رواية حب إجباري الفصل الثاني عشر 12 بقلم ميساء
رواية حب إجباري الجزء الثاني عشر
رواية حب إجباري البارت الثاني عشر
رواية حب إجباري الحلقة الثانية عشر
تيم فرفح بالبكاء بعدما خرجو وانا معلاباليش نبكي عليه ولا على زهري وأيامي … فات اليوم كامل وانا قاعدة في بلاصتي واولادي قدامي ، عيطت لسمر بقات تحلل نرجع قبل مايعرف وتصرا كارثة ماسمعتلهاش كوبيت عليها وطفيت التيليفون بصح ماننكرش كنت خايفة موت منه ، كي بدأت الحالة تغرب وهذا وقتو وين يهبط لداار قلبي تقبض وعيني على الباب ولي كنت خايفة منو صرا. جاوني لولاد يتجراو ولبنات ناضو يلمو في صالو جاني خالي قالي راجلك جاء هزيت غزلان وجريت تيم وهزيت فاليزة وخرجت قعدت في دروج ونشوف في لبنات يشوفو من كوزينة دقايق وتفتح الموضوع وانا قدام الباب حاطة وذني ونسمع تسالمو منبعد جبد الموضوع ايوب قالو بلا منكثر عليك الهدرة قالولي جات عندك اليوم قمر وانا معلاباليش بهذا شي نقدر نعرف علاه درات هكذا ولوين كانت حابة توصل _ والله أنا زعفان عليك اكثر منها هي هاذي أمانة لي حطيناه في يدك هكذا تجازيهااا _بصح ميجيش تسمع منها هي برك وتحكم عليا _هيه معليش قولي نتا لي صرااا _انا تزوجت قبل صح والظروف أنا وياها نعرفها مانيش حاب نقول عليها راحت في وقتها مانيش راح نقلك لي ديتها رآها ملاك وخاطيها بالعكس دارت لي ميندارش وخلت قمر فضيحة وراحت في جرة ايديها وانا مسكتش عليها قتلتهاا قتل وبلا منقعد نفصلك دارت حادث تكسر نخاع الشوكي والعمود الفقري بعدها طلقتها وعشت مع قمر على الحلوة والمرة وهي بنت عمي قبل ماتكون مرتي يشهد ربي بلي ماهيش مقصرة عليا ولا أنا مقصر من جيهتها ، ملوح روحي في وسط الموت علجال باه منقصرش عليها بصح قبل بأيامات عيطتلي عبير تبكي وتنوح وتحلل وتقولي جسمي طاب من النوم وكلها من جرتك إذا صراتلي حاجة ذنبي في رقبتك وتلقاها في صحتك وعافيتك وفي الناس لي تحبهم واذا حاب نبعد عليك وتبري ذمتك تكفل بيا وداويني._بصح ماشي توصل بيك درجة انك تتزوجها عندك امك وباباك وخوك كون قتلهم يعاونوك _واذا قتلهم قمر راح تقبل قمر تسكت ، بنت اختك مكانش واحد يعرفها ماكانتش راح تقبل ومكلاه تقولي راح تقبل وكون هدرت معاها لاني عارفها كي دايرة_هامالا كي عارفها علاه عقدت_خالها هو لي شرط عليا مقبلش وقالي الناس علابالهم انت طليقها وراح تجيب وتهدر لانو إذا حاب داويها روح وحدك ماكان لي يروح معاك أنا ومرتي ناس كبار ولا اولادنا ولا بناتنا يرضو تروح معاها عمليتها كبيرة وانت تتحمل المسؤولية ، رحت لسبيطار شرحتلهم وضعيتها وحددولها العملية وينتى مور ما دارت العملية لازم تبقى عندهم باه يتأكدو من نجاحهااا وهذا كامل فوق راسي وانا قتلهم نعاونكم وعطيت كلمة نتراجع عليها؟
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حب إجباري)
