رواية حب إجباري الفصل التاسع 9 بقلم ميساء
رواية حب إجباري الجزء التاسع
رواية حب إجباري البارت التاسع
رواية حب إجباري الحلقة التاسعة
سمعت الباب كي تخبط معناها خرج شفت روحي نبكي والمخدة تبلت كامل بدموعي ميعترفش بالغلط كالعادة ومن فوقها زعفان ويحوس يجي يخرجني منا وآلله كون يموت إذا مزال يلمحني مستحيل مستحيل نرضخلو هاذي المرة. شفت مع لولاد ونضت مسحت دموعي خرجت من شومبرة شفت عمتي قاعدة على كرسي وتنوض في عمي وتقولو فاتتك الصلاة شفت مع ساعة ستة غير ربع طلعت لشومبرتي بدون تردد جبدت عبايتي لبستها هي والخيمار خرجت كآبة صغيرة تع غزلان حطيتلها شوي حوايج هي وتيم وهزيت معايا ذهبي كامل ودراهم لي مخبيتهم هبطت بالشوي شفت عمتي تقرا في القران في شومبرتها وعمي حسو مكانش بلاك خرج حطيت غزلان في سرير (حمالة) تاعها وعلقت الكآبة فيها واليد لخرى هزيت بيها تيم لانو كون ينوض يفضحني خرجت وجسمي كامل يرجف فتحت الباب بالشوي والخوف ساكني من داخل .. احمد غير للسبعة باه يروح يخدم حتى سمر ماقلتلهاش حابة نهرب بجلدي لانو تعبت تعبت من ايوب وتصرفاتو كنت متحملة كلش لسانو واعصابو بصح الخيانة هاذي ذبحتني ذبح .. الشارع فارغ مافيه تا واحد حتى الشمس مازالت ما طلعت نمشي ونتلفت مورايا قلبي تقطع من كآبة ولولاد بعدت من لبلاصة هاذيك مانعرف وين رايحة كنت حابة ماما ولا بابا حابة سند ولا اي واحد نروحله من ضلم الدنيا .. وصلت للشارع العام طوموبيلات تجري وتفوت عليا وانا نتلفت وخايفة ومانيش عارفة وين نروح خممت في دار خالاتي بصح استصعبتها رجاالاتهم واش راح يقولو عليا ماعندي غير خالي نروح عندو حبست طوموبيل وطلعت .. ديمارا طول الطريق رجفة في جسمي وعيني على ولادي صح غلطة كبيرة لي درتها بصح لي عارفاتو طاقتي مع ايوب نفذت وكل تصرفاتو هاذي معايا إستغلال لانو لقاني بلا كتااف. حاولت نتحكم في روحي ونبعد الخوف عليا باه منبينش بصح راجل ماشي لاتي بيا قاع فاتح القرآن وصوت نااصي بصح يريح الأعصاب ، بقيت نسمع للقرآن بلاك روحي تهداا مع كل كلمة دمعة تتحصر في عينيا والصوت يقشعر جسمي معاه ونحاول منهبطش دمعتي باه ميحطش معايا راجل ، لخاطر ثقة عدمتها وليت وحدة نشوف في نااس كامل راهم يتمسخرو علياا لخاطر شخصيتي فاصيتها بيدي ولازم نكون قوية ومنبينش خوفي ليهم لخاطر يااكلوني كيما كلاني اقرب نااس لياا ومخلا فيا لي يصلح خلاني جسد بدون رووح..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حب إجباري)
