رواية حبيبي زعيم المافيا الفصل السابع 7 بقلم منى مرزوق
رواية حبيبي زعيم المافيا البارت السابع
رواية حبيبي زعيم المافيا الجزء السابع
رواية حبيبي زعيم المافيا الحلقة السابعة
مراد وشه احمر و بغضب رد : انت متأكد يا سعد؟
سعد : ايوه يا باشا و الكاميرات صورت كل اللي حصل
مراد بيخبط بإيده على الترابيزه اللي كانت جنبه و بيرد : جيت لأجلك يا ابن الكردي واللي صاب ابوك على ايدي هيصيبك
___________________________________________
منى : هنزل معاك فين؟
عمار : في الدور اللي تحت، عايز افرجك على حاجة
منى : حاجة ايه؟
عمار بإبتسامه : لا دي مفاجأة
منى : هو انا مش بحب المفاجٱت بس.. بس ماشي تمام
*بتنزل منى مع عمار للدور الاول* بتتفاجئ ب لوحه كبيره مرسوم فيها صورتها و جنبها تمثال ليها
منى بذهول : ايه ده؟ ايه الحاجات دي؟
عمار : دي حاجة بسيطه تقدري تعتبريها هدية ترحيب بيكي
منى : ا ا انا متشكره جدا بس.. بس ده كتير اوي
عمار بإبتسامه : مفيش حاجة تكتر عليكي يا منى
منى : انا حقيقي مقدره كل ده لكن انا حاسه ان ده اوڤر و كتير عليا، يعني انا مفيش بيني و بينك معرفه سابقه
عمار : انا عارف بس صدقيني يا منى انتي تدخلي القلب من اول نظره
منى : ياااه، مش شايف انك بتبالغ حبتين؟
عمار : صدقيني يا منى هي دي الحقيقه، انتي مش عارفه قيمة نفسك
*منى بتبلع ريقها و بتبص في الارض* و بترد : ب.. بعد اذنك انا عايزه اطلع عشان حاسه اني دايخه شويه
عمار : تمام اتفضلي
___________________________________________
مراد : يعني هو لا خرج ولا دخل من يوم الحادثة؟
– ايوه سعادتك و كمان….
مراد : كمان ايه ؟ انطق
– مركز كل وقته مع منى و شبه مش بيسيبها خالص
مراد وهو بيحاول يكتم غضبه : بيلعب معايا لعبه قذره بس ورحمة ابويا و امي هوريه عذاب جهنم ع الارض
___________________________________________
منى : غريبه، انت كمان بتقرأ روايات؟
عمار : عمري ما فكرت اني ممكن اقراهم قبل كده
منى : وايه اللي غير رأيك؟
عمار : انتي يا منى
منى : انا؟
عمار : ايوه يا منى، صدقيني انتي خليتيني اشوف الدنيا كلها بنظره تانيه
منى : احم عمار انا متشكره جدا بجد انا مش عارفه اقولك ايه بس…
عمار : بس ايه؟
منى : انت بتهدر وقت و مشاعر مع الشخص الغلط
عمار : ليه بتقولي كده؟
منى : عشان…. عمار انا قلبي مش بإيدي و…..
عمار : و لسه بتحبيه
منى بصت له و منطقتش بكلمه
عمار : انتي لسه تحت تأثيره يا منى بس اوعدك اني…..
– انك هتفضل قذر زي ما انت
*بيلتفت عمار و منى للصوت بيكون مراد واقف عند الباب*
منى : مراد!
عمار بسخرية : مراد باشا بذات نفسه منورني، طب مش كنت تقول عشان نعمل الواجب
مراد بإبتسامه : لا يا حبيبي ملوش لزوم وبعدين ده واجب عليا انا و الصراحه انا اللي جاي اعمل الواجب
عمار : اممم طب وبعدين هنعمل ايه ف الحيرة دي… انتي رأيك ايه يا منى؟ مين فينا يعمل الواجب؟
منى بتوتر و هي بتبص ناحية الاتنين : و والله انا شايفه ان احنا نستهدى بالله و منعملش حاجه و كده كده كلنا خلصنا دراسه ومش محتاجين واجبات
مراد بيبص لعمار : طب هو مش بردو من اصول الواجب الصح ان الستات ميبقوش جزء منه؟ ولا انت حابب تتحامى في الحريم؟
عمار : ههههههههههههه اتحامى؟ لا انت فاهم غلط منى هنا عشان احميها مش اتحامى فيها
مراد : لا متقلقش منى في حمايتي انا
عمار : الله اومال ايه اللي كان مخرجها من القصر لوحدها مع الراجل النص لبه اللي وقع من رصاصه واحده ده ؟
مراد : لا هو انا مقولتلكش دول كانوا رايحين يشتروا تموين للبيت بس للأسف اعترض طريقهم كلبين من بتوع الشارع
عمار : تؤ تؤ و هي كلاب الشوارع تعرف تعمل كل الاكشن ده بردو؟
مراد : لا ده الاكشن لسه جاي بس بلاش تستعجل
عمار بنظرة خبيثه : لا انا مش مستعجل… انا كنت مستنيك بقالي كتير عشان اصفي حساب ابويا معاك
مراد : ههههههههه هما الاموات كمان بيطالبوا بحساباتهم؟ بس عموما يعني ابوك هو اللي كان عليه ليا حساب و اهه دفعه بنزوله لقبره على ايدي
عمار بغضب : بس قبرك انت بقى اللي هيتحفر على ايدي
*بحركة سريعه بيطلع مراد مسدسه و بيوجهه في وش عمار اللي كان طلع هو كمان مسدسه في نفس اللحظة*
منى : عاااا انتو هتعملوا ايه؟
عمار بإبتسامه : شوفت انك مش لوحدك اللي سريع بقى يا باشا، بس انت المره دي خسران عشان على ارضي
مراد : انا مخسرش ابدا يا ابن الكردي
عمار : لا بتخسر حتى شوف *بيضرب رصاصة ناحية منى اللي بتصرخ و بتقع في لحظتها*
مراد بيجري عليها و بيصرخ : منى
عمار و هو بيضحك : ياااه حلو اوي صوت صريخك، بيتهيألي المشهد ده مألوف ليك بس مع اختلاف الاشخاص يعني مكاني انا كان واقف ابويا و اللي كان مكان حبيبتك… هما ابوك و امك
مراد : وحياة رحمة ابويا و امي لاتكون محصل ابوك و على ايدي زيه بالظبط
عمار بإبتسامه : طب ما تقوم يا دكر و توريني طولك ولا المرحومه قسمت ضهرك؟ الصراحه ان جيت للحق البت كانت مزه و تستاهل، بس يلا مفيش حد كبير عالموت
مراد : معاك حق محدش كبير عالموت “بيقوم مراد بسرعه و بيهجم على عمار و بيبدأ الاتنين يوجهوا ضربات و لكمات قويه لبعض لحد ما بيقدر يمسك عمار مسدسه بعد ما وقع منه و بيوجهه لمراد”
عمار : حلو اوي كده، اهه دلوقتي انا اقدر اقتلك وانا مبسوط بعد ما خليتك تتقهر على حبيبة القلب… باي باي يا مراد باشا
“صوت ضرب نار🔥”……. بيقع عمار على الارض وهو سايح ف دمه
– معلش مراد باشا مش هيروح باي دلوقتي
ب يلتفت مراد وراه : زين؟!
زين بإبتسامه : هو في حد غيري ينقذك
بيقوم مراد و بيحضن زين وهو بيبكي لاول مره ف حياته : سامحني يا زين انا ظلمتك و ظلمت منى بس.. بس احنا لازم نلحقها بسرعة، منى لازم تقوم و تبقى كويسه…. لازم تسامحني
زين و هو بيطبطب على كتف مراد : متقلقش ان شاء الله هتبقى كويسه، يلا بينا بس نمشي من هنا
” بيشيل مراد منى و بينزل بيها لعربيته مع زين”
مراد : فات اكتر من ساعه ونص و مفيش اخبار
زين : اهدى يا مراد بإذن الله سليمه
“بيخرج الدكتور من اوضة العمليات و بيجري عليه مراد”
مراد : طمني يا دكتور
– الحمدلله نجت بأعجوبة، الرصاصة لو كانت اتحركت مللي كمان كان زمانها جت ف القلب
مراد : يعني هي بقت كويسه يا دكتور مش كده؟ صح؟
– ايوه العملية نجحت و هي هتفضل تحت الملاحظة 24 ساعه و بعدين ننقلها اوضة عادية
*بيتنهد مراد* الحمدلله يا رب
زين بإبتسامه : مش قولتلك متقلقش
مراد : انا حاسس ان ربنا رد فيا الروح من تاني
زين : الحمدلله، روح ارتاح شويه انت بقى يا مراد
مراد : اروح و ارتاح؟ انا مش هعرف ارتاح الا لما منى تفوق و تبقى كويسه و اطمن عليها
زين : بس انت كده مش هتعرف تستحمل يا مراد ع الاقل روح ارتاح كام ساعه و تعالى الصبح انت منمتش من يومين
مراد : مش هيحصل يا زين، انا مش هتحرك من هنا الا مع منى ، بص روح انت ارتاح و ابقى تعالى الصبح
زين : يا جدع! ده على اساس اني عمري سيبت سيادتك لوحدك قبل كده
مراد : معلش انا عارف انك لسه تعبان و كتفك لسه متأثر بالاصابة
زين : لا ميهمكش، احنا جامدين و مفيش الا احنا
مراد بإبتسامه : مش عارف اقولك ايه
زين بنبرة بنت : قولي بحبك يا شيماء ف المايك
مراد بيضحك : الله يخربيت نفوخك بتبوظ ام المود ف ثانيه
زين : ياعم ماهو انا مليش ف جو الدراما ده،انت مش بتكلم خطيبتك .. اصبر لما الحب كله تفوق
مراد بإبتسامه : بإذن الله تفوق على خير
زين : يا رب
*بعد ما بتعدي 24 ساعه و كان مراد مشتت ما بين التوتر و القلق على منى*
مراد : طمني يا دكتور هي عامله ايه دلوقتى؟
– الحمدلله هي ابتدت تفوق و حالتها مستقره
مراد : يعني ينفع ادخل اشوفها يا دكتور؟
– ينفع بس بلاش تجهدها بالكلام الكتير عشان متتعبش
مراد : تمام يا دكتور متقلقش
*بيدخل مراد الاوضه عند منى و بيقرب منها*
مراد بصوت واطي : منى، حمدالله على سلامتك يا حبيبتي
منى بتفتح عينها بتعب و بتفضل ساكته و باصه عليه شويه و بعدين بتلف وشها الناحية التانيه
مراد بيمسك ايدها و بيبوسها و بيقول : ارجوكي يا منى سامحيني، حقك عليا انا عارف اني لو قعدت اعتذرلك للسنه الجايه اسفي مش هيكفيكي، انا عارف ان غلطي كبير بس… بس والله كان غصب عني يا منى *بعيون مليانه بالدموع* انا كنت هتجنن يوم ما شوفت المنظر ده، انا حسيت ان برج من دماغي هيطير
منى : و مقدرتش تدينا فرصه نشرحلك؟ نفهمك اننا مظلومين واننا ضحية واحدة خسيسه استغلت طيبتنا؟
مراد بيحرك دماغه بالموافقة وبيرد : معاكي حق، انا مش جاي ابررلك اللي حصل ولا بقول ان كان ليا اي حق ف اللي عملته *دموعه بتزيد* انا عايزك بس تسامحيني و تعرفي ان اللي صدر مني ده كان غباء بس بدافع الحب والله يا منى
*بتقرب منى ايدها من وشه و بتمسح دموعه و بترد* :
انت بتعيط يا مراد؟
مراد: دموعي منزلتش غير عشانك بعد ابويا و امي
منى : وانت دموعك غاليه عندي يا مراد….*بتنهيده* انا مسمحاك يا مراد عشان انا اتأكدت ان محدش هيحبني و يحميني زي بابا غيرك انت
مراد بإبتسامه بيبوس راسها و بيرد : صدقيني يا منى انتي كل حاجه انا عايزها من الدنيا دي و كل اللي انا نفسي فيه هو اني اخليكي اسعد انسانه ف الوجود
منى : ما انت عملت ده دلوقتي اهه
مراد بإستغراب : ازاي؟!
منى بإبتسامه: كلامك ده يكفيني العمر كله فرحه و سعاده
– احم احم معلش ٱسف عالمقاطعه يعني سامحوني
منى بدهشة : زين! انت لسه عايش؟
زين : يعني تقريبا كده في شوية نبض لسه معايا
ضحكت منى : طب الحمدلله حافظ عليهم بقى
زين : على الله يا ست الكل
مراد : خير ياعم الخديوي جاي ليه؟
زين بصدمه مصطنعة : جاي ليه؟ مكنش العشم يا صاحبي، عموما ملكش فيه انا جاي اطمن على مستقبل اخويا القمر اللي نايم ف السرير ده
ابتسمت منى بكسوف : الحمدلله يا زين، طمني انت عامل ايه دلوقتي؟
مراد : ماهو زي القرد اهه، يابنتي ده ب 7 ارواح
زين : اعوذ بالله على غل البشر، اهه الحقد ده اللي جايبنا ورا وربنا
مراد : طب يلا ياخويا نخرج و نسيبها تستريح زي ما الدكتور قال
*بيقوم مراد عشان يخرج م الاوضه بس بسرعه بتمسك ايده منى و بتقول*: مراد
مراد و هو بيبص عليها : عيونه
منى : انت ماشي ؟
بيبتسم مراد و بيمسك ايد منى و بيبوسها و بيقول : عمري! ….. عمري ما امشي و اسيبك
منى بإبتسامه : لا انا كنت عايزه اقولك تمشي عشان ترتاح لان شكلك مرهق
مراد : انا مش هرتاح ابدا غير لما تقومي و تبقي زي الاول و احسن كمان
منى : بس..
مراد : مفيهاش بس،انا هكون جنب الاوضة لو احتاجتي اي حاجه و هفضل هنا لحد ما نخرج سوا يا قمري
منى بإبتسامه : بإذن الله
___________________________________________
*بعد مرور اسبوع*
مراد : حمدالله على سلامتك
منى : الله يسلمك
مراد : نورتي القصر اللي كان مضلم من غيرك
منى بتبص في الارض و بتبتسم : ربنا يخليك ده نورك
مراد : غيري هدومك و ارتاحي شويه وانا هبعتلك سيلين، و اه بالمناسبة احنا النهارده هنعمل حفله بمناسبة خروجك بالسلامه
منى و هي بتعوج بوقها : حفله تاني؟ انت محرمتش من ٱخر حفله واللي حصل بعدها
مراد بإبتسامه : متقلقيش الحفله المره دي هتبقى غير المره اللي فاتت و غير اي حفله تانيه اتعملت، و كمان *بيغمزلها* مبقاش في عزول يفكر يضايقك او يبوظ علينا فرحتنا برجوعك
منى : احم طب هو يعني… انا كنت عايزه اسأل سؤال بالمناسبة دي
مراد بإهتمام : اسألي عن كل اللي انتي عيزاه
منى : هي چين راحت فين؟
مراد بإبتسامه بيمسك ايد منى و بيقول : تعالي معايا
*بتنزل منى مع مراد للبدروم*
مراد: ايه يا چين هانم عامله ايه ف الجناح الخاص بتاعك؟
چين بترد بدموع : ارحمني يا مراد وحياة اي حاجه حلوه فاكرها ليا ارحمني
مراد بضحكة استهزاء : اي حاجه حلوه؟ ماهي المصيبه اني مش فاكرلك حاجه حلوه، انتي وجودك ف حياتي كان مجرد اكراماً لأبوكي الله يرحمه اللي لو كان عايش يمكن كان خلص عليكي بإيده
*كل الكلام ده و كانت منى واقفه مكانها مذهوله من منظر چين اللي اشبه ما يكون ب أسرى الحرب*
مراد بياخد باله ان منى واقفه ساكته و مندهشه ف بيقطع صمتها و بيقول : انتي دلوقتى يا منى قدام اللي بهدلتك و و أذتك و أذتنا كلنا و اللي بسببها كنتي على وشك الموت…. القرار دلوقتى قرارك تحبي حقك منها يرجعلك بأي شكل؟ يعني لو تحبي اقتلها قدام عينك تمام، لو عايزه الشئ اللي افترت عليكي انتي و زين بيه يحصل معاها بجد بردو قدام عينك مفيش مشكله…. اختاري يا منى
منى بتبص ناحية چين بنظرة أسف و ابتسامة مكسوره و بتقولها : انا لما قابلتك اول مره و اتكلمت معاكي يا چين حمدت ربنا الف مره، حقيقي حمدت ربنا و شكرته انه مخلقنيش زيك او شبهك…. انتي عدوة نفسك قبل ما تكوني عدوة اي حد تاني، انتي زيك زي الحيه ممكن تموتي اي حد قريب منك بالسم اللي جواكي و الحل الوحيد انك تبعدي عن طريق الناس و تروحي تعيشي وسط الحيات و التعابين اللي شبهك
*بتبص منى لمراد و بتقوله*: كل اللي انا هطلبه منك انك تعفي عنها من العذاب ده ..و تحمينا منها بإنك تبعدها عننا على ادد ما تقدر ، مش عايزه اكتر من كده
مراد و هو مندهش : بعد كل ده بتطلبي لها العفو يا منى؟
منى : و لو كانت عملت اكتر من كده يا مراد عمري ما كنت هفكر للحظه اني أءذيها
مراد بإبتسامه بيحرك راسه بالموافقة و بينده بصوت عالي : راامي
رامي : اوامر سيادتك
مراد : عايزك تخرج چين من هنا و تاخدها بالعربية على اول طياره ل كندا و تتأكد انها ركبت الطيارة بنفسك
رامي : اوامرك يا باشا
مراد بيبص ل چين : طبعا مش محتاج اقولك انك مديونه بعمرك و شرفك ل منى اللي لولاها قسماً بالله ما كان طلع عليكي شمس…. انتي انكتبلك عُمر جديد، عيشيه زي ما انتي عايزه مكان ما هتسافري و بحذرك لو شيطانك وسوس لك للحظه انك تيجي او تفكري حتى تيجي ل هنا تاني، صدقيني هيبقى ٱخر يوم ف عمرك
*بتهز چين راسها بالموافقة و بعيون مليانه بالدموع بتبص ل منى وبعدها بتخرج مع رامي*
مراد بيبص ل منى : انتي كويسه؟
منى : ايوه بس خلينا نطلع من هنا
___________________________________________
تك تك *صوت خبط عالباب*
منى : ادخل
سيلين بإبتسامه : حمدالله على السلامه يا اجمل ما عندنا
بتروح منى ناحية سيلين و بتاخدها في حضنها و بتقول : طب تعرفي انك كنتي اكتر حد واحشني في القصر ده كله
سيلين بضحكه : بذمتك كنت انا اكتر حد واحشك بردو؟
منى : احم بصي يعني كل اهل القصر كانوا واحشني
سيلين : امممم *بغمزه* خصوصا صاحب القصر مش كده؟
منى بإبتسامه : بصراحه بصراحه يعني…. كان واحشني اكتر من كل الدنيا
سيلين : ايوه بقى ده احنا بقينا واقعين ف حبه خالص اهه
منى : ايوه بس عمري ما هروح اقول
سيلين : ههههههههه طبعا طبعا اومال
منى : عايزه ابقى زي ما مراد بيتمنى في حفلة النهارده
سيلين بإبتسامه : هتبقي اجمل كتير مما بيتمنى
___________________________________________
مراد : ايه مالك واقف متنح كده ليه؟
زين : مفيش ياعم، لسه بردو حفلاتك ناشفه زي ما هي
مراد : بقولك ايه، ما تتجوز
زين بصدمه مصطنعة : ايه؟ اتجوز؟ وبتقولها ف وشي كده؟ تف من بوقك بسرعه
*مراد تف ناحية زين*
زين : تعيش يا رجوله، بص ياعم فكك مني انا و خليك ف حفلتك و استنى البرنسيسه بتاعتك تنزل عشان تتعبد ف جمالها يا سيدي
مراد بإبتسامه : اهي البرنسيسه بتاعتي وصلت فعلا
*بتنزل منى و هي لابسه فستان اوف وايت و شعرها مفرود و بتكون اقرب ما يكون لشكل لوحات الملايكه*
بيقرب منها مراد و بيبوس ايديها و بيقول : نورتي حياتي يا قمر الحلوين
منى بإبتسامه خجل : احم شكرا
مراد : طيب ممكن بقى تتفضلي معايا
منى بإستغراب : اتفضل معاك فين؟
مراد : على الحفله
منى : اومال احنا هنا فين؟
مراد و هو بيشد منى من ايدها : تعالي معايا للحفله اللي بجد
*بيخرج مراد و معاه منى و بيطلعوا لجنينة القصر*
منى : هي دي الحفله؟
مراد بإبتسامه : تؤ.. هي دي ال حفله *بيشاور لواحد من رجالته* و فجأة بتنور اضواء كتيره بألوان مختلفه حواليهم و بتشتغل اغنية one thousand years
منى بعيون بتلمع بتبص ل مراد و بتقوله : مش ممكن
بيبتسم مراد و هو بياخد ايدها و بيبدأ يرقص معاها عالاغنية و بيرد : ايه مستغربة انا ازاي عرفت؟
منى بإبتسامه : لا انا مندهشه
مراد : يعني تفتكري بعد كل ده صعب عليا اني اعرف ان دي اغنيتك المفضلة و كمان من فيلمك المفضل؟
منى : تؤ، انت مفيش حاجه صعبة عليك
مراد : الا حاجه واحده
منى : ايه هي؟
مراد : اني ٱخدك ف حضني
منى : احنا هنخيب ولا ايه؟
مراد : ههههههههههه يا ستي سيبيني اتكلم انتي شوفتيني عملت حاجه؟
منى : اصلا متقدرش تعمل حاجه
مراد بيرفع حاجبه : متأكده؟
منى بتبلع ريقها و بترد بتوتر : ا ا ايوه ياعم، لا بقولك ايه هصوت والم عليك سكان الكومبوند اللي احنا قاعدين فيه ده.
مراد : شششسش بقولك ايه
منى : خير
مراد بيسيب ايدها و بينزل على ركبته و هو بيطلع علبة فيها خاتم و بيقول : تتجوزيني؟
منى بصدمه : ات… اتجوزك؟
بيهز مراد راسه بالموافقة
منى : لا يا مراد….مش هتجوزك
مراد ملامحه بتتغير و بيرد عليها : انتي بتتكلمي بجد يا منى؟
منى : اها
مراد : منى انتي….
منى : معلش يا مراد بلاش تضغط عليا
مراد بحزن : ماشي يا منى زي ما تحبي *بيقوم و قبل ما يمشي بتندهه منى*: مراد بك!
*بيبص لها مراد بإستغراب*
منى : دخيلك لا تتركني هيك
*بينفجر مراد ف الضحك*
بتبتسم منى و بعدين بتحط ايدها على بوقها و بتقوله : موافقه طبعا يا بايخ
بيجري عليها مراد و بياخدها في حضنه و بيفضل يلف بيها و فجأة كل اللي ف القصر بيكونوا حواليهم و بيصقفوا و بتبدأ الالعاب الناريه تنور ال سما و بتظهر لوحه كبيرة مكتوب عليها بشعلات ناريه “she said yes”
___________________________________________
– و لما تقع و تتعور يعني؟
*يا ماما مش هقع، انا اصلا قوي و شجاع زي بابا
– ماشي انا هعرف شغلي مع بابا ده لما ييجي
& لا مث ليكي “مش ليكي” دعوه ب بابا حبيبي
– انتي كمان يا ام نص لسان؟
& اثمى “اسمي” ٱن
* لا بابا ده حبيبي انا
– وانت كمان يا يوسف؟ ، طب انا مليش مكان هنا بقى طالما بابا هو اللي حبيبكم
*صوت بييجي من وراها* تؤ تؤ و هو بابا المسكين ذنبه ايه بس؟
منى بإبتسامه : لا ملوش اي ذنب، انا اللي دماغي تتقلب و يطلع عيني طول النهار و بابا يرجع بليل ياخد هو الحب كله على الجاهز
*بيطبع بوسه رقيقة على شفايفها و بيرد*: ماهو محدش في كل الدنيا ولا حتى ولادنا يقدر يشاركني ف حبك،*بيحط ايده على وسطها و بيقربها ليه و بيقول*: انتي بتاعتي انا و بس، انتي ملكي و مملكتي
منى بإبتسامه : وانت مرادي الاول و الاخير و حب قلبي الوحيد
* تيجي نروح اسكندرية؟
– و نلعب مع البحر؟
* و نسمع كمان عبد الحليم
“أراك حبيبي عند الحب، وصديقي عند المزاح، وكل البشر عندما أشعر أني وحيدة؛ ولذا أحبك كثيراً❤.”
#تمت
لقراءة الرواية كاملة اضغط على : (رواية حبيبي زعيم المافيا)
