رواية حبيبي زعيم المافيا الفصل الثالث 3 بقلم منى مرزوق
رواية حبيبي زعيم المافيا البارت الثالث
رواية حبيبي زعيم المافيا الجزء الثالث
رواية حبيبي زعيم المافيا الحلقة الثالثة
مراد بخضه : منى؟ مالها في ايه؟
العامله : لاقيتها واقعه فوق
مراد : ايه
*بيجري مراد و سيلين على فوق و فعلا بيلاقي منى واقعه مغمى عليها قدام باب اوضتها*
– بيشيلها مراد و بيدخلها الاوضه و ينيمها ع السرير
مراد ل سيلين : اتصلي بالدكتور خليه ييجي بسررعه
سيلين : حاضر يا افندم
* بعد نص ساعه بيوصل الدكتور و بيكشف على منى*
مراد : خير يا دكتور.. عندها ايه؟
الدكتور : عندها انهيار عصبي شكلها اتعرضت لصدمه او زعل شديد و ده واضح من ضغطها لانه مش متظبط خالص و كمان التشنجات العصبيه اللي عندها، و كمان عندها حالة ضعف عام
مراد : طب و ايه المطلوب يا دكتور؟
الدكتور : اولا طبعا ابعدوها عن اي زعل او ضغط عصبي و كمان تهتموا بأكلها و ياريت متعملش مجهود لحد ما صحتها تتحسن
مراد : طب هي ليه مش فايقه لحد دلوقتي؟
الدكتور : انا اديتها حقنه مهدئة هتخليها نايمه لحد الصبح، و بإذن الله هتصحى احسن
مراد : تمام
الدكتور : طيب استأذن حضرتك يا مراد بيه و لو حضرتك تحب انا هبعتلها ممرضة تكون جنبها يومين عشان تاخد بالها منها
مراد : لا ملوش لزوم انا هتصرف.. اتفضل انت يا دكتور مع السلامه
بعد ما بيخرج الدكتور بتبص سيلين لمراد و بتقوله :
– حضرتك تحب انا افضل جنبها يا مراد بيه؟
مراد : لا يا سيلين روحي انتي شوفي شغلك
سيلين : طب.. طب هو مين هيكون جنبها؟
بصلها مراد بهدوء : انا
سيلين بإندهاش : ح.. حضرتك هتفضل جنبها؟
مراد : ايه عندك اعتراض؟
سيلين : لا طبعا يا افندم مش قصدي انا بس…
مراد بيقاطعها : خلاص اتفضلي انتي
سيلين : تمام بعد اذن حضرتك
*بيقعد مراد على الكرسي اللي جنب سرير منى و بيقرب منها و هو بيحسس على شعرها* و بيهمس : منى! سامحيني يا حبيبتي، والله يا منى ما كان قصدي اعمل فيكي كده ولا كنت اتمنى في يوم اكون سبب دموعك… “بيتنهد” بس انتي ماتعرفيش يا منى انا شوفت ايه و الوجع اللي جوايا عامل ازاي…. ارجوكي فوقي و خليكي جنبي عشان احس ان للدنيا طعم يا معنى الحياة.
*بينام مراد عالكرسي لحد الصبح*
___________________________________________
منى بتفتح عينيها و بتقول بتعب : اممم انا فين؟ وبعدين بتبتدي تفوق و تفتكر اللي حصل و بتبص جنبها بتشوف مراد نايم عالكرسي
منى : مراد!
مراد بيصحى : منى! انتي فوقتي انتي كويسه؟
منى بتبص بعيد عنه و بترد بحده : ايوه كويسه لو سمحت حضرتك اتفضل و سيبني لوحدي
مراد : اسيبك لوحدك ازاي يا منى
منى : اشرحهالك يعني؟ طيب يعني تقوم تمشي لحد الباب و تفتحه و تخرج
مراد : انا لازم اطمن عليكي و اتأكد انك كويسه
منى : والله ده شئ ميخصكش
مراد : لا يخصني يا منى
منى بصوت عالي : ارجووك بقى عالاقل احترم طلبي و سيبني لوحدي
مراد : طيب طيب بس اهدي
___________________________________________
بعد ما بيخرج مراد من الاوضة بينده ل سيلين
سيلين : تحت امرك مراد بيه
مراد : منى فاقت
سيلين بفرحه : فعلا؟ الحمدلله
مراد : انا عايزك تفضلي جنبها و تاخدى بالك منها
سيلين : حاضر يا افندم
___________________________________________
منى : اهلا ب اللي نصايحها بتودي في داهيه
سيلين : والله يا منى ما كنت اعرف ان رد فعله هيكون كده، حقيقي انا ٱسفه اوي
منى : ياستي انا بهزر ولايهمك… هو انسان قاسي و عديم الذوق، هقول ايه بقى ماهو مجرم و ده العادي
سيلين : والله يا منى مراد بيه كان هيموت من القلق عليكي انتي مشوفتيش حالته كانت عامله ازاي عشانك، ده صمم يفضل جنبك طول الليل عشان ياخد باله منك بنفسه
منى : اه بيقتل القتيل و يمشي في جنازته
سيلين : صدقيني هو من جواه مش كده بس موضوع اهله ده زي ما قولتلك يعتبر عقدة حياته
منى : يلا اياً كان خلينا نتكلم في اي حاجه تانيه
___________________________________________
– وبعدين يا مراد انت هتفضل في الحالة دي كتير؟
مراد : مش عارف يا زين مش عارف صدقني
* زين يبقى صاحب مراد الانتيم و دراعه اليمين في المافيا*
زين : مراد انت زعلان منها ولا من نفسك؟
مراد : و هزعل منها ليه هي ملهاش ذنب، انا يمكن اتعصبت عليها لما قالت الكلام اللي قالته ده بس ده لاني…. *بتنهيده* انت عارف يا زين انه غصب عني واني مكنتش اقصد بس….
بيقاطعه زين : من غير ما تقول يا مراد انا عارف اكيد بس هي متعرفش حاجه زي دي
مراد : ما انا اكيد فاهم بس… طب هو انا ممكن اعمل ايه عشان اصلح اللي عملته و اللي قولته ليها؟
زين بيعدل ياقة القميص متصنعاً الغرور و بيرد: هممم جيت للرجل المناسب في الوقت المناسب ، اسمع بقى يا سيدي هقولك ايه بس ركز معايا
مراد : ياعم كازانوفا انت ما تخلص في ليلتك
زين : ياعم هقولك اهه، شوف انت اول حاجه…………
___________________________________________
منى : خلاص يا سيلين والله انا شبعت الحمدلله مش هقدر ٱكل اكتر من كده
سيلين : يا منى الدكتور قال انك محتاجه تاكل كويس عشان تتحسني و تستردي صحتك
منى : انا اكلت كتير و كمان انا الحمدلله بقيت كويسه جدا
سيلين : ماشي زي ما تحبي، انا هروح اجيبلك عصير
منى : لا بلاش عصير هاتيلي نسكافيه
سيلين : نسكافيه ازاي يعني في حالتك دي مينفعش طبعا يا منى انتي عايزه تتعبي تاني؟
منى : يا ستي مش هتعب انا بحب النسكافيه
سيلين : مفيش الكلام ده، دي اوامر الدكتور
منى : تؤ اووف طيب خلاص هاتي العصير
___________________________________________
مراد : سيلين
سيلين : تحت امرك مراد بيه
مراد : انتي نزلتي و سيبتي منى لوحدها ليه؟
سيلين : ده انا رايحه بس اعملها عصير
مراد : طب كويس، انا عايزك تعملي حاجه
___________________________________________
تك تك “خبط على الباب”
منى : ادخلي يا سيلين
سيلين : قومي يلا بسرعه
منى : ايه كبسه؟!
سيلين : كبسه ايه يابنتي احنا في غرزه؟
منى : مش ده يابنتي وكر العصابه و البوليس لو عكشهم هينفخهم كلهم؟
سيلين : انا فقدت القدرة على النطق.. منى انتي منين في مصر بالظبط؟
منى : انا من الدولة اللي جوه الدولة
سيلين : عروستي، ما تقولي يابنتي انتي منين؟
منى : من امبابه يا عسليه
سيلين : امبابه! طب تمام كده انا فهمت السكه
منى : سكة ايه؟ ما تفهميني الحوار
سيلين : بصي يا ست الكل احنا هننزل نقعد في الجنينه بتاعت القصر و نشرب حاجه تحت
منى : ياااه عليكي يعني كل الاكشن ده و الهري ده كله عشان ننزل الجنينه؟ طب ما تقولي من الاول يا حبيبتي
سيلين : معلش حقك عليا يلا بينا بقى
منى : لا معلش والله دماغي مصدعه و حساني مهبطه كده مش عارفه ليه، بقولك ايه يا سوسو مفيش هنا حاجه مخلله ولا شوية ماية طرشي تظبط معايا الضغط؟
سيلين : مخلله و ماية طرشي؟
منى : اه انشالله تنستري
سيلين : هنا في ايطاليا؟
منى : اه مالها ايطاليا مش يمكن عند ربنا احسن مني و منك؟
سيلين : و في قصر زعيم المافيا الايطالية؟
منى : بغض النظر يعني هو احنا في جوله سياحيه وانتي بتعرفيني عالمكان ما تخلصي يا امي
سيلين بتعد في سرها : واحد اتنين تلاته
منى : يالهوي عليا وعلى سنيني انتي بتعدي ليه؟ في قنبله هتنفجر دلوقتي صح؟ طب استخبى فين؟ طب استني اكتب اسمي و رقم ابويا على دراعي عشان يستدلوا على الجثه، ااه يابا يانا ياما هنموت منفجرين
*سيلين كانت واقفه متنحه و فاتحه بوقها* وبعدين اتكلمت : هو.. هو انتي بجد؟ يعني حقيقي انتي معانا في الدنيا؟
منى و هي حاطه ايديها على دماغها و قاعدة على ركبتها: اه لحد دلوقتي معاكوا في الدنيا بس بعد ما تعدي لعشرة اكيد هبقى من السابقون وانتم اللاحقون
سيلين بصوت عالي : انا بعد في سري عشان اهدي اعصابي عشاااان اهدي اعصابي اللي دمرتيهالي، قنبلة ايه و منفجرين مين؟
منى بتقوم تقف و بإبتسامة : احم طب ما تقولي يابنتي طب بدل الرعب ده، ياستي اشربي نعناع يرخي او كركديه يهدي
سيلين : حقك عليا تاني انا ٱسفه، اتفضلي بقى عشان ننزل تحت في الجنينه
منى : انا مش فاهمه ايه سر تصميمك ع الجنينه يابنتي ما نقعد هنا ده البلكونه في الاوضه هنا ترد الروح، عارفه البلكونه دي ادد بلكونتنا 6 مرات ده انا عندي ف……
بتقاطعها سيلين : مش عااااايزه اعرف كل ده ، بصي طب هسمع كل تاريخ بلكونتكم و تاريخ تأسيس امبابه كلها بس تحت في الجنينه لما ننزل تحت
منى : استغفر الله العظيم، طب ياستي تعالي ننزل ام الجنينه اللي هتجنني اهلي بيها
سيلين : يلا
منى : طب بصي اسمعي ناخد معانا ملايه من هنا عشان نفرشها بدل ما نقعد على الارض ؟
سيلين : ملايه؟ …*بصوت عالي* اخررررجي
منى : يوه طب خلاص خارجه متزوقيش
___________________________________________
سيلين : اتفضلي اقعدي ع الترابيزة هنا لحد ما اجيبلك العصير و ٱجي
منى : طيب و انا هقوم اتمشى في الجنينه الحلوه دي شويه
سيلين : لاااا اوعي تتحركي من هنا
منى بتبص لها بإستغراب
سيلين : عشان… عشان يعني كده هتخليني ارجع ادور عليكي
منى : اه و العصير كده هيسخن طبعا
سيلين : ايوه طبعا و ده مينفعش
منى : لا معاكي حق انا فدا العصير… سيلين امشي من وشي و انجزي بدل ما اسيب افريكانو بارك اللي احنا فيها دي و اطلع فوق
سيلين : لا لا انا رايحه اهه
*بعد ما بتمشي سيلين بتقعد منى ع الترابيزة و هي بتتأمل الجنينه ادامها*
منى لنفسها : يا نوور النبي، كل دي جنينه طب والله دي اكبر من الازهر بارك دول لو فكروا يعملوها بتذاكر هيكسبوا دهب… لا بس دول ممكن يكونوا مربيين حيوانات مفترسة هنا دول قتالين قتلى و يعملوها… يالهوي و انا قاعده كده في وسط الحيوانات المفترسة لوحدي؟ لا انا اقوم امشي احسن و في داهيه العصير.
– لا مفيش حيوانات مفترسة متخافيش
* انتبهت منى للصوت و بصت وراها لاقيته مراد*
منى : بعد اذنك *قامت و قبل ما تمشي مراد مسك ايدها*
مراد : انا ٱسف
منى بصتله وهي رافعه حاجبها : ٱسف على ايه؟ مش خلاص انت قولتلتي عذرك ع الكلام اللي سمعتهوني؟ خلاص يا سيدي عذرك مقبول بس ارجوك سيب ايدي انا تعبانه و عايزه اطلع الاوضه فوق ارتاح.
مراد : ارجوكي يا منى اديني فرصه اتكلم معاكي شويه، انا مش طالب اكتر من كده
منى بتنهيده : ماشي اتفضل
“بعد ما بيقعدوا مراد بيطلع من جيبه علبه و بيفتحها و بيظهر جواها عُقد الماظ تحفه*
مراد : ممكن في البداية تقبلي مني ده
منى بعدم اهتمام : لا مش كلبة فلوس و الماظات انا والله
مراد بإبتسامه : عارف من غير ما تقولي يا قدري، بس دي هدية اعتذار
منى : يا حلاوه عندكو هنا بيعتذروا بعُقد الماظ ييجي بشخروميت جنيه؟ طب ما كان كفاية شوكلاتايه جالاكسي من ام 7 جنيه دي
مراد : هههههههههه معلش راحت عن بالي دي و اوعدك المره الجايه هجيبلك طن شيكولاته جالاكسي
منى : مره جايه؟ ليه هو انت ناوي تزعلني مره تانيه؟
مراد : لا لا لا مش قصدي والله انا اقصد اني هجيبهالك من غير اي زعل ياستي
منى : ميرسي بس انا بردو مش هقدر اقبل العُقد ده
مراد : ولو قولتلك ارجوكي بلاش تكسفيني؟
منى : انا ٱسفه بس حقيقي مش هقدر اقبله، معلش سيبني على راحتي.
مراد بتنهيده : ماشي يا منى زي ما تحبي
منى : ها بقى كنت عايز تقولي ايه؟
مراد : انا كنت عايزك تسمعي القص…….
*بيقاطعه صوت انثوي ناعم*
-مرااادي وحشتني اوووي
*بتبص منى وراها بتلاقي بنت بشرتها بيضا و شعرها اصفر و عيونها خضرا و لابسه فستان تايجر فوق الركبه و عريان*
مراد بيتنح و بيبلع ريقه و بيرد : چين ؟
چين : ايوه يا حبيبي انا لسه واصله ايه رأيك في المفاجأة؟
مراد : ط طبعا جميله مفاجأة جميله
جين : اييييه ده ايه العُقد التحفه ده؟ اوعى تقول انت عرفت يا شقي اني جايه و جيبتهولي؟
منى بنبرة غضب : لا يا حبيبتي النمره غلط ده بتاعي انا معلش حظ اوفر المره الجايه *وبتخطف العُقد من ايد مراد*
مراد : بيبص لها و هو كاتم الضحكه بالعافيه
جين : ايه ده مين دي؟
منى و هي بتبص لها ب أرف : انا يا حبيبتي الاستاذه منى اعلامية ادد الدنيا
جين : اعلاميه؟ اممم غريبه عمري ما شوفتلك صوره في التليفزيون
منى : معلش يا حبيبتي ابقي اظبطي الريسيفر بتاعكم، وبعدين هو انتي مين بقى؟
مراد : د.. دي جين بنت صاحب بابا الله يرحمه و…..
بتقاطعه جين : و خطيبته
منى : ……………..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حبيبي زعيم المافيا)
