رواية حبيبي زعيم المافيا الفصل الرابع 4 بقلم منى مرزوق
رواية حبيبي زعيم المافيا البارت الرابع
رواية حبيبي زعيم المافيا الجزء الرابع
رواية حبيبي زعيم المافيا الحلقة الرابعة
مراد : د.. دي چين بنت صاحب بابا الله يرحمه و…..
بتقاطعه چين : و خطيبته
منى : خطيبته؟!
چين : اه يا حبيبتي عقبالك
منى بحزن : شكرا….بعد اذنكم
مراد : منى استني *كان رايح وراها بس چين مسكت ايده*
چين : رايح فين يا مراد ما تسيب البتاعه دي و تخليك معايا بقى ده انت واحشني موت
مراد : بس اسكتي انتي ايه اللي بتقوليه ده؟ و خطيبتي ايه اللي انتي قولتيها لها دي؟
چين : ايه يا حبيبي مش احنا بردو في حكم المخطوبين و موعودين لبعضنا من واحنا اطفال؟
مراد : ده كان كلام فاضي اهالينا بيقولوه واحنا عيال لكن احنا دلوقتي كبار و الكلام ده مينفعش يتقال ولا حتى على سبيل الهزار
چين : بس انا مش بهزر انا فعلا بحبك يا مراد و انت عارف
مراد بصوت عالي : چين! احنا الكلام ده مش كنا خلصنا منه و قفلنا الموضوع، بترجعي تتكلمي فيه تاني ليه ؟
چين : يا مراد انت مكنتش بالقسوة دي معايا قبل كده، و بعدين مين البنت دي اللي انت قلبت عليا اوي كده عشانها؟ دي عشيقة جديده؟ عادي يعني ما انت كنت تعرف غيرها كتير وبعدين انت عمرك ما اتعلقت بواحده من العينات دي
مراد و هو بيحاول يكتم غضبه : اوعي اسمعك بتجيبي سيرتها على لسانك تاني
چين : ياااه لييه يعني تطلع مين دي؟
مراد بزعيق : ملكيش دعوه، وبحذرك للمره التانيه متجيبيش سيرتها و اياكي اعرف انك احتكيتي بيها
چين كان جواها بركان غضب لكن قدرت تتماسك و ردت بهدوء : حاضر يا مراد، زي ما تحب
*بيسيبها مراد و بيدخل القصر*
چين لنفسها : بقى هي دي بقى يا مراد اللي انت اختارتها؟ هي دي اللي فضلتها عليا؟ مااشي انت اللي كتبت مصيرها بإيدك يا مراد، اقسملك ان نهايتها هتكون قريبه اوي…على ايدي .
___________________________________________
*منى بتدخل الاوضه و بترزع الباب وراها*
سيلين : في ايه خضتيني
منى : اووف استغفر الله العظيم
سيلين : في ايه اللي حصل؟
منى : حصل و طحينه ياختي يا بتاعت العصير، بقى انتي بتستغفليني و بتنزليني للباشا؟
سيلين و هي بتحاول تكتم الضحك : طب اهدي بس، انتي عامله كل ده عشان كده؟
منى : لا مش بس عشان كده ده حسابه لوحده معاكي
سيلين : اومال ايه اللي حصل؟
منى : اللي حصل ان امنا الغوله جت
سيلين : امنا الغوله؟
منى : ايوه حاجة كده صفرا و لابسه من غير هدوم شبه العرايس البلاستيك اللي كنا بنلعب بيها واحنا صغيرين
سيلين : مييين دي؟
منى : واحده ياختي اسمها چين بنت صاحب ابو المحروس
سيلين بإندهاش : چين؟ و دي ايه اللي جابها دلوقتي دي
منى : هيكون ايه يعني عادي واحده و جايه تزور خطيبها
سيلين : خطيبها؟
منى : اه يا حبيبتي هو انتي معندكيش علم بالموضوع ولا ايه…. بس هو فالح يلف و يدور عليا و يمرمطني معاه عشان عامللي عم روميو و هو اصلا خاطب الخاين الخسيس الصفيق رد السجون ده
– اولا انا عمري ما اتسجنت ثانيا والله العظيم انا مظلوم انا لا عمري خطبتها ولا خطبت حد خالص
منى : ايه ده، انت جيت امتى و منين؟
مراد : جيت دلوقتي من باب الاوضه ده عادي
منى : والله؟ طب ليه حضرتك جاي الاوضه دي تاني انت مش نفذت اللي في دماغك و عملت حوار مع سيلين عشان تخليني انزلك تحت في الجنينه عشان تسمعني الكلمتين و بالمره… توريني السينيوريتا بتاعتك؟
مراد : والله العظيم انا لتاني مره بردو مظلوم انا عملت كده بس عشان ترضي تنزلي و تسمعيني و تديني فرصه اعتذرلك، و هي انا ولا كنت اعرف والله انها جايه
منى : عموما خلاص اللي حصل حصل ايا كان حمدالله على سلامتها يا سيدي وربنا يسعدكم
مراد : بردو انتي تاني؟ ياستي والله العظيم ما في الكلام ده… منى انا… انا مش بحب حد غيرك
منى تنحت شويه وبلعت ريقها وبعدين ردت : ا ا انا اصلا ميهمنيش تعرفها و لا خاطبها ولا لا، وانا ايه دخلي اصلا؟
مراد بيبص لها و يبتسم ابتسامه معناها : لا والنبي
منى : ب.. بس ده ميمنعش يعني انها انسانه رخمه و قليلة الذوق و بعدين دمها تقيل كده مش فاهمه ايه ده
مراد : متزعليش انا فهمتها انها متتعرضش ليكي ابدا طول وجودها هنا
منى و هي بتحط ايدها في وسطها : ليه ان شاء الله هخاف منها ولا هخاف؟ طب كان خليها تيجي على سكتي تاني كده وانا كنت ٱكلها صاحيه و اشرب وراها كوباية العصير اللي البت سيلين كانت هتجيبه
مراد : هههههههههه يا واد يا جامد، طب والله انتي تبقي عضو جامد معانا في المافيا
منى بغرور مصطنع : ايوه طبعا اومال انت فاكر ايه ده انا اتربيت في وسط عتاولة امبابه اللي لامؤاخذة يحطوك انت و المافيا بتاعتك دي في نص رغيف عالفطار
مراد : يا جددع
منى : اوومال
مراد بإبتسامه : طب يا ستي خلاص انا ٱمنت انكو جامدين و مفيش الا انتو، و انا عايزك دلوقتي تجهزي عشان في حفله هتتعمل هنا بليل
منى : ها!! حفله؟ لا ياخويا مليش انا في جو الحفلات و الكلام ده انا مبحبوش
مراد : ليه بس؟ ده انا هعرفك على اصحابي و الناس القريبين مني
منى : والله على عيني و راسي بس معلش انا فعلا مش بحب جو الحفلات ده، يا شيخ ده انا محضرتش حفلة تخرجي حتى
مراد : اممم خلاص براحتك انا بس كنت حابب انك تكوني معايا في الحفله بس اهه چين موجوده بردو
منى برقت : ايه؟ چ.. چين؟ طب اتفضل انت يا مراد عشان الحق انا اجهز للحفله عشان انا هحضرها وشش
مراد : هههههههههه ما كان من الاول يعني ، يلا انا نازل وانتي خليكي معاها يا سيلين
سيلين : تحت امرك مراد بيه
مراد بيبص ل منى : مستنيكي متتأخريش*و بيغمزلها* وبعدين بيخرج من الاوضه
سيلين : منى…. منااااااا
منى : هاا ايه نعم بتقولي ايه؟
سيلين : بقول ايه؟ بقول نحن هنا… هو ايه الحوار؟
منى : حوار ايه؟
سيلين بغمزه : الحوار مع مراد بيه، شكل الصنارة غمزت والله و وقعنا خلاص
منى بتبتسم و بتبص في الارض : على فكره انتي رايقه اوي انا بس.. بس يعني مش عايزه اكسفه يعني و هو عايز يعرفني على اصحابه و الناس بتوعه
سيلين : اه طب وبالنسبة ل چين؟
منى كشرت : مالها البومه؟
سيلين : لا مفيش بس اصل انا لاقياكي مش طيقاها من اول ما جت
منى : دي هي اللي بت تنحه و عديمة الادب و الذوق كده
سيلين : اممم بصراحه هي شخصيتها رخمه شويتين
منى : اهه شوفتي اديكي قولتي بنفسك
سيلين : بس ليها مكانه خاصه عند مراد بيه
منى : مكانه خاصه ازاي لامؤاخذه؟
سيلين : يعني اسرتها و اسرته طول عمرهم اصحاب و قريبين من بعض جدا و بعد وفاة والدها مراد بقى تقريبا مسئول عنها
منى : عيني اخويا اسم الله عليه طلع بيكفل ايتام كمان
سيلين : هههههههههه بصي سيبك من كل ده و تعالي بقى نجهزك كده عشان عايزين تبقي انتي البريمو مش هي
منى : اه بالله عليكي بصي عايزه اقهرها كده اول ما تشوفني يعني بصي دلعيني كده و اصرفي و كلفي وولايهمك احنا بناخد من خير زعيمنا
سيلين : دلوقتي بقى زعيمنا؟
منى : طبعا اومال
سيلين : طب يلا كفايانا كلام و خلينا نبدأ نجهزك
___________________________________________
زين : هي مالها الحفله النهارده ناشفه كده ليه؟ اومال فين المزز يا ريس؟
مراد بيبص له بأرف : هو ديل الكلب مش بيتعدل؟
زين : لا يمكن
مراد : يبقى خلاص اتنيل اقعد ساكت و بعدين ما عندك چين اهيه
زين : ستيل الحفله ناشفه بردو
مراد : ياعم حرام عليك دي نازله لك بالفستان الاحمر بتاع امها اللي مش بيخرج غير في الاعياد
زين : نازله لك انت يا كبير مش انا، اصلا هي وانا طول عمرنا مش بنطيق بعض
مراد : طب خلاص اخرس بقى عشان هي جايه علينا اهه
چين : ايه ده يا مرادي هي الدنيا مالها ساكته كده و الموسيقى نايمه، اومال فين الرقص و الاجواء؟
مراد : دقيقه واحده هخلي زين يتحزم و يجيلك عشان تنبسطي
چين : هههههههههه طب والله فكره يلا يا زينو انا هستناك
زين بيبص لها برخامه و هو مش طايقها و بيرد :
اولا قولتلك متقوليليش زينو دي عشان بتحسسني انك بتكلمي لمبه ثانيا ما تتحزمي انتي طب و تبهرينا مادام نفسك في الرقص اوي كده
چين بتمد بوزها كده قال يعني زعلانه و بترد : خلاص يا بايخ انت اصلا بايخ و رخم
زين في سره : ابو تقل دم امك
مراد بيسمعه و بيضحك
چين : ها!! انت بتضحك على ايه؟
مراد : مفيش ياستي افتكرت حاجة ضحكتني و بعدين اسكتوا انتو الاتنين بقى و اسمعوا الاغانى دي تحفه على فكره
زين : تحفه اه
*فجأة بتظهر في أعلى السلم سندريلا بفستانها و تسريحة شعرها المعروفين و لكنها المره دي كانت بملامح مختلفه اجمل و ارق*
زين : ايه ده؟ ازاي ده؟ هي سندريلا طلعت بجد ولا ايه؟
مراد وهو هيمان على نفسه : منى؟!
چين و هي هتنفجر : ايه الارف اللي هي لابساه ده هو احنا في مسرحية ولا ايه؟
زين وهو بيبص لها بأرف : اسكتي و اتفرجي عالقمر اللي بحق و حقيقي
* بتوصل منى لٱخر درجات السلم و بيكون مراد سبق و استناها و قبل ما توصل مد لها ايده و بعدين مسك ايدها و باسها*
منى : باستك العافيه تسلم يا رب
مراد بإبتسامه بيقرب منها و بيقول : شكلك احلى من القمر
منى بتتكسف و بتبص في الارض و بترد : شكرا
*بيمشي مراد و هو ماسك منى في ايده وسط الحضور و بيعرفها عليهم لحد ما بيوصلوا ل زين و چين*
مراد : و ده بقى زين صديقي الصدوق من واحنا اطفال و عضو المافيا رقم واحد و دراعي اليمين
زين بغرور مصطنع : لا و ميقدرش يعيش من غيري و من غيري يضيع كده
مراد : اه ونسيت اقولك كمان انه بيحب يزيط و يرغي كتير عالفاضي و المليان
زين : بس خلي بالك كمان لذيذ كده و دمي خفيف
مراد : طب هتخرس ولا اصفي دمك الخفيف دلوقتي؟
*زين بيحط ايده على بوقه بمعنى انه بيمنع كلام*
مراد : احم و دي چين طبعا اتعرفتوا على بعض
منى : اااه كانت معرفة الهنا، منوره يا حبيبتي
چين؛ طبعا منوره و هو لولايا كان مين ممكن ينور؟
منى بصوت واطي : ماهو الحمدلله اللمبات كتيره اهه، امشي انتى بس
چين: افندم!! قولتي حاجه؟
منى : لا ده انا بدعيلك ربنا ينورك كمان و كمان
منى بصوت واطي : ينورك بحريقه ان شاء الله
چين : واااو انا بحب الاغنيه دي اوي، مرادي يلا نرقص
مراد : لا انا……
بتقاطعه چين : والنبي والنبي عشان خاطري *وبتشده من ايده و بتروح ترقص معاه*
منى بغيظ : والله؟ ماشي ماشي ورحمة امي يا مراد لأوريك بس استنى عليا…. بش مهندس زين
زين : بش مهندس؟
منى : ايوه لو سمحت اتفضل معايا
زين : على البوكس؟
منى : لا عالرقص
زين : نعم؟
منى : لا مش وقت استغراب يلا *بتشده من ايده و بتروح ترقص معاه*
مراد و عينيه قربت تطلع شرار : ايه ده؟
چين بتبص وراها و بتشوف منى بترقص مع زين بتبتسم و بتقول : مالك يا مرادي؟ انت زعلان ليه؟ ماهي القطه مبسوطه اهيه مع زين، سيبك منها بقى و خليك معايا
*بيسيب مراد چين و بيروح عند منى و زين و بيقف قدامهم*
مراد : والله؟
زين : والله يا ريس انا ما…..
بتقاطعه منى : هو في ايه؟ في حاجه يا مراد بيه؟
*مراد بيبصلها بغضب و بيشدها من دراعها و بيخرج بيها للجنينه*
منى : ااه حاسب دراعي
مراد : ممكن افهم ايه اللي انتي بتعمليه ده و عايزه توصلي لإيه؟
منى و هى رافعه حاجبها : هكون عايزه اوصل لإيه يعني؟ اقولك…. انا عايزه اوصل للشكل الجميل اللي كنت فيه انت و السينيوريتا، مش هي حفله بردو و كلنا بنفرفش فيها؟
مراد : هتستهبلي يا منى.. انتي شوفتيها شدتني من دراعي ازاي قدامكم
منى : يا رووحي وانت صغنن مش هتقدر تشد دراعك منها مش كده؟
مراد : لا مش صغنن، لكن مينفعش كنت اعمل كده قدام الناس و انا كنت فعلا ناوي ابهدلها عالحركه دي بس بعد الحفله بيني و بينها
منى بإستنكار : اه خايف على مشاعرها اوي
بيقرب منها مراد و بيبتسم : لا انا ميهمنيش مشاعر حد في كل العالم دي غيرك انت يا قمر
منى بتبتسم و بتبص في الارض : ا ا اه ياخويا ثبتني انت و انا عبيطه بقى و هتثبت
مراد : تؤ انتي مش عبيطه انتي هبله يا بتاعت البحر يللي كنتي واقفه تتنططي زي العيال
منى و هي بتخبط برجليها في الارض : يووه بقى مش هبله وبعدين مكنتش بتنطط على فكره
مراد : نعععم ده انا وقفت نص ساعه اتفرج عليكي
منى : اممم انا مكنتش بتنطط انا.. انا كنت بلعب مع البحر
مراد : ههههههههه بتلعبوا ايه بقى استغمايه؟
منى : لا يا خفيف كنت بقف قدام البحر و قبل ما الموجه تيجي اجري عشان اخلي البحر يتجنن و اعصبه
مراد : والله انتي ما جننتي حد غيري
منى : يا حرام يا مسكين
مراد بيقرب منها اكتر : طب ما تحني على المسكين
منى : مراد انا…… بيقاطعهم صوت فجأة
– مراد باشا
مراد: ايه في ايه ؟
– في اتصال جه دلوقتي يا باشا من عند المينا و الشحنه الجديده وصلت دلوقتي بس مفيش رجاله كفايه هناك عشان يوصلوها
مراد : طيب ماشي تعالى معايا و خلي جروب من الرجالة ييجو ورانا
– طب و زين بيه؟
مراد : لا سيبه هنا *بيبص على منى* عشان يخلي باله من الناس هنا لحد ما نرجع
– اوامرك يا باشا، بعد اذنك
مراد : اتفضل
منى : هو انت هتمشي و تسيب القصر؟
مراد بإبتسامه : هي ليله واحده يا قدري هخلص شغل و ارجعلك على طول
منى : طب خلي بالك من نفسك و ارجع بسرعه ع.. احم عشان يعني انت مش جايبني هنا عشان تسيبني لوحدي يعني
بيقرب مراد من منى و بحنيه بيبوس راسها و بيقولها : متقلقيش قبل ما تفتحي عيونك الحلوين هكون جنبك
*وبعدها بيمشي مراد و بيسيب منى اللي كانت تايهه و هيمانه في دنيا تانيه* ___________________________________________
مراد : تمام يا زين خلي انت بالك من الناس هنا و خلي الناس اللي هنا تفتح عينيها كويس
زين : تمام متقلقش، خلي انت بالك من نفسك
مراد : تمام، يلا سلام
زين : سلام
* في الوقت ده كانت چين واقفه بتسمعهم و هما بيتكلموا من ورا الباب و بتبتسم ابتسامة كلها خبث و بتقول لنفسها* : الظروف كلها في صفي يا مراد و صدقني لما هترجع من شغلك ده هفاجئك باكبر مفاجأة في حياتك و هخليك تشوف بعينيك حبيبة القلب و هي في حضن………
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حبيبي زعيم المافيا)
