رواية حبه لعنة الفصل الأول 1 بقلم دنيا حسن ابراهيم
رواية حبه لعنة الجزء الأول
رواية حبه لعنة البارت الأول
رواية حبه لعنة الحلقة الأولى
كريم: فهد باشا لقيتها واقفة مع نفس الشخص لكن المرادي
فهد: المرادي أية ماتنطق
كريم: أحم بص يافهد باشا المرادي كانت في حضنه في الشارع
فهد ببرود: حلو صورتها؟
كريم باستغراب: أه وبعتها لحضرتك على واتساب
فهد: تمام وقفل السكة
كريم غريبة يعني مهبش ربنا يستر عليكي يا ملك
ملك: أنا تمام يا محمد متشكرة جدًا على وقفتك جنبي
محمد: ملك متقوليش كده انتي عارفة انك غالية عندي بس لازم فهد يعرف عشان ميفهمكيش غلط
ملك: هه هو فهد فاضيلي اصلا
محمد: تعالي نقعد في كافية ونتكلم
ملك: ياريت لاني مش قادرة اقف على رجلي
دخلو الكافية وقعدوا كل دا تحت نظر كريم ودا راجل من رجالة فهد
محمد: احكيلي ماله فهد
ملك: من ساعة مااتخطبنا وهو مش معايا اصلا شغل شغل شغل غير شكه الكتير فيا ومراقبته ليا واراهنك انه مراقبني دلوقتي
محمد بخضه: وانتي عارفه انه ممكن يكون مراقبك وانتي بتقابليني عادي
ملك: ليه يامحمد هو انا بعمل حاجة غلط انت اخويا
محمد: بس فهد لسه ميعرفش ومعرفش انتي ليه مش عاوزة تقوليله
ملك: عشان عاوزة اربيه واخليه يبطل شك ويبقى واثق فيا انا مش من البنات اللي كان يعرفهم انا خطيبته ومفروض يفهم دا كويس احنا كلها كام شهر ونتجوز
محمد: خايف عليكي ياملك ممكن يعمل فيكي حاجة ساعتها مش هسامح نفسي عشان سمعت كلامك ومشيت وراكي
ملك: متشغلش بالك بيا
محمد: مش هتعرفيه انك تعبانه ولازم تعملي العملية؟
ملك: لازم اعرفه وهروح له دلوقتي وهبلغه طالما اتاكدت ان فعلا مفيش امل غير العملية
محمد: طيب المهم تعملي العملية قبل الفرح يا ملك اي مجهود غلط عليكي
ملك: ماخلاص بقى يادكترة احنا مش فالمستشفى
محمد: وتعرفيه انك هتعملي العملية برة مصر عشان نضمن نجاحها تمام
ملك: بما ان المهنة مسيطرة عليكي هلحق اروح لفهودتي بقى قبل ما يرن هو ويفضلي يزعقلي
محمد بتريقة: فهودتي روحي ياختي مكنتيش طيقاه من دقيقتين
ملك: هو بيطلع عيني بس بموت فيه تيك كير يابيبي
محمد برفع حاجب: دكتور محمد بقى بيبي
وملك مشيت ورايحة لفهد
بالمناسبة فهد من اكبر رجال الاعمال اللي في مصر صاحب شركات الفهد للاستيراد والتصدير وخلقه ضيق وحمش في نفسه كده وباقي صفاته نعرفها فالبارت هسيبكم انتم تتخيلوه براحتكم بقى..
ملك: مريم عاملة ايه بلغي فهد اني برة
مريم بقرف: مستر فهد مش فاضي
ملك ببرود: قوليلو ملكوتك برة وهو هيفضالي ياعسل وانجزي ولا وحشك الخصومات
مريم بنفخ: تمام ثانية واحدة
ودخلت لفهد
مريم: مستر فهد انسة ملك برة
فهد: دخليها ومحدش يدخل علينا
مريم بفضول: ولا حتى هنطلب ليها حاجة
فهد بعصبية: انتي مبتفهميش ولا ايه
ملك اتخضت من صوته ودخلت
ملك: بتقرب منه فهد مالك ياحبيبي اهدى متعصب ليه كده
فهد: شاور لمريم تطلع
ومريم طلعت ومتغاظه من فهد وملك وبتتريق على ملك فهد حبيبي اهدى محن بنات
فهد بيبص لملك وسرحان فيها
ازاي انتي تخو’ني ازاي قادرة تمثلي كده ازاي شايف في عيونك الحب والحنية دي كلها وقادرة تمثلي وتخو’نيني وش الملاك دا مداري خيا’نة وتمثيل وخبث حتى ريحتك مبقتش طايقها
ملك: فهد يافهد في ايه مالك متنح كده ليه
فهد: اعملي حسابك فرحنا الخميس اللي جاي انا جاهز وانتي جاهزة مش محتاجين تاجيل
ملك بارتباك: ازاي تفاجئني وتاخد قرار زي دا انا لسه مش مهيئة للجواز
فهد بتريقة: اومال مهيئة لايه
ملك: انت مالك غريب كده لي
فهد: ماغرييب الا الشيطان سمعتي انا حددت وبعت كروت الفرح كمان
ملك: كمان واهلي طيب
فهد: عرفتهم وموافقين
ملك: يافهد ارجوك نأجل الفرح في موضوع مهم لازم اتكلم فيه
فهد: بعدين بعدين مش فاضي نتكلم بعدين
ملك بعصبية: مفيش بعدين لازم اتكلم دلوقتي
فهد بعصبية اكتر: سمعتي قولت ايه
ملك بعياط: تمام بس خليك فاكر اني قولتلك لازم احكيلك ولازم نأجل الفرح
فهد: اعتبريني افتكرت
ملك: ليه بتخليني اكر’هك
فهد: بكرة ترجعي تحبيني تاني خصوصا لما نتجوز مجهزلك كام مفجأه تبهرك
ملك: قلبها اتقبض انت مبقتش فهد اللي انا حبيته حاسه ان حبك بقى لعـ، نة مش عارفه اتخلص منها لا من عقلي ولا من قلبي رغم تصرفاتك
فهد: روحي ونتكلم بليل
ملك: تمام باي
فهد: جهز اللي قولتلك عليه
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حبه لعنة)
