رواية حبي الفاخر الفصل الرابع عشر 14 بقلم أسماء عبدالموجود
رواية حبي الفاخر البارت الرابع عشر
رواية حبي الفاخر الجزء الرابع عشر
رواية حبي الفاخر الحلقة الرابعة عشر
في المساء بعد صلاه العشاء وبالتحديد امام قصر عائله ,الهواري, كانت الناس بعضهم اكل وخرج الى المدح والبعض ياكل بالداخل القصر كانت النساء بداخل القصر يغنون ويزغرطون ويرقصون كانت النساء تملا القصر هبط ,علي, الذي كان يرتدي جلباب صعيديه باللون الابيض ووشاح على كتفه باللون الاسود وبقدمه جزمه سوداء هبط وخلفه ”عمر”الذي كان يرتدي جلباب سوريا باللون الابيض اقترب ,علي, من والدته وقبل راسها قائلا: اعيش واشوف الفرحه في عيونك
ابتسمت الام قائله: مبروك يا حبيبي
اقتربت فاطمه من ابنها عمر قائله: عقبالك يا روحي
ابتسم عمر وقبل يد ولدته قائلا: ان شاء الله يا ست الكل ،،خرج عمر وعلي ووقف بجانب ابويهم في المدح وبداوا يستقبلون الناس دقائق وبدا المدح …
اما عند مليكه فكانت ترتدي جلباب بيضاء خليجيه ومطرزه من الاعلى وكانت وضعت بعض الميك اب الذي ازدادها جمالا كانت تجلس وسط النساء التي توضع لها الحنه على يدها وكان بالخارج الرجال يرقصون والبعض يجلس على طاوله صغيره كانت ,ميرا, تتحدث على الهاتف بغضب وهي بداخل غرفه مليكه
ميرا: خالد بلاش حركات الجنان دي
رد خالد قائلا باصرار: بحبها ومش ممكن اسيب حد ياخدها مني
أجابت ميرا بنبره هدوء قائله: خالد ارجوك ارجع على دمياط ان كنت جاي
خالد: ميرا كلمتي واحده ومش هسيب حد ياخدها مني
أجابت ميرا بنبره غضب وصوت مرتفع قائله: انت كده بتهد كل اللي بنعمله انا ومليكه هي خلاص بقت مرات علي افهم ولا حابب اقول للعميد محمد المليجي
اوقفا خالد السياره ولم يجيبها اكملت ميرا قائله: خالد مليكه قالت لك من زمان هي ما عندهاش مكان للحب
تنهد خالد باستسلام قائلا: خلاص انا هرجع سلام..
وقبل ان تنطق ميرا بكلمه قطع الاتصال تنهدت ميرا بارتياح ونظرت امامها في المراه وبدات بتعديل ملابسها الذي كانت ترتديها كانت ترتدي (فستانا احمر ساده وكندره باللون الابيض) ولم تضع الا احمر الشفاء هبطت وذهبت الى حيث تجلس ,مليكه, وجلست بجوارها نظرت لها مليكه قائله: مال شكلك كده
ميرا: ما فيش
مليكه بصرامه وجديه: ميرا ما تقوليش انه اتصل بيكي
نظرت لها ميرا باستغراب قائله: عرفتي ازاي
مليكه: اتصل بيا وانا في البيوت سنتر وقال نفس الكلام بتاع كل مره وانه كان مسافر غير كده كان منعني اتجوز
ميرا: انا حذرته ما يجيش
وقفت مليكه قائلة: انا رايحة اغسل ايدي حطي انت حنه
جلست ميرا مكانها وطلبت من الراسمه ان تضع لها بعض الرسومات من الحنه
بعد ان غسلت يدها جيدا ذهبت الى الشرفه تنظر الى اخيها الذي كان يرقص بالعصا مع اصدقائه ابتسمت قائله: كنت بتمنى انه اكون زي اي بنت بتتجوز ،، ثم نظرت الى السماء واكملت: شكله مش مكتوب لي افرح زي باقي البنات
اخذت نفسا عميقا واكملت قائله: لسه ما بداناش في الجد اديني الصبر يا رب
———————————————————-
“علي”
قمت على الساعه 11:00 الصبح على صوت المنبه اخدت شاور ولبست بيجامه ونزلت لقيت دوشه والستات داخله وخارجه بالاكل دخلت المطبخ لقيت ماما واقفه بتامر الستات بالشغل هي وماما فاطمه ناديت على امي
ماما: خير يا ابني عايز حاجه
-: ابدا فنجان قهوه بس عشان افوق
ماما: طيب روح صحي عمر وهتوصل لك فنجان القهوه
طلعت جناح ‘عمر’ اللي لقيته نايم خطرت لي فكره وقربت من ,عمر, على السرير وحطيت ايدي على وشه وكنت بلمسه برقه وغيرت نبره صوتي وقلت : قوم يا حبيبي قوم يا عمور
حس عمر بايدي اللي بتحوم حول وشه مسكها وبسها وقال بنعس: سيبيني نايم شويه
قلت بنفس نبره الصوت: قوم عشان تفطر يا عموري
عمر: يا قلب عموري من جوه
،، فتح عينه وبص عليا كنت بضحك على منظره بعد ايدي وقام بفزع وقال: تاني يا علي المقالب دي
دخلت في نوبه ضحك وقلت : تستاهل يا نجس
مسح عمر بقه وقال بغضب: عشان كده في دمياط ما كنتش عايز اعيش معاك ،،
وقبل ما اتكلم دخلت تالا وهي ماسكه صينيه اكل وقفت قدام السرير وقالت: اتفضل يا عموري الاكل ده والقهوه،،
بص لي عمر باستغراب اخدت منها الصينيه وقلت: دي ليا انا بعتها ماما صح
تالا: اه طنط جليله قالت للخدامه تطلعها غرفه عمر بس اخدت انا علشان تكمل شغل مع طنط
عمر: طيب يا تالا شكرا اتفضلي انتي واحنا هناكل وننزل
تالا: دي اقل حاجه اعملها عشانك يا عموري باي،،
خرجت من الغرفه خد عمر نفسه بارتياح وقال: مالها دي
-: والله كنت هسالك نفس السؤال بتتكلم بطريقه غريبه ليه
عمر: انا اعرف ولا مشيتها زي الكلبه العرجه
خدت قطعه من الكعكه وقلت: اتلم وفكك منها ،،
قرب عمر من الصينيه وخد قطعه من الكعكه واكل منها وبدانا ناكل باقي الاكل اللي كان عباره عن ,بطاطس وعسل وجبنه, وبعد انتهاء من الاكل خدت القهوه وبدات اشرب فيها وقلت: هشرب القهوه واقوم البس ،،
ساب عمر الاكل وقال: صحيح هتلبس البدله ولا الجلابيه
-: هلبس البدله الاول وبعدين لما اجيب مليكه هلبس الجلابيه
سرح عمر للحظات وقطعت شرود وقلت: فكرت في الوصيه
عمر: كل ثانيه بفكر في الموضوع ده
بص لي وكمل وقال: للدرجه دي بيتدخل في حياته وياخد قرارات للدرجه دي ماليش راي
-: ما تقولش كده دي وصيه ولازم تتنفذ وبعدين اهدى بس كده .. اي قرار تاخده انت حر فيه وانا هدعمك انت مش مجبر على تنفيذ الوصيه
وقف عمر وقال: مش وقت الكلام ده انا هاخد شاور واجهز
خد عمر من الدولاب هدوم ودخل الحمام ،،
اما انا اخدت الصينيه ونزلتها وطلعت مره تانيه لجناحي وبدات البس في البدله
——————————————————————–
“مليكه”
مر الوقت وانتهت الميك اب ارتست من عمل الميك اب بعد ما لبست الفستان الابيض رفضت احط لينسزز والميك اب {نود}
اعجبت الميكاب ارتست بشكلي جدا و بالفستان فيه وقالت: والله اول مره واحده تطلع بالجمال ده رغم انك رفضتي تحطي لانسزز والميك اب خفيف مش تقيل
ابتسمت وقلت: شكرا لذوقك،،
حطت الطرحه والتاج على شعري الميك اب ارتست وبعد ماخلصت وقفت قدام المرايه وبصيت لنفسي وقلت: يا رب عدي اليوم ده على خير
جت ميرا ووقفت ورايا حطت ايدها على كتف وقالت: الجمال دا .. كله هيعدي
لفيت ليها وبصتلها وقلت: يارب يا ميرا وبعدين ايه الجمال ده
فستان ميرا {باللون الاسود طويل ولامع جدا وميك اب الشينيون}
فستاني {ابيض ممزوج بالسكري ومن النصف اللي فوق به لؤلؤ والنصف السفلي مطرز من جميع انحاء وله تاج و طرحة طويلة شفافة}
طلب مننا الفوتوغرافر نخرج قبل ما يدخل علي وقفت في صاله البيوت سنتر وعملت زي ما طلب الفوتوغرافر وضهري للباب دخل ‘علي’ بعد دقائق وطلب منه الفوتوغرافر يحاول يشوف وشي وكل ما يلف يشوفني الف وشي لناحيه التانيه بعد دقائق لفيت وشي وشافني ابتسم علي وقال: ما شاء الله تبارك الرحمن ،،
قرب مني وبس راسي وقال: الف مبروك عليا يا احلى عروسه
ابتسمت وقلت: الله يبارك فيك
بعد التصوير ما انتهى وركبنا عربيه مرسيدس باللون الابيض مزينه ببعض الورود و كان في عربيات تانيه كتير وميكروباصات وناس كنير اشتغل المزمار فتح لي ‘علي’ باب العربيه وركبت ,ميرا, قدام جنب ,عمر, اللي كان السواق شغل العربيه ومشينا وكانت ورانا العربيات وفرقه المزمار والطبل في عربيه لوحدهم وشباب في عربيه ومولعين شماريخ علت ,ميرا, كاسيت العربية وغيرت الاغنيه على اغنيه شعبيه
————————————————–
“عمر”
لبست بدلتي «الرماديه من نوع كلاسيك وجزمه *لوفر* » مشطت شعري تسريحة ‘بومبادور’ رشيت البرفان وخرجت دخلت ,علي, لقيته واقف قدام المرايه وواضح انه سرحان خبطت على كتفه وقلت :يا عريس جاهز
ابتسم بحزن وقال: زي النهارده كان فرحي على نور حاسس كانه الاحداث هتتكرر تاني
حضنته وقلت: ما تقلقش ان شاء الله خير
نزلنا وبدات الزغاريط وكان القصر مليان ناس خرج محمود الناس بره عشان تركب العربيات قربت ,ماما جليله, من ‘علي’ وقالت: يحميك من العين يا ولدي
مسك علي ايدها وباسها وقال: يخليكي ليا يا ست الكل
-: ايه القمر ده يا ماما جليل العبايه تاكل منك حته
ماما جليله: بس يا بكاش
ماما: الف مبروك يا علي
علي: الله يبارك فيكي يا ماما فاطمه ،،
وقفت جنب ماما وقلت: القمر مرتبط
ماما: امم وعندي عريس على وش الجواز
-: اقول لك ايه سيبي جوزك وخديني ،،
ضربتني على كتفي بخفه وقالت: اتلم احسن يدخل ابوك
ضحك علي وماما جليله
وقالت ماما جليله: ابوك لسه بيغير عليها خلي بالك
وقبل ما اتكلم دخل عمي وبابا حضن ,علي, عمي وباس ايده اخد عمي ‘ماما جليله’ ومشي اما بابا وقف قدامي وقال: بعد الفرح هنشوف مدام جنات عشان تنفيذ الوصيه ،،
مشيت من غير ما ارد وكنت هركب عربيتي لكن وقفني محمود وقال: عمر من فضلك خد انت علي وخليك السواق.. في ترتيبات كتير هنا وبابا مش هيقدر ولا عمي هيقدر لازم اقعد اساعدهم
اخدت منه المفتاح فتحت العربيه وركب ,علي, في المقعد الخلفي ركبت انا كمان وشغلت العربيه ومشيت الاول قبل الميكروباصات والعربيات اللي فيها الناس اتصل علي بمليكه وعرف انها خلصت
بعد نصف ساعه وصلنا «البيوتي سنتر» نزل ‘علي’ ودخل «البيوت سنتر»
وقفت عربيه قدامي نزلت علشان اشوف مين لقيت ‘حسام وباباه’ نزلوا من العربيه سلمت على حسام وباباه
محمد: علي جوه مش كده
-: اه يا عمي جوه
محمد: طب يا حسام انا هدخل اشوف مليكه واجيب مامتك وخالتك
حسام: ما تتاخرش يا بابا
شويه ووصلت العربيات الميكروباصات دخلت العربيه ومسكت التليفون
مر حوالي نصف ساعه ولسه ما حدش خرج وانا زهقت من العربيه كنت لسه بفتح باب العربيه لقيت ,خالتو جنات وسلمى, خارجين
نزل ‘حسام’ من العربيه وفتح لهم الباب وركب تاني خرج عمي ,محمد, وركب هو كمان بعدين خرج الفوتوغرافيا اللي كان بيصور علي ومليكه وهما خارجين
لفاتت انتباهي «ميرا» اللي كانها عروسه لكن مع اختلاف الفستان فقط شردت فيها لدرجه انها لما ركبت العربيه مافقتش من شرودي غير وهي بتغير الاغنيه
شاورت لحسام يبعد العربيه من قدامي وفعلا اتحرك ولفيت العربيه ومشيت ورا عربيه ,حسام’
——————————————————-
“مليكه”
وصلنا القصر واتجمعت الناس ونزل الاول عمر يوسع الطريق من الناس نزل ‘علي’ وفتح لي باب العربيه نزلت ,ميرا, ومشيت ورايا ترفع لي الفستان وكعدات الصعيد جه حمايه ورحب بيا وبعلي وحماتي كانت واقفه على باب القصر وقفت جنبها ماما وبابا وحسام وبعد رقص علي مع حمايا علي الطبل والمزمار
وقفنا على باب القصر ودخلت حماتي تجيب رغيف عيش ولبن طلبت مني اكسر «رغيف العيش الشمسي» وعملت كده واكلت منه وبعدين طلبت مني اشرب اللبن قلت: لا يا حماتي مش بشرب اللبن
حماتي: يا بنتي ماينفعش لازم تشربي عادات ،،
اتكلمت ماما وقالت: معلش جليله يا اختي بنتي مش بتقبل تشربه من هي وصغيره
حمايا: خلاص يا ام علي هاتي عصير مكانه مش هيضر حاجه
حماتي: بس..
قطعتها واخدت منها الكوبايه وشربتها تحت صدمه ماما وبابا وحسام ابتسمت حماتي واخدت الكوبايه وقالت: صحه يا حبيبتي
دخلنا وطلعنا الجناح وصورنا ‘الفوتوغرافر’ مع العائلتين وبعد انتهاء ‘الفوتوغرافر’ خرج مع حمايا
مسك بابا ايد علي وقال: مش عايز بنت في يوم من الايام زعلانه
علي: صدقني يا عمي هعمل اللي يقدرني عليها ربنا ،،
حضن بابا علي وقال: تحطها في عينك دي روحي
علي: حاضر يا عمي
قرب بابا مني وباس راسي وقال: خدي بالك من نفسك ،،
حضنته وقلت: حاضر و ربنا يخليك ليا
حسام: يلا يا بابا عايز اودع اختي
بعد بابا وقرب حسام ومسح لي الدموع اللي نزلت من عينيا وقال: كنت بقول امتى تتجوزي واخلص منك بس دلوقتي ندمان يرجع ويرجع مليكه الصغير اللي ربيتها على ايدي
حضنته وانا بعيط وقلت: وانا نفسي الزمن يرجع ويرجع لي كل حاجه ضاعت مني
بعد عني حسام ومسح لي باقي الدموع اللي نزلت وقلت بصوت واطي: خلاص بقى ولا اقول لماما على ملك
ضحك حسام وقال: في اي وقت موجود اذا احتجتيني موجود
ماما: اوعى بقى انت من الصبح واقف معهم حضنتني ماما وقالت في ودني بصوت واطي: رغم اني ما كنتش موافقه تتجوزي الجوازه دي بس بقول لك انتبهي على نفسك،، بصت في عينيا وكملت وقالت: هتوحشيني يا نور البيت الصبح هنيجي للصباحيه
حضنتها تاني وقلت: انتو كمان هتوحشوني
ماما بصوت واطي: بس عشان جوزك ما يلاحظش وخلي بالك من نفسك
حضنتني ميرا وقالت: مش هقول لك غير ربنا معك
بعد ما ودعت الكل وخرج كنت لسه واقفه في الصالون دخل ‘علي’ غرفته والواضح انها غرفه النوم استغربت انه ما اتكلمش وقت وخرج بجلباب صعيديه واقف قدامي وقال: تقدري تاخدي راحتك انا نازل عشان لسه الفرح ما خلصش اظن انك عارفه عادات الصعيد مشيت شويه وانا برفع الفستان وقلت بكل برود: اه عارفه اعمل ايه
لقيته سكت شويه وشكله استغرب وقال: عشان لو حابه تغيري كنت حابب اقول لك حاجه قبل ما انزل ما تعرفيهاش بس متزعليش من فضلك
هزيت راسي وقلت: اه تمام اتفضل
بص في عينيا وقال: انا مش بحبك ،،
بصيت له من غير ما ارد كمل وقال: انا كنت متجوز وعندي ولد اتجوزتك بس تربي وتهتمي بابني غير كده لا
الباب خبط وراح فتح الباب وكان ‘عمر’ بص لي باستغراب وبعدين بص لعلي وقال: هتنزل عمي بيسال عليك
علي: اه طبعا
خرج وقفل الباب وراه ما قدرتش امسك نفسي من الضحك وقلت بسخريه: غبي ما يعرفش اني عارفه كل حاجه،،
دخلت غرفه النوم اتفرجت عليها نفس اللي كانت مصوراها ,ميرا, فتحت الدولاب واخدت بيجامه ودخلت الحمام اخد شاور
—————————————————–
“ميرا”
بعد ما ودعت ‘مليكه’ طلبت من ماما مفاتيح بيتنا اللي قصاد القصر بعد اصرار وافقت
فتحت الباب الخارجي تبع الحديقه ودخلت ووقفت قدام بيتنا افتكر ذكرياتي مع بابا كل ضحكه ضحكتها بسببه ما حسيتش غير بدموعي وايد بتمسحها بعدت بفزع بصيت لقيت ,عمر,
-: عمر بتعمل هنا
عمر: مافيش انا شفتك من بدري وانت داخله بيتكم قلت اجي اطمن عليكي
-: انا كويسه امشي انت
عمر: انتي بتحاولي تكوني كويسه انتي لحد الان مش مستوعبه ان باباكي مش على ارض الواقع
-: عمر لو سمحت لو جاي عشان تنفيذ الوصيه بقول لك لا مش موافقه مش مستعده اخرب حياتك
عمر: لا مش جاي عشان الوصيه انا جاي اشوف صاحبتي مالها
-: صاحبتك مين
بص عمر حواليها وبص اللي تاني وقال: مش شايف حد غيرك ،، خبطني على جبهتي وقال: أنتي يا غبيه
ضربته على كتفه بخفه وقلت: لا والله مش انت اللي قلت احنا اصدقاء لحد فرح مليكه
عمر: اللهم صل على النبي ذاكرتك قويه
خمست بايدي وقلت: خمسه في وشك
عمر: لا والله بس غبيه برده
-: لنفسي وعن اذنك بقى عايزه افتح بيتنا
عمر: وانا ماسكك افتحي براحتك
-: عايزه اكون لوحدي يا خفه
خد مني المفتاح وفتح الباب بصعوبه
عمر: اهو اتفتح هدخل معاكي عشان ما تخافيش وانتي لوحدك ،،
ودخل قبل ما اتكلم فتحت فلاش التليفون ودخلت البيت كان مغبر وقفت وبدات ذكرياتي مع بابا تيجي على دماغي
انا وبتخبى منه صوت ضحكتي لما مسكني وذكرى اخرى نتيجه دخول الثانويه وفرحته بيا والذكرى اللي دمرت حياتي وصول جثه بابا وانهياري عليه
فقت من شرودي على ‘عمر’ هو وبيهزني
عمر: يا بنتي فينك
بعدت ايده عني وكملت مشي مسك ايدي وقال: عارف انك عايزه تستريجعي ذكرياتك بس حاولي تقتنعي ان باباكي في مكان احسن من هنا
ووقعت على الارض وحطيت ايدي على عينيا وانهارت من العياط وقفني ‘عمر’ وطلع منديل من جيب البدله ومسح لي دموعي وقال بهزار: لو حد شافك بالمنظر ده يقول عفريته
ضحكت واخدت منه المنديل وكملت مسح عينيا اديته المنديل وقلت: شكرا يا عمر
خد عمر المنديل ومثل الصدمه وقال: لا مش معقول
قلت باستغراب: ايه في ايه
عمر: اول مره تقولي اسمي وشكراً كمان،،
ضربته على كتفه وقلت: يا غلس انا قلت فيه ايه
عمر بابتسامه: تعيشي وتاخدي غيرها.. يا ترى فاكره الطفولتك معايا
-: اه طبعا لسه فاكره اول ماعرفتك وانت بالمدرسه وضربتك واتعمل لنا استدعاء ولي امر
ضحك عمر وقال: وبعدها استحلفت لك وقفلت عليكي باب الحمام بتاع المدرسه وفتحت لك مس امال
اتذكرت الموقف وضحكت وقلت: فاكر لما قطعت لك الكوره بتاعتك
عمر: اه كان عندي ماتش تبع المدرسة وانتي قطعتيها .. ذكريات ابتدائي الى المرحله الاعداديه فاكره لما اتفقنا بلاش خناق وجبت لك فانوس رمضان
قبل ما اتكلم تليفوني رن
-: الو ..ايوه يا ماما.. حاضر راجعه اوكي باي
عمر: مالها مامتك كويسه
-: اه بس عايزه ارجع البيت يلا بينا عشان اقفل البيت
خرجنا وقفل عمر واداني المفتاح مسك ايدي اللي فيها المفتاح وقال: حابب ناخد صور زي زمان لو ما عندكيش مانع
قلت بتردد: بس ماما طيب يلا
طلع تليفونه من جيب البدله وبدانا نتصور كذا صوره في الصوره الاخيره مسكت شعره وضحكنا و ولقط الصوره
-: يلا بقى اتفرج عليهم بعدين اوعى تنسى تبعتهم على الوتس باي
كنت لسه همشي وقفني عمر وقال: يا مجنونه مش معايا رقمك
اخدت تليفونه وسيفت رقمي
عمر: طيب لحظه اوصلك عشان ما حدش يزعجك
-: لا المسافه شارع بس
عمر: وتمشي كده بالفستان اللي بقي تراب .. اقفي على الباب الخارجي لحد ما اجيب العربيه بسرعه
-:حاضر ،،
حوالي 5 دقائق جه وركبت بالمقعد اللي جنبه قلت: على فكره عربيتك حلوه
عمر بغرور: شبه صاحبها
حطيت الحزام وقلت :مغرور
10 دقائق ووصلت ونزلت دخلت بيت خالته و..
_______________________________________________
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حبي الفاخر)
