاه مدايرو صامت وميجاوبش مانعرف .
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حب إجباري)
