رواية حامل ليلة الزفاف الفصل الثالث عشر 13 بقلم مريم أحمد أبو جلاب
رواية حامل ليلة الزفاف الجزء الثالث عشر
رواية حامل ليلة الزفاف البارت الثالث عشر
حامل ليلة الزفاف
رواية حامل ليلة الزفاف الحلقة الثالثة عشر
أيمن:طيب مبروك بس متنسيش انك منجحتيش من غير مساعدة أميرة
ومسقطتيش عشان أميرة كانت بتساعدك
تهاني بغضب انا مش فاهمه انت عمال تقولي الكلام ده دلوقتي ليه
انا نجحت عشان انا نجحه
أيمن:لاء انتي نجحتي عشان انتي بتلفي و دوري ومش سالكه
تهاني:اه انت شكلك زعلان اووي عشان بقيت احسن من اختك
أيمن:لاء خالص انا بس بعرفك نفسك وبفكرك بمساعدة أميرة ليكي ووقفتها معاكي وانتي عملتي ايه في الاخر معاها
تهاني:انا معملتش حاجه أنا بس بعدت عنها وكملت طريقي ونجاحي
تامر:خلاص كفايه كده اسأله يا أيمن
ويلا يا تهاني امشي
تهاني:ماشي مع السلامه يا حبيبي
وبعد مغادرة تهاني
أيمن:اتمني ده تكون اخر مره اشوف فيها خطيبتك هنا يا تامر
تامر:هو فيه ايه يا أيمن
هي تهاني عملتلك حاجه بعدين هي جايه صيدليتنا مش جايه بيتك يعني
أيمن:انت قلت ايه؟.
صيدليتنا انت قلت كده صح
تامر:أيوه قلت كده
أيمن:انت تقصد صيدليتي وصيدلية ابويا
تامر:اه نسيت بس متنساش أن نص الصيدليه ده كان لينا
أيمن:ده كان زمان قبل ما ابوك يبيع نصيبه ويمشي من هنا وأبويا اشتري نصيب ابوك وفي الاخر انت وابوك ضيعتم فلوسكم
تامر:خلاص يا أيمن
مفيش داعي نفتكر الماضي دلوقتي
أيمن: لاء أنا بس بفكرك ان انت وخطيبتك فاشلين وانا بهزر معاك طبعاً
ومتزعلش مني
تامر: لا عادي ولا يهمك يا أيمن بعدين كلها شويه وقت وتعرف ان احنا مش فاشلين
أيمن:ليه يعني اوعه هتكونو هتطلعو المريخ
تامر:لاء متخفش انا هطلع من الفقر اللي انا فيه
اه انا نسيت اقولك يا أيمن حاجه مهمه اووي
أيمن:خير ايه الحاجه ده
تامر:مش انا شفت سمر و طارق إمبارح
أيمن بغضب:وانا مالي يعني شوفتهم او لاء
تامر:اصل سمر بعتت معايا السلام ليك
أيمن:اه بقي كده طيب ابقي روح وعرفها اني مش عايز اسمع منها اي حاجه ومفيش بينا سلام
تامر:ماشي يا أيمن بس متزعلش نفسك
بعدين انا اول مره اشوف واحد زعلان من انسانه كان بيحبها وكانت خطيبته
أيمن:ممكن متفتحش الموضوع ده تاني
واتفضل شوف شغلك والبني ادمه دي انا مش عايز اسمع عنها حاجه نهائي ماشي يا تامر
تامر:ماشي يا أيمن اهدي بس ومتزعلش نفسك
أيمن:انا طالع عشان اتغدا
خلي بالك من الصيدليه
تامر:بألف هنا يا أبن عمي
أيمن: طيب انزلك غدا
تامر:لاء تسلم انا هطلب اكل
ــــــــــــــــــــــــــ
وحال الصمت والحزن في طريق سفر يحيى و أميرة
الي أن…
يتبع..
لقراءة الفصل التالي : اضغط هنا
لقراءة باقي الفصول اضغط على : (رواية حامل ليلة الزفاف)
