رواية حبيبتي شبح الفصل الثالث 3 بقلم نوران أحمد
رواية حبيبتي شبح الجزء الثالث
رواية حبيبتي شبح البارت الثالث
رواية حبيبتي شبح الحلقة الثالثة
ركضت للخارج بخوف وهي تنظر له ليخبرها رائف بأن لا تعود للمنزل اليوم وذهب وتركها تائهه
دلف للمنزل محدثا عمه
رائف : جيت امتي
العم : لسه من شويه بس حاسيت بحاجه غريبه هنا
نظر له العم بشك ليظهر عليه بعض التوتر غير العم الموضوع قائلا
العم : لسه الاشباح بيضايقوك
رائف : لا بس عندي فضول ازاي ممكن شبح يأذي شبح ما هما في الحالتين ميتين
العم : الأرواح الشريره بتتغذا روحها علي الأرواح الضعيفه التايهه
اطمئن عليه العم وذهب دلفت روح متسائله عن من هذا ليجيبها وعلي وجهه الحزن الشديد بأنه العم الذي كان بمثابه اب وام بالنسبه له بعد موت والديه
شعرت بالحزن اتجاهه ووضعت يدها علي كتفه قائله له ابتسم لتبتسم لك الحياه يكفي قدرتك التي بمثابه طوق النجاة لك وللجميع
نظر لها متسائلا لتجيبه كلما ساعدت تلك الأرواح كانت تساعدك أكثر نظر لها بريبه وابتسم من ثم أخبرها بأن تذهب للنوم ذهبت لتتركه ليرتاح وفي صباح اليوم التالي
كانت تجلس تنتظره
رائف : نعم مستنيه اي
روح : اوعي تكون نسيت
رائف : ورايا شغل هخلصه ونشوف
كان يجلس علي مكتبه بابتسامه انتصار تعجبت منها روح حتي تحدث أحد زملائه قائلا : مش قادر اصدق ان في عيال صغير ممكن تأذي الناس وتشوه نفوس الباقي كدة
بيري : بتتكلم عن أي
في فيديو منتشر لبنت بتتنمر علي زمايلها منهم اللي انتحر ومنهم اللي بقا مريض نفسي ومنهم هي قتلتهم بنفسها
نظرت روح لرائف بذهول متي فعل كل هذا علي اي حال ما فعله كان خطأ كبير
روح : اللي عملته ده غلط
تجاهلها
بيري : صعبانه عليا البنت
رائف : صعبان عليكي اللي اتسبب في الاذي للناس
بيري : اكيد دلوقتي بتمر بوقت صعب جدا
رائف : انتي غريبه
روح : انا بكلمك ركز معايا انا انت ممكن تتسبب انها تنتحر أنت مش عالجت انت بتبوظ كل حاجه
استأذن رائف وذهب لمكان وارسل رساله لشخص ما
ودلف للداخل وبعد ساعتين كان هناك خبر منتشر بكل مكان بعنوان زوج يتصل بالشرطه للقبض علي زوجته وعشيقها
كان الأمر مريب بالنسبه للبعض وعادي للبعض الآخر
روح : انت تاني
رائف : مش طلبتي مساعده
روح : مش بالشكل ده
ذهب وتركهاا ذهبت ورائه كانت تتحدث طيله الوقت
روح : ليه قسم الشرطه
تجاهلها ودلف للداخل وطلب رؤيه المتهمه بالتنمر
…. : جاي تشمت فيا
رائف : لا ابدا جاي اشوف ياتري هتقدري تتحملي كل العذاب والألم هنا لوحدك وتشيلي الليله وكل الجرائم المنسوبه ليكي ومتنسيش معايا الدليل انك قتلتي بنت يعني الإعدام لبسك لبسك ولا
البنت بدموع : ولا اي
رائف : ولا هتعترفي علي باقي زمايلك اللي خلوكي تعملي كدا وتتخفف العقوبه عليكي
البنت بدموع : هعترف هعترف
رائف : حلو اوي محتاجين نعمل فيديو صغير كدا
وبعد ربع ساعه خرج من المكان وروح ورائه مصدومه متي فعل كل هذا
من ثم ذهب لمنزل الفتاه
وطرق الباب فتح الباب وسمح له بالدخول التقي بوالدها الحزين
الاب : مين حضرتك
رائف : اب زيك يستاهل اكبر عقاب كان زمانك دلوقتي في السجن بس رفقا بابنك ده خليتك في نظر المجتمع مجني عليه مع انك الجاني
الاب بعصبيه : انت مين
رائف : لسه فاكر بنتك ولا نسيتها بنتك اللي كنت بتعذبها بس لانها شبه امها عمرك لا كنت سند ولا أب محترم مسالتش ابدا بنتك فيها اي حتي موتها مهتمتش بيه انت تستاهل كلمه اب اصلا
بدأ علي الاب الخوف والتوتر وبعض الحزن : انا فعلا ظلمت بنتي
رائف : ابنك اهو يا تري هتعذبه وتضربه لانه بيفكرك بمراتك اللي طلعت بتخونك بالمناسبه صح هو اللي انقذك
الاب : انت عايز اي
رائف : اولا انا براقبك لو حاسيت للحظه انك بتأذي الولد ده مش هتردد ابدا اني اسجنك ثانيا روح بنتك غضبانه من الظلم اللي اتعرضت ليه وموجوده
ثالثا والأهم هتيجي معايا انت وابنك تعتذرو منها
تعجب الاب من الطلب وشعر بأن ذلك الشخص حقا مختل عقليا ويجب مجاراته فوافق علي الأمر حدد معه بالذهاب في الغد وتركه ورحل
ركضت ورائه كيف كيف أمكنك فعل ذلك ومتي
رائف : الأمر سهل
روح : ازاي الولد هو اللي انقذ أبوه
أخبرها رائف بأنه في بادء الأمر كان يخطط بجعله يقتل زوجتك اثر الخيانه ولكنه تذكر ذلك الطفل البرئ الذي ساعده لا يستحق لقب يتيم لا يستحق رؤيه بشاعه هذا العالم منذ صغره ليغير خطته عندما بعثت رساله لرائف من الطفل يخبره بوجود ذلك الشخص مع والدته ارسل رساله الي الاب يخبره بالأمر ورساله للطفل أخبره بأن يتصل بالشرطه في الحال ليفعل الطفل ما طلب لتاتي الشرطه مع الأب في نفس الوقت ويرو ما يحدث وبالتالي فقد انتقم للفتاه من المتنمرين وتلك السيده الخبيثة ووالدها يكفي نظره العالم له بعد فضيحته وحزنه علي اختياره وموت ابنته
روح : مش حاسس انك كنت قاسي يعني دمرت مستقبل طالبات
رائف : تفتكري وهما لسه اطفال وقتلو بدم بارد لما يكبرو هيسببو اذي اكبر للمجتمع لازم يتربو ويتعلمو
وقفت روح : اممم اعتقد انك صح
رائف بابتسامه : طول عمري واستمر بالمشي
ركضت ورائه بسرعه وصعدت علي ظهره
رائف : انزل حالا
روح : ده عقابك لانك قولتش اي حاجه وخلتني طول اليوم علي اعصابي
ابتسم واستمر بالمشي
روح : انا معرفش عنك حاجات كتير
رائف : هتعرفي في الوقت المناسب
روح : واااا غموض تعرف انك بتخوف اكتر مني انا كاشبح
رائف : عارف
روح : رخم
وصلو للمنزل اخيرا وذهبو للنوم وفي اليوم التالي ذهب رائف كعادته للعمل وهي معه
تراقب ابتسامته لتلك المدعوه بيري واهتمامه بها كم هي مزعجه انظرو كيف تتحدث معه بلطف ورقه أراهن انها بالمنزل جعفر لما هذا القرب ولما هو لطيف معها هكذا حتي أنه لا يفعل هذا معي ابدا فتاه متصنعه ومزعجه
انتهي وقت العمل اخيرا وركضت ورائه
روح : شكلك مهتم اوي
وضع رائف السماعات ليظهر كأنه يتحدث الي الهاتف : بمين
روح بضيق : السلعوه اللي اسمها بيري
رائف بابتسامه علي مظهرها الطفولي : اه هي لطيفه فعلا
روح : انت مش عارف اي وري المكياج ده ممكن تلاقيها شبه واحد صحبك
ضحك بخفه قائلا : بهتم بالشخصيه اكتر
روح : كذاب مفيش راجل بيهتم بالشخصيه بس
رائف : عايز انام بهدوء قبل ما نروح مشوارنا
روح بضيق : اتخدم
تجاهلها وذهب في سبات عميق
استيقظ بعد فتره
رائف : نمت قد اي
روح : بقينا بالليل
جهز نفسه واستعد للخروج وجد للاب وابنه ينتظرانه بالمكان المحدد أخذهم وذهب بهم الي تلك الروح فور وصولهم شعرو بالاختناق
روح بخوف : اهدي وسيبيهم هما جايين يعتذرو
نظرت لهم الروح بدهشه
روح : انا عرفت حكايتك وقولت لرائف ورجعلك حقك
تركتهم تلك الروح
سقطو يتنفسون بسرعه
الطفل بابتسامه : هما قالولي انك هنا بصي عملت ليكي اي جمعت مصروفي واشتريت الفستان اللي كان نفسك فيه علشان عيد ميلادك اكمل بدموع بس انا زعلان سبتيني لوحدي وانتي عارفه اني مليش غيرك تعرفي بابا طول الليل بيجيب صورك وبيعيط
أدمعت عيونها
الاب : انا اسف يا بنتي ظلمتك واذيتك كتير سامحيني كنت مغيب مكنتش حاسس بالنعمه اللي في أيدي لحد ما روحتي سامحيني يا بنتي
أمسكت روح يد رائف : هي ليه شكلها بيتغير كدا
أخرج رائف هاتفه وضغط علي أحد الفيديوهات
رائف : ودول اللي كانو سبب موتك بيتعاقبو دلوقتي وده فيديو اعتذار منهم
تغيرت ملامح وجهها خرج السواد من داخلها وابتسمت براحه قائله : شكرا
واقتربت من روح فابتعدت واختبأت خلف رائف أمسكت بها وابعدتها عنه قائله : خلي بالك اللي بيحميكي هو اللي هيأذيكي
واختفت روحها مع الرياح
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حبيبتي شبح)
