رواية حبي الفاخر الفصل الثاني 2 بقلم أسماء عبدالموجود
رواية حبي الفاخر البارت الثاني
رواية حبي الفاخر الجزء الثاني
رواية حبي الفاخر الحلقة الثانية
(اشرقت الشمس تعلن بداية يوم جديد )
“مليكة”
نمت إمبارح محستش بروحي قمت على ضرب حد بيضربني
قلت (بنعس): إيه على الصبح… مين اللي بيضرب فيا
ماما (بغضب): قومى ياروح أمك بدل ما أكمل ضرب
-: إيه يا ماما على الصبح عايزه انام
ماما: قومي يابت .. قومى
-: صاحيه اهو … يا ماما عايزه ايه
ماما (بحده) : رجعتى امتى إمبارح و من دون كدب
-: والله يا سلمى رجعت بدرى
ماما : أيوه بدري الساعة كام
هنا دخل حسام وقالها إني كنت راجعه معه مكنتش مصدقة أوي وبعدين خرجت من الغرفة
-: تسلم يسطا أنت كدا جدع
حسام(بغرور): طول عمري جدع
-: أطلع بره يا مغرور يا بتاع المجانين
حسام : يا بت احترمي أنى أكبر منك وبعدين أنا مش دكتور مجانين أنا دكتور نفسي
مليكة: ايوه دكتور نفسي بتكشف على نفسك… يلا أطلع بره روح شوف المجانين
حسام : في يوم من الايام تحتاجي ليا.. سلام
خرج حسام من غرفتي و فضلت أفكر في اللي بيحصل معايا و افتكرت أول مره اتخطفت فيها
“فلاش باك”
( من حوالي شهر)
خرجت من المستشفى حوالي الساعة العاشرة مساءأ كنت خارجه اشتري فستان نفسي فيه عشان مش بقدر اشتري انا وراجعه بيكون قفل لحسن الحظ مكنش في اي حالة ولادة
أنا و ماشيه ف الطريق كنت حاسه آن في حد ماشى ورايا فضلت ماشيه لغاية ماحسيت بأبره واغمي عليا
صحيت لقيت في ناس حواليه بتكلم ومش شايفه حد بسبب الشريذ اللي على عنياه و أيدى مقيدة
اتكلمت ناديت على حد عشان اعرف أنا فين
-: في حد هنا.. يا جماعة
شويه ولقيت واحد قرب عليا و قال:
عايزه إيه يا أنسه
قلت(بغضب): عايزه قلمين… إيه اللي عايزه ايه.. عايزه اعرف أنا هنا ليه
…: دي أؤمر مقدرش اتكلم
-: طيب لوسمحت
…: اسمي حسن وقوليلي يا عمى حسن
– : طيب يا عمي حسن شكلك محترم سيبنى امشي
لقيت صوت تاني صوت غريبه بيقول بغضب :
حسن بتعمل إيه عندها
حسن: مفيش يا بيه لقيتها فقت
مجهول : تمام روح انت اقف بره
من نبرة صوته عرفت انه الزعيم بتاعهم
مشي حسن واتكلم المجهول وقال:
اهلا بيكي و حمدلله على السلامة
سرحت شويه في صوته جميل زي ما يكون مغني فقت على صوت المجهول
مجهول: إيه روحتي فين
-: أنا عايزه اعرف انت مين وانا هنا ليه مش ممكن تكون غلطان فيا
مجهول : أنا مين مش مهم دلوقت .. إنما عايزك في ايه عايزك تشتغلي مربية عندي.. ومش غلطان فيكي
-: ليه حضرتك عايز تربية ولا مين
مجهول( بغضب) : عارفه انا لو مش محتاجك كنت طلقة واخلص منك
-: لا واضح إنك انت اللي محتاج المربية فعلا
مجهول : اخرصي و اسمعي كلامي.. تشتغلي عندي مربية والراتب 5 الألف جنيه في الشهر
-: وانا مش عايزه فلوسك ولا اشتغل عندك وانا مش مربية أنا ممرضة
شويه وسمعت صوت رصاصة من جنبي
مجهول (بغضب) : انا مش قلت اخرصي ولا مش بتفهمي
قلت(بصوت عالي وغضب) : و أنا مش عبده عندك عشان اخرص عايز تموتني أعمل كدا و ساعتها هتكون رجل فعلا
شويه وسمعت صوت باب اتقفل عرفت انه خرج
بعد وقت دخل عمي حسن وقال بصوت حنين :
معلش يا بنتي هو عصبي شويه
-: يا عمى انا قولتله أنا مش مربية وهو مش فاهم… وعصبي على نفسه بقا
حسن : طيب يا بنتي عايزه حاجه
-: عايزه ادخل الحمام من فضلك بليز
مكنش موافق لكن بعد ما صعبت عليه وافق ومن خلال شباك الحمام قدرت اهرب
“باك”
فقت من شرودي و ابتسمت معرفش ليه حبيت المجهول صوته زي السحر والبرفان بتاعه خاطف قلبي..
شويه و رحت عند ماما النهارده الجمعه أجازة للكل (ماما – اسمها:سلمي: 52سنه : مديرة مدرسة : رغم السن كبير لكن مش واضح عليها)
دخلت للمطبخ لقيت ماما بتكلم مع دادة زينب
دادة(زينب): صباح الخير يا عروسة
-: صباح النور يا دادة
ماما: يلا يأختي افطري بنت خالتك جايه
(اخدت ساندوتش جبنه و أكلتهو )
-: غريبة جايه من غير ما تقولي… جايه ليه ؟
ماما: يقطع شكلك نسيتى إنه في عريس جاي يتقدملك
افتكرت موضوع العريس ابتسمت أبتسامه خبيثة وقلت في سري: وحيات أمك مين ما تكون هرفضك و نشوف
دادة(زينب): مبروك يا عروسه
-: الله يبارك فيكي يا دادة
ماما: عارفه انا الابتسامة دي… عارفه لو رفضتي العريس القديم والجديد هيطلع عليكي
-: عيب يا ماما أنا لو مش عايزه مكنتش وافقة انه يجي يتقدم
ماما: اصلك وافقتي على طول قعت ساعه اتحايل عليكي
شويه ولقيت الجرس رن فتحت الباب لقيت وحده بتطير عليا وضربنا بعض وبعدين سلمت عليها “ميرى صديقتي المفضل الوحيدة ”
-: اخبارك ايه يا سرسجيه.. وانتي يا خالتو اخبارك ايه
(خالتو): الحمدلله … يلا خدي المجنونه دي عشان تساعدك في تجهيز نفسك و انا هساعد مامتك
– : لسه بدري احنا دلوقت الصبح في العصر اجهز نفسي … يلا يا ميرا
ميرا: يلا يسطا..
(ميرا حسن الهلالي :23سنه : ممرضه:عيونها بني : شعرها بني يميل للون الاسود ناعم لكن ليس بطول شعري : طولها نفس طولي : بشرته نفس بشرتي )
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حبي الفاخر)
