رواية حبيبتي المسترجلة الفصل الخامس 5 بقلم إلهام عبدالرحمن
رواية حبيبتي المسترجلة الجزء الخامس
رواية حبيبتي المسترجلة البارت الخامس
رواية حبيبتي المسترجلة الحلقة الخامسة
بيان: هاجي يا اخويا هاجي بس بلاش بينو دي مش عارفه ايه الدلع المرق والماسخ ده في راجل مالو هدومه يقول بينو.
راحوا كلهم السينما واتبسطوا أوي وبدأ قلب بيان يدق من ناحيه تميم لكن هي حاولت تقنع نفسها ان ده وهم وان هي بس عجبها اسلوبه واهتمامه بيها وانه بيحاول يفرحها وفضلت تقول لنفسها انه بيعمل كده بس عشان ان هو ندمان على اسلوبه القديم معاها.
روح كل واحد على بيته ودخلت بيان اوضتها واخدت التليفون وبدات تتكلم مع تميم بشخصيتها الجديده…
بيان: ازيك يا تميم عامل ايه فينك مختفي طول اليوم قلقتنى عليك.
تميم: اصل كنت مع جماعه اصحابي بعد الشغل ورحنا السينما.
بيان: ويا ترى اتبسطت بقى احكيلي الفيلم كان ايه اكشن ولا رومانسي ولا رعب؟
لولو الجندى صلى على سيدنا محمد
تميم بضحك: لا يا ستي كان رومانسي اصله من اختيار حنين وساجد انا ماليش فى جو الافلام.
فضلوا طول الليل يتكلموا وحس تميم انه اتعلق بيها وكل يوم كان بيتكلم معاها وعرفوا كل حاجه عن بعض بيحبوا ايه وبيكرهوا ايه ما بقاش في يوم بيعدي الا ولازم يتكلموا وفي يوم و تميم في الجيم كان سرحان في اللي خطفت قلبه وعقله وكان بيتمنى انه يقابلها، شافته بيان وراحت له وبدات تتكلم معاه..
بيان: مالك يا تميم انت مش مركز النهارده في التمرين في حاجه مضايقاك اوعى تكون صفصف مزعلاك بس ازاي وهي بتحبك اكتر مني شخصياً.
تميم: طنط صافي دي حته سكره ما اقدرش ازعل منها لكن في موضوع تاني شاغل عقلي وتفكيري.
بيان: طيب ما تحكيلي مش يمكن اقدر اساعدك.
حكالها تميم عن البنت اللي بتكلمه وعن المشاعر اللي بقت في قلبه من ناحيتها وانه مش عاوز يعترف لها بحبه الا لما يشوفها الاول.
بيان: انت خايف يطلع شكلها مش حلو وتبقى اخدت مقلب فيها.
تميم: لا ابدا والله انا نفسي اقول لها اني بحبها وانا ببص في عينيه عاوز اشوف رد فعلها عارفه يا بيان انك طول الفتره اللي فاتت علمتيني اكبر درس في حياتي واتاكدت ان مش كل حاجه الشكل الحلو بس انك تلاقي بنت طيبه ونقيه وجدعه وشكلها بسيط ومعقول احسن مليون مره من انك تلاقي بنت جميله ومهتمه بنفسها بس تكون مغروره او عديمه المسؤوليه انا بجد ما يهمنيش شكلها ايه قد ما يهمني انها تكون انسانه لان الانسانيه افضل من الجمال الخارجي انا فعلا كنت الاول بدور على الشكل لكن دلوقتي لا.
بيان بفرحه: وانا متاكده انها هتبقى مبسوطه اوي يا تميم لانك فعلا تستاهل انك تتحب.
مشت بيان وسابت تميم يكمل تمرين كانت فرحانه اوي ان تميم حبها فعلا وفي الوقت ده هي اعترفت لنفسها هي كمان انها بتحبه وقررت انها تعترف له بالحقيقه وتعرفه انها هي اللي كانت بتكلمه طول الفتره اللي فاتت بس كانت خايفة ان تميم يزعل منها ومايسامحاش ولا يصدقها.
لولو الجندى صلى على سيدنا محمد
في نفس الوقت كان تميم بيبص عليها وهي بتبعد عنه وبيقول لنفسه…
تميم: يمكن حبيتها عشان هي زيك في حاجات كتير يا بيان نفس طيبتك واخلاقك وجدعنتك قد ايه انتى انسانه جميله.
روحت بيان على بيتها واتغدت مع مامتها وبعدين دخلت اوضتها واخدت الموبايل، واتكلمت مع تميم.
بيان: ازيك يا تميم عامل ايه هو انا ممكن اطلب منك طلب ويا ريت توافق عشان خاطري.
تميم بقلق: خير في ايه مالك طلب ايه قلقتيني.
بيان: انا عاوزه اقابلك ويا ريت ما ترفضش ارجوك.
تميم: انت بتتكلمي بجد انتى عاوزة تقابلينى ده انا اللى كان نفسي اطلب منك اننا نتقابل من زمان بس كنت خايف ترفضي.
بيان: خلاص يعنى احنا الاتنين عاوزين نقابل بعض يبقا هستناك في الكافيه بكره الساعه 8:00.
واديتله عنوان الكافيه وتاني يوم كان تميم قاعد في الكافيه ومستني حبيبته وفجاه ظهرت بنت جميله لابسه فستان شيك وعامله تسريحه في شعرها جنان وحاطه ميك اب وكانها حوريه نازلة من الجنه، وقف تميم مذهول من جمالها وهو شايفها بتقرب منه واتاكد ان هي دي اللي كانت بتكلمه. راحت بيان ووقفت قدامه وقالتله برقه..
بيان: ازيك يا تميم ايه معرفتنيش؟
رد عليها تميم وهو مذهول: معقوله انتى بجد ولا انا بيتهيأ لي انا ما كنتش متوقع انك بالجمال ده.
بيان: يعني لو ما كنتش جميله ما كنتش هتكلمني تاني؟
لولو الجندى صلى على سيدنا محمد
تميم بسرعه: لا والله ابدا الجمال مش فارق معايا خالص انا عجبني فيكي روحك الحلوه وطيبتك بس كل حاجه فيكي طلعت حلوه حتى شكلك يظهر ان انا طلعت محظوظ اوي بس انا ليه حاسس اني شوفتك قبل كده ملامحك مش غريبه عليا.
بيان: بجد انت مش عارفني هو شكلي اتغير اوي للدرجه دي.
تميم باستغراب: ليه هو المفروض ان انا اعرفك؟ بس ثواني كده صوتك ده مش غريب عليا انا حاسس انى سمعت الصوتدا قبل كدا ااه صوتك شبه صوت واحده صاحبتي.
بيان: زي صوت مين؟
تميم: صوتك شبه صوت بيان مش معقول انتى بيان؟
بيان: ايوا انا بيان انا اسفه يا تميم في الاول كنت عاوزه اعمل فيك مقلب واعلمك درس عشان تعرف ان الجمال مش بالشكل كنت متضايقة منك عشان دايما كنت بتتعامل معايا انى راجل مش بنت لكن غصب عني اتعلقت بيك وحبيت اهتمامك بيا حبيت كلامنا كل يوم مع بعض يومي ما كانش بيعدي الا لما اتكلم معاك في التليفون سامحني عشان خاطري انا ما اعرفش ازاي انا حبيتك وكنت بتمنى انك كمان تحبني بس انت ما كنتش شايف غير بيان المسترجله عمرك ما شفتني بنت عمرك ما فكرت ان من حقي احب واتحب كأن دا مش من حقي انا اتعلمت ازاي احط ميك اب والبس كويس زي البنات عشان بس اعرفك ان اي بنت تقدر تعمل اي حاجه هي عاوزاها وتتعلم اي حاجه وكمان حبيت اعرفك ان البنت لازم تكون قويه بردو وفيها جزء من الرجوله لان احنا بقينا عايشين في غابه وعشان تحافظ على نفسها لازم تكون مسترجله وما تديش لاي حد فرصه انه يستغلها بس انا عارفه ان انا كمان غلطانه وان كان لازم احافظ على انوثتي في وسط الرجوله اللي انا كنت عايشه بيها انت كمان علمتني درس كويس يا تميم.
لولو الجندى صلى على سيدنا محمد
تميم: تعرفي انى كنت بتمنى بجد انك تبقي بيان انا بحبك اوي وعاوز اروح حالا اطلب ايدك من طنط صافي.
بيان بفرحه: بجد يا تميم انت بتحبني وعاوز تتجوزني بس اوعى تكون بتقول لي كده عشان شويه البويه اللي في وشي ولا الفستان اللى لابساه ده.
تميم بحب: انا حبيتك من وانتي لسه مسترجله يا اجمل راجل في حياتي.
وفي يوم الفرح وقف ساجد جنب حنين وقال لها.
ساجد: ما تيجي يا حنين اعمل فيكي جميله واتجوزك عشان ما تفارقيش صاحبتك.
حنين: روح ياض العب بعيد يعني يوم ما اتجوز اتجوز واحد خاربها مع البنات يلا يا بابا امشي من هنا هنرش ميه دى هزلت بقا حنين يوم ماتتجوز تتجوز واحد توتو.
وتوته توته خلصت الحدوته.
لقراءة الرواية كاملة اضغط على : (رواية حبيبتي المسترجلة)
