رواية حبيت رجل مجهول الفصل الأول 1 بقلم عبدالرحمن حسني
رواية حبيت رجل مجهول الجزء الأول
رواية حبيت رجل مجهول البارت الأول
رواية حبيت رجل مجهول الحلقة الأولى
انتي يا بت انتي هتفضلي كدا بايره محدش عايز يتجوزك
،، في ايه بس ي ماما انا عملتلك حاجه
يا شيخه نفسي تعملي عمري ما شفتك داخله عليا بعريس معجب بيكي ولا عايز يتجوزك
،، هو انتي ليه محسساني اني عندي ٤٠ سنه انا لسه صغيره
لسه صغيره اه ٢٥ سنه ولسه صغيره دا انني قربتي تعنسي
__________________
كل يوم الكلام ده كل يوم كلام يقطع القلب كل يوم وبحس اني اوحش انسانه ف العالم بسبب كلام ماما عليا
قصدي مرات ابويا ايوه دي مرات ابويا الي اتجوزها بعد ما ماما ماتت بشهرين كان فاكر انه كدا بيربيني لما
يجبلي وحده غير امي وأجبرت وغصب عني بقيت بقولها يا ماما امي ماتت وانا عندي سنتين مش فكراها
لكن اكيد كانت هتكون احن عليا من العقربه دي مش عارفه بابا فضل متمسك بيها السنين دي كلها ليه مش
ذنبي اني لسه ملقتش نصيبي احب اعرفكم بنفسي انا اسمي
منار ف كليه طب شغاله مساعده دكتور ف المستشفي العام دكتور جراح شاطر اوي المستشفي كل يوم
بيجلها ناس مدمره من الحوادث علي الطريق يعني بشوف مناظر ما يعلم بيها الا ربنا مبقتش اخاف من الي
بشوفه خلاص اتعودت يومي كان روتيني جدا بصحا افطر اروح الكليه احضر المحاضرات المهمه واروح
المستشفي اخلص وارجع انام وكل يوم جمعه بقا خناقات مع مرات ابويا ليل ونهار انتي خايبه مش نافعه
ف حاجه ولا بتضبخي ولا بتنضفي عايشه كدا وخلاص ملكيش لازمه عامله زحمه ف البيت وخلاص وخدو
بقا من الكلام ده للصبح لدرجه اني كرهت يوم الجمعه الي الناس كلها بتحبه
_________________
( تلفون بيرن )
منار / هاا مين الظريف الي بيرن دلوقت الوووو
مجهول / الو ازيك ي استاذه منار
منار / مين معايا
مجهول / مش مهم انا شخص بيحبك وعايز يتجوزك
منار / طيب ياخي خلي عندك دم ازاي بتحبني وعايز تتجوزني ومش مهم اعرفك وكمان بترن الساعه ٧
الصبح ده انت اتسان بارد صحيح
مجهول/ انا برن عشان ده معاد صحيانك يا دكتوره انتي بتصحي سبعه بتفطري وتلبسي ف نص ساعه
الساعه ٨ بتكوني ف الكليه
منار/ ايه ده انت ساحر يعم انت ولا ايه عرفت منين الحاجات دي
مجهول / انا برقبك اديلي اكتر من سنتين وعارف عنك حاجات اهلك نفسهم ميعرفهاش عنك
منار / والله،!!! ومزهقتش وانت بترقبني اديلك سنتين طيب ما تكمل معايا سبع سنين الطب بالمره بقولك ايه
والله ما ناقصاك
قفلت في وشه/ ناقصه هبل علي الصبح قال مراقبك اديلي سنتين ليه دا انا زهقانه من نفسي انت مزهقتش ازاي
قومت غسلت وشي وفطرت كالعاده ونزلت بس انهارده اخيرا في حاجه جديده حصلت ف يومي بس حاجه غريبه اوي
الامن / استاذه منار
منار / نعم
الامن / الجواب ده جي لحضرتك
منار / من مين الجواب ده
الامن / في شخص جي وادهولي وقالي اسلمهولك لما تيجي
فتحت الجواب وانا مستغربه اوي
( في الجواب )
علفكره عيب اوي ومش من الذوق يا دكتوره تقفلي ف وشي بس علي العموم انا مسامح اكيد انتي متقصديش بصي وراكي كدا
لفيت ورايه بسرعه لقيت بوكيه ورد كبير اوي علي كرسي ف المستشفي روحت شلته ولقيت في كرت مكتوبه في
( انهارده عيد ميلاد اجمل انسانه ف العالم . كل سنه وانتي طيبه بحبك يا منار )
منار/ انا فعلا عيد ميلادي انهارده بس هو ازاي عرف انا دماغي هتموتني مين الشخص ده
روحت بليل نمت وانا دماغي هتموتني بجد من التفكير وفضلت ابص لي بوكيه الورد شكله جميل اوي بصراحه حركه حلوه وبعد تفكير كتير نمت من الإرهاق والتعب
( تاني يوم ف المستشفي )
الحقوالحقو
منار / في ايه
الامن / في واحد عربيه خبطتو قدام المستشفي وجريت
منار / طيب يلا بسرعه علي اوضته العمليات
دكتور سامح / ايه ده مالو
منار / عربيه خبتطو قدام المستشفي
دكتور سامح / طيب يلا بسرعه
منار / ايه االاخبار ي دكتور
دكتور سامح / حلته مش صعبه بس هيحتاج وقت لحد ما يفوق ويقدر يمشي تاني داخلو الانعاش وحطلو كل الاجهزه دكتوره منار
منار / نعم ي دكتور
دكتور سامح / المريض ده من دلوقت بتاعك تخلي بالك منو وكل كام يوم اخد تقرير في تقدم منك
منار / حاضر ي دكتور
وانا خارجه من المستشفي
الامن / دكتوره منار
منار / نعم
الامن / الحاجات دي تبع المريض الي اتخبط قدام المستشفي بس مفيش حاجه تثبت هويته ولا عرفنا حتي اسمه
كل الحاجات كان موبيل وقلم ونوته صغيره كدا خدتهم وروحت وقولت مش هفتح النوته دي مليش دعوه
بس الفضول هيموتني
فتحتها غصب عني لقيتها مذكرات
انا اسمي حسام محمد انا مش هكتب اي حاجه عن حياتي غير عن منار الدكتوره الي بحبها بقالي سنين
مقدرتش اكمل يعني ايه هو ده الشخص المجهول الي بيحبني
يتبع……
لقراءة الفصل التالي : اضغط هنا
لقراءة الرواية كاملة اضغط على : (رواية حبيت رجل مجهول)
