رواية حبي الوحيد الفصل الثالث عشر 13 بقلم ندى محمود
رواية حبي الوحيد البارت الثالث عشر
رواية حبي الوحيد الجزء الثالث عشر
رواية حبي الوحيد الحلقة الثالثة عشر
@ حبيبي .. باباك بقاله كذا شهريًا بعيد عن البيت .. ميصحش الكلام دا لازم تروح تتكلم معاه
& حاولت كذا مره بس مش بيرضي يفتحلي الباب حتي .. هو عايزني اختار بينكم
@ طيب خلاص مش مشكله طلقني وانا مش هكون زعلانه بس المهم علاقتك مع باباك متسوئش بسببي
كريم حضنها
& تعرفي انك عوضي بعد كل الوقت دا .. حقيقي مكنتش اتخيل ان عوضي يكون حلو كدا
@ انت كمان عوضي عن كل الي شفته طول السنين الي عدو .. بس انت مش هتشك فيا تاني صح
& ابدا .. مش هشك فيكي ابدا تاني
ملاك ابتسمت
@ هنسمي بنتنا ايه
& ايه دا الدكتوره قالتلك انها بنت!!
بزعل مصطنع @ مش عايز بنات ولا ايه
& لا طبعا عايز بنات بس تربيتهم صعبه
@ علي اساس الولد تربيته سهله
& يعني البنات عايزه دلع ومحايله و متلبيسيش دا و متخرجيش النهادره و كلام زي دا
@ هنربيها مع بعض وهتكون كل حاجه حلوه
& لا ان شاء الله يكون ولد بردو
@ ان شاء الله تكون بنت
بضحك & يعني بتضحكي عليا والدكتوره مقالتش حاجه ؟
@ يعني ازاي مثلا هيظهر جنس الجنين وانا لسا فالشهر التالت
& ايوا صح عندك حق
@ يلا قوم روح شغلك هتتأخر كدا
& خليني شوييه
@ هتتأخر بقولك
& صحيح مش ليل كلمتني امبارح
ظهر الضيق والغضب علي وش ملاك
@ كلمتك ليه ان شاء الله !!
واتجهت ناحيه الدولاب وبدأت تلم هدومها
@ انا بقا هريحك مني وهمشي و ابقا اتكلم مع ليل براحتك و اه ورقه طلاقي توصلني ف اسرع وقت
كريم كان ميت علي نفسه من الضحك
@ بتضحك علي ايه !!
& اصل ليل قالتلي لما مراتك تمشي من البيت هجيلك نتكلم شويه ف انا بضحك من فرحتي انها جايه البيت
@ يا سلام !! عادي اصلا اتكلمو براحتكم انا مالي
كريم راح ناحيه ملاك وحضنها
& بهزر معاكي يبنتي هو انا عيني شايفه غيرك اصلا ؟! وبعدين هي بس كلمتني قالتلي انها كسبت قضيه الخلع وكدا
@ وليه بتقولك يعني ؟!
& مش عارف
@ وانت رديت قولتلها ايه
& قولتلها الف مبروك .. هقولها ايه مثلا
@ طب انا زعلانه علي فكره
وبعدت عنه
& ليييه عملت ايه انا
@ عشان رديت عليها و احنا متفقين انك مش هتكلمها كلمه واحده قبل متقولي
بضحك & يعني عايزاني اقولها استني استأذن مراتي و بعدها هرد عليكي ؟😂😂
ملاك ضربته علي دراعه
@ كمان بتتريق عليا !! طب ماشيي براحتك
بضحك & يارب متطلع الي فبطنك بنت يارب
@ ليه ان شاء الله
بضحك & عشان متطلعش نكديه زيك
وجري بسرعه برا الاوضه
& والله لاوريك يا كريم استناني بس
كريم خرج من البيت و راح للفندق الي باباه موجود فيه
& يا بابا افتح بقا الباب انا عارف انك جوا .. والله ملاك مش زي م انت فاكر .. هي محدش لمسها غيري و ليل كانت عايزه بس تبوظ حياتنا … يعني انت عارفني كويس هل عارف اني ممكن اقبل علي نفسي اعيش مع واحده كدا !!
الاب فتح الباب
كريم حضنه
& اوعدك لو شفت حاجه وحشه منها هطلقها والله بس اديها فرصه .. هي يتيمه و خالتها رمتها فالملهي بعد وفاه مامتها وباباها و هي حاولت تهرب كذا مره .. هي ظروفها كدا هي مختارتهاش
~ اتأكدت انها حامل منك ؟!
& لما تولد هعمل تحليل DNA بس عشان حضرتك تتأكد لكن انا واثق فيها
~ تمام .. لو شفت اي حاجه وحشه منها هتطلقها صح
& اه والله هو انا ليا اغلي منك
~ بتحاول تثبتني زي كل مره ؟!
كريم ضحك
& ايوه مظبوط كدا
الاب رضي يروح لبيته .. هو قرر يدي لملاك فرصه وفنفس الوقت كانت اول مره يشوف ابنه فرحان كدا .. بقاله كذا سنه مشافش وقت حلو ولا فرح ف قرر انه هيضغط علي نفسه و يروح البيت معاه و يديها فرصه
كريم فتح باب البيت
& ملااك حزري فزري مين جاي معايا البيت
اول لما ملاك شافت بشير جريت عليه حضنته
@ حمدلله علي سلامتك يا عمي .. والله البيت من غيرك كام مضلم
~ قلت اديكي فرصه
@ مش هتندم والله ابدا يا عمي انك ادتني فرصه بالمناسبه الغدا جاهز
قعدو عالسفره ياكلو
~ الاكل تحفه كالعاده
@ لا بس فيه حاجه مختلفه المره دي
~ ايه هي
@ دي اول مره ناكل فيها مع بعض و كريم يكون مش بيعترض علي اكلي 😂😂
~ ايوه صحيح 😂
& مقولتلك اني كنت بكدب وقتهااا هتفضلي تفكريني بالموقف دا لغايه امتي 😂
@ دا انا هحكيه لاولادنا كلهم و احفادنا كماان
& ايه دا احنا هنجيب اكتر من طفل ؟!
@ اه هجيبلك حفله عيال 😂
& خلاص ربيهم مع نفسك بقاا
~ انا هربيهم معاها .. انا بحب يكون عندي احفاد كتير
& طب خلاص ربوهم انتو بقا انا براءه
وقتها الباب خبط
كريم فتح الباب وكانت ليل
ب ابتسامه – جبتلك طبق محشي .. اكيد بتقرف من مراتك وكدا
كريم اخد منها الطبق و حطه جمب الباب
& خليه للقطط ياكلوه .. وبكدا تاخدي ثواب
وقفل الباب
@ مين كان عالباب
& ديلفري جاي لعنوان غلط
عدت الايام و الشهور و العيله سعيده ومش ناقصها حاجه .. الاب مبسوط جدا من ملاك و بقا يحبها زي بنته و مش شاكك فيها اما كريم فكان حرفيا بقا بيعشق ملاك و مستني الطفل بفارغ الصبر .. هما مرضيوش يعرفو جنس الجنين غير لما يتولد عشان تكون مفاجأه ليهم
*يوم الولاده*
ملاك كانت بتصحي كريم جامد
@ يا كريم قووم انا شكلي بولد
وبتصرخ من الالم
كريم قام مخضوض
& طب استني بس اهدي خاالص خدي شهيق و زفير انا هطلب الاسعاف دلوقتي وتعالي اساعدك تلبسي
@ البس يا كريم !! بقولك بموت ومش قادره احرك صباعي
& طب خلاص خلاص البسي الروب وخلاص
سندها لغايه لما نزلو تحت و وصلو لباب البيت و وقتها الاسعاف كانت وصلت
ركبت فالاسعاف وهو ركب معاها وماسك ايدها وبيهديها وهي بتعيط
@ انا حاسه اني بموت يا كريم ..
& بعد الشر متقوليش كدا ان شاء الله هتقومي بالسلامه وانا معاكي اهو
وصلو المستشفي وهي كانت ماسكه ايد كريم ومش راضيه تسيبها
@ ادخل معايا ارجوك
بس الدكتور قال مينفعش
و اخدوها لاوضه العمليات و كريم وباباه مستنيين و هما قلقانين جداا
بعدها بساعتين الممرضه خرجت ليهم وهي ماسكه طفله
£ مبروووك مراتك جابتلك بنت زي القمر شبهها بالظبط
كريم مسك الطفله وهو حذر جدا و فرحان جدا
& شايف يا بابا ازاي حلوه و لطيفه .. شايف صوابعها ازاي صغيرين اوي .. انا و ملاك هنربيها سوا .. هساعدها فكل حاجه تخصها و مش هسيبها وحدها .. هنغيرلها مع بعض و نلبسها مع بعض و لما تمشي اول خطواتها هكون انا ماسك ايدها و لما تتكلم هنتخانق هتقول اسم مين الاول و لما تروح المدرسه هنروح معاها اول يوم و هنكون معاها ف اي وقت
قطع كلامه صوت الدكتور
¥ حمدلله علي سلامه الطفله
& الله يسلمك .. هي ملاك هتخرج امتي
¥ هو فيه حاجه الحقيقه .. مراتك تعيش انت
الاب بسرعه اخد الطفله من ايد كريم الي كان حاسس انه فحلم .. ومش مصدق الي سمعه
& تعيش انت ازاي ؟! ملاك فين !!!
زق الدكتور و دخل اوضه العمليات .. كانو مغطيين وشها
جري ناحيتها ومسك ايدها كانت ساقعه
بعياط & ليه ايدك ساقعه كدا يا ملاك .. استني بس لحظه انا هدفيكي ب ايدي متقلقيش هتدفي دلوقتي
و شال الغطا من علي وشها
بزعيق وعياط فنفس الوقت & انتو ليه مغطيين وشها كدا نفسها هيتكتم !! قومي يا ملاك قومي تعالي شوفي بنتنا .. تعالي شوفيها اد ايه هي شبهك .. انا خلاص والله مش معترض انها بنت ابدا بس ارجوكي قومي عشان نربيها مع بعض .. انا مش هقدر اربيها وحدي ومن غيرك يا ملاك .. مش هقدر اعيش من غيرك قومي بقا متسبنيش هزعل منك والله
الاب كان بيهديه و يطبطب عليه
كريم قام من مكانه فجأه وبدأ يضرب نفسه اقلام
بعياط & انا اكيد فحلم وهصحي منه دلوقتي اكيد فحلم
الممرضين ادوله حقنه مهدأه ونام
بشير انهار بس كان لازم يبقا قوي عشان يواسي ابنه .. كان قاعد عالكرسي الي جمب سرير كريم ومستنيه يفوق
*لما كريم فاق *
& بابا فين ملاك انا عايز اشوفها دلوقتي حالا
بحزن ~ يبني انت مكنتش فحلم ..
بعياط & لا يا بابا انتو كلكم كدابين اكيد هي عايشه وقالتلكم تعملو المقلب دا فيا اكيد دا مش صح لا
قام و بدأ يدور عليها فالمستشفي زي المجنون
ساعات طويله وهو بيدور عليها ف كل اوضه فالمستشفي و بيعيط و ينادي عليها لغايه لما اتقبل الوضع شويه
الاب اخده و روحو بيتهم
طلع اوضته و مسك صورها
بعياط & انتي سبتيني ليه وانتي عارفه اني مليش غيرك .. انا كنت عايزك انتي بس مكنتش حتي عايز اي اطفال والله كنت عايزك انتي بس هتسيبي بنتنا تتربي يتيمه زيك و زيي .. هقدر اعوضها حنان الام ازاي و هربيها لوحدي ازااي
راح ناحيه الدولاب ومسك هدومها
بعياط & حتي ريحتك لسا موجوده فالهدوم ..
شاف قدامه ورقه كدا مستخبيه
اخدها و بدأ يقرأها
‘ بما انك بتقرأ الورقه دي ف اكيد انا مش موجوده فالدنيا انا حطيت الورقه دي قبل لما نروح المستشفي قبل م اصحيك و اقولك اني بولد .. في حاله اني ولدت بالسلامه بمجرد منوصل بيتنا همسك الورقه اقطعها بس فحاله اني مقومتش بالسلامه ف انت اكيد بتقرأها دلوقتي .. كريم انت كنت فعلا منقذي .. كنت سندي و اخويا وحبيبي وكل حاجه ليا فالدنيا .. انا حبيتك اوي و كان نفسي نعيش كتير مع بعض .. كان نفسي نجيب عيال كتيير و اشوف احفادنا .. كان نفسي نربي بنتنا مع بعض .. انا حاسه انها هتكون بنت ف لو كلامي طلع صح وكانت بنت ف ارجوك ربيها كويس و خليك حنين معاها و دلعها و خليك جمبها دايما .. عوضها عن الحنان الي انا وانت مشوفناهوش واحنا صغيرين .. و اتجوز يا كريم .. اتجوز واحده بس ارجوك تكون كويسه و تعامل بنتي كأنها بنتها ومتضربهاش ولا تقسي عليها .. انا بكتبلك رسالتي دي وانا بعيط لاني لو انت دلوقتي بتقرأها فمعني كدا ان مش هقدر اربي بنتي كويس .. مش هقدر اشوفها كل يوم وهي بتكبر قدامي و لا هي بتتعلم المشي ولا وهي بتقول ماما .. تعرف اني كنت مستنيه بفارغ الصبر اسمع كلمه ماما ؟ بس خلاص كفايه عواطف انا بوصيك انك تهتم بيها كويس و تكون اب حنون و اوعي تكرهها لاني موت وانا بولدها .. انا بحبك اوي ‘
انهار بعد لما قرأ الرساله دي و كسر كل حاجه فالاوضه
فضل قاعد لوحده مش بيكلم حد لمده اسبوع .. مش عايز يشوف بنته ولا عايز يكلم حد
~ قوم يبني حرام عليك الي بتعمله دا .. قوم شوف بنتك ازاي شبه ملاك اوي
& بس بقا متقولش بنتك !! انا ليه حظي وحش اوي كدا .. ليه مش مكتوبلي افرح زي الناس ولا اعيش حياه سعيده .. ليه كدا ليه
~ حرام يبني الي بتقوله دا ربنا مش بيظلم حد .. قوم بس استهدي بالله وتعالا شوف بنتك انت مشفتهاش غير مره بس من سعت متولدت طب قولي حتي هتسميها ايه
& مش هتزفت اشوفها ولا هتزفت اسميها
~ دي اخر حاجه باقيالك من ملاك .. دي حته منها عايز تتخلي عنها ازاي
بعياط & بس انا مكنتش عايز حته منها انا كنت عايز ملاك ذات نفسها خد البنت رجعها وهاتلي ملاك
الاب نزل وسابه وهو زعلان علي حاله ..
*اليوم الي بعدو *
قام من مكانه ولبس عشان يزور قبر ملاك عشان محضرش جنازتها ..
نزل تحت و كان باباه نايم عالكنبه و الطفله بتعيط
& يا بابا البنت بتعيط اعملها ايه
هز باباه عشان يصحي بس مفيش استجابه وكان جسمه بارد
هزه مره واتنين وتلاته وعشره بس مفيش استجابه
& بابا لا انت اكيد بتهزر
شاف نبضه بس مكنش فيه نبض
بعياط & لا يا بابا حتي انت كمان هتسبني لا متعملش معايا كدا انا محتاجلك قوم ارجوك متسبنيش وحدي بقا حرام عليكم ليه بتعملو كدا
بدأ يشوف اجراءات دفن باباه وعيونه زبلت من كتر الدموع .. شايل كفن باباه .. الانسان الي وقف جمبه و الانسان الوحيد الي كان متبقي ليه ..
خلص الدفن و روح عالبيت وهو مصدوم ومنهار
كانت الطفله بتعيط جامد ( هو سابها فالبيت وحدها وقت اجراءات الجنازه و الجنازه )
شالها و بيهز فيها عشان تسكت
& اسكتي بقا حرام عليكي انا مش ناقص عياطك انتي كمان
بص لملامحها وبرائتها و افتكر اول مره شاف فيها ملاك .. شبهها بالظبط تكاد تكون مش واخده اي حاجه منه و كل حاجه فيها شبه ملاك
& انتي بقيتي شبهها عشان تفكريني بيها دايما صح بس اي ذنبك مش انتي الي اختارتي شكلك ولا انتي الي اختارتي قدرك دا .. مش كفايه هتعيشي يتيمه الام لا كمان هعيشك حياه قاسيه .. انا من النهادره هكون سندك و هربيكي كويس وهكون احن واحد عليكي فالدنيا وهسميكي ملاك ..
وفعلا زي لما قال اخد اجازه طويله من شغله و بدأ يهتم بيها .. بيديها كل يوم الرضعه و يغنيلها لغايه لما تنام و يتكلم معاها .. عدت شهوور من العذاب وهو كل يوم بيضغط علي نفسه وبيتعلم حاجات جديده عشان بنته .. اتعلم الطبخ و اتعلم ازاي ينشر الغسيل و ازاي يعملها الرضعه و ازاي يغنيلها و ازاي ينيمها
لغايه لما بدأت تكبر شويه و تتكلم كانت اول كلمه نطقتها هي ماما
كريم وقتها انفجر فالعياط اول لما قالت كلمه ماما
ومسك صوره ملاك
& اول كلمه قالتها هي ماما يا ملاك رغم انها مشافتكيش .. فعلا وجود الام عمره ميتعوض ابدا بس انا مش هقدر اتجوز .. انا مش عايز حد غيرك فحياتي حتي لو هعيش علي ذكراكي .. انا هبذل جهدي اكتر واكتر عشان احاول اعوضها عن عدم وجودك و هربيها وحدي .. فاكره لما قلتلك ان تربيه البنت مسئوليه و انتي قولتيلي اننا هنربيها مع بعض ؟ انا بقا زعلان منك عشان كدبتي عليا .. كنتي المفروض تقوليلي انك حاسه انك مش هتقومي بالسلامه عشان كنت املي عيني منك علي قد مقدر
وبعدها بشهور بدأت تمشي و كريم كان معايا خطوه بخطوه بيمسك ايدها وهي بتمشي و بيلبسها و يغيرلها الحفاضه وكل حاجه وكانت ملاك بتحبه جداا وكل متشوفه بتبتسمله و تجري عليه تحضنه
*اول يوم حضانه *
ملاك كانت متضايقه جامد
= بابا اشمعنا كل البنات والولاد معاهم مامتهم وانا لا كلهم مامتهم جايه توديهم اول يوم الحضانه وانا لا
& يا حبيبتي هنروح نزورها بعد الحضانه بس تسمعي كلامي و تكوني شطوره وانا اصلا وعدتك اني هكون معاكي طول اليوم
= يعني هتدخل معايا بجد ؟
& اه وانا اهو بأكدلك ان مفيش ولا ام من دول هتفضل مع بنتها او ابنها طول اليوم
= بس يا بابا انا بردو كنت عايزه ماما .. ليه احنا دايما بنزورها وهي مش بتزورنا
& منا قولتلك يحبيبتي ادعي كل يوم قبل متنامي تجيلك فحلمك
= بس انا بدعي كل يوم وهي عمرها م جت
& هتيجي فيوم من الايام ادعي انتي بس كتير
= حاضر
دخل معاها الحضانه وكان معاها طول اليوم وهي مبسوطه وماسكه ايده وبتتفاخر قدام العيال التانيه ان باباها مسابهاش و قعد معاها طول اليوم
كريم راح يعمل مكالمه ضروريه تبع الشغل
= شفتو ازاي بابا مسابنيش طول اليوم لوحدي ابدا
€ عادي انا ماما قالتلي انها مش هتقعد معايا فالحضانه عشان هتحضرلي اكل حلو فالبيت
= بابا بيعمل اكل حلو بردو
€ اكل الامهات مفيش حد بيعمل زيه
= عادي بابا بيعرف يعمل كل حاجه
€ شعرك اصلا متبهدل وباباكي مش عارف يسرحه
= لا انا عاجبني
€ بصي ماما عملالي ضفيره حلوه ازاي
ملاك جريت ناحيه كريم وحضنته وهي بتعيط
= بابا .. البنت الي هناك بتقول انك مش بتعرف تعمل ضفاير زي مامتها
& لا بعرف مين قالك اني مش بعرف
بفرحه = بجد بتعرف ؟
& اه حتي استني كدا بكرا وانتي رايحه الحضانه هعملك ضفيره احلي من بتاعتها
ملاك حضنته وهي فرحانه
واليوم عدي علي خير و اخد ملاك للقبر تزور مامتها
= عارفه يا ماما .. بابا دايما بيعملي كل حاجه بتفرحني ومش بينشغل عني ابدا .. شكرا يا ماما انك اخترتي بابا
و راحو البيت بعدها
ملاك نامت و كريم بيحضرلها الغدا و فنفس الوقت بيشوف فيديوهات عشان يعرف يعملها الضفيره
& ياه دي طلعت صعبه ومعقده وانا الي كنت فاكرها سهله بس مش مشكله هتعلمها
اتغدو و بعدها بدأ يذاكرلها ويعلمها الحروف و يلعب معاها
لغايه لما جه وقت النوم
ملاك نامت وهو اتطمن عليها و خرج لشغله
وهو فالشغل كان بيشوف فيديوهات الضفاير عشان يعرف يعملها الصبح باحترافيه و بعدها روح بيته الصبح ( هو كان بيشتغل كل يوم بعد لما ملاك تنام وبيرجع الصبح)
حضرلها الفطار والسندوتشات وكوي اللبس وحضر شنطتها و صحاها
& يلا يا ملاك قومي شوفي حضرتلك اي عالفطار
ملاك قامت بسرعه
= حضرتلي ايه
& حضرتلك السمبوسه الي شفتيها عالتلفزيون وعجبتك
ملاك نطت من عالسرير جري عالمطبخ
بضحك & براحه طيب احسن توقعي
نزل تحت و كانت بتاكل
& سيبيلي شويه ها متاكليش كله😂
بعد الاكل عملها الضفيره وكانت حلوه جدا
= الله يا بابا دي حلوه اوي احلي من ضفيره البنت
& شفتي ازاي باباكي سوبر مان
ملاك باسته علي خده
= انا بحبك اوي يا بابي
كريم اخدها بعد كدا للحضانه
& ادخل معاكي النهارده ولا انتي شطوره وهتروحي وحدك ؟
= لا انا شطوره يا بابي متقلقش
ودخلت الحضانه اما هو ف راح ينام لغايه موعد خروجها من الحضانه
راح وقت خروجهم من الحضانه عشان ياخدها
اول لما شافته جريت عليه
= بابي وحشتني اوي
& وانتي كمان .. ها عملتي اي النهارده
= اتعرفت علي بنت حلوه و طيبه وبقينا اصحاب
& بجد ؟! طب حلو اوي يلا نروح البيت عشان هعملك غدا محصلش
= بجد.!
& ايوه
وعدت الايام و الشهور والسنين و كريم بيهتم بملاك جدا و كل اصحابها بيحسدوها عليه وعلي الاهتمام والدلع الي هي فيه و صحبتها الي اتعرفت عليها فالحضانه متفرقتش عنها من يوم لما اتعرفو و طبعا كريم كان بيتفق مع ابو البنت دي و كانو بيدخلوهم نفس المدرسه ف ابتدائي واعدادي وثانوي و حتي نفس الفصل
*ف ٢ ثانوي *
كريم كان رايح يتطمن علي ملاك قبل مينام بس سمعها بتتكلم فالموبايل
= هنتقابل بكرا ؟ بس انا لازم اقول لبابا وهو اكيد مش هيوافق
دخل كريم عليها وهي قفلت المكالمه
بهدوء & ملاك مش احنا بنحكي كل حاجه لبعض ؟
بتوتر = اه يا بابا
& طيب احكيلي مين الي كنتي بتكلميه
= بص يا بابا هو ولد كويس اوي والله يا بابا و بيحبني
& فسنه كام هو
= ف ٤ جامعه
& مش شايفه انه كبير عليكي شويه ؟
= يا بابا مش بالسن
& طيب ينفع متتكلميش معاه تاني ولما تكبري لو عايزك هيجي يتقدملك ؟
بزعل = بس انا بحبه يا بابا
& هو لو بيحبك هيجي يتقدملك لما تكبري انما دلوقتي انتي صغيره
= يعني انت هتوافق عليه لو جه اتقدملي لما اكبر ؟
& ايوه لو انسان مناسب ليه لء
ملاك حضنته
= طب خلاص يا بابا انا هقوله زي م انت قلتلي وهعمله بلوك ومش هكلمه تاني خاالص
& ايوا كدا هي دي بنتي الحلوه
*ف ٣ ثانوي *
= يا بابا انا قلقانه اوي من النتيجه
& يحبيبتي الي يجيبه ربنا كويس انتي عملتي الي عليكي
= بس انا نفسي اوي ادخل اسنان
& ان شاء الله هتدخليها
= اهو يا بابا الموقع فتح
كانت جايبه ٩٥ فالميه
ملاك انهارت من العياط
كريم حضنها
& يا بنتي متعيطيش انتي عملتي الي عليكي وبعدين ليه زعلانه نتيجتك حلوه اوي علي فكره
بعياط = يا بابا انت بتهزر صح حلوه اي يا بابا انا كان نفسي ف اسنان من زمان
& من بكرا هقدملك فكل الجامعات الخاصه و هتتقبلي
بعياط = بس دول غاليين اوي يبابا
& مفيش حاجه تغلي عليكي انا هشتغل اكتر و هعرف ادفعلك المصاريف متشيليش هم حاجه
ملاك حضنته
= بجد شكرا يا احلي اب فالدنيا مش عارفه من غيرك كنت هعمل ايه
وبالفعل قدملها و اتقبلت فجامعه قريبه منهم وملاك فرحت جداا جدا وكانت مركزه فدراستها و بتجيب تقدير حلو كل ترم
*ف ٣ جامعه*
& الو مين معايا
~ لو سمحت يا عمي انا عايز اخد منك معاد عشان اتقدم لملاك بنت حضرتك
& ماشي هستناكم بكرا ..
قفل المكالمه وهو زعلان جدا جدا .. كان نفسه ميجيش اليوم الي واحد تاني هياخد بنته منه .. كان نفسه تفضل معاه دايما بس هي خلاص هتسيبه وحده عاجلا او اجلا
& يا ملاك فيه عريس جاي بكرا
= بابا انت زعلان صح
& لا هزعل ليه
= يا بابا انت تقدر تخدع كله الا بنتك .. انا حافظاك كويس وعارفه انك زعلان بس متقلقش والله عمري مهسيبك وحدك ابداا انا هشرط علي الي هتحوزه اننا نعيش هنا معاك
& يعني مش هتسبيني وحدي ؟
= ابدا ابدا
كريم حضنها
*اليوم الي بعدو*
اتفاجئ اول لما فتح الباب
كانت ليل و ابنها و بنتها
& ليل !!
~ ايه دا يا ماما انتي تعرفي ابو ملاك !!
& اتفضلو ..
دخلو الصالون و هو دخل لبنته فالاوضه
= هو دا يا بابا الي كنت بكلمه وانا ف ٢ ثانوي و اهو طلع بيحبني فعلا واستناني و جه يتقدملي لما كون نفسه كويس
& بتحبيه ؟
= اوي يا بابا
& مش هينفع تتجوزيه
( ملاك بتحب ابن ليل )
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حبي الوحيد)
