رواية حبي الفاخر الفصل الحادي عشر 11 بقلم أسماء عبدالموجود
رواية حبي الفاخر البارت الحادي عشر
رواية حبي الفاخر الجزء الحادي عشر
رواية حبي الفاخر الحلقة الحادية عشر
“علي”
قمت من النوم صليت الفجر وجريت شويه ولعبت رياضه كان بابا بيفطر صبحت عليه واستاذنته اطلع غرفتي اكمل نوم وطلعت نمت قمت في اذان الظهر على صوت عمر وهو شايل ابني وبيحاول يهديه فرقت عيني عشان اتاكد ان ده فعلا عمر ان اكون بحلم
عمر: قوم يا عم العريس وبعدين ابنك مش راضي يسكت
-: عمر انت بجد هنا
عمر(باستفزاز): لا انت بتحلم
قمت من على السرير واخدت ابني وحطيته على السرير وحضنت عمر وقلت -: اوعى بعد كده تمشي وما اعرفش ليك مكان مفهوم
بعد عن حضني وقال: معلش حقك عليا بس انت عارف اني بحب اكون لوحدي وانا لما رجعت المستشفى كنت لسه مخنوق ومش قادره اكلمك أنت ما لكش ذنب بس ما كنتش قادر اتكلم مع حد
-: ما تزعلش منها أنت دكتور وعارف انه كانت خايفه على مامتها
عمر (بيحاول يخفي حزنه): سيبك أنت نسيت الموضوع
-:انا كنت فاكراك مش هتيجي معايا
عمر: يا راجل عيب عليك ده انت اخويا وعمي اتصل بيا امبارح وقالي كتب كتابك النهارده.. يلا بقى احنا هنقضيها كلام احنا عمي كلمني لما جيت واداني البدله دي،،
وشاور على بدله على الكرسي اخدت البدله من على الكرسي وفتحت الكيسه اللي فيها البدله كانت بدله { البنطلون باللون الاسود وقميص باللون الاببض ومعطف الوسط باللون الاسود و رابطه العنق باللون الاسود والجاكيت باللون الابيض}
عمر: لا زوق عمي حلو جدا
-: والله كنت ناوي البس بنطلون وقميص بس لكن البدله بصراحه جميله وما اقدرش اكسف هدايا زي دي من بابا … انت هتلبس ايه
عمر: (بدلة كلاسيكي باللون الاسود بدون رابط عنق – جزمه باللون الاسود)
علي: جديده دي صح
عمر: صح اللي عندي مش حلوين … داده سعاد فين
قلت بحزن: رجعت بلدهم لانها خلاص كبرت وتعبت،، خبط الباب قلت: ادخل،،
كانوا شابين واحد حامل شنطه صغيرة والتاني مش شايل حاجه اتكلم الشاب وقال: انا طه الحلاق جابني باباك بصيت لعمر وقلت: بابا
عمر: طيب اتفضلوا ادخلوا خرج عمر من الغرفه 3دقايق ورجع تاني و بايده {صب صغير} طلع تليفونه من جيبه وشغل الاغاني واخدني وقعدنا نرقص على الاغاني الشعبيه وبعد وقت قعدت احلق
—————————————————————-
“مليكه”
قمت من نومي بعد العصر على تشغيل اغاني وكانت ميرا وماما وخالتو في الغرفه
ميرا: قومي يا عروسه النهارده كتب كتابك
خالتو: كفايه نوم يا عروسه
فركت عنيا وقلت: انا صحيت يا خالتو اهو
ماما: اهو الفساتين بتاعتكم جابهم «حسام» النهارده ودفعنا باقي المبلغ
خالتو:كمان دهبك وصل من عند الصايغ النهارده
ماما: خدي الشبكه والبسيها النهارده
قمت من على السرير واخدتها وقلت: انا رحت عشان استلمها من يومين كان قافل
ماما (بنبره حزينه): بنت ماتت من اسبوع *مقتوله* الله يرحمها.. المهم الشبكه كامله وبقت على مقاسك
خالتو :لا عرفتوا تختاروا أنتي وعلي
-: تسلمي يا خالتو
ميرا: يلا بقى يا خالتو انتوا اطلعوا بره عشان اجهز العروسه،،
خرجت خالتو ماما وقامت ميرا جابت لي بيجامه بيضاء للعرائس وقالت: خدي بقى البيجامه دي وادخلي خدي شاور ربع ساعه والاقيكي قدامي
قمت من على السرير واخدت البيچامةوقلت: طيب يا ستي ميكاب ارتست،،
دخلت اخدت شاور بس اتاخرت حوالي تلن ساعه عشان الميه قطعت خرجت كانت ميرا بتبص عليا بغضب
-: مالك الميه قطعت وما قدرتش اخرج عشان كان في شاور وشامبو على شعري وجسمي
ميرا: امال الخزان بيعمل ايه عندكم
-:بايظ من اسبوع
ميرا(بتريقه): شكله وشك حلو
قلت (بغضب): بنت اتلمي ويلا علشان تعمل الميك اب ،،
جه وقت المغرب كان الكل جاهز وكانت ميرا عامله للكل ميك اب جميل حتى انها ظبطت من شكل حسام وبابا لبست {فستاني الابيض طويل جدا من ورا و مليان باللمع كله وبه افراع شجر ومطرز بالخرز الابيض- وتربونه باللون الابيض- وميك اب سمبل- وصندل كعب ابيض}
ولبست اخر شي دهبي وهو(الدبلة عليها اسامينا ومحبس وخاتم وسلسلة شكل فراشه)
دخل حسام وهو بيبص في التليفون
حسام: العريس وصل القاعه،، رفع راسه صفر باعجاب بعد ما شافنا واضاف: ايه ده دخلت غرفه غلط ولا ايه،، وخرج راسه يتاكد انها غرفتنا ودخل تاني
حطت ميرا ايديها في وسطها وقالت: مالك يا بتاع المجانين ليه كنا جربانين قبل كده ولا ايه!
اخدها حسام نظره من تحت لفوق وقال: ايوه كده انا عرفتك يا سرسجيه شكلك متغير بس اسلوبك هو نفسه
ميرا (بغضب): والله لما اقلع الفستان ده هتشوف وشي التاني مش بتقول سرسجيه هوريك بس بعد كتب الكتاب
-: خلاص يا جماعه هنتاخر كده عليهم
ميرا: بس عشان خاطرك هسكت لانك والله يا بتاع المجانين مهزق
حسام: خلاص بقى ده أنتي احلى سرسجيه
قرب حسام مني وباس راسي وقال: رغم اننا بنتخانق كتير.. لكن مش عارفه هتخانق مع مين تاني غيرك مين هيقول لي يا بتاع المجانين لما تتجوزي،،
حضنته وقلت: مهما حصل بينا هتكون اجمل أخ في الدنيا.. وبعدين لسه الفرح فاضل عليه ايام هنتخانق وبس بقى عشان شويه تاني هعيط والميك اب هيبوظ
ميرا (بمرح): بس بقى مش بحب جو الوداع ده ،،
دخل بابا واخدني في حضنه وكان هيعيط
بابا: مش عارف هعمل ايه لما تتجوز وتبعدي عني أنتي حته مني
-: بابا ارجوك بلاش تعيط لاني مش بقدر اشوف دموعك
حسام: يا جماعه هنتاخر يلا ماما وخالتو منتظرين تحت
بابا: ايوه انا نسيت مامتك بتقول يلا طوق بابا دراعه وقال: ايدك يا عروسه،،
حطيت ايدي في ايد بابا ونزلنا وركبت انا وميرا وحسام في عربيه وبابا وماما وخالتو في عربيه وصلنا القاعه حوالي الساعه 5:00 مساء وكانت المعازيم كلها منتظره دخولي حطيت ايدي في ايد بابا وايدي التانيه في ايد حسام ونزلت على السلالم وميرا وماما وخالتو ورانا نزلنا وكانت طاوله كبيره واقف عندها «علي» والماذون عليها واصحابه وراه قعدنا على الطاوله من ناحيه والعريس واصحابه واقاربه من ناحيه وانا وبابا واقاربي من ناحيه خد الماذون ايد بابا وايد علي وقال بسم الله الرحمن الرحيم فين فين الشهود
اتكلم حمايا وقال: انا شاهد
عمر: وانا اشاهد
الماذون: قول ورايا يا استاذ محمد اني استخرت الله العظيم وزوجتك موكلتي وابنتي الانسه مليكه البكر الرشيد
بابا وعلى وجهه علامات الحزن: اني استخرت الله العظيم وزوجتك موكلتي وابنتي وقره عيني وقطعه وقلبي وروحي ابنتي العزيزه ونور قلبي وعيني وتاج راسي البكر الرشيد مليكه محمدالمليجي على كتاب الله وسنه رسله ،،،
سقف كل الحضور على كلام بابا مسكت ايد بابا وبوستها مسك المنديل ومسح لي الدموع اللي نزلت من عيني
المأذون: وعلى الصداقه المسمى بيننا عاجله واجله والحضور شهود على ذلك هو الله خير الشاهدين
بابا: وعلى الصداقه المسمى بيننا عاجله واجله والحضور شهود على ذلك والله خير الشاهدين
الماذون: قول ورايا يا عريس اني استخرت الله العظيم وقبلت زواج وموكلتك
علي: اني استخرت الله العظيم وقبلت زواج موكلتك مليكه محمد المليجي على كتاب الله وسنه رسله
الماذون: وعلى الصداقه المسمى بيننا عاجله واجله والحضور شهود على ذلك والله خير الشاهدين
علي: وعلى الصداقه المسمى بيننا عاجل هو اجله والحضور شهود على ذلك والله خير الشاهدين
الماذون: امضي يا عريس وابصم وأنتي يا عروس امضي وابصمي
وبعد انتهاء اجراءات كتب الكتاب امتلأ القاعة بالزغاريد
وقف بابا ووقف وحضنته باس راسي وقال: الف مبروك يا حبيبتي،،
بوست ايده وقلت بدموع: الله يبارك فيك يا بابا
قرب «علي» مني وسلموا بابا ايدي وقال: حطها في عينك
علي: من غير ما تقول يا عمي .. ما تقلقش يا عمي
اخدني في حضنه بعد عني وباس راسي: مبروك عليا يا احلى عروسه واجمل بنات حواء ،،
نزلت راسي وقلت: الله يبارك فيك،،،
حمايا : الف مبروك يابنتي
-:الله يبارك فيك ياعمي
مد ايده بعلبه وقال: دي هديه بمناسبة انك بقيتي مرات ابني
-: شكرا ياعمي وجود في الدنيا اكبر هدية
حمايا: مش انتي قلتي عمي عايزه تكسفي عمك دي هديه بسيطه
بصيت لعلي ابتسم وقال: خديها
بابا: خديها يا مليكه
اخدت الهدايا وبوست ايده وقلت: شكرا يا عمي
حمايا: افتحي الهدايا وان شاء الله تعجبك
فتحت العلبة اللي كانت علبة دهب وكان فيها ( خمس غوايش – سلسلة كبيرة علي شكل مصحف – ختمين )
قفلت العلبه وقلت: لا يا عمي مش هقدر اخدها علي جابلي شبكه
حمايا: عارف ان علي جابلك بس دي عادات وتقاليد عندنا وقلت لك دي هدايا
بابا: بس دا كتير يا عمده
حمايا: بنتك تستاهل الماس كفايه انها بنت يا حضرت العميد… معلش بقى الحجه’جليلة’تعبانه مقدرتش تجي
ماما: الف سلامه عليها علي قال لنا أن شاء الله تقوم بالسلامه
بابا: تسلم يا عمده والف سلامه علي المدام .. مليكه خلاص ما تكسفيش عمك
هزيت راسي بالموافقه وشكرت حمايا تاني وعدته اني هلبسها لما اكون ببيته،،،
خرجنا بطلب من «الفوتوغرافي» للتصوير وخرجت كل الناس ودخلت فقط الأقارب والأصدقاء مكان {السيشن} بدانا انا وعلي بالتصوير وكان بيقربنا من بعض
الفوتغرافي: يا جماعه قربوا شويه من بعض مش معقوله كدا بعاد جدا
علي: تمام ،،، قرب شويه ومسك ايدي
ندا الفوتغرافي لمساعدوا وساعدنا في الوضعيات والتقرب… بعد وقت بدا تصويري الأقارب والأصدقاء معنا وانتهي السيشن و دخلنا القاعة
اشتغلت الاغاني واخدتني ميرا من ايدي انا وعلي ‘لساحةالرقص ‘
—————————————————————–
”ميرا”
سحبت الكل على (ساحة الرقص) وطلبت من ال Dg يشغل اغنيه رومانسيه وشغل فعلا ورقص كل كابلز
قرب حسام مني ومد ايده وقال: تسمحي لي بالرقصه دي
-:لا… روح شوف لك واحده تكون مش سرسجيه
حسام: بس انتي احلى واجمل سرسجيه ،،
سحبني من ايدي وطلعنا (ساحه الرقص) حاولت ابعد لكن ما قدرتش وكان ماسك ايدي كنت خايفه اسبب له الاحراج قرب من ودني وقال بصوت عالي : على فكره مش هسيبك غير ما الاغنيه تخلص
قلت (بغضب): أنت بارد على فكره
حسام: حلو الفستان ده عليكي
-: عارفه مش محتاجه رايك
حسام بابتسامه: يابت يا مغروره
[فستاني من النصف العلوي باللون الاسود و النصف السفلي بالبيض ولامع وبه ورد صغير باللون الوردي بالمنتصف ومن الجانب + جزمه باللون الاسود اللامع وشعري مفرود و خصلتين منسدلين ]
——————————————————————
“عمر”
اول ما شفتها داخله القاعه ورا «مليكه» قلبي دق بسرعه رهيبه اخدت نفسي وقمت وقفت جنب علي وعيني عليها معقوله دي اللي كنت بقول لها سرسجيه تكون بالجمال ده مر الوقت وكتب الكتاب عليه وانا عيني تيجي في عينها بتبعدها بسرعه اخدتهم على {ساحه الرقص} هي فعلا خلت الكل يرقص شويه وسحبها «حسام» على ‘ساحه الرقص’ ورقصت معه وعينها تيجي في عيني وتبعدها كنت خارج من القاعه وانا مخنوق مش عارف ليه جت ايد مسكتني لفيت وشي لقيت الممرضه “سحر” ودي ممرضه جديده
سحر: ترقص معايا
-: اسف حضرتك بس مش بحب ارقص مع واحده مش حلالي
سحر: يا دكتور هي راقصه ولا انا مش حلوه
-: بعد اذنك مش حابب ارقص ,,
خرجت من القاعه وقعدت على مقعد وماسكت تليفوني واتصلت [فيديو كول] بامي وبعد وقت ردت
أمي: الو عمر اخبارك ايه يا حبيبي
-: تعبان ياما حاسس ان قلبي واجعني
أمي: قلبك وجعك من ايه يا ضنايا
-: مش عارف ياما محتاج لحضنك حضنك واحشني جدا
أمي: هانت يا حبيبي مش بتقول انك راجع على فرح ابن عمك علي
-: ايوه الاسبوع الجاي انا دلوقتي في كتب الكتاب هبعت لك فيديو تشوفي العروسه
أمي: ماشي يا حبيبي مش هتقول لي قلبك وجعك من ايه
-: حاسس اني بحبها ما اعرفش معجب بيها ياما ولا بحبها
أمي: اسمها ايه يا حبيبي
-: هقول لك بعدين ياما سلام دلوقتي
أمي: سلام يا حبيبي وخلي بالك من نفسك
فصلت ولقيتها قعدت جنبي وبتقول لي مالك!؟
————————————————————–
“ميرا”
خرجت بعد ما الاغنيه خلصت وكانت «مليكه» بترقص مع باباها على اغنيه جديده سبتها وخرجت ادور على الدكتور «عمر» لاني شفته خارج واحنا بنرقص لقيته قاعد يتكلم سمعت المكالمه وقعدت جنبه وقلت:-
مالك!
عمر (بدهشه): بتعملي ايه هنا
-: جايه اعد النجوم معاك… بص انا سمعت المكالمه بس والله غصب عني انا كنت جايه اشوفك
عمر: تشوفيني ليه هو انا مهم عندك؟
-: مش احنا اصحاب.. بص مش هسالك مين هي اللي بتحبها بس ربنا يوفقكم وبعدين يلا ندخل مش دا صاحبك الوحيد يلا في اغاني شعبيه وعايزين نفرح ومديت ايدي وقلت: خد دا
عمر: ايه دا
-: العاب نولعها لما نرقص ‘شمروخ’
عمر: مش حابب ارقص
مسكت ايده ووقفت انا وهو وقلت: يلا ده صاحبك ولازم نولع الدنيا صاحب الDg هيدخلنا من حته تانيه وهي (عباره عن صندوق زي الاسانسير يطلعنا فوق)
عمر: يخرب بيتك ليه كل ده
-: مفاجاه الرقصه ل مليكه معايا ولا لا،،،
ضغط على ايدي وقال: معاكي ،،
بالفعل دخلنا من الباب الخلفي ودخلنا زي الاسانسير ولفت على الناس ولما اشتغلت الاغنيه اللي لبسنا النظاره وخرجنا من الصندوق وبدانا نرقص على اغنيه *اخواتي* واسيب لكم تتخيلوا ولعنا الفرح واخدت «مليكه» ترقص وعمر سحب «علي» يرقص وبدات الناس تطلع ترقص معنا
——————————————————————
“مليكه”
كنت ناسيه كل حاجه وبرقص مع بابا بعدين خليت بابا يرقص مع ماما خلصت الاغنيه واتكلم صاحب الDgوقال: في مفاجأة
وخرج الصندوق واتفاجات بان ميرا وعمر هم اصحاب المفاجاه اخدونا ورقصنا شويه خلصت الاغنيه واشتغلت اغنيه «اجدع صحاب» رقصنا انا وميرا وحضنتني وهي بتعيط ونغني،،
بعدها رقصت انا وحسام كنت بعيط ان خلاص ما فيش خناق تاني شافني بعيط خدني في حضني وقال: خلاص يا حبيبتي دموعك غاليه عارفه يا مليكه كنت بتخانق معك ليه
قلت (وانا بمسح دموعي): ليه،،
بص في عيوني وقال: عشان نجمع ذكريات الاخوه من دون خناق بين الاخوات ما تكونش اخوه بجد.. انت مش اختي بس لا صاحبتي وبنتي وكل حاجه حلوه في حياتي،،،
مسح لي دموعي من على خدي وكمل وقال: كفايه عياط عشان معيطش انا وبعدين قدامنا وقت نتخانق
ضحكت ودخلت في حضنه وقلت: ربنا يخليك ليا
____________________________________
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حبي الفاخر)
