رواية حبيبي الشبح الفصل الرابع والأربعون 44 بقلم Sos Khalil
رواية حبيبي الشبح البارت الرابع والأربعون
رواية حبيبي الشبح الجزء الرابع والأربعون
رواية حبيبي الشبح الحلقة الرابعة والأربعون
بعد اسبوع
كانو قاعدين كلهم مع بعض
وياسمين عمالة تبص علي كريمه بكره ونفسها تقوم تضربها
يونس قاعد وشايف نظرات ياسمين لكريمه قام
يونس : تعالي يا ياسمين عايزك
ياسمين لسه باصه لكريمه إللي مستغربه بصتها ليها بس مش
عارفه السبب كريمه لفت وشها وياسمين لسه باصه ليها
يونس هز ياسمين : يا بنتي قومي معايا عايزك
ياسمين قامت بالعافيه : عايز إيه يا يونس
يونس : عايز اخطبك
ياسمين : هو إحنا مش اتكلمنا في الموضوع ده وقولتلك بفكر
يونس بصوت عالي : يا ياسمين أنا بقالي أسبوعين بتكلم
معاكي من ساعة ما خرجتي من المستشفى تعبتي امي معاكي بقي
ياسمين ضحكت : طب خلاص خلاص انا معنديش مانع شوف جدو وعمو وأنا معاك
يونس بفرحه : بجد والله يا ياسمين
ياسمين ابتسمت : والله
يونس : إنا هروح اقول لعمي صابر حالا هو أصلا قولت ليهم كلهم إحنا واقفين علي الموافقه بتاعتك انتي واهو الحمدلله
وفقتي أروح أحدد معاهم بقي
ياسمين بسرعه : إستنى إستني إنت مستعجل ليه
يونس : مستعجل ليه دانت بهدلتي إللي جابوني مليش فيه
إحنا هنخطب بكره هو بكره إيه التلات خلاص هنخطب
الخميس وبعد شهرين يبقي الفرح مليش فيه ها
ياسمين بصدمه : إيه إيه حالك حالك هو سلق بيض ولا إيه
يونس بعصبيه : آه سلق بيض يا ياسمين عجبك ولا لا
ياسمين بسرعة : عجبني عجبني أعمل إللي إنت عايزو خلاص
يونس ابتسم بفرحه : طيب يا حبي اطير انا بقي اروح
اقولهم سلاموز ودخل جري
ياسمين بصتله بصدمه : الواد ده عبيط والله
بليل
كانت ياسمين هي والبنات في المول بيشترو حاجات
الخطوبه بعد ما يونس دخل قال للكل والكل فرح
عزيزه لياسمين : هو ماله يونس مستعجل كده ليه
ياسمين : معرفش معرفش هو أنا هطير
فاطمة : بيحبك يا ياسمين هو حد في الزمن ده بيحب حد
زي ما يونس بيحبك كده افرحي افرحي وحافظي عليه ياسمين هو آنتي بتحبيه
ياسمين : أكيد طبعا بحبو
فاطمة : خلاص أهو تفرحو بقى يجدعان يلا بقي نجيب الفساتين علشان في حاجات كتير جدا عايزين نجبها
كلهم : يلا
فضلو يلفو لحد ما جابو كل حاجه هما عايزينها
بعد كده خرجو من المول وكانت فيه عربيه واقفه بره
البنات خرجو كانت العربيه قربت وخلاص كانت هتاخد
ياسمين بس يونس جه بالعربيه بالسرعه وقف قدامها ونزل العربيه جريت أول ماشافت يونس
يونس لياسمين : انتي كويسه
ياسمين بأستغراب : آه كويسه ليه في إيه
يونس قرب منها وشوشها: عمتك كانت بعته العربيه دي علشان تخطفك
ياسمين اتصدمت : إيه وإنت عرفت إزاي
يونس : إحنا مراقبين تليفونها وعارفين هي بتكلم مين
بتكلم واحد إسمه منصور
ياسمين : منصور مين منصور
يونس :معرفش انا لما كنت بسمع المكالمه لما سمعت انها مأجرة عربيه تيجي تخطفك من قدام المول مسمعتش باقي المكالمه وجريت عليكي علطول وحسن حظي اني كنت قريب منك
ياسمين خدت نفسها : الحمدلله وبنت ال دي مش هترتاح غير لما اضربها زي ما ضربت بنتها بس بنتها اتغيرت لكن دي شيطانه لما تقبض عليا أعدموها على طول يا يونس
يونس : أكيد ده إللي هيحصل يلا نروح ناكل في أي مكان بعد كده نروح
ياسمين : ملوش لازم
يونس : يلا
ياسمين : حاضر استني نقول للبنات وبعدين لفت للبنات : يا بنات يونس عازمنا بره يلا
فاطمه بكسوف : ملهوش لزوم يا أستاذ يونس
يونس ابتسم : متقوليش كده يلا
كلهم ركبو العربيات راحو علي المطعم
عند كريمه قاعده في إلاوضه بتاعتها و تليفونها رن
كريمه : الو
مجهول : ايوه يا هانم
كريمه : ها عملت إيه
مجهول : ملحقتش أعمل حاجه يا هانم البنت دي واحد جه وقف قدامهم بالعربيه بتاعتو ونزل وإحنا شوفنا جرينا
كريمه بعصبيه : يعني إيه يعني مش حصل إللي أنا قولت عليه
مجهول : والله يا هانم إحنا كنا خلاص هناخدها بس الواد جه قدمنا
كريمه بغل : طيب اقفل وقفلت معاه وقالت بحقد: ماشي يا ياسمين فلتي المرادي مش هتفلتي المرة الجايه
بعد ساعتين يونس روح هو و البنات
وكل واحد طلع علي اوضته ونام
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حبيبي الشبح)
