رواية حبي الوحيد الفصل العشرون 20 بقلم جنى أحمد
رواية حبي الوحيد الجزء العشرون
رواية حبي الوحيد البارت العشرون
رواية حبي الوحيد الحلقة العشرون
ندي بعدم تصديق وصدمة: مستحييييل
كلهم بقلق في صوت واحد: في إيه
ندي بصدمة وفرحة ولجلجة من كتر الفرحة: مـ مراد خـ خف
ثريا بعدم فهم: مش فاهمة خف أزاي يعني؟؟
سليم: ما تتكلمي يا بنتي قصدك ايه بالكلام دة؟؟
ندي بفرحة ودموع: مراد خف تماما من المرض…..
ليل بفرحة: ازاي يعني يعني هو خف تماما خالص مالص!!
ندي بضحك: خالص مالص!! … لما مراد اتعرض لصدمة جامدة لما ليل اتضرب بالنا”ر وخد طلـ”ـقة فالصدمة دي كانت سبب في علاجه والغيبوبة اللي حصلت لمراد المخ عطا ردة فعل قوية ليها فأتسببت في علاجه
ثريا بفرحة: إنتي بتتكلمي جد
ندي بضحك: أيوة والله بتكلم جد
نادية: انا لازم أكلم علي عشان اعرفه بالخبر الحلو دة
ندي: فين فريدة عايزة اعرفها الخبر وفين بابا
ليل: فريدة راحت هي وغزل يجيب حاجات
نادية: وعلي في المستشفي مش هينفع يأخد إجازة اكتر من يومين وفي اجتماعات كتير
ندي: طيب بس مش عايزاكوا تتأملوا اوي كدا
كلهم في صوت واحد: ليييه؟؟
ندي: لانه لو افتكر اللي حصل كدا مخه عنده القدرة على التذكر والتفكير ويبقي كدا الغيبوبة مأثرتش علي منطقة التذكر والنسيان في المخ….
ليل: طيب وإيه المطلوب مننا عشان يفتكر؟؟
ندي: متفكرهوش اي حاجة لاني عايزاه هو اللي يفتكر لوحده يعني حاول تعيدي اي موقف حصل يوم الحادثة وهو هيحس أن شاف الموقف دة قبل كدا فهيحاول يفتكر إيه اللي حصل….وهنا فريدة وغزل دخلوا
فريدة: إيه يا ماما اتصلتي بيا في حاجة حصلت ولا إيه؟؟
كلهم في صوت واحد: مراد خف تماما
غزل وفريدة بصوا لبعض وصدمة وقالوا في صوت واحد: إيييه
ندي بضحك: انا عملت زيك كدا بالظبط
فريدة بفرحة: هههههه انا لازم اعرف مراد…وراحت علي اوضته بسرعة
ندي: لاااااا تعالي هنا متقوليش حاجة
غزل: دة ليه دة أن شاء الله….وندي فهمتهم كل حاجة….وفريدة قامت حضنت ندي جامد اوي
فريدة وهي حاضنة ندى جامد اوي: شكرا شكرا شكرا يا احلي واجمل ندوش في العالم
ندي وهي بتاخد نفسها: طيب شعري هيتقطع في ايدك من اكتر الحضن وانتي احلي فري في الدنيا والله بس شعري
فريدة وهي بتبعد عنها: شكرا يا ندى على اللي إنتي عملتيه لمراد مهما شكرناكي مش هنوفيكي بحقك
ندي: انا معملتش حاجة على فكرة لولا الصدمة اللي حصلت لمراد هي دي اللي خلته يتعافى
سليم: بس انتي بردوا كنتي سبب في معالجة مراد بسببك مراد اتغير كتير وحبك فعلا من قلبه ودي أول مرة اشوف مراد مبسوط فيها بجد شكرا ليكي بجد مراد مافيش ولا دكتورة ارتاح معاها غيرك إنتي الدكتورة الوحيدة اللي غيرتي مراد
ثريا: دة فعلا حتي مراد كان مهتم جدا بالعلاج واول مرة اشوف نظرة الحب والفرحة في عينه…وراحت حضنتها
ندي بفرحة: بجد شكرا ليكوا فعلا
ليل: وانا هروح اشوف الدكتور عشان نشوف هيكتب خروح لمراد أمتي؟؟
غزل: ينفع أجي معاگ
ليل بتلقائية ونظرات حب: طبعا تقدري تيجي معايا موافق..ومسك أيدها وقال: عشان متتخبطيش في حد تاني وأتخانق معاه
وسليم وثريا بصوا لبعض وعرفوا ليه إيد ليل نز”فت
____________
“في غرفة مراد”
الدكتور كتب لمراد خروج بس عطاله دوا يأخده ط….وراحوا فيلا الجرحي والاسيوطي لكن مراد وندي راحوا فيلتهم الجديدة
___________
“في فيلا مراد الجرحي”
ندي بإنبهار: بجد كل تفصيلة في البيت دة حلوة اوييييي
مراد بحب: احنا لسة هنملى البيت دة تفاصيل اكتر وهيتملى اطفال كمان
ندي: ياااااه انا هبقى مامي وانت هتبقى بابي تفتكر هننفع أو هنعرف نربيهم ونسهر وكدا
مراد بخبث: طيب ما تيجي نجرب يمكن ننفع
ندي بضحك: إحترم نفسك يا مراد
مراد بخبث: إيه الغريب في كدا يابونتي…….احنا متجوزين
(قصده بنتي بس بيقلش😂😂😂)
ندي بضحك: مراد أنا مش فايقالك هقوم اخد شاور…..مراد سحبها عليه جامد
ندي وهي بتبلع ريقها وقالت بتوتر: مراد
مراد بحب: عيونه وروحه
ندي بتوتر: ممكن تبعد
مراد قرب منها اكتر وقبـ”ـلها و ….
(أصبحت ندى زوجة مراد أمام الجميع والله)
____________
“في فيلا الجرحي”
كل واحد طلع علي اوضته بتعب جامد لأنهم بقالهم اسبوع وي مش بيناموا
___________
“في غرفة ليل”
ليل كان بيكلم غزل شات علي الواتساب وكان حاسس بشعور غريب جوله اول مرة يحسه(هل هو شعور الحب ام شعور الصداقة؟)
عقله: ايه اللي خلاك تاخد رقمها طالما بالنسبالك واحدة عادية ومش بتحبها ليه خدت رقمها مافيش واحد عاقل ياخد رقم حد وهو مش بيحبه
قلبه: طيب ما أتت بتحبها
عقله: لا ياعم يعني اكيد لا مجرد صديقة يعني مش أكتر
قلبه: طيب ليه لما حد بيقرب منها بتغير عليها وبتحس انك عايز تخلي الدنيا كل جحيم أو لما بتنجرح أو يحصلها أي حاجة بتزعل عليها جامد جدا بطل تكابر وتقول لا انت بتحبها يا ليل
عقله: حب إيه يابني لا لا
قلبه: لا أنت بتحبها لأنها لو فعلا مكانتش فارقة معاگ مكنتش حزنت وغضبت وغيرت عليها
عقله: هيجي اليوم اللي هتعترف بيه بحبك ليها
ليل بعصبية: بس بقااااا اسكتوا انتوا الاتنين وكمل بزعيق: اه بحبها
بعد كدا استوعب هو بيقول إيه وانصدم من نفسه لانه فعلا اتاكد أن كل مشاعره تجاه كان بجد ومكانتش اي مشاعر وان كلامه كان صح وهو فعلا بيحبها…….
كل دة وغزل عمالة تبعتله رسائل وهو مركز مع موضوع قلبه وعقله…وتليفونه رن وكانت غزل ورد عليها
غزل بعصبية: انا بقالي ساعة ببعتلك ماسدچات وانت مش بترد بتقراها ومش بترد و online ممكن اعرف بتكلم مين ولو مش عايز تقولي خلاص يبقي متكلمنيش طالما انت مش فاضي مش مجبر تكلمني يعني ياريت لما تكلم حد يا تكلمه وتكمل الشات يا متكلمهوش خالص علي العموم انا هقفل معاگ لاني مش هكمل في شات واحد مش عايز يكلمني ولما حضرتك تفضل تبقي تكلمني
ليل بعصبية: تن تن تن تن ايييييييييييه مش عارف ارد عليكي اصبري طيب افهمك بطلي ترزعي الكلااااام من غير ما تسمعي اللي قدامك الاول الكلام مش ليكي لوحدك
غزل: انت بتزعقلي ليه؟؟
ليل: انتي اللي بدأتي تن تن تن مش بلحق اسمع الكلام عشان ارد
غزل بدموع بانت في صوتها: ماشي
ليل حس بوجع في قلبه: خلاص متزعليش
غزل: لا زعلانة
ليل: على فكرة انتي اللي غلطانة يعني المفروض إنتي اللي تعتذري مش أنا
غزل بعند: أيوة انا اللي غلطانة بس مش هعتذر…ليل عمل كتم للكول وصوت بصوت عالي(مش عالي اوي يعني في ناس نايمة😂😂)
وقال: ياربي صبرني…وفتح الكول
غزل بزعيق: اااااااااه
ليل بخوف: غزل انتي كويسة
غزل بعياط: مش كويسة لاااا حراام
ليل بخوف وقلق: في إيه يا غزل
غزل بعياط: ضوفري اتكسر بقالي تلت شهور بهتم بيه اتكسر
ليل بعصبية: يابنتي اعقلي بقا في بنت كبيرة تعمل كدا
غزل ببرود: اه أنا….إيه رأيك لو رحنا بكرا حديقة*** اللي في***
ليل: اه اللي فيها زهور كتيرة دي
غزل: أيوة فعلا هي دي انا بحبها اوي هروح بكرا لو تيجي معايا
ليل بتلقائية وسرعة: طبعا هاجي طبعا نروح الساعة كام
غزل: اللي انت شايفه انا عن نفسي بحب اروحها 6 بتكون الشمس في وقت الغروب واشم ريحة الزهور
ليل: انا مش بحب الزهور اوي يعني بس عادي اوكي
غزل: لو مش عايز خلا……
ليل بسرعة: لا لا هروح يبقي بكرا الساعة 6
غزل: أن شاء الله
______________
“في فيلا مراد الجرحي”
مراد بحب: تعرفي انك احلى حاجة في حياتي يا ندى
ندي استغلت الفرصة عشان تفكر مراد
ندي: أنت ملكي انا وبس يا مراد انت روحي
مراد: انا حاسس اني سمعت الكلام دة قبل كدا
ندي: عادي ممكن اكون قلته قبل كدا
مراد وهو ماسك راسه: لااا في حد تاني قاله بس مش قادر افتكره
ندي بأمل: طيب ما تحاول تفتكره حاول كدا
مراد وهو ماسك راسه بوجع: اااااه راسي بتوجعني وكل ما احاول افكر راسي بتوجعني مش قادر بس مش هعرف انام غير لما افتكر
ندي بهدوء: طيب بص حاول تفتكر بس بهدوء يعني هدّي اعصابك وفكر براحة وهدوء من غير ما تضغط على نفسك وانا هعملك مساج لرأسك عشان اقلل من وجع راسك…واحد اتنين تلاتة ابدأ
ومراد بدأ يفتكر وحاول يهدأ ويفكر بعقل بس كل مرة كانت بتيجي صورة شاب منغمشة بيحاول يفتكر ملامحه بس مش بقدر بيحاول يفتكر ايه اللي حصل مش بقدر بيفتكر اصوات صويت وخوف بيحاول يفتكر ايه اللي حصل بس مش بقدر
مراد وهو مغمض عيونه: واحد واقف طويل ااااخ مش عارف
ندي: أيوة أيوة كمل
مراد فضل يفتكر وحاول مرة ومرة تانية بس لا
مراد بنفاذ صبر: اووووف مش عارف افتكر مش عارف
ندي بإبتسامة: عادي مش مهم نحاول مرة واتنين وتلاتة وأربعة والف لحد ما تفتكر … انت نام وارتاح والصلح فكّر براحتك وبهدوء وانا واثقة انك هتفتكر
مراد بحب: ندي انا بحبك
ندي بضحك: مراد مش وقته…….وناموا ومراد خد ندى في حضنه وحاول يفتكر بس معرفش وقرر أنه ينام
_____________
“في فيلا الجرحي”
ليل بإبتسامة: هنروح الشركة انهاردة
سليم بضحك: المفروض يعني نخلي عندنا د”م
فريدة: لو كان مراد معانا كان زمانه نازل جري ويقول أنا عندي جلسة انهاردة مع ندى
ثريا بضحك: ما هو عنده جلسة بردوا هناك في بيته
ليل: أحم أحم انا يعني بابا بصراحة هروح مع غزل حديقة***في***
سليم: والمناسبة
ليل: مافيش مناسبة بس كنت عايز اروح معاها لأنها قالتلي يعني كنت بستأذن حضرتك يعني
فريدة بضحك: اجي معاكوا
ليل: خلاص مش رايح
فريدة: بهزر والله
سليم: والشركة؟؟
ليل بسرعة: هروح طبعا مع حضرتك الشركة واخلص كل الشغل واروح الحديقة ماشي؟؟
سليم: ماشي موافق بس هتحضر اجتماع****
ليل بضيق: تؤمر يا بابا
_____________
“في الشركة”
مازن بفرحة: ليوووو عاش من شافك الف حمدالله على السلامة
ليل: الله يسلمك يا مزون بس إيه دة احلويت كدا
مازن بلهجة المسلسلات التركيه المدبلجة: لا تخچلني
ليل بحدة: ما تظبط يلا
مازن: محدش يعرف بهزر معاك عم بمزح كلشي بحكي بتصدقوه
ليل: يابني هو حد لعب في إعدادات اللغة عندك ولا إيه
مازن: لا والله انهاردة بفتح التيفي لاقيت مسلسل شغال مدبلج يعني المهم في ورق مهم جدا لازم تشوفوه
ليل: طيب هاتوا والورق اللي عايز امضاء ابعته لبابا
مازن: ماشي
___________
ليل خلص الشغل اللي في الشركة بس أتبقي بعض الشغل قرر أنه يخلصه بليل أو الصبح بدري وركب عربيته وشغل الـ GPS واتجه إلى الحديقة ووصل الحديقة وركن العربية في مكان مناسب ونزل يشوف غزل
ليل وهو بيرن عليها: فين دي ياربي… وشافها فقفل
ليل: أزيك يا غزل
غزل: الحمدلله كويسة اممم شامم ريحة الزهور
ليل: شايفة الزهرة البيضة اللي هناك دي شكلها حلو
غزل: اووه دي زهرتي المفضلة اسمها الاقحوان الأبيض بترمز للحقيقة والحب
ليل بحب: اممم في واحد شبها بردوا اهي…وشاور عليها
غزل: دي بردوا زهرة الاقحوان بس الفرق أن دي زهرة الاقحوان إنما التانية زهرة الاقحوان الأبيض الزهرة دي بترمز للتفاؤل والإخلاص الحياه الطويلة ودي كمان بحبها شامم ريحتها تحفههه
ليل: بصراحة ريحتها حلوة … شايفة الوردة اللي هناك دي فيها شبه منك
غزل بإبتسامة سحرت ليل: ليه يعني؟؟
ليل: تحسيها مميزة كدا لوحدها في شجرة كبيرة وريحتها مميزة شبهك بردوا لانك انتي مميزة
غزل بخجل وحب: شكرا … دي اسمها زهرة الياسمين وردة ليها ريحة جميلة ومميزة وفواحة خاصة في ساعات الليل لما الدنيا تليل شوية هتلاقي ريحتها بتكتر بحبها اوي
ليل: شكلك بتحبي الزهور وعارفة كل زهرة بترمز لإيه كمان يعني انا مليش في كدا بس حبيت الزهور
غزل بحب: لأن الحلو بيحب الحلو… وفجأة جه هواء جامد وطير شعر غزل لحد ما بقا علي وشها ومعرفتش تشيله
ليل وهو بيشيل شعرها من علي وشها: انتي عارفة كويس أن في هواء هنا ليه ما لمتيش شعرك
غزل: لأني بحبه مفرود الحديقة اول مرة الاقي فيها هواء جامد اوي كدا….. وليل لم شعر غزل وعمله زي كحكة من غير رباط ودخلوا من جوا بحيث أنه يبقي متماسك
غزل: شكرا … وخدت نفس عميق وزفرته براحة
غزل: انا وماما الله يرحمها كنت باجي معاها هنا كانت بتجيبلى غزل بنات ونفضل قاعدين هنا
ليل بضحك: تعرفي اني بحب غزل البنات كانت فريدة بتجيبه لانها بتعشقه وانا كمان بحبه وانا وهي كنا بتأكلوا مع بعض فتخيلي واحد كبير طول بعرض وعمال ياكل غزل بنات
غزل بضحك وسط دموعها: أيوة انا كمان بتكسف اني اكله عشان أنا كبيرة فببقي شكلي وحش بس اهم حاجة أننا مبسوطين
ليل بضحك: أهم حاجة … إيه دة دة في غزل بنات هنا
غزل بطفولة: عايزة منه
ليل وهو بيقلدها: وانا كمان عايز منه … وهما الاتنين فضلوا يضحكوا وفعلا ليل راح جاب كيسة كبيرة فيها غزل بنات
غزل بضحك: إيه كل دة هاكل كل دة
ليل بضحك: قصدك هناكل وبعدين دة يدوبك علي قدنا بس انا جايب لفريدة علي فكرة
غزل: كنت جبتها معاك
ليل: قسما بالله من كتر كلامها دماغك هتصدعي
غزل: المرة الجاية بقا
(نعم عزيزي القارئ لسة في مرات مش مرة😂)
وفضلوا يأكلوا الغزل بنات وهما بيحكوا كانوا بيعملوا إيه وهما صغيرين والوقت عدا بسرعة وكان يوم حلو
ليل: تحبي أوصلك
غزل: لا انا هروح لوحدي عربيتي برا على فكرة
ليل: طيب خلي بالك من نفسك
غزل: حاضر سلملي على طنط وعمو وفريدة
ليل: يوصل وسلميلي علي عمو
غزل: يوصل…وغزل ركبت عربيتها واتجهت إلى فيلا السيوفي وليل فضل يبص علي العربية لحد ما أختفت
ليل وهو إيده على الدريكسيون: قممممر في كل حاجة هي طريقتها استغفر الله العظيم بس طبعها حلو كفاية ضحكتها اااااه وركب عربيته واتجه إلى فيلا الجرحي
___________
“في فيلا مراد الجرحي”
مراد وندى كانوا نايمين لأن الوقت كان متأخر واي شخص نايم … بس صحيت على صوت مراد وهو عمال يردد مش هسيبه مش هسيبك فأستغربت وقالت وهي بتصحيه
ندي: مراد مراد فوق مراد أنت بتحلم فوق
مراد وهو قائم مفزوع وبياخد نفسه: لاااا مش هسيبه مش هسيبه
ندي باستغراب: مش هتسيب مين يا مراد انت بتقول إيه؟؟
مراد بغضب: رااااامي
ندي بإستغراب: هو انت افتكرت؟؟
مراد: أيوة افتكرت كل حاجة
ندي: ………
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حبي الوحيد)
