رواية حبيبي زعيم المافيا الفصل الأول 1 بقلم منى مرزوق
رواية حبيبي زعيم المافيا البارت الأول
رواية حبيبي زعيم المافيا الجزء الأول
رواية حبيبي زعيم المافيا الحلقة الأولى
– صباح الخير يا حاج
*صباح النور كويس انك صحيتي انزلي بقى هاتيلنا الفطار
- طب تصبح على خير يا حاج اصلي افتكرت اني عايزه اكمل نوم
*قومي ياختي انا نزلت جبت الفطار من بدري قومي ادي ٱخرة الخلفه واللي بيخلفوها
- احم ياااه عليك يا بابا بتحب انت تتعب نفسك معرفش ليه، يا سيدي هو مش انا موجودة؟
*بت قومي هاتي الاكل من المطبخ بدل ما احدفك بحاجة في وشك
- حاضر قايمه اهه.. قفوش اوي ابويا ده
“انا منى عندي 26 سنه معايا بكالوريوس اعلام و عايشه انا و بابا لوحدنا بعد ما امي توفت من 6 سنين و بابا بالنسبة لي بقى هو كل حاجه و مليش غيره”
بااااك
منى : بابا انا نازله هقابل زينب و هنخرج نغير جو شويه
الاب : ماشي بس المهم اوعي تتأخري و خلي بالك من نفسك
منى : حاضر يا روح الروح متقلقش عليا يا قمر انت خد بوسه
الاب : طب يلا الحقي انزلي عشان لو اتأخرتي هتسمعي كلام مش هيعجبك
منى : يا ساتر يا رب على بني البشر.. بقى هي دي باي باي اللي بتقولهالي؟ تجرح قلبي انا؟طب تقسى عليا انا؟
الاب : هتقعدي ترغي و مش هتنزلي شكلك
منى : لا لا خلاص انا نازله اهه سلام يا حب
الاب : سلام
___________________________________________
منى : زوزو حبيبتي بنت خالتي يا نااااااس بحبها بحبها لو هشحت كده محبش غيرها
زينب : هو انتي في عندك نقطتين دم؟
منى : يالهوي انتي عايزه نقطتين دم؟ ده انا املالك كوبايتين يا روحي انتي تؤمري بس
زينب بعصبيه : انتي يابت انتي مبتحسيش؟ انا بقالي نص ساعه واقفه متذنبه في الشارع مستنيه اهلك
منى وهي بتمثل الحزن : اخص عليكي بدل ما تعذريني وانتي عارفه ان ابويا راجل كبير و مريض ولازم ٱخد بالي منه واعمله اكله ده ملوش غيري من بعد ما امي.. امي ماتت ” حطت ايدها على وشها و مثلت العياط ”
زينب و هي بتصقف : الله الله عليكي يا فنانه والله احلى من امينه رزق، اكل ايه اللي بتعمليه لابوكي يا وكسه؟ ده ابوكي بيعملك سندوتشات الفطار عشان مبتعرفيش تعمليها و بتبوظي العيش، يابت ده انتي عايشه عاله على الراجل و على المجتمع كله
منى : ايه ده الاسلوب ده ما تحسني اسلوبك يا بغله انتي
زينب : طب اخرسي وامشي قدامي خلينا نروح الكافيه قبل الترابيزه بتاعتنا ما تتاخد
منى : هي الترابيزه بقت بتاعتنا؟
زينب : اه بوضع اليد، هو احنا اعتبرناها كده؟
منى : على رأيك تعالي نلحق املاكنا قبل ما حد يستولى عليها
زينب : يلا ياختي
___________________________________________
زينب : ها هنطلب ايه؟
منى : و ده سؤال بردو يا زوز.. هو احنا بنشرب غيرها
زينب : على رأيك… لو سمحت 2 قهوة بالنوتيلا
منى : المفروض الجرسون ده مايسألش عشان المفروض انه حفظنا بس الاهتمام مش بيتطلب على فكره وانا هقوله ينساني و يشيل اسمي من حساباته
زينب : لا لمي هرموناتك دي على جنب عشان مش وقته استني شويه للسهره و كن…. انتي يا سلحفاة انا بكلمك وانتي باصه في الزفت التليفون ده
منى : ششش استنى كده عشان في حاجة مش فاهماها كده جتلي
زينب : خير! ايه اللي جالك؟
منى : رسالة غريبه كده في ال other
زينب : ده على اساس ان كل اللي بيتبعت على ال other بيبقى طبيعي؟
منى : لا مش كده بس الرسالة فعلا غريبه
زينب : طب ما تنجزي يابنتي و تقولي ايه اللي مكتوب فيها
منى : مكتوب : غريبة الصدف اللي بتجمع بين الناس بس الاغرب منها شكلك وانتي واقفه تتنططي قدام بحر اسكندرية في عز يناير… بس ده ميمنعش انك خطفتي قلبي يعني نولتي المراد يا احلى هبله شافتها عيني و غايتي اللي بدور عليها من سنين، عشقتك يا مُنى القلب
زينب : ايه ده ايه ده طلع ليكي معجب سري يااابت ايوووه بقى الله يسهلوووو
منى : ششش وطي صوتك يابت انتي اتجننتي وبعدين معجب ايه وزفت ايه ده بيقول عليا هبله.. انا هبله؟
زينب : فشرر ده انتي كبيرتهم كلهم
منى : هما مين دول؟
زينب : الهُبل يا روحي
منى : تؤ استني بس عشان بجد الموضوع مخيف
زينب : هو ايه اللي مخيف ياستي؟
منى : اولا هو عرف منين موضوع اسكندرية واللي كنت بعمله عند البحر و كمان انا كنت هناك فعلا في يناير وبعدين ده عارف اسمي
زينب : اممم يمكن عرف اسمك عشان مكتوب ع الاكونت مثلا
منى : ايه ده! اه صح بس طب و موضوع اسكندرية ده بقى ايه ان شاء الله؟
زينب : بصي فكك ده اكيد حد من اصحابك بيشتغلك عشان عارف انك هبله و جبانه و بتصدقي اي حاجه
منى : اصحابي مين؟ محدش من اصحابي اصلا يعرف اني كنت في اسكندرية في يناير اللي فات
زينب : انتي متأكده؟
منى : ايوه طبعا و…. ايه ده الحقيني
زينب : في ايه؟
منى : ده باعت طلب صداقه
زينب : طب ما تعمليله بلوك
منى : لا انا هقبله
زينب : انتي عبيطه؟
منى : اسمعي بس انا عايزه اعرف ده مين و عرف التفاصيل دي كلها ازاي
زينب : اه وهو هيقولك بقى اول ما تسأليه عشان هو راجل مهذب او هيخاف منك ممكن يابت
منى : لا ياختي انا هعرف اجرجره بطريقتي
زينب : اتنيلي تعرفي تتنيلي؟
منى : بس اسكتي انتي ملكيش دعوه انا عارفه هعمل ايه
زينب : طيب بس متبقيش تيجي تقوليلي الحقيني
منى : ماشي ياختي
” بتقبل منى طلب الصداقة و بعد شويه بتروح هي و زينب”
___________________________________________
الساعه 12 بليل بتخرج منى البلكونه وبتشغل اغنية انا لك على طول و بتقعد تغني معاها و هي باصه للسما و فجاءة بتسمع صوت رسالة على تليفونها بتفتحها بتلاقيها من نفس الشخص صاحب رسالة ال other
بتلاقيه كاتب : النيل والليل و الشوق و الميل بعتولي و جيت اسأل عنك
منى بتتخض و بتبص في الشارع يمين و شمال بس مش بتشوف حد ، بترد بسرعه على الرسالة و بتقوله : انت مين و تعرفني منين و عايز مني ايه و.. وانت بتراقبني؟
بيرد عليها : ايه في ايه حيلك حيلك كل دي اسئلة
منى : انت هترد عليا ولا ابلغ عنك البوليس وهما هيجيبوك بطريقتهم؟
- هههههههههه طب اهدي بس كده و متخافيش
منى بغضب : اخاف؟ لا يا بابا مش انا اللي اخاف وبعدين انت مين اصلا عشان اخاف منك
- همم ماشي ياستي هجاوبك على اول سؤال انا مراد
منى : مراد مين؟
مراد : انا مراد نورالدين
منى : اهلا حصلنا الرعب، وانت بتبيع ايه يعني
مراد : اهي لماضتك دي اللي مودياكي في داهيه
منى : كتك داهيه اما تشيلك، انطق قولي تعرفني منين و جايب كل التفاصيل دي عني ازاي؟
مراد : بصي انا موافق اجاوبك على كل اسئلتك بس بشرط
منى : انت كمان هتتشرط؟… خير اشجيني ايه شرطك؟
مراد : تقابليني بكره
منى : امك حلوه
مراد : هتقلي ادبك اقسم بالله هطلعه على جتتك
منى بخوف : في ايه مالك؟ ده انا كان قصدي اشكر في الست العظيمه اللي خلفتك للدنيا
مراد : المهم قولتي ايه؟
منى : هو انت عبيط؟ يعني ايه اقابلك؟
مراد : خلاص خليكي كده زي ما انتي ومش هتعرفي اي حاجه و بصي بصراحه يعني كده احلى اديني بعرف عنك كل حاجه و انتي ماتعرفيش حتى انا شكلي ايه
منى : والله شكلك زي ما زينب قالت كده حد من اصحابي و بيشتغلني
مراد : بجد؟ هو مش انتي بردو قولتي ل زوزه قصدي زينب ان محدش من اصحابك يعرف بموضوع اسكندرية ده؟
منى : نهارك اسوح انت كنت بتتصنت علينا؟
مراد : والله ما هتعرفي اي حاجه ولا هريحك الا لما تقابليني
منى : لا اله الا الله، يعني ايه اروح اقابل واحد غريب ولا اعرفه ولا يعرفني
مراد : بس انا اعرفك كويس
منى : وبعدين؟!
مراد : عموما متقلقيش احنا هنتقابل في مكان عام و قريب من بيتك، ها قولتي ايه؟
منى : ماشي انا موافقه عشان بس اعرف انت مين و بتعمل كل ده ازاي وليه
مراد : تمام اوي يبقى هقابلك بكره بإذن الله الساعه 7 في الكافيه
منى : انهي كافيه؟
مراد : هو فيه غيره الكافيه بتاعك انتي و زوزه
منى : الكافيه بتاعي انا و زوزه؟…… لا انا مش هنبهر بقى ده انت يا راجل مش ناقص غير انك تعرف كنا طابخين ايه النهارده، بس اقولك حاجه انا شاكه انك ملبوس او مخاوي اصل احنا كان عندنا جاره زمان كانت بت…..
مراد : ششش رغي كتير انتي بتموتي في الرغي
منى : طيب انا هقابلك بكره بس ارجوك اوعى تخطفني ولا تخطف زينب ال بت دي غلبانه خلي بالك والله
مراد : لا حول ولا قوة إلا بالله، طب والله انا الغلبان
منى : طب لو غلبان ما تقول و نساعدك و ممكن نلملك عادي يعني
مراد : بت انتي اسكتي خالص و روحي نامي احسنلك
منى : على رأيك انا اروح انام احسن ، يلا سلام ياعم الغامض
مراد : سلام يا قدر
منى : لا انت نسيت تقريبا من كتر الضحايا انا منى مش قدر
مراد : انتي قدري
منى : قدرك؟! …..احم طب س سلا سلام ___________________________________________
منى : بقالي ساعه الا ربع مرزوعة في ام الكافيه و الزفت ده مجاش بس هقول ايه ما انا بردو اللي غلطانه عشان امشي ورا كلام واحد مجنون زي ده طب.. طب ده انا حتى معرفش شكله ده حاطط لي على الاكونت بتاعه صورة الباتشينو و هو اصلا تلاقيه شبه مجدي شطه
– لا مش شبهه على فكره
• بتبص منى وراها بسرعه على مصدر الصوت بتلاقي شخص طويل شعره اسود وناعم و عينيه لونها بني و بشرته قمحاويه و ابتسامته قمر كده مع غمازاته و جسمه شبه بتوع كمال الاجسام و حاجة كده اللهم بارك و لابس بليز ازرق على قميص ابيض و بنطلون جينز *
منى بتبلع ريقها و بترد : هو انت..انت؟
مراد : ايوه انا انا
منى بتحرك راسها كده يمين و شمال عشان تفوق و بتكلمه بنبره قويه : اهلا،انت بقى عم الشبح اللي عاملي فيها عضو المخابرات؟
مراد بيلف و يقعد على الكرسي اللي قدامها : ايوه يا ستي هو انا بس للتصحيح انا مش شبح انا انسان عادي وانا مش عضو في المخابرات
منى عوجت بوقها زي الستات الكبار و قالتله : اومال انت ايه بقى ياعم النينجا؟
مراد : هقولك بس ده سر
منى : ايه انت اللي قتلت موفاسا؟
مراد : انا زعيم المافيا الايطالية
منى : وانا الملكة إليزابيث
مراد : احسن منها بكتير انتي على فكره
منى بتمثل انها بتتاوب : شكلنا هنقضيها استظراف كتير
مراد : طب ايه اللي يثبتلك اني زعيم المافيا؟
منى : امممم قولي حاجه عني محدش يعرفها غير موضوع اسكندرية ده
مراد : اقولك على المرتين اللي ارتبطتي فيهم و اتجرحتي؟
منى : هاهاهاو دي المنطقه كلها عارفه اني اتروقت و خدت خازوق في المرتين اللي ارتبطت فيهم…شوفلك حاجه تانيه يا اخ
مراد : طب تحبي احكيلك ايه عنك؟
منى : يا سيدي لا تحكيلي عني ولا عنك انا عيزاك تقولي انت بتعمل كده ليه و عايز مني ايه؟
مراد : عشان بحبك و عايز منك ايه عايزك تحسي بيا
منى : اه عايز تشقطني يعني؟ لا والله كان على عيني مفيش من ده
مراد : اشقطك؟ منى انتي عملتي اللي مفيش واحده في كل الدنيا دي قدرت تعمله
منى : اللي هو ايه؟
مراد : انتي خطفتي قلب مراد نورالدين
منى : والله يا سعادة البيه انا بريئة و تعالى نطلع عالقسم لو عايز
مراد : والله رغم برودك ده ف انا بردو بحبك
منى : برودي؟ يعني انا بارده؟
مراد : اها
منى : طب وعلى فكره انت صفيق و مجنون
مراد : اهه لسانك ده هيتقطع على ايدي ان شاء الله
منى : انا مشوفتش حد بجح كده
قرب منها مراد و بصوت واطي قالها : ولا هتشوفي في عمرك كله يا حياتي
منى : بلا حياتك بلا هبل بقى انت مش هتقو….. قاطعها مراد لما تليفونه رن و قالها استني
مراد : في ايه؟ .. ايه؟ .. انت متأكد؟ … طب خلي الباقيين يأمنوا خروجنا من هنا حالا … بيشد مراد منى من ايدها و هو بيقول : قومي معايا بسرعه
منى : اوعى ايدك دي اقوم معاك فين انت مجنون؟
مراد بزعيق : مش وقته ده دلوقتي تعالي معايا بسرعه في خطوره على حياتك
منى خافت و خرجت معاه من الكافيه لقت عربيه سوده كبيره واقفه قدامهم، ف اخدها من ايدها و دخلها العربيه
منى : انت واخدني فين و عايز مني ايه؟
مراد : اهدي يا منى هتبقي كويسه.. اطلع بسرعه
منى بزعيق : اهدى ايه و يطلع فين انا عايزه انزل من هنا انتو اكيد مجرمين نزلني بقولك والا هصوت و الم عليك النا….. فقدت منى الوعي اول ما مراد رش مخدر عند وشها
___________________________________________
بتفتح منى عينيها : اممم انا فين؟ بابااا.. بتبص جنبها الناحية التانية بتلاقي مراد قاعد عالكرسي
منى : عاااااا انت ايه اللي جابك هنا و… انت عملت فيا ايه يا حيواان و انا انا فيييين؟
مراد : شششش اهدي يا منى اهدي انتي في امان
منى : امان ايه؟ انا فين بقولك؟
مراد بيتنهد و بيرد : انتي في قصري … في ايطاليا
منى : ……
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حبيبي زعيم المافيا)
