رواية حبي الوحيد الفصل الخامس 5 بقلم جنى أحمد
رواية حبي الوحيد الجزء الخامس
رواية حبي الوحيد البارت الخامس
رواية حبي الوحيد الحلقة الخامسة
هنادي: كل سنة وانتي طيبة يا ست هانم
نادية: ما بلاش ست هانم دي
هنادي: حاضر…وكل واحد عطا لنادية هديته
ندي بإبتسامة: ماما انا وبابا جبنالك هدية يارب تعجبك
نادية بفرحة: شكرا وفتحت هدية علي
علي: ايه رأيك
نادية بدهشة: الله جميلة والهدية كانت سلسلة دهب متوسطة الحجم وأنيقة وشكلها حلو…….وفتحت هدية ندي
نادية بدموع: حبيبتي جميلة اوي والهدية كانت برفيوم غالي جدا وريحته حلوة ودة البرفيوم المفضل لنادية
ندي: يارب تكون المفاجأة عجبتك
نادية: دي احلي مفاجأة بجد شكرا وربنا يخليكوا ليا….وعملوا العيد ميلاد واليوم عدا وكان حلو طبعا علي واخد إجازة اسبوع هو وندي واي حاجة تحصل بيتواصل علي التليفون والاجتماعات ماجلها لحد ما يروح المستشفي
تسريع الأحداث
……………….
بعد اسبوع
“في فيلا الاسيوطي”
ندي: بابا هنخلص فطار وهنروح المستشفي
علي: اه يا حبيبتي يلا افطري عشان نروح المستشفي
ندي: عندي كمية مقابلات وحالات
علي: اومال انا اقول ايه اي اجتماع اجلته ومقابلات وورق دة انا محتاج سنة عشان اخلص الشغل
ندي بضحك: الحمدلله دة انا في نعمة
نادية: طيب كملي فطار عشان متتأخريش
ندي: انا اصلا فطرت وكملت لـ علي: وانا هطلع اجيب شنطتي وانزل
علي: ماشي وانا كمان طالع اجيب تليفوني والمحفظة وانزل روحي انتي هاتي شنطتك وروحي اركبي العربية
ندي: حاضر يا بابا وقبلت راس مامتها وقالت: باي يا دودو
نادية بضحك: باي يا ندوش
وندي جابت شنطتها وركبت العربية وعلي نفس الكلام وراح ركب عربيته واتجه إلي المستشفي
_____________
“في فيلا الجرحي”
سليم: مراد اعمل حسابك انك هتروح جلسة الدكتورة انهاردة
مراد بضيق: حاضر يا بابا
سليم: ليل انا المرادي اللي هروح مع مراد انت خليك في الشركة
ليل: ماشي يا بابا
فريدة: انا مش هروح الجامعة انهاردة هتفرج علي محاضرات اونلاين وهذاكر لاني داخلة علي امتحانات واخلص المتراكم
ليل بضحك: فريدة مزنوقة
فريدة: انا هوريكوا مين هي فريدة لما تتخرج
ليل: ابقي ورينا ياختي……وكمل لـ سليم انا هروح الشركة يا بابا
سليم: ماشي يا ليل
سليم: يلا يا مراد
مراد بضيق: يلا
ثريا: ابقي كلموني وعرفوني ايه اللي حصل
سليم: ماشي يا حبيبتي يلا سلام …واتجهوا الي عربيتهم وركبوا العربية واتجهوا الي المستشفي
__________________
“في المستشفي”
مراد وسليم راحوا المستشفي ودخلوا
السكرتارية: دكتورة ندي استاذ مراد جه
ندي: دخليه يا روان(السكرتارية)
روان: اتفضل يا استاذ مراد…ومراد دخل وسليم في العربية
ندي: ازيك يا استاذ مراد
مراد بضيق: الحمدلله مبدئيا كدا مش عايز اسئلة كتير
ندي: وانا كمان مش عايزة عصبية وحاول تتحكم في اعصابك ..وبدأت الجلسة ندي كانت طول الجلسة مبتسمة وكان شكلها بريئ وجميلة ومراد ارتاح الي حد ما معاها كان مركز علي عينيها اللي السوداء وشعرها الطويل الاسود مثل سواد الليل وكانت طريقتها في الكلام حلوة وندي لاحظت أنه مركز معاها اوي وعينه متشالتش من عليها
ندي: استاذ مراد انت معايا…….مافيش رد
ندي: استاذ مراد انا بكلمك
مراد بشرود: ايه بتكلميني
ندي: بقالي ساعة بكلمك
مراد: اسف سرحت شوية
ندي بضحك: طب لو سمحت ركز معايا وبدأت تشرحله ازاي يتحكم في اعصابه
مراد في سره: يخربيت جمالك دي ولا في احلام عينيك السوداء اللامعة ولا شعرك الطويل الاسود زي سواد الليل ولا بشرتك البيضة ولا ابتسامتك الحلوة
عقله: بس يا مراد ايه اللي انت بتقوله دة بطل هبل
قلبه: ايه الهبل اللي في كدا
ندي بضيق: استاذ مراد انت بتفكر في ايه
مراد بسرعة وتلقائية: بفكر في جمالك
ندي بصدمة: افندم
مراد: قصدي جمال شرحك ارتحت مع شرحك
ندي: اه وكدا تكون جلستنا خلصت اهم حاجة التحكم في عصبيتك
مراد بزعل: ايه دة الجلسة خلصت بسرعة كدا
ندي بضحك: سبحان الله اللي يشوفك دلوقتي ميشوفكش اول مرة اتقابلنا فيها يلا هستناك الجلسة التانية
مراد: شكرا وطلع راح يركب عربيته
سليم في العربية: يارب ميكونش عمل مشكلة
مراد: ازيك يا بابا
سليم: ادخل يا مراد ايه اخبار الجلسة
مراد: جميلة اوي اوي
سليم بفرحة: يارب دايما واتجه للبيت
مراد طول الطريق بيفكر في ندي وضحكتها وشعرها الطويل وعينيها السوداء اللامعة وبشرتها البيضة وطريقة كلامها
مراد في سره: دي شكلها ملاك مش بني ادمة وكمل بندم: ايه اللي انا عملته اول جلسة دة
عقله: ايه يا مراد انت هتخيب ولا ايه ارجع لعقلك وبطل هبل
مراد في نفسه: انا مالي بيها جميلة مش جميلة مليش دعوه
سليم: يلا يا مراد انزل وصلنا
مراد: حاضر يلا…ودخلوا الفيلا
ثريا: ايه اخبار الجلسة
مراد بإبتسامة عريضة: جميلة
ثريا بخبث: هي ايه اللي جميلة
مراد لاحظ أنه شكله واقع: احم الجلسة جميلة
ثريا بضحك: طيب طيب هعمل نفسي مصدقة
مراد: طب ما دي الحقيقة الجلسة جميلة
ثريا: مش الجلسة بس اللي جميلة وحد تاني وغمزتله
مراد: مين الحد التاني
ثريا من علي الباب: قلبك هو اللي يدلك ونزلت
مراد: ايه يا مراد مش حتت بنت توقعك وبعدين انا مالي بيها هي لحالها وانا لحالي دي مجرد دكتورة ليك مش اكتر
__________________
“في الشركة”
ليل: خلاص فاضل تكة وناخد الصفقة
مازن: بقالنا اكتر من اسبوع بنخطط للصفقة دي
ليل بضحك: كله يهون عشان العزومة بتاعت الصفقة
مازن: ما هو دة اللي مصبرني
ليل: بقولك بعت ورق الصفقة لبابا
مازن: اه بعته وبعت كل الورق اللي محتاج توقيعه
ليل: العزومة عطيالك باور
مازن بتكبر مصطنع: يابني انا طول عمري مجتهد وعقبالك
ليل بضحكة عالي: انا دة انا مصنع الاجتهاد تعالي يابني هات اللابتوب اخلص الشغل عليه
مازن: خد……….علي فكرة هنروح كمان اسبوع شرم الشيخ عشان نستلم الصفقة
ليل: تمام هعرف بابا يلا نكمل الشغل
سليم خبط علي الباب وليل ومازن أذنه له بالدخول
سليم: ليل هنروح شر………
ليل بمقاطعة: شرم الشيخ كمان اسبوع
سليم بضحك: لا لا واخد بالك من الشغل
ليل: عيب عليك يلا لوسمحت سيبنا نخلص الشغل احنا رجال أعمال كبيرة
سليم بحماس: طيب عايزكوا علي نفس الوضع لحد معاد الصفقة عايز نفس الحماس دة يلااااااا
مازن: أن شاء الله
سليم: يلا سلام
____________________
“في المستشفي”
ندي: كدا خلصنا الجلسة يا استاذ خالد تقدر تتفضل
خالد: شكرا يا دكتور
ندي:عفوا
خالد: يلا سلام
ندي: سلام…..وخرج خالد
ندي بتعب: أزاااااااااااي توعبت وراحت علي مكتب باباها
علي: اتفضل
ندي: خلصت الحالات بس عندي تقارير قد كدا
علي : دة انا بكرا عندي اجتماعين
ندي بصدمة: ايه دة كل دة ورق وانا كمان عندي ورق كتير هجيب الورق ونيجي نشتغل مع بعض
علي: لااااا علي شغلك
ندي: عشان خاطري
علي بإبتسامة: قلت لا انتي هتفضلي تتكلمي ومش هنخلص شغل
ندي: متخافش مش هتكلم
علي: طيب هاتي الورق بس من غير كلام
ندي بضحك: قسما بالله احلي واحن اب
علي بضحك: طيب يلا بسرعة عشان مغيرش رأيي دقيقة وتكوني عندي
ندي بسرعة وضحك: تمام يا فندم
__________
“في فيلا الجرحي”
في غرفة مراد
مراد كان بيفكر في ندي
مراد في سره: معقولة تكون حبيتها
عقله: لا يا مراد مافيش حاجة كدا ممكن تكون شدتك عشان هي جميلة
قلبه: او ممكن تكون حبيتها عشان هي جميلة بردوا
عقله: مافيش حاجة من دي
قلبه: لا بتحبها والله
عقله: لا مستحيل هي لفتت نظري بس
قلبه: كل البدايات بتبقي كدا وفي الاخر بيحبوا بعض
عقله: او ممكن ميكملوش مع بعض
مراد: بسسسسس كفاااية انت وهو اسكتوا
ودخلت عليه فريدة بعد ما خبطت طبعا
فريدة: سامو عليكوا
مراد: اسمها السلام عليكم
فريدة: اسفة المهم عملت ايه في الجلسة
مراد بيحاول يغير تعبير وشه: اه كانت حلوة الي حد ما
فريدة: وندي
مراد: اجمل….. احم احم قصدي جلستها اجمل
فريدة: عيني في عينك كدا باين عليك أن واقع
مراد: لا لا ولا واقع ولا حاجة بس اول مرة الاقي دكتورة تستحملني
فريدة: قولها اي حاجة مش عارفة تترجمها تجيبهالي وانا اترجمها
مراد: حاضر الدكتورة مش هتعرف تترجم كلمة وفريدة انشتاين هي اللي هترجمها
فريدة: انتوا غيرانين مني عشان في كلية ألسن قسم انجليزي واشطر منكم في الانجليزي
مراد بضحك: اه غيرانين منك
فريدة: انا هروح اوضتي عشان اذاكر كلها كام يوم والامتحانات تبدأ
مراد بوجع: اه اه فـ فريدة
فريدة بصدمة: مراد
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حبي الوحيد)
