رواية حبيب الروح الفصل الثالث 3 بقلم مورا
رواية حبيب الروح الجزء الثالث
رواية حبيب الروح البارت الثالث
رواية حبيب الروح الحلقة الثالثة
نعمه؛ انت مش فرحان ولا ايه ياابني
تامر: ياامي انتي عارفه اني ماكونتش عايز اتتجوز واني لسه بحب امل وانتي السبب ف كل حاجه… انا عمري ماهفرح ابدا بس مش دي رغبتك؟؟ اديني بسمع كلامك وبتجوز عشان بس مابقاش ابن عاق زي ماقولتيلي ولكن انا عمري ماهحب حد غير امل
سابها تامر ومشي
نعمه؛ مش عارفه بس اعمل ايه يااربي
…….
دق دق
ريماس راحت تفتح الباب
ريماس؛ اهلا حمزه
حمزه بهمس؛ اختك موجوده
ريماس؛ اه
حمزه؛ عايزك تخليها تنزل بااي سبب من الاسباب
ريماس؛ لييه يعني
حمزه: اخلصي بس اخترعي اي حجه
ريماس؛ ماشي ياخويا
دخلت ريماس لاماني
ريماس؛ اماني ماتنزلي تجبيلي حاجه
اماني بصت علي رجل ريماس
اماني؛ مانتي فيكي رجل وبتمشي
ريماس: دي اول مره اطلب منك تنزلي عشااني وانتي ياما بتنزليني مع ان فيكي رجلين برضو
قامت ريماس بزعل
اماني؛؛ خلاص خلاص تعالي… اجبلك ايه
نزلت اماني وراحت لقت حمزه واقف بعربيه مليانه بلالين
مشيت اماني بعدم رد
حمزه؛ استني استني
اماني؛ انت عايز ايه
حمزه؛ انا اسف…
اماني؛ وانا اعملك ايه
حمزه؛ والله انا الشغل كان تقيل قووي ونسيت خاالص انك اتروحي
اماني؛ كان نفسي اقولك اول وااحد
حمزه؛ واحياتك عندي نسيت… يلا بقا تعالي نتفسح
اماني؛ انا ماقولتش لبابا
حمزه؛ انا كلمته واستاذنت منه
اماني بتفكير؛ مش عارفه
حمزه؛ خلصي بقااا ماتقلبهاش نكد واوريكي يوم عمرك ماشوفتيه
اماني؛ مااشي
……..
كانت بتجهز نفسها عشان فرحها ولكن هي عارفه كويس ان تامر مش بيحبها وبيحب غيرها بس دي فرصه عمرها ماكانت تتخيلها خصوصا ان تامر غني وهي فقيره جددا وماصدقت فرصه دي دي
سلمي؛ انا خايفه قووي يانرمين
نرمين؛ خايفه ايه ياعبيطه دي فرصه العمر
سلمي؛ بس انتي عارفه هو بيحب مين
نرمين؛ وايه المشكله انتي باسلوبك وفعلك خليه يحبك انا اختك وعارفه مصلحتك
سلمي؛ ربنا يسترها….. كان نفسي امي وابويا يكونوا معايا
نرمين: الله يرحمهم هما اكيد فرحانين عشانك دلوقت
سلمي؛ يارب….
…..
ركبت اماني العربيه مع حمزه وكان عمال يصالحها لغايه ماتصالحت وبقوا يهزرو ويضحكوا
اماني؛ انروح فين
نزل حمزه وغما عينها
نزلوا وكان ماسك ايدها عشان ماتقعش
اماني؛ هااا اتشيل البتاعه اللي علي عيني دي امتي
حمزه؛ يخربيت خلقك الضيق ده
مشيوا شويه وراح فاكك الرباطه من علي عنيها
فتحت اماني عنيها
اماني بانبهار؛ وااااااو
كان المنظر عباره عن جنينه كبيره ومليانه ورود وبلالين وحاجات حلوه قووي
اماني؛ ايه المكان الجميل ده
حمزه مسك ايدها وبص ف عنيها برومانسيه
حمزه؛ ده شبه اللي انتي عملاه ف قلبي انتي اللي منوراه ومخلياه جميل من جوه من غيرك ضلمه والم… انتي الورود اللي فقلبي اللي مخليا شكله واحساسه جميل…. انا بحبك قووي يااماني
اماني كان قلبها عمال يدق من كلامه وكانت حاسه انها طايره ف السما
فضلوا مع بعض وبيتكلموا برومانسيه وحب
نروح بقا لفرح سلمي وتامر
مش معني كلمه فرح يبقا الكل فرحان تامر كان قلبه حزين قوووي علي حب عمره اللي معرفش يتجوزها وسلمي زعلانه ان تامر حتي مابصلهاش وحتي وهي جمبه لغايه الفرح ماخلص وطلعوا علي شقتهم
تامر كان قاعد ع الكنبه وسلمي جوه ف اوضتها محتاره تغير الفستان ولا تعمل ايه وكل شوسه تتابعه ولكن هو قاعد مكانه ماتحركش
سلمي؛ اعمل ايه دلوقت بس… هي جوازه كانت باينه من الاول…… اعمل ايه يااتري…. خلاص انا اغير وخلاص بقا
غيرت سلمي هدومها واخدت شاور ولبست بيجامه خفيفه كده ولمت شعرها ديل حصان ولكن كانت باينه انها ملكه جمال بملامحها البريئه وجسمها الرشيق
طلعت سلمي بره
سلمي؛ احضرلك العشا
تامر كان بيتكلم من غير مايبوص عليها
تامر؛ لا
سلمي بياس؛ ماشي
……..
اماني؛ بجد كان يووم تحفه
حمزه؛ كويس انك اتبسطي….. يلا بقا اطلعي فوق وانا امشي…..
طلعت اماني فوق
سعاد؛ كنتي فين ياعين ومك
اماني؛ خرجت مع حمزه
سعاد؛ احنا كلاب ف البيت ولا ايه ماتعرفيناش
اماني؛ بابا عارف
سعاد؛ وانا ماليش شخصيه…. اسمعي بقا اللي اقولك عليه ده..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حبيب الروح)
