رواية حبيبي زعيم المافيا الفصل الخامس 5 بقلم منى مرزوق
رواية حبيبي زعيم المافيا البارت الخامس
رواية حبيبي زعيم المافيا الجزء الخامس
رواية حبيبي زعيم المافيا الحلقة الخامسة
چين لنفسها : الظروف كلها في صفي يا مراد و صدقني لما هترجع من شغلك ده هفاجئك باكبر مفاجأة في حياتك و هخليك تشوف بعينيك حبيبة القلب و هي في حضن صاحب عمرك
*بيمشي مراد و معاه جروب من رجالته*
منى بتنهيده : مش عارفه ليه حاسه اني مخنوقه و خايفه
سيلين بإبتسامه : كل ده عشان مراد بيه مش هنا؟
منى : مش عارفه بس الموضوع اكبر من كده انا حاسه اني مش مستبشره خير
سيلين : يا ساتر ليه كده! اهدي بس و متقلقيش كل حاجه هتبقى كويسه و كلنا جنبك اهه
منى : ماشي بس ارجوكي يا سيلين خليكي معايا لحد ما مراد يرجع
سيلين : معاكي والله مش هسيبك
___________________________________________
زين : خليك انت هنا عند البوابه و خلي اتنين فوق عند السطح و محدش يتحرك
– اوامرك يا باشا
زين : يلا روح انت
– بعد اذنك
* بتتعب انت اوي يا زينو
بيبص زين وراه بيلاقي چين
زين : انتي ايه اللي نزلك دلوقتي؟
چين : في ايه بتمشى شويه في الجنينه ولا ناوي تحبسني يا زينو ؟
زين : اولا قولتلك انطقي اسمي عدِل ثانيا اتفضلي اطلعي فوق عشان احنا دلوقتي بنأمن المكان و مينفعش تكوني هنا
چين بدموع مزيفه : طب انا متضايقة يا زين و بجد انا عايزه اتكلم معاك
زين : ايه اللي حصل؟
چين : ممكن طب نقعد نتكلم شويه؟
زين : اتكلمي هنا يا چين انا مينفعش اقعد انا لسه ورايا حاجات كتير اعملها، اتكلمي انا سامعك
چين : طيب انا كنت محتاجاك تساعدني في حاجه
زين : حاجة ايه؟
چين بتنهيده : شوف يا زين انت عارف اني طول عمري بحب مراد
زين : انتي هتفتحي الموضوع ده دلوقتي يا چين؟
چين : لا بس اصبر اسمعني، انا فعلا طول عمري بحبه بس حقيقي انا كنت انانية اوي و مقدرتش اشوف انه بيحب واحده تانيه و هي كل حاجه في قلبه و حياته
زين : وبعدين؟
چين : انا عايزه اصلح غلطي و اول حاجه عايزه اعملها هي اني اصلح علاقتي ب منى انا فعلا عايزه اكون صاحبتها
زين : ده حقيقي؟
چين بإبتسامه : حقيقي و جد جدا انا مش عايزه اي حاجه غير سعادة مراد و انه يكون مع البنت اللي اختارها قلبه
زين : ايه ده؟ معقول انتي يا چين تقولي كده؟
چين : صدقني يا زين انا مش وحشه زي ما انت فاكر انا بردو عندي قلب و احساس
زين : طب الحمدلله ربنا يكملك بعقلك
چين : طب مش عايز تعرف ايه طلبي اللي عيزاه منك؟
زين : هو لسه في طلب تاني؟
چين : هو انا كنت طلبت طلب اولاني؟
زين : ايوه انك تتكلمي معايا
چين : طب على فكره ده مايتحسبش طلب
زين بتأفف : خلاص قولي ياستي طلبك ايه؟
چين : قول ل منى تيجي عندك الاوضه و انا كمان هاجي ونتكلم في وجودك عشان تساعدني اصالحها
زين : و اقولها تيجي اوضتي ليه؟ ما تروحي انتي تصالحيها و تتكلمي معاها في اوضتها ولا دي يعني حاجه محتاجه واسطه؟
چين : لا يا زين بس انا هتحرج اروحلها كده لوحدي و اخاف تكسفني
زين : مممم و المطلوب؟
چين : زي ما قولتلك تخليها تجيلك الاوضه و انا اتكلم معاها في وجودك
زين : طيب يا چين هبقى اشوف كده بعد ما اخلص اللي ورايا
چين : تمام
___________________________________________
منى : بقولك ايه يا سوسو
سيلين : قولي يا عيون سوسو
منى : ما تيجي ننزل الجنينه تحت شويه الا انا زهقت من القاعده دي
سيلين : لااا مينفعش طبعا
منى : لييه في ايه؟
سيلين : دلوقتي بيعملوا اجراءات التأمين للقصر
منى : ازاي يعني؟ هو كل ده مكنش متأمن؟
سيلين : لا طبعا متأمن بس بعد خروج مراد بيه لأي شغل و معاه مجموعه من رجالته الباقي لازم بيعيدوا تقسيم نفسهم عشان يأمنوا القصر كله
منى : اممم جو لغبطه يعني، عموما انا زهقانه بقى و عايزه اعمل اي حاجه
سيلين : طب بصي احنا ممكن نج……. بيقاطعها صوت خبط على الباب
منى بتبص لسيلين : ايه ده هيكون مين؟
سيلين : مالك متقلقيش هقوم افتح اشوف مين
بتفتح سيلين الباب : زين بيه!
زين : منى صاحيه يا سيلين؟
سيلين : اه صاحيه
زين : طب اسأليها لو ممكن ادخل اتكلم معاها شويه
منى : مين يا سيلين؟
سيلين : ده زين بيه بيستأذن انه عايز يتكلم معاكي
منى : خليه يتفضل
زين : ازيك يا منى عامله ايه؟
منى : الحمدلله تمام
زين : انا ٱسف لو ازعجتك
منى : لا مفيش ازعاج ولا حاجه
زين بيبص لسيلين : ممكن تسيبيني مع منى شويه يا سيلين؟
سيلين : تحت امرك زين بيه
بتخرج سيلين و زين بيبص ل منى و بإبتسامه بيقولها :
انا مش هاخد من وقتك كتير انا كنت بس جاي اقولك اني جاي بناءا على طلب شخص اتكلم معاكي
منى : شخص مين؟
زين : چين
منى : نعم! چين؟ و دي عيزاك تكلمني ف ايه؟
زين : والله هو الموضوع كان مفاجأة بالنسبة لي وانا لحد دلوقتي مستغربه بس هي قالتلي اطلب منك نتجمع كلنا في الاوضه عندي عشان هي عايزه تصالحك
منى : تصالحني؟ چين تصالحني انا؟
زين : اه والله هي اللي قالتلي كده
منى : انا مش قادره اصدق بصراحه
زين : عموما هي المفروض جايه دلوقتي اوضتي عشان تتكلم معاكي و تصالحك في حضوري
منى : طب و ليه مجتش هنا عندي تصالحني؟
زين : هي قالتلي انها محرجه و خايفه تكسفيها فطلبت مني ان الموضوع يتم عندي و في حضوري
منى : اممم ماشي تمام
زين : طب يلا تعالي نروح على هناك و انا هتصل بيها تيجي
___________________________________________
چين : الو.. تمام يا زين اديني بس 5 دقايق و هكون عندكم.. سلام
*بتقفل چين الخط و بإبتسامه خبيثه بتقول لنفسها*: خلاص كلها ساعات و مش هيكون ليكي وجود هنا في القصر ولا في قلب مراد
___________________________________________
بتنزل چين للمطبخ و بتقول لاحدى العاملات : انا هعمل عصير هنا و عيزاكي بعد ما اعمله تطلعيه ورايا فوق اوضة زين باشا، مفهوم؟
– طب حضرتك تحبي اعمله انا بنفسي؟
چين : لا ملكيش دعوه انتي تنفذي اللي بقوله و بس
– حاضر تحت امر حضرتك
___________________________________________
منى : هي ناويه تيجي ولا ده مقلب فيا؟
زين : لا لا متقلقيش انا كلمتها و قالتلي دقايق و جايه
*تك تك* صوت خبط عالباب
زين : دي اكيد هي.. ادخل
بتفتح چين و بتدخل : هاي، سوري لو اتأخرت عليكوا بس كنت بعمل حاجه سريعه كده و يا رب تعجبكوا
*بتنده چين للعامله تدخل بالعصير*
زين : انتي اللي عامله العصير بنفسك؟
چين : اه انا قولت يعني نبدأ كده الكلام بحاجة حلوه .. ولا انتي رأيك ايه يا منى؟
منى : رأيي من رأيك بس ياريت يبقى الكلام نفسه حلو
چين : بصي يا منى انا كنت قاسيه و انانيه مع كل اللي حواليا بس حقيقي انا حسيت بالندم و بإني لازم افكر في اللي حواليا مش بس في نفسي
منى : ياااه و حسيتي بكده فجأة في يوم و ليله؟
چين : صدقيني حب مراد ليكي و حبك ليه خلاني عدت حساباتي من جديد
منى : حبي ليه؟ ا ا انتي جبتي الكلام ده منين انا مفيش…
بتقاطعها چين : منى متحاوليش تهربي من مشاعرك لان زي ما بيقولوا المشاعر فضاحه و كمان عيونك بان فيها كل حاجه
منى بتبلع ريقها : چين انا… انا مكنتش…
بتقاطعها چين : من غير ما تكملي انا عارفه كل اللي عايزه تقوليه و صدقيني مشاعرنا مش بإيدينا
منى بإبتسامه : انا مبسوطة اوي ان موقفك ناحيتي اتغير
چين : وانا كمان يا حبيبتي
منى : بقولك ايه هاتي حضن
*بيحضنوا بعض و زين بيسقف* و بيقول : الله يا جماعه الله طب والله ما كان ناقصكم غير الاستاذ چورچ قرداحي عشان يحضر معانا حلقة المسامح كريم دي
*چين و منى بيضحكوا* وبعدين چين بتقول : لا بس الحلقة مش هتكمل من غير ما تشربوا العصير ده انا عملته ليكم بنفسي
زين : ربنا يستر بس و منروحش نعمل غسيل معده بعد ما نشربوا
چين : بقى كده بردو مااشي يا زين مقبوله منك
منى : هههههههههه لا طبعا ده هيبقى احلى عصير شربناه عشان من ايديكي يا حبي
چين : حبيبتي شكرا… طب يلا بقى يلا اشربوا و قولولي رأيكم بس بصراحه
*بتشرب منى و زين العصير وبعد حوالي ربع ساعه بيغيب الاتنين عن الوعي*
چين بإبتسامه خبيثه : ايووه كده شاطرين تعالوا بقى لما نظبط الاجواء يا عرسان و صباحيه مباركه ان شاء الله
__________________________________________
– حمدالله على سلامتك مراد بيه
مراد : الله يسلمك اومال فين زين؟
– زين بيه طلع اوضته من امبارح بليل
مراد : ماشي روح شوف شغلك انت
*بيطلع مراد لأوضة زين و اول ما بيفتحها*: ايه ياعم النايم انت…. ايه ده؟ يخربيتك بقى اسيبك ليله واحده ارجع الاقيك مع واحده، انا خارج الله يكسفك خليك نايم براحتك ياخويا
*بيروح مراد عند اوضة منى و بيخبط بس محدش بيرد بيفتح باب الاوضه مش بيلاقي فيها حد* بيخرج و هو قلقان و بينده سيلين
سيلين : تحت امرك مراد بيه حمدالله على سلامة حضرتك
مراد : الله يسلمك، فين منى؟
سيلين : منى؟! منى في اوضتها
مراد : بجد؟ *بيفتح باب الاوضه* اومال ليه انا مش شايفها؟
سيلين : ايه ده؟ والله يا افندم انا امبارح بليل سيبتها في الاوضه بعد ما طلبت مني اخرج عشان تتكلم مع زين بيه و انا نزلت نمت و مطلعتش تاني
مراد : استني كده.. تتكلم مع مين؟
سيلين : مع زين بيه
*بيلتفت مراد وراه و هو بيبص على اوضة زين و بيحاول ميصدقش التفكير اللي جواه و بيروح بسرعه لاوضة زين و بيفتح الباب و بيقرب من السرير و بيلف البنت اللي كانت نايمه جنب زين لانها كانت مدياه ضهرها و اول ما بيشوف وشها بيتجمد مكانه*
زين بصدمه : منى؟!
*بيمسك كوباية مايه كانت عالترابيزة جنب السرير و بيدلقها عليهم*
*بيقوموا من النوم مخضوضين*
زين : اه ايه ده؟ …. مراد احنا امتى؟ هو انا ايه دي؟ م منى؟ انتي ايه اللي جابك هنا
منى و هي بتحاول تفوق : مراد.. انت…. ايه ده *بتصرخ*
انا فين؟ انا ايه اللي جابني هنا؟ انتو عملتوا فيا اييه؟
زين : مراد اقسم بالله انا ما اعرف ايه اللي حصل انا مش فاكر حاجه ا ا انا مش فاكر غير اننا……. بيقاطعوا مراد : انتو الاتنين مشوفش خلقة حد فيكم، خمس دقايق و لو شوفتلكم اثر قسماً عظماً هكون مخلص عليكم
*بيخرج مراد من الاوضه و منى منهاره من العياط*
زين و هو بيلبس هدومه : قومي يا منى البسي هدومك و يلا نخرج من هنا
منى بصريخ : انت ليك عين تتكلم انت تخررس خاالص
زين بصوت عالي : مش وقته ده قومي يلا عشان نخرج من هنا وانا هعرف اوصل لأصل الموضوع
*بتقوم منى تلبس هدومها و بيخرجوا هما الاتنين من الاوضه*
*سيلين بتشوف منى و هي خارجه مع زين و بتعيط*
سيلين : ايه ده في ايه؟ مالك يا منى؟
منى بعياط : والله العظيم ما اعرف ايه اللي حصل؟ انا صحيت لقيتني في اوضة زين، ازاي يا سيلين؟ قوليلي ازاي؟
سيلين : يعني ايه؟ انا مش فاهمه حاجه.. طب مراد بيه هو شاف……. بيقاطعها زين : خلاص يا سيلين مش وقته الكلام ده يلا يا منى نخرج من هنا زي ما مراد قال و بعدين هنبق………. بتقاطعه منى و بتقول بزعيق : لا مش هخرج و مش همشي انا مش عارفه ولا فاهمه ايه اللي حصل و مراد لازم يسمعني ولازم يقولي تفسير لكل ده… مرااااد *بتجري منى على السلم و هي بتنده بإسمه* يا مراااااد *بيخرج كل العاملين و الناس اللي في القصر على صوت منى و بيخرج مراد من اوضة مكتبه و بيبص لها بغضب : انتي لسه هنا بتعملي ايه؟
منى بعياط : انا عايزه افهم انا ازاي اصحى الاقيني في الوضع ده في اوضة راجل غريب عني.. انطق فهمني
مراد بصوت عالي : انا اللي هفهمك؟ ازاي طيب؟ و اللي كنتي بايته في حضنه مش هو بردو احق يفهمك؟
زين بيكون نزل و بيرد عليه : مراد احنا مش عارفين ولا فاكرين ايه اللي حصل، ادينا فرصه و خلينا نشوف ايه الموضوع و ايه اللي عمل فينا كده
مراد بسخرية : يا عم متكبرش الموضوع انتو بس تلاقيكم تقلتوا في الشُرب امبارح، بس صدقني دي حجه هبله اوي متطلعش من واحد زيك يا زين بيه
زين : شُرب ايه و انت عارف……… بتقاطعه منى : شُرب! ايوه انا افتكرت احنا فعلا شربنا احنا شربنا عصير كانت عملاه لينا چين امبارح وبعد العصير ده انا محستش بالدنيا
مراد : ياااه عصير ايه ده؟ الفنكوش؟
منى : لا عصير من عمايل ايد چين هانم و اكيد كانت حطه لنا فيه حاجه، انا بردو مكنتش قادره اصدق التغيير المفاجئ اللي حصلها ده بس حقيقي طلعت افعى وانا مش هسيبها و ه……. بيقاطعها مراد : انتي تخرسي خالص و متجبيش سيرة چين على لسانك انتي وصل بيكي الجبروت انك عايزه تشيلي مصيبتك لواحده متحلميش اصلا توصلي ل ربع مستواها… بس هي كان معاها حق انا فعلا نزلت من نفسي و مكانتي لما قربت من واحده جربوعه زيك
زين : مرااد انت بتقول ايه؟ انت…..
مراد بزعيق : اخررس انت خالص ما انت طلعت قذر زيها و قدرت تخون صاحب عمرك و اقرب واحد ليك عشان واحده ست ، بس هقول ايه اهه قذر و اتلم على قذره
منى بصريخ : كفااايه بقى كفااايه انا خارجه من هنا و مش عايزه اشوف وشك تاني انا مش عارفه كان عقلي فين لما سكتلك و لما حبيتك، انت ابشع انسان قابلته
*بتجري منى و بتخرج من القصر و بيبص زين ل مراد بحزن و لوم و بيخرج ورا منى*
زين : منى استني.. استني يا منى بقولك
منى : عايز ايه؟ سيبوني في حالي بقى دمرتوني منكم لله انا عملت لكم ايه؟
زين : اهدي يا منى انا هعرف اجيب حقك و حقي من الحيوانه دي و……..
منى : انا مش عايزه حاجه انا عايزه ارجع بلدي ل ابويا واهلي و مش عايزه افتكر حاجه عنكم
زين : و هتسيبي حقك و كرامتك اللي اتهانت بسبب واحده مريضه زي دي ؟!
منى بدموع : والله لو كانت هي افترت علينا المفروض هو مكنش يصدق
زين : معلش يا منى الموضوع مش سهل و المنظر اللي شافه يصدم اي حد
منى : طب كان ساب لنا فرصه نشرحله اللي حصل و نفهمه الحقيقه
زين : هيحصل يا منى و هيعرف كل… *صوت ضرب نار*
منى : ااااااااه زييييين
- دخلوها العربية بسرعه
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حبيبي زعيم المافيا)
