رواية حبيبي زعيم المافيا الفصل الثاني 2 بقلم منى مرزوق
رواية حبيبي زعيم المافيا البارت الثاني
رواية حبيبي زعيم المافيا الجزء الثاني
رواية حبيبي زعيم المافيا الحلقة الثانية
مراد بيتنهد و بيرد : انتي في قصري … في ايطاليا
منى : نعم ياخويا ، انت عبيط ولا بتستعبط
مراد : اهدي يا منى قولتلك
منى : اهدى ايه ياعم المجنون انت، بقولك انا فين؟
مراد : والله العظيم في ايطاليا في القصر بتاعي
منى تنحت و ردت بصدمه : يعني ايه؟ يعني انت.. انت خطفتني و كمان خرجتني من مصر؟
مراد بنبره حزينه : منى انا مكنش قصدي خطف انا….
قاطعته منى بزعيق : اومال كان قصدك ايه؟ رحله؟انت مش طبيعي وانا هوديك في ستين داهية
مراد و هو بيحاول يكتم غضبه : انا مقدر اللي انتي فيه بس صدقيني يا منى ده كان لمصلحتك و عشان حياتك
منى : هو ايه اللي لمصلحتي و ايه علاقة حياتي بللي انت عملته ولا بيك اصلا؟
مراد : بصي يا منى انا ليا اعداء كتير و للأسف في منهم اللي كانوا مراقبين تحركاتي و قدروا يعرفوا عن علاقتي بيكي
منى : علاقة ايه ياعمي؟ انا مفيش بيني وبينك علاقات؟ انت عايز تدبسني فيك بالعافيه؟
مراد بحده : هما شافوا تحركاتي حواليكي و مقابلتي بيكي و فهموا ان كده في بينا علاقه
منى : اه وانا ايه بقى دخلي في كل الليله دي؟
مراد : انتي ملكيش دعوه ده بيني و بينهم انتي ملكيش دعوه
منى : طب و هو لما انا زفت مليش دعوه هما عايزين مني ايه وانت اتزفت جبتني هنا ليه؟
مراد بزعيق : ما قولتلك عشان اتنيلوا افتكرونا على علاقه و بسبب كده ممكن يقتلوكي و يقتلوا باباكي كمان
منى بصدمه : بابا! انت بتقول ايييه؟ بابا حياته في خطر؟ انططق
مراد : متقلقيش باباكي متأمن اكتر من رئيس وزراء بريطانيا، رجالتي حواليه ووراه في كل تحركاته
منى بغضب : كل ده بسببك انت.. كل ده بسببك
يا شيخ منك لله ياريتني ما رديت عليك ولا اتنيلت شوفتك دي كانت فكره مهببه و معرفه سوده
مراد بحزن : معاكي حق دي غلطتي انا اتسرعت و اندفعت ورا مشاعري من غير ما افكر في عواقب اللي بعمله
منى : طب خد بالك بقى انا ابويا لو حصله اي حاجه والله ما هيرحمك مني مخلوق على وش الارض
مراد : قولتلك متقلقيش يا منى باباكي في امان وانا زي ما اتسببت في كل ده لازم احميكم و اصلح كل حاجه
منى : وانا بقى المفروض هعمل ايه دلوقتي؟
مراد : مش هتعملي حاجه انتي هتقعدي هنا معززه مكرمه في القصر لحد ما الامور تتحل و هرجعك مصر بنفسي
منى : مستحيل، لا يمكن هقعد هنا انا همشي انشالله حتي اموت بس مش هفضل هنا
مراد بعصبيه : وانا قولتلك مفيش خروج من هنا لحد ما اصلح الامور
منى : وانت ايش تكون بقى عشان تحكم عليا؟
مراد بلهجة تحذير : منى متحاوليش تختبري صبري عشان حقيقي انا ٱخر شئ اتمنى انه يحصل هو انك تشوفي وشي التاني
منى بدموع : انا بكرهك انا مبكرهش ف حياتي حد اددك
مراد : وانا محبتش في حياتي حد اددك
منى : حبك برص، انت البعيد معندكش دم، هو انت مين اصلا ممكن تحبك او تبصلك يا تربية العصابات يا رد السجون انت بقى بذمتك انت اهلك نفسهم بيحبوك ؟
بصلها مراد بضيق و بعدين بص في الارض و لف و خرج من الاوضة
منى لنفسها : تؤ هو انا مش طيقاه و بكرهه بس حاسه اني زودتها شويه في كلامي؟! يووه بقى ولا ازودها هو يعني كان ابن عمتي ده في الاول ولا في الٱخر واحد غريب والله اعلم ايه اللي وراه.. انا اسكت احسن و ابطل ام جلد الذات اللي بعمله في نفسي ده
___________________________________________
مراد : سيلين
سيلين : تحت امرك مراد بيه
مراد : اطلعي ل منى.. البنت اللي جت معانا من السفر اطلعيلها الاوضة و شوفيها محتاجة ايه و هاتيلها غدا و كمان هدوم تكون مناسبة ليها
سيلين : حاضر يا افندم
مراد : بصي يا سيلين خليكي معاها دايما انتو من سن بعض و سهل تتفاهموا يعني اتكلمي معاها و حاولي متخليهاش تحس بضيق او زهق
سيلين : تمام اللي حضرتك تؤمر بيه، اي اوامر تانيه؟
مراد : لا روحي بقى هاتيلها اللي قولتلك عليه و اطلعيلها
سيلين : حاضر يا افندم
___________________________________________
تك تك ( صوت خبط عالباب)
منى : ايه ده؟ هو في عصابه بتستأذن قبل ما تخش على الضحية؟! جديده دي… اتفضل ياعم المجرم
سيلين بتفتح الباب : هههههههههه اولا انا مش مجرم ثانيا صباح الخير
منى : صباح النور… بس انتي تقصدي انك مجرمه يعني مش مجرم؟
سيلين : لا مش مجرمه والله
منى : يا قلب امك تبقي اكيد مخطوفه زيي، بصي تعالي يا حبيبتي و احنا مع بعض هنقدر نهرب من العصابه بنت ال…… دي
سيلين : يا ربي يا ستي مخطوفة ايه بس
منى : اااه تلاقيكي اخت المحروس ولا بنت خالته و عايشه معاه هنا انتي و بقية العيلة ماهو طبعا قصر بحاله مش هيعيش فيه بطوله
سيلين : محروس مين و خالته ايه؟
منى : المحروس هو فيه غيره سي مراد نورالدين الايوبي بتاعكم ده
سيلين : اولا هو اسمه مراد نورالدين بس مفيش الايوبي ثانيا انا هنا بشتغل مديرة منزل في القصر بتاع مراد بيه
منى : مديرة منزل ! ومراد بيه! .. طب بقولك ايه يا عسليه انتي بصي انا والله قلبي انشرح لك و عايزه اسألك على حاجة كده
سيلين : عسليه؟!… تمام اتفضلي اسألي
منى : ماتعرفيش تسلكيني بره البيت ده؟
سيلين : اسلكك؟ يعني ايه اسلكك؟
منى : اه شكلك خواجايه… انا قصدي يعني تهربيني من هنا و بصي والله هشيل جميلك فوق راسي و لو نزلتي مصر عندنا هعمل معاكي احلى واجب
سيلين : اهربك؟ هو انتي فاكره انك في المدرسه و هتنطي من عالسور؟ انتي في قصر مراد نور الدين
منى : يادي النيله عليا و على الزفت ده، ياستي هو ايش يكون ده يعني؟
سيلين : لا ده حاجه بسيطة اوي زعيم المافيا الايطالية اللي هي اخطر مافيا في العالم بس.
منى : بصي يا… هو انتي اسمك ايه؟
سيلين : اسمي سيلين
منى : عاشت الاسامي، بصي يا سوسو انا مينفعش اقعد هنا في بيت واحد ولا اعرفه ولا يعرفني لا و كمان زعيم عصابه
سيلين : اسمها زعيم المافيا مش زعيم عصابه احنا مش فيلم من ايام الخمسينات
منى : يا سلام! ٱسفه يا ستي زعيم مافيا، خلاص كده فرقت معاكي؟
سيلين : تؤ بصي يا منى اللي بيحصل ده ووجودك هنا كله لمصلحتك
منى : يووه انتي كمان هتقوليلي مصلحتك؟
سيلين : صدقيني اللي مراد بيه بيعمله في مصلحتك
منى : وانا بأي حق اصدق ده وعلى اي اساس معلش؟
سيلين : على اساس انك لسه عايشه مثلا؟
منى : همم و ده بردو على اساس اني انا اللي كنت هجيب الموت لنفسي؟
سيلين : شوفي يا حبيبتي كل اللي بيكونوا على صلة بمراد بيه بيكونوا في موضع خطر
منى : يا فرحتي طب وانا ذنبي ايه؟ هو انا بعتله تأشيره عشان ييجي يزورني؟ ده هو اللي نزل فوق دماغي زي القضا المستعجل
سيلين : و عشان كده هو بيعمل و هيعمل كل اللي في وسعه عشان يحميكي و يبعدك عن اي خطر
منى بتنهيده : يعني انتي شايفه اني اعمل ايه دلوقتي؟
سيلين : ولا اي حاجه تحاولي ترخي اعصابك و تتأقلمي على المكان و الناس هنا لحد ما بإذن الله الموضوع يتحل و ترجعي بالسلامه
منى : ممم الناس دول بيتضمنوا زعيمكم بقى؟
سيلين بإبتسامه : ده اول و اهم واحد
منى : لا يفتح الله
سيلين : ليه بس؟ والله يا منى مراد بيه مهتم بيكي جدا و عشان كده احب أءكدلك ان هو لا يمكن يكون قاصد اي اذى ليكي و كمان… كمان لما كان نازل من عندك من شويه كان باين عليه الزعل و الحزن و ده شئ نادرا جدا لما ممكن نشوفه عليه
منى : اه احسن خليه يحزن و يزعل ولا هو كان عايزني اقوم ٱخده بالحضن واقوله الله يا حبيبي حلوه اوي الخطفه دي
سيلين : هو انتي قولتيله ايه بالظبط؟
منى : يعني هكون قولتله ايه يعني وبعدين ياستي ده مش بيحس و كأن الكلام مش ليه، هو بس قلب وشه على جمله واحده قولتها
سيلين : جملة ايه؟
منى : مفيش يا ستي قولتله ان مفيش واحده ممكن تبص في وشه وانه تربية عصابات و رد سجون و ان اكيد اهله نفسهم مش بيطيقوه… بس كده يعني شوية كلام ميوجعوش عيل في الحضانه
سيلين : عيل في الحضانه؟! يا نهارك اسوح ده انتي غرستي سكينه تلمه في قلبه
منى : وه عشان الكلمتين النايتي دول؟
سيلين : لا يا هانم عشان جبتي سيرة اهله
منى : و هو انا كنت غلطت فيهم ولا هي تلاقيح جتت و خلاص يعني
سيلين و هي بتحط ايدها على دماغها : يا ربي عليكي انسانه، يابنتي افهمي الموضوع ان اهل مراد بيه اتوفوا قدام عينيه و دي عقدة حياته اللي عايش بيها لحد دلوقتي
منى : اووف انا شكلي لبخت ولا ايه؟
سيلين : ده انتي نيلتيها
منى : تؤ طب.. طب اعمل ايه دلوقتي طيب؟
سيلين : بصي انتي انزلي اتكلمي معاه و حاولي تفهميه ان اللي حصل ده كان من غير قصد وانه ميزعلش
منى : تؤ بس كده برستيجي هيتهان، اصل انا من الناس اللي مبتعرفش تعتذر و مناخيرها في السما كده و عاوزه كسرها
سيلين : يعني عادي كده هتقعدي في الاوضه تمام و تنامي كمان بعد ما وجعتي انسان بالشكل ده؟
منى : يا سيلين بقى بتخشيلي من ثغراتي وانا قلبي رهيف و مبستحملش
سيلين : كده تمام، ايه رأيك بقى لو انزل غداكي تحت مع مراد بيه و تقوليله انك هتتغدي معاه و بالمره تكلميه
منى : مع انه هيسد نفسي بس ماشي موافقه
سيلين : خدي بقى شوفي الفساتين اللي جبتهالك و اختاري منهم واحد تنزلي بيه
منى : ايه ده كل ده؟ توو ماتش على فكره و… ايه ده الجمال ده ما توريتني كده الفستان الكشمير ده بيقول ايه
*بتجهز منى و بتنزل على السلم و هي لابسه فستان كشمير و شعرها مفرود على جنب وشها و كتفها زي تسريحة شخصية بيل في فيلم الجميلة و الوحش و مكياجها هادي و بارز جمالها*
___________________________________________
– مراد كان قاعد على السفره مستني منى بعد ما سيلين بلغته انها هتتغدى معاه، و اول ما شاف منى و هي نازله قدامه عالسلم اتسمر في مكانه و كأنه بيتفرج على لوحة حيه او منظر طبيعي ماشافش قبل كده في جماله
منى : احم.. مساء الخير
مراد : ….
منى : هييي انت معانا هنا ولا روحت فين؟
مراد : ها.. اه ايوه اتفضلي اقعدي
منى : يا ترا هقدر اتغدى مع الزعيم ولا لازمني واسطه؟
مراد ب لامبالاة : الاكل قدامك
منى بتحرك عينيها يمين و شمال وبعدين بتقول : بص انا مش بحب اللف و الدوران وانا بصراحه جايه اعتذر
مراد بيتنهد : تعتذري عن ايه؟
منى بحزن : شوف انا مكنش قصدي اجرحك لما… لما جبت سيرة اهلك في الكلام، انا حقيقي مكنتش اعرف و كما….. *بيخبط مراد بإيده على الترابيزه بقوة لدرجة ان الكاسات بتقع تتكسر*
مراد : انتي بأي صفه تتكلمي عن حاجة زي دي؟
منى بخوف : انا بس كنت….
مراد : كنتي ايه؟ انتي فاكره نفسك مين؟….بس انا الغلطان فعلا واضح اني اديتك اكبر من حجمك
منى و هي بتعيط : خلاص كفاية ارجوك، و اوعدك انك مش هتشوف وشي تاني ابدا *يتطلع منى تجري على فوق*
مراد بزعيق : سيليين
سيلين : تحت امر حضرتك مراد بيه
مراد بسخريه : تحت امري اه واضح فعلا… انتي ازاي تتكلمي مع منى و تحكيلها عن حاجه زي دي؟ انتي مين اداكي الحق ده ؟
سيلين : ا ا انا بس والله جاوبتها لما سألتني
مراد : سألتك ازاي يعني؟
سيلين : هي قالتلي ان حضرتك اتضايقت اول ما جابت سيرة ا اسرة حضرتك و سألتني عن السبب ف انا ب….
*بيقاطعها مراد* ف انتي اعتبرتيها صاحبة حق في انها تعرف حاجه زي دي…. *بزعيق* صح؟
سيلين بخوف : والله يا افندم انا ما كنت اقصد هي بس كانت عايزه تعتذر لحضرتك لانها حست انها ضايقتك
مراد : اه وهي بيهمها اوي اللي بيضايقني و…… *فجأة بيقاطعوا صوت واحده من عاملات القصر* : مراد بيه الحق يا افندم البنت اللي جت مع حضرتك
مراد بخضه : منى؟ مالها في ايه؟
العامله :…….
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حبيبي زعيم المافيا)
