رواية حب إجباري الفصل الثامن 8 بقلم ميساء
رواية حب إجباري الجزء الثامن
رواية حب إجباري البارت الثامن
رواية حب إجباري الحلقة الثامنة
رقدت لولاد في شومبرة عمتي ورقدت قدامهم وانا نخمم ودموعي ماحبسوش للصباح قداه خممت وتوصلت اني مستحيل نقدر نعيش معاه ولا نشوف في وجهه أكثر نخاف بعد ايامات نلقاها في داري وفي شومبرتي ومنبعد يقول جبتها معندها وين تقعد. العجين عجيني والخبز خبزي ولد عمي وراجلي وكلش نتوقعو منو وين نروح لدار يما يلحقني درتها قبل وماطلقنيش لمن نروح وين نحط وجهي نروح للجبانة بين يما وبابا نشكي ل بابا ونقولو شوف ولد خوك واش دار فيا ونصد ل يما نقلها هذا ايوب لتحبيه شوفي واش جازا حبك ليه و واش دار في بنتك. وهم ما بطل واش راح يديرولي وهم بين تراب غمضت عيني وصلت بيا لدرجة دعيت على روحي من كل قلبي بالموت حتى بولادي ما خممتش لانو الخيانة اصعب من الموت بألف مرة نقول نموت ونروح لربي احنلي من قلب البشر عليا. سمعت دقت الباب نزلت للفراش تغطيت ناضت عمتي ورجعت نوضتني قمر قمر نحيت على وجهي ، تنهدت وقاتلي وين سلا.حو باه يروح للخدمة. سكت شوي وتفكرتو .. فوق لخزانة خبيتو من هبالو ، خرجت تستغفر شوية وسمعتها قدام الباب تهدر معاه وشبيك دير هكذا ايوب حرام عليك والله مرمدتها هاذي اليتيمة _يما تعيشي راسي حاسو باش ينفجر اسكتي عليا روحي باش تخرج _هكذا وماشي مطيح بروحك_علاه نطيح بروحي قوليلي ها عللاااه واقف قدامها ونحلل فيها كي لولاد غير نفهمك اعطيني فرصة وهي والو غير تتفرعن وتكلب عليا علاه تشوفي فيا ديوث باش تنوض تقطع في حوايجها قدام بابا وأحمد ونبقى ساكت _ ياوليدي متلومهاش لي درتو ماشي شوي طفلة يتيمة وعندها غير ربي ونتا تروح تتزوج عليها علاه_ستغفر الله قاتلها تزوجت يا وين تزوجت ياو اني نقلكم غير باش ندويها لا اكثر ولا اقل _وهاذي جاتك شوي وعلى من عاقد على عبير ايوب خليني ساكتة ذرك نتا نسيت واش دارت عبير _مانسيتش مانسيتش ربي بكبره ويسامح حنا مانسامحوش علاه يما غير خلاص تعبتوني بابا يخرجني ويتبرا مني من جرتها وأحمد يزيد معايا في الهدرة من عياطها وتهويلها علاه يما علاه أنا نكرها؟ ماشي مرتي وام ولادي درت كلش بالساكت باه منجرحهاش في لخر ديريلي هكذا فضيحة_مشكلتك هاذي مدام تصرفت من راسك متصدقش نعطيك الحق ونصدق انك خايف ربي في عبير درت هكذا ولدي ونعرفك تموت على روحك ، وكون متكونش حطيت يدك عليها مالا راك ولد كرشي لوكان صح جيت تحوس على الخير أرواح ليا أنا امك وقتلي وفهمتني وتقلي هاي دراهم وهاو سبيطار وروحي معاها _يما ورب الكعبة لو كان نبقى نهدر لصباح ماشي راح تحنو عليا وتفهموني ، تقول ماني ولدك وقمر هي بنتكم بابا دارها قبل وبعدها عني وخلاها في دار أهلها وذرك خرجني وأحمد كيف كيف منعرف علاه دار هكذا بلاك على مرتو ونتي يما كاش نهار عطيتيني الحق_انت متصلحش وتصرفاتك كامل ميتقبلهاش العقل كيفاه نجي معاك وانت هاذي يتيمة مكاش حاجة مدرتهاش فيها _ايه معليش أنا ذرك نديها ونخرجو برا دار وقولي عليا ماشي راجل إذا جيت وسمعت بيكم_انت ولدنا وعارفينك أما هاذي اليتيمة وين مديها _نجي من الخدمة ويرحمها ربي ..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حب إجباري)
