رواية قلبي ومفتاحه الفصل الثالث عشر 13 بقلم روز أمين

رواية قلبي ومفتاحه الجزء الثالث عشر

رواية قلبي ومفتاحه البارت الثالث عشر

رواية قلبي ومفتاحه الحلقة الثالثة عشر

🔹️البارت الثالث عشر🔹️
♡بعد ليلة مليئة بالفرح والدموع والوعود♡
ليلة حتمآ ستحفر في ذاكرتهما ♡
إستقل أدهم سيارته بصحبة مليكةٌ قلبهْ،،كان في طريقه ليوصلها لأريج التي تنتظرها لتوصلها لمسكنها !!!
حتي لا تلفت الأنظار لها وبالأخص أيه الغاضبه منها لتركها في الجامعة وخروجها مع أريج ٠٠
وأكتفت مها بمحادثتها هاتفيا وأبلغتها بأنها وأريج سيتجولان معآ في الأسواق لشراء بعض المستلزمات لهما !!
فقد قالت لها مها متحججه،،لم نرد إزعاجك وأنت بصحبة صديقتك !!
فغضبت أيه من صديقتها،، فهي في الآونة الأخيرة تري مها تنفرد كثيرآ هي وأريج ولكنها لم تظهر غضبها !!!
وقالت ل مها خيرآ ما فعلتي فأنا تعبه وأحتاج لأخذ بعض الراحه !!
🌸٠٠٠٠٠🌸٠٠٠٠٠🌸٠٠٠٠٠🌸٠٠٠٠🌸🌸٠٠٠🌸٠٠٠٠🌸
كانت تجلس بجوار أدهم داخل سيارتة
وهي تشعر وكأنها إمتلكت العالم بأسره،،بإمتلاك قلبه،،
نعم♡ولما لا،، فقد منحها الله أكثر مما تمنت،،منحها الحب التي عاشت عمرها تحلمْ به وتبحث عنه،،،
كان أدهم مازال مٌمْسكً بيدها،، كأب يتمسك بيد إبنتهٍ الصغريْ الغاليةٌ علي قلبه،، خوفآ من فٌقدانها وسط زحام شديد ♡
كان مٌمْسكآ بيدها حتي وهو يقود السيارة،، لم يتركها لحظه،، وكان يغمر يدها بقبلاته الحارة من الحين للآخر ٠!!
تحدث أدهم ناظرآ لها بهيام٠٠٠٠اليوم ده عمري ما هنساه أبدآ ،هيفضل محفور في ذاكرتي لآخر عمري،،
هاحكية لأولادنا وأحفادنا إن شاء الله ،،
هقولهم إن البيت اللي قاعدين فيه ده،، كان أول لقاء بيني وبين أمكم ♡
كان أول مكان يشهد على حبنا وعشقنا لبعض،، هنا وعدنا بعض،،
دخلنا من البوابة شخصين،، وخرجنا شخص واحد،، خرجنا روح وقلب واحد لجسدين ♡
كانت تستمع له في حين قلبها يتراقص علي أنغام كلماته وسحرها عليها،،ناظره له بعيناها الهائمتان به وبعشقهْ ♡
♡يالله،، هل توجد هكذا فرحة ؟♡
تحدثت مها بحب وسحر٠٠٠٠حاسة قلبي هيقف من الفرحه،،خايفه أوي يا أدهم الدنيا تستكتر علينا الفرحة دي !!
شدد أدهم علي يدها بدعم وتحدث٠٠٠٠أوعي تخافي وأنا جنبك،،
طول ما إحنا مع بعض يا مها هنبقي أقوي من أي ظروف تقابلنا،، أوعدك !!
ثم وضع قبله علي يدها وتحدث بمرح٠٠٠أهلآ بيكي في حياة أدهم سليم رضوان،،
وأكمل بهيام٠٠٠نورتي حياتي يا كل حياتي،،نورتي دنيتي يا فرحة عمري ♡
إبتسمت له بعشق وسحر عيناها الهائمتان السابحتان في بحر غرامهْ ،،وللأسف فاقت علي وقوف السيارة،، فقد وصلا لمكان تواجد أريج !!!
نظرت للأمام وجدت أريج تقف بجانب سيارتها بإنتظارها !!
فهكذا ،،أوقاتنا السعيدة تمضي سريعآ ♡
نظرت له بحزن وعيون عابثه وقالت٠٠٠٠ليه الأوقات الحلوة بتخلص بسرعه؟؟
وأكملت بتمني٠٠٠٠ كان نفسي أفضل معاك أكتر من كده !
نظر لها بحب وقبل يدها قائلآ ٠٠٠٠٠أوقاتنا الحلوة لسه جايه كتير،،،متزعليش يا حبيبتي،، إللي جاي كله هيكون أحلا وأجمل وإحنا مع بعض !!
ونظر داخل عيناها بحب وأكمل ٠٠٠٠إحنا إللي بنخلق الأوقات الحلوه يا مها ♡ وإن شاء الله حياتنا إللي جايه كلها فرح وسعادة وبس !
وأكمل بغرام٠٠٠هتوحشيني ♡
إبتسمت له بخجل وحب وقالت ٠٠٠٠٠وأنت كمان ♡ وأكملت ٠٠٠٠لازم أنزل علشان أريج !!
أدهم بحنان ٠٠٠طمنيني عليكي أول ما توصلي،،
وعاوز أسهر معاكي إنهارده !!
وأبتسم مكملآ٠٠٠٠٠ عندنا كلام كتير أوي لسه ما قولناهوش ♡
مها بحب وطاعه٠٠٠٠٠حاضر يا أدهم !!
وكادت أن تفتح الباب أمسك يدها برقه ♡
نظرت له وضع يده علي خدها ومرر إصبعه بحنان وقال بحب٠٠هتوحشيني يا دنيتي♡
نزل من سيارته سريعآ ،،فتح لها الباب بإحترام،، وأمسك يدها وأعطاها باقة الزهور !
وأمسك علبة الشيكولا بيده وتحركا معآ،،وصلا عند وقوف أريج،، ألقي عليها السلام وقال٠٠٠٠متشكر جدآ يا أريج ،،ونظر لها بعرفان !!
أريج مبتسمه٠٠٠٠علي أيه يا دكتور ،،مها دي أختي،، وبعدين أنا في الخدمة دايمآ ،، وضحكت ٠٠
نظر لعيون مها بحنان وتحدث٠٠ ٠٠خلي بالك منها يا أريج ومن فضلك وصليها لحد الباب ♡
أريج وهي تحمحم مطصنعه ٠٠٠مها في عيوني يا دكتور !!
وأكملت٠٠٠ يلا بينا يا ماهي كده هنتأخر ؟؟
كانت مها سارحة في بحر عيونة وكأنها مسحورة لا تري سوي عيونه وفقط،،ناظره له بعشق خليله وجدت أخيرآ خليلها المفقود لأعوام !!!
أفاقت علي صوت أريج ٠٠٠هاااا،، حاضر يا ريجا يلا !!
صعدتا إلي السيارة وأنطلقت أريج
وقف ينظر علي أثرهما،، فتلك الساحرة أخذت قلبه معها ،إستجمع نفسه وفاقَ مما هو عليه ،،وأنطلق بسيارته وذهب إلي منزله ليستريح بعد يوم مرهق لقلبه وعقله ♡
كانت تجلس بجوار أريج بجسدها فقط
فقد ضل معه كيانها ،،
عاشقتآ هي حتي النٌخاعْ
أريج مخرجتآ إياها من شرودها ٠٠٠أيه يا قمر روحتي فين ؟؟
مها بحب ٠٠٠٠٠في الحلم إللي كنت فيه،،
في الجنة إللي عيشت فيها مع أدهم ♡
ونظرت لأريج بتساؤل٠٠٠معقول يا ريجا فيه حب وإحساس بالشكل ده ؟؟
أريج بسعاده٠٠٠٠ربنا يسعدك يا ماهي،، أنا فرحانه علشانك أوي،،
وتحدثت بشغف٠٠٠٠ يلا بقا أحكيلي على كل اللي حصل بالتفصيل قبل ما نوصل،، علشان مش هقدر أصبر !!
مها بترجي وهيام٠٠٠٠٠سبيني يا ريجا علشان خاطري،، صدقيني بكره هحكيلك كل اللي إنتي عايزاة !!!
أريج بحنان ٠٠٠طب يلا فوقي كده قبل ما نوصل
علشان بصراحه شكلك فضيحة خالص،،
وضحكت وأكملت٠٠٠ أي حد هيشوفك هيعرف إنك عاشقه من نظرت عيونك دي !!
مها بترجي ٠٠٠٠٠ريجا علشان خاطري باتي معايا إنهاردة !!
أدهم عايزني أكلمه بالليل،،وأنا عايزاكي تاخدي أيه وتنزلو عند نور،،
أخاف أكلمة من الجنينه نور تسمعني أو حد من البنات ٠٠
أريج بإستسلام ٠٠حاضر يا ستي،، هكلم ماما وأستاذنها !!
مها بفرحة٠٠٠علي فكره بحبك ♡
أريج ٠٠وأنا بموووت فيكي ♡
وأكملت أريج بجديه٠٠٠٠٠بصي أنا أشتريت شوية حاجات لينا علشان أيه متاخدش بالها ٠
تعالي كمان نشتري شوية مكسرات علي حلويات علي تسالي،، لزوم السهرة يعني !
وكمان علشان نلهي بيها نور عنك وإنتي فوق !!!
مها بحب وعرفان٠٠٠ربنا يخليكي ليا يا ريجا،، مش عارفه من غيرك كٌنت عملت أيه !!!
وصلو للمنزل بعد تسوقهما وشراء الازم،، صفت أريج سيارتها وأخرجت منها بعض الأكياس !!!
مها أمسكت بيدها باقة الزهور وعلبة الشيكولا !
كانت نور تتحدث في هاتفها ،،وأغلقلتهٌ حين رأتهم !!
ذهبت مرحبه بأريج بعد ما رأت بيدها بعض الأكياس !!!
نور بإبتسامه ووجه بشوش٠٠٠٠ يا أهلا يا أهلا ب ريجا الجميلة،، عاوزه مساعده يا روحي؟؟
أريج بإبتسامه ٠٠٠٠ياريت يا مدام نور تندهي لعفاف تساعدني وتاخد العلب والشنط إللي في العربيه !!!
نظرت نور لداخل السيارة بفضول وقالت٠٠٠٠أيه ده كله أنتو جايبين بيتزا ؟؟
ردت أريج بإبتسامه علي فعلتها تلك٠٠ ٠٠أه،، مها جايبلنا كلنا بيتزا،، وعلي فكره عامله حساب حضرتك معانا !!
وأنا كمان جبتلك المكسرات المحمصه إللي بتحبيها !!
نور بفرحه عارمه وأبتسامه٠٠٠٠تسلمولي حبايب قلبي،، ميرسي بجد علي ذوقكم،، أنتو بنات مفيش في ذوقكم بصراحه !!
دلفت أريج وعفاف للداخل محملين بالأكياس !!
نظرت نور ل مها وتحدثت ٠٠٠٠٠أيه
الورد الجميل ده يا ماهي ؟
شيك أوي ومتنقي بعناية،،
كمان الورده دي تمنها غالي جدآ ونادره،،
ثم أكملت بلؤم٠٠اللي منقية بجد جنتل مان 🌸
مها بإستياء٠٠٠٠٠جنتل مان؟؟
وأكملت٠٠٠ وليه حضرتك ربطي إن إللي جابهولي راجل؟؟
وليه مثلآ ما أكونش أنا اللي عايزه أدلع نفسي وأطبطب عليها ؟؟
وأكملت ب لامبالاه٠٠٠٠كل الحكاية إن البوكية عجبني فأشتريتة !!
ضحكت نور ونظرت لها بلؤم٠٠٠٠طبعآ ما فيش مانع إن الواحده مننا تدلع نفسها وتطبطب عليها،،
بس ده للناس إللي ما عندهاش حد يهتم بيها يا ماهي !!
لكن إنتي ما شاء الله ،،عندك راجل جنتل مان وعيلته من أغني عائلات البلد،،
وبيتمنالك الرضا ترضي ،، وبإشارة واحده بس من صباعك
يجبلك الدنيا كلها تحت رجليكي
بس إنتي إللي معرفش مالك؟؟
مها وقد فهمت مقصد نور بكلماتها تلك ٠٠٠٠٠اااه ،قصدك الباشمهندس عماد ،،لاء حضرتك ده يروح يهتم بخطيبته أحسن !!
وأكملت ب تذكير٠٠٠٠٠آه وبالمناسبه يا مدام نور،، يا ريت تبلغيه يبطل يقف قصاد بلكونتي بعربيته !!
أديكي شوفتي بنفسك كلام إللي إسمها عبير وتلميحتها الخبيثه اللي شبهها !!!
نور بلؤم٠٠٠٠أيه ده هو عماد لسه بيقف بعربيته بره؟؟
ماكنتش أعرف صدقيني !!
وبعدين يا ماهي هو أنا هحجر على الناس ما تقفش قدام فيلتي ،،
ده حتي قانونآ ما ينفعش
ثم أكملت بضحك٠٠٠٠٠الشارع ملك للجميع يا روحي !!
مها بقلة حيله لأنها تعرف خبث ولؤم هذه السيده المتسلقه عاشقة المال،، وأن الحوار لن يجدي معها بثمار !!!
طب يا مدام نور،، ليا عند حضرتك طلب أخير ،،
بعد إذنك ياريت ماتطلعيلناش فطار في الأوضه بعد كده،،
أنا هنزل أنا وأيه نفطر تحت مع البنات !!
نور بإستسلام ٠٠٠٠٠خلاص يا ماهي،، ما دام بتزعلي من إهتمامي بيكي،، اللي يريحك أنا هعملهولك يا روحي،،
بس صدقيني كل الشكوك إللي في دماغك دي ملهاش أي أساس من الصحه !!!
وبعد حوار وتعب من مجابهة هذه السيده اللئيمة إعتذرت مها وصعدت لغرفتها !!!
أما نور فسارعت للإتصال ب عماد لتبلغه تحركات مها اليوميه كعادتها ،،بناءآ علي طلب عماد للإطمئنان على راحة حبيبته وأمنها ومعرفة سير تحركاتها !!
🌸٠٠٠٠🌸٠٠٠٠٠٠🌸٠٠٠٠🌸🌸٠٠٠٠٠🌸٠٠٠٠٠🌸٠٠٠٠🌸
دلفت مها لغرفتها وجدت أريج وأيه يجلسون علي السرير !!
مها مداعبة ل أيه ٠٠٠يويو حبيبتي ،،طب تصدقي وحشتيني !!!
أيه بإبتسامه٠٠٠٠٠لا والله ،،لحقت أوحشك يا بكاشه وضحكت !!!
أريج ب قلة صبر وصياح٠٠٠٠٠هو أنتو لسه هتحبو في بعض ،،يلا يا أستاذه أدخلي بدلي هدومك علشان البيتزا هتبرد،، هموت من الجوع حرام عليكم كده !!!!
🌸٠٠٠٠٠٠🌸٠٠٠٠٠٠🌸٠٠٠٠٠🌸٠٠٠٠٠٠🌸٠٠٠٠٠🌸٠٠٠٠٠٠🌸
آتي الليل علي أبطالنا
أفاق أدهم من جلستهٍ علي صوت جرس الباب،، ذهب إلي الباب وفتحه،، وجد أمامه أيمن صديقه، كان يجلب معه بعض الأطعمة والمشروبات !!!
أدهم بوجههٍ بشوش٠٠٠أيمن،، أيه المفاجأة الحلوه دي،،
وأشار بيده للداخل٠٠٠٠٠ أتفضل !!
أيمن مازحآ ٠٠٠٠٠ أعمل أيه في قلبي الحنين ،،قولت أجيب عشا وأجي أتعشي معاك بدل ما أنت قاعد لوحدك زي المقطوع كده !!!
أدهم ضاحكآ٠٠٠٠ طب يا سيدي كتر خيرك ،، مش عارف من غيرك كنت هعمل أيه ؟؟
رد أيمن بضحك٠٠٠٠كنت هتطلب دليفري،، سهله يعني !! ضحكاَ وتناولا طعامهماَ سويآ وجلساَ يتحدثون عن العمل الخاص بهما !!!!
🌸٠٠٠٠٠٠🌸٠٠٠٠٠٠🌸٠٠٠٠🌸🌸٠٠٠٠٠٠🌸٠٠٠٠٠🌸
أما في فيلا نور،،كانت تجلس نور مع جميع بنات السكن بصحبة مها وأريج وأيه،،
في جو يكسو عليه المرح والمزاح والضحكات بين البنات جميعآ !!!
ماعدا عبير الجالسه تنظر بحقد علي مها الجالسه وهي تحتوي أريج داخل أحضانها بحب وود،، وتملس علي شعرها كطفلة صغيره تهدهدها أمها !!!
فحقآ علاقة مها وأريج كانت علاقة مميزه،، فمن يراهم يعتقد أنهما أختان لشدة التفاهم والتعلق والحب بينهما !!
كانوا يتبادلون الأحاديث وهم يتناولون الأكلات والتسالي التي جلبتها مها وأريج لزوم سهرتم المفتعلة !!
أريج بمرح٠٠٠٠يسلام لو مامي توافق أقعد معاكم هنا علي طول،،، ياااا ،،أنا بجد بحب أجي هنا أوي !!!
نور بتمني ومجامله٠٠٠٠٠ياريت يا ريجا ،،دي الفيلا يزيدها شرف إن بنت سعادة السفير شريف مهران تسكن معانا !!!
وقفت مها بقلق ظاهر علي ملامحها٠٠٠٠٠طب يا بنات سهره سعيده وبجد كان نفسي أقعد معاكم أكتر من كده لكن للأسف عندي بحث لازم يخلص إنهارده !!!
أيه بإستغراب٠٠٠بحث أيه يا مها ،،مش خلصتيه إمبارح معايا ؟؟
مها بإرتباك٠٠٠٠ ما أنا أكتشفت فيه غلطات كتير يا أيه ،، فقررت أعيده تاني ،،كده أسلم !!
أريج مبتسمه بلؤم٠٠٠٠روحي يا قلبي عيديه وركزي كويس جدآاا ،،
ونظرت لها بنظره ذات معني ٠٠٠٠إنتي عارفه دكتور أدهم ما بيرحمش !!!
أيه تأكيدآ علي كلام أريج ٠٠٠٠٠أيوه وخصوصآ معاكي إنتي بالذات يا مها !!!
ونهضت من جلستها وأكملت٠٠٠ خلاص أنا طالعة معاكي أراجع أنا كمان !!!
هنا تحركت أريج ممسكة بيد أيه وأجلستها علي الأريكة سريعآ وقالت٠٠٠٠تصدقي إنك رخمه،، دي السهرة لسه هتحلي والفيلم هيبدأ،،
وإنتي تسيبيني لوحدي وتطلعي ،،
طب مها غصب عنها عندها بحث هيتسلم بكره،، إنتي بقا أيه عذرك ؟؟
أيه بإستسلام وإقتناع٠٠٠٠٠خلاص يا بنتي إنتي هتعيطي ولا أيه !!!
مها كانت تنظر لهما وأحست أن الهواء أنسحب من المكان فجأه،،
ودمائها هربت من جسدها ،،ظلت واقفه متصلبة الجسد حتي سمعت موافقة أيه،، وأخيرآ تنفست الصعداء وصعدت علي غرفتها سريعآ !!!
جلست علي سريرها وأمسكت هاتفها وضغطت علي الإتصال بحبيبها العاشق !!!
في هذا التوقيت كان يجلس هو وأيمن يتحدثان ويضحكان ،،رن هاتفه معلنآ عن وصول مكالمه، نظر بشاشتهٍ وأبتسم !!
ثم وقف معتذرآ وقال ل أيمن ٠٠٠٠يلا بقا يا حبيبي ماعطلكش،، عندي تليفون مهم،،
وبعدين أنت إتأخرت أوي !
وأكمل مازحآ٠٠٠ وأنا بصراحة أخاف تسوق بالليل ليخطفوك يا غالي !!!
أيمن ٠٠٠اممممم بتطردني بالذوق يعني؟؟
وغمز بعينه وقال٠٠٠ شكلها كده مكالمة من إللي شقلبت حالك اليومين اللي فاتو !!
ثم أكمل بفضول٠٠٠٠ بردو مش هتقولي هي مين وتعرفني عليها؟؟
رد أدهم بإبتسامه٠٠٠٠٠في الفرح إن شاء الله هعرفك عليها !!
أيمن بمزاح٠٠٠٠أه يا خوفي لتطلع في الآخر إسراء السكرتيرة ومقرطسيني في النص أنت وهي ،،
وتكون تعبت وجبت أخرك من المحزق والملزق بتاعها وأعلنت لها الرايه البيضا وإستسلامك !!
ثم نظر له بزهول وبرق عيناه واضعآ يده علي فمه في دعابه منه٠٠٠٠ ولا يا أدهم،، أوعي تكون البت شربتك حاجه أصفرا يلاا ؟؟
أدهم بنفاذ صبر وجديه٠٠٠٠٠أيمممممن وبعدين ،،
أيمن بضحك ٠٠٠خلاص يا عم همشي قبل ما تطلع العرق الصعيدي بتاعك عليا،، يلا سلآم !!!
غادر أيمن وأمسك هاتفه سريعآ وهاتفها أتاه ردها على الفور
تحدث بإعتذار وأسف٠٠٠٠٠أنا آسف بجد يا حبيبتي ، كان عندي ضيف والله ولسه خارج حالآ !!!
مها بضحكه خطفت قلبه٠٠٠ولا يهمك يا أدهم ،،وبعدين أنا مش بتقمص زي ناس علي فكره !!!!
أدهم وقد فهم مقصدها من تلك الكلمات٠٠٠٠٠أمممم،، الكلام ده ليا صح،،
ثم ضحك وأكمل ٠٠٠٠والله موضوع مش بتتقمصي دي هيبان مع الأيام٠
وبعدين أنا ما أصدقش أبدا أن فيه بنت مش بتتقمص !!
وأكمل بثقه٠٠٠٠يا بنتي القمص والبوز والنكد دول صفات أصيله متأصلة في الستات عمومآ،، ومتأصل ذياده حبتين في جينات الست المصريه !!!
صفات ما شاء الله بتتوارثوها عبر الأجيال،، جيل بيسلم جيل !!!
ضحكت من كل قلبها علي أثر كلماته وتحدثت بمرح٠٠٠٠ويا سلام علي فرفشة وهنا سعادتكم كرجاله !!!
قاطعها بتحذير مفتعل قائلآ٠٠ ٠٠لاء بقولك أيه ما أسمحلكيش،، إحنا كرجاله مصريين معروفين وسط العالم كله ،، بنمشي نوزع حب وفرحه وإبتسامات علي الجميع في كل مكان ،،حتي في الشوارع !!!
ضحكاَ سويآ من أعماق قلبهما
ثم تحدثت هي قائله ٠٠٠أدهم،، ممكن توصفلي شقتك نفسي أحس إني شيفاك في المكان وأنا بكلمك ؟؟
أدهم ب عمليه ٠٠٠٠٠وأوصفها ليه يا حبيبي،، بعد ما أقفل معاكي هصورهالك فيديو وأبعتهولك،،
وأهو بالمرة تشوفيها وتقوليلي لو كان ناقصها أي حاجه أو عايزه تعديل؟؟
وأكمل بحب٠٠٠ علشان دي هتبقي عش الزوجية اللي هتشهد علي أحلا ليالي في عمرنا يا مها ♡
إبتسمت بإحراج وقالت٠٠٠٠والله يا أدهم أنا موافقه بأي حاجه،، المهم إني أكون معاك ♡
أدهم بحب ٠٠٠٠حبيبتي يا مها،، إن شاء الله هعيشك ملكة،،
هنسافر ونلف الدنيا،، هعيشك وهعيش معاكي أحلا حكاية حب في الكون كله !!
وأكمل بجديه٠٠٠٠٠علي فكره الشقه حلوة أوي وهتعجبك إن شاء الله ،،
وبعدين دي مرحلة،، لحد ما أقدر أبنيلك فيلتك اللي تستاهليها !!
وأكمل ب عمليه٠٠٠٠٠الحقيقه أنا لو طلبت من الحاج سليم مش هيتأخر،،
بالعكس ده يتمني ،،لكن أنا حابب أبني بيتنا بفلوسي الخاصة علشان ربنا يباركلنا في حياتنا فيه !!!
مها بإعجاب بكلماته وطريقة تفكيره تحدثت بدعم٠٠٠إن شاء الله هنحقق كل اللي نفسنا فيه وإحنا مع بعض !!
أدهم ٠٠٠ده أكيد يا قلبي،،
وتحدث بجديه٠٠٠٠تعرفي أنا نفسي أشوف مامتك أوي،، حاسس إننا هنبقا متفاهمين أنا وهي وهنبقا أصحاب كمان !!!
تحدثت مها بحماس علي ذكر إسم والدتها٠٠٠٠ماما ست قويه وشخصيتها حلوه أوي،، إن شاء الله هتحبها،،
وأكملت٠٠٠٠ علي فكره أنا صورة مصغره من ماما في كل حاجه،،كل الناس بتقولي كده ،،شخصيتها ،،شكلها،، روحها،،
كادت تكمل قاطعها بنفي قائلآ ٠٠٠٠أنا حبيبي ملهوش مثيل،،نسخة فريدة نادرة الوجود،،ربنا رزقني وميزني بيها عن بقيت الناس علشان يكافئني♡
تحدثت بصوت أنثوي رقيق عاشق٠٠٠أدهم ♡
أدهم بصوت حنون٠٠٠٠حرام عليكي والله اللي بتعمليه في أدهم ده،،إرحميني يا مها دوبتي قلبي ♡
مها بعشق٠٠٠٠أنابحبك أوي يا أدهم ،،ومعاك بس عرفت معني لحياتي،، خلاص ما بقتش عاوزه غيرك من الدنيا كلها ♡
وتلاقت أرواحهم في عالم عشقهما الخاص لوقت غير معلوم لهما ♡
،، فمتي كان للوقت أهمية بالنسبةٍ للعاشقين،،
فاقت من حلمها السعيد علي رسالة من أريج تعلن فيها عن
♡ موعد إنتهاء هذا اللقاء الحالم ♡
تخبرها فيه عن صعودها هي وأيه لغرفتها،،
أغلقت هاتفها بعد سماعها كلماته التي أصبحت دومآ ختام كلامه لها وأصبحت هي تٌدمنها !!
♡بحبك،، بحبك ،،بحبك ♡
وباتت تحلم بعشقه،،وعشها التي ستبنيهٍ معه،، باتت تحلم بحبه،، بدفئ حضنه،، بحنانه،،
نعم هذا هو رجلها التي عاشت تحلم به،
منذ أن كبرت وسرحت بروحها الحالمة تبحث عن فارس أحلامها بين البشر،، وها هي تقترب من حلمها رويدآ رويداْ ،،
تري ستعطيكي الحياة ما تمنيته بسهولة يا فتاه؟؟
أم أن عليكي أولآ الصراع معها،،
والحفر بأظافرك في الصخر لتحصلي علي نصيبك من الحب والحياه ؟؟
هذا ما سنتعرف عليه في البارت القادم
إنتهي البارت