رواية حافية القدمين الفصل الثاني عشر 12 بقلم ياسمين علاء الدين
رواية حافية القدمين البارت الثاني عشر
رواية حافية القدمين الجزء الثاني عشر
رواية حافية القدمين الحلقة الثانية عشر
المدرب كلم صبا عشان بطوله الملاكمه في فرنسا .. جاسم وادهم كانو بيلعبو كوره مع بعض. وصبا نزلت ليهم.
صبا: انا هسافر بعد بكره. عشان البطوله
ادهم فرح : بجد يا مامي. هاجي معاكي.
صبا: هفكر
ادهم : نفسي اشوفك وانتي بتلعبي
صبا: اوكي.
جاسم : ادهم اطلع غير هدومك عشان نخرج نتغدا بره
ادهم : ومامي معانا
جاسم : اكيد طبعا .
ادهم دخل الفيلا .. صبا كانت هتدخل بس جاسم مسك ايديها
جاسم : صبا استني
صبا: نعم
جاسم : بلاش موضوع البطوله دي انا خايف عليكي
صبا: متخفش
جاسم : هتكون اصعب من هنا.
صبا: انا قدها
جاسم : عايزه تثبتي ايه ولمين. انا مصدق انك قويه وتقدري تقفي قدامي وكمان بتخليني صغير قدام نفسي وضعيف. كفايه. انتي بتاذي نفسك وبتعذيبها.
صبا: انا مش عايزه اثبت حاجه لحد. لاني فعلا قويه واقوي منك ومن اي حاجه كانت بتضعفني. انا هكمل اللي ابتديته للنهايه.
جاسم : بلاش يا صبا . عشان خاطر ابنك. مش عشاني
صبا: ابني نفسه يشوفني وانا قويه.
جاسم : انتي بتدمري نفسك
صبا: بالعكس .
جاسم : انا محتاجك معايا . حتي لو انتي مش بتسمحيلي اني اقرب منك . بس وجودك قصادي ومعايا في نفس المكان. بيفرق . انا بحس بامان معاكي.
صبا: جاسم حب واتجوز. انا مبقتش احس اني اقدر اكون زوجه. انا ممكن اكون ام بس. لكن زوجه. وحبيبه مش هينفع
جاسم : انا لو عايز احب غيرك واتجوز كنت عملتلها من بدري من ٨ سنين . الفتره اللي مكنتيش فيها جنبي. كنت اتجوزت غيرك. بس انا بحبك انتي. وعايزك انتي. وعارف ان جواكي حب وكل حاجه حلوه.
بس للاسف انا اللي قتلتهم جواكي. اديني فرصه واحده اقرب منك.
صبا: انت مصمم تعذب نفسك معايا .انا منفعش
جاسم بصلها بحب : انتي متنفعيش . انتي احلي واحده شفتها عيوني . قلبي اما بيشوفك بيزقطط.. كفايه اما بتمشي كده من غير حاجه في رجلك. وانتي حافيه. قلبي بينهار ..
صبا وقفه بتسمعه وهو مع كل كلامه عيونه بتلمع بحبها
ادهم نزل : مامي انتي لسه ملبستيش
صبا: هو انا لازم اجي معاكم
جاسم : طبعا لازم.
ادهم : طبعا لازم
صبا ضحكت وطلعت غيرت هدومها وخرجو مع بعض اتغدو.
رجعو البيت.
يوم السفر .. جاسم حجز ليه وولابنه و سافر مع صبا والمدرب والبعثه للبطوله. .. وصلو لفرنسا وكان منظمين البطوله منتظرين صبا لاستقبال بطله الملاكمه المصريه.
ادهم كان فرحان جدا بمامته وده كان بيديها دافعه للامام انها تكمل. جاسم خايف عليها .
نزلو في الفندق. تبع البطوله .. ارتاحت شويه من السفر. وبعدين . جاسم خبط عليها فتحت كان شايل فستان وهايلز
صبا: ايه ده
جاسم : في حفله بليل للترحيب. بالرياضين. . عشان كده فكرت اجبلك الفستان ده
صبا : انا عندي لبس
جاسم : حابب اشوفه عليكي. متاكد انه هيطلع روعه
صبا: اممممم.
جاسم : اتفضلي الفستان واجهزي. وساعتين واجيلك.
صبا: اوك .
جاسم : متتاخريش
صبا : ادهم فين
جاسم : معايا . متخفيش. هنجهز احنا كمان
صبا: ماشي
خرح جاسم . وصبا دخلت خدت دش واستعددت مع لمسات من الميكاب. وجاسم لبس بدله و ادهم كمان.
راحو لاوضه صبا .. فتحت الباب
ادهم : مامي انتي حلوه اوي
صبا حضنته : انت احلي يا قلبي
جاسم : طالعه زي القمر.
صبا: شكرا
جاسم : مليش حضن انا كمان
صبا: تؤ.
جاسم : بوسه
صبا: تؤ تؤ
جاسم : تمام. اتفضلي
ادهم : مامي. امسكي ايد بابي.
جاسم : حبيب بابي
صبا: والله
جاسم : ايدك. .. مسك ايديها وباسها وخدها ونزل وجنبهم ادهم. . وصلو علي حفله الاستقبال. وتم التعريف بالمتسابقين. .. واتعشو. ورجعو علي اوضهم.
ادهم نام وصبا وجاسم داخلو اوضته. صبا قلعت الشوز ومسكته في ايديها. جاسم بيحب الحركه دي منها
جاسم راح مع صبا اوضتها. .. صبا: تصبح علي خير
جاسم : انتي هتنامي
صبا: اه
جاسم : خليكي معايا شويه
صبا سندت علي الباب: جاسم.
جاسم قرب عليها : قلبي
صبا: انت مش بتياس
جاسم : لا.
صبا: عايز ايه
جاسم : ايه رايك نرجع مصر. وبلاش من المسابقه دي
صبا: انت لو بتحبني زي ما بتقول هتدعمني
جاسم : هدعمك في اي حاجه تاني. بلاش الرياضه دي. بجد خايف عليكي .
صبا: متخفش.
جاسم : بالسهوله دي . بكره اول ماتش ليكي
صبا: اها . وعشان كده لازم انام
جاسم : طيب ممكن انام جنبك
صبا: لا
جاسم : ليه. ما احنا كنا في المانيا بنام جنب بعض
صبا: جاسم انت عايز ايه.
جاسم : مش عايز. . تصبحي علي خير
صبا: وانت من اهله
دخلت صبا غيرت وافتكرت جاسم وضحكت .
صحيت بدري نزلت تتمرن. مع المدرب. … وبعدين طلعت غيرت ودخلت لادهم وجاسم وخدتهم ونزلت فطرت معاهم
ادهم : مامي مستعده .
صبا: اه.
جاسم : ربنا معاكي.
صبا: يارب .
ادهم : بابي هنصور مامي انهارده وهي بتكسب
جاسم: اكيد.
صبا: هسيبكم انا عشان اكمل تمارين اشوفكم بليل بعد الماتش
جاسم وقف : صبا.
صبا رجعت ليه. : نعم
شدها لحضنه وضمها : خلي بالك من نفسك
صبا: انت كمان خلي بالك من ادهم.
جاسم : حاضر.
رجعت صبا للتدريب. والمدرب بيمرنها
المدرب : الماتش ده مهم. لو كسبتيه هتوصلي لنصف النهائي وبعدين النهائي. . يعني هتلعبي ٣ ماتشات. ركزي يا صبا
صبا: حاضر.
المدرب فتح الشاشه علي المتسابقه وكانت من الصين. وحركتها سريعه جدا. . وفضل يقولها تتعامل معاها ازاي
صبا جهزت ولبست القفازات 🥊🤼
نزلت حلبه الملاكمه. وجاسم وادهم كانو واقفين بيشجوعها .
وابتدا اللعب. البنت الصينيه كانت سريعه اوي. وضربت صبا كذا مره. جاسم كان هيتجنن عليها وادهم كمان .
صبا في الاخر ضربتها جامد الضربه القاضيه وقعت في الارض. . وصبا كسبت. ووصلت لنصف نهائي
جاسم وادهم جريو عليها. ادهم كان فرحان وحضنها .
جاسم كمان .. وهي طبعا كان وشها بايظ من الكدمات. الجمهمور كان بيشجعها وفرحنين بفوزها.
رجعت الفندق. وجاسم كان معاها. ملا البانيو مياه دافيه وكان بيساعدها.
صبا: مفيش فايده.
جاسم : مفيش
صبا: مش هتياس
جاسم : مش هياس.
ابتسمت صبا دخلت خدت دش ونامت. جاسم اطمن علي ادهم انه نام ودخل نام جنب صبا. ..
تاني يوم .. صبا صحيت بدري كان جاسم جنبها وحضنها. ابتسمت وقامت خدت دش ونزلت. تعمل تمارين
. لحد ميعاد الفطار . طلعت صحتهم ونزلت معاهم فطرو مع بعض. ورجعت تتمرن عشان النصف النهائي.
جه ميعاد الماتش بتاعها للنصف النهائي. . وكان مع بنت من روسيا. وكانت قويه جدا .
ولحد اخر الماتش الاتنين قوتهم متساويه بس صبا كسبتها في اخر لحظه.
الجمهور ابتدا يشجعوها والاعلام كان بيتكلم عليها والكل طالب يعمل معاها لقاء . بس هي مكنش همها كل ده.
هي بتثبت لنفسها انها اقوي من كل الظروف. الاصابات كانت عندها قويه لدرجه ان عندها ضلع اتكسر . .
خدوها علي المستشفي.
ادهم: مامي انتي كويسه
صبا: الحمد لله.
ادهم : كنتي ممتازه انهارده .
صبا: عجبتك
ادهم : طبعا . انا عايز ابق قوي زيك
صبا عينيها دمعت. هي دي الكلمه اللي منتظرها . النظره اللي في عين ابنها خلتها تنسي كل التعب .
(((لازم نكون اقوياء عشان اولادنا ا. طول ما بنمثل الضعف وقله الحيله هما هيتعودو علي الضعف . احنا قدوتهم في الحياه . ولازم نكون قدوه حسنه )))
جاسم كان واقف وبصصلها وساكت وهي نايمه ع السرير في المستشفي الدكتور قالهم انهم لازم متتحركش عشان الضلع المكسور .. خطر عليها تشارك في المباره اللي جايه
ادهم نام من التعب . وجاسم قاعد علي الكرسي.
صبا: ها . عايز تقول ايه
جاسم : مفيش داعي للكلام. لانك في الخر هتعملي اللي علي مزاجك
صبا: اممم. صح
جاسم : الدكتور قال ان خطر عليكي تلعبي الماتش الجي لان الكسر مش هيكون التحم
صبا: مبحبش كلام الدكاتره
جاسم : يعني ايه.
صبا: يعني طز
جاسم : لو انتي مستغنيه عن نفسك . .انا مش مستغني عنك. مش هتلعبي يا صبا.
صبا: وانت بقي اللي هتمنعني
جاسم : اه انا جوزك ومن حقي امنعك. مش هسيبك تآذي نفسك
صبا بلا مبالاه : اها .
جاسم : انتي فاكره اني ضعيف . انا خدت عهد علي نفسي مش هعملك بعنف تاني . انا بحبك .افهمي بقي
صبا: لسه مياستش
جاسم : لا ومش هياس . انا عايزك مراتي
صبا اتنهدت. غمضت عينيها بتعب ونامت. وهو ن قاعد قدمها. حزين علي شكلها
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حافية القدمين)
