رواية حارسي الخاص الفصل الرابع عشر 14 بقلم رنا تامر
رواية حارسي الخاص الجزء الرابع عشر
رواية حارسي الخاص البارت الرابع عشر
رواية حارسي الخاص الحلقة الرابعة عشر
عند عادل..
كان يجلس في مكتبه وينظر الي بعض الاوراق وبعد ذلك تذكر الملف تبعه وقرر الاطمأنان عليه.
ظل يبحث في جيب البنطلون تبعه عن المفتاح و وجده وقام ب فتح الدرج و وجد الملف وقام بالاسترخاء تماما عندما وجده.
ــــــــــــــــــــــــــــــــــــــــــــ✦
في الجامعه..
انتهت كلا من فرحه وفاطمه من محضاراتهم علي الاخير.
فاطمه بتساؤل/ هو احنا هنبدا في خطه تميم من امتي.
فرحه بحيره/ والله يا فاطوم مش عارفه بس هو قال انه فيه حاجه هيقولي عليها لما اروح.. عموما لو انا عرفت اي جديد هقولك.
فاطمه بإبتسامة/ تمام يا حبيبتي انا همشي انا بقي.. خلي بالك من نفسك.. سلام.
فرحه بإبتسامة/ سلام يا حبيبتي.
ــــــــــــــــــــــــــــــــــــــــــــ✦
مساااااءااااا..
في فيلا تميم..
باسل بصدمه/ ايه اللي انت بتقوله ده.. قصدك ايه ب اننا واخير هنقبض علي عادل الحريري.. انت مستوعب انت بتقول ايه.
تميم بإبتسامة ثقه/ انا عمري قولت حاجه غلط.
باسل بحيره/ والله هو اللي انا اعرفه عن تميم الهلالي انه عمره ما قال حاجه غلط.. بس اللي انا بسمعه دلوقتي ده ميتصدقش الصراحه.. يعني احنا ازاي هنقبض عليه من غير دليل؟؟.
تميم بسعاده/ لا هو انا مقولتلكش.. اصل فرحه عرفت فين الملف.
باسل بدهشه/ بتهزر!!.
تميم بجديه/ هو يعني الحاجات دي فيها هزار يا باسل.
باسل بحماس/ لا استني بقي كده هروح احضر فشار واجي تقولي ايه اللي حصل بالتفاصيل.
تميم بسخريه/ خلي بالك بقي المرادي بدل ما الاقي الفيلا بتولع بينا.
باسل بغمزه/ عيب عليك يا باروا.. عايزك متقلقش خاالص.
تميم بقله حيله/ ربنا يستر.
ــــــــــــــــــــــــــــــــــــــــــــ✦
في فيلا رشدي..
كان يصلي و يسجد ل ربه وبعد ذلك انتهي من الصلاه وظل يدعي ل ابنته وبعد ذلك ظل يبكي لانه هو من فعل ب ابنته هكذا والقاها في النار بيديه الاثنان.
ــــــــــــــــــــــــــــــــــــــــــــ✦
في فيلا عادل..
كانت تجلس في غرفتها وتنتظر مكالمه منه ولكنه لم يتصل فقررت انها ستذهب الي المطبخ لتعد شيئا خفيفا تاكله.
خرجت من غرفتها ولكن انصدمت عندما رات عادل واقف امامها.
فرحه بفزع/ عادل!!
عادل بسخريه/ مالك يا روحي شوفتي عفريت ولا ايه.
فرحه وهي تاخذ نفس/ لا بس مش متعوده تيجي وتقف قدام اوضتي كده.
عادل بجديه/ فرحه انا عايز اتكلم معاكي في موضوع مهم.
فرحه بكل سرور/ اكيد طبعا.. بس الاول لازم اروح المطبخ عشان حاسه اني جعانه اوي.
عادل بهدوء/ تمام انا رايح معاكي.
ذهبوا الاثنين الي المطبخ وفرحه اتجهت الي البراد واخرجت منه خبز وعدة اطباق اما عادل ف جلس علي كرسي من احد الكراسي التي توجد امام المطبخ.
فرحه كانت تعد لها بعض السندوتشات الخفيفه ثم نظرت الي عادل وتحدثت بهدوء/ اتفضل يا عادل اتكلم انا سمعاك.
عادل بنفس عميق/ هو اللي حصل امبارح ده بجد ولا انا كنت بتخيل.
فرحه تركت الخبز من يديها ونظرت له وتحدثت بإستغراب/ وهو ايه اللي حصل امبارح اصلا.
عادل قص لها كل ما حدث ليله امس.
عادل بهدوء/ بس كده.. انا بقي فاكر لحد هنا ومن ساعت ما شربت العصير وانا ومش فاكر اي حاجه بعدها.
فرحه نظرت له بإبتسامة خبيثه واقتربت منه في خطوات هادئه ومن ثم جلست علي الكرسي المقابل له.
فرحه بدلع/ انت بجد مش فاكر اللي حصل امبارح يا عادل.
عادل بيأس/ لا حقيقي مش فاكر لو انتي عارفه اي حاجه ياريت تقوليلي لانه فعلا دماغي تعبت من كتر اني بحاول افتكر اي حاجه.
فرحه بدلع مصتنع/ كل اللي اقدر اقولهولك يا عادوله.. انه ليله امبارح كانت من اجمل الليالي اللي عيشتها في حياتي.
فرحه تركته وهي تبتسم بإبتسامة سخريه.. وعادل ظل شارد لمده دقائق ويفكر في حديث فرحه جيدا وهل حديثها صحيح بالمعني الذي فهمه من حديثها ام هي تكذب عليه ولم يحدث اي شيء.
ــــــــــــــــــــــــــــــــــــــــــــ✦
عند تميم..
جاء باسل ومعه صحن الفشار.. وجلس امام تميم وتحدث بحماس/ يلا بقي احكيلي كل اللي حصل.
تميم قص له كل شيء صار.
باسل بصدمه وهو ياكل الفشار/ ايييه.. ثم اكمل بحزن مصتنع.. بقي كده يا تميم كل ده يحصل وتخبي عليا واكون اخر من يعلم.. اخس عليك لا بجد اخس.
تميم بهدوء/ في ايه يا بارو ما انا بحكيلك اهو..متبقاش قفوش بقي.
باسل بإبتسامة/ انا اصلا مش زعلان ههههه.. المهم انت هتعمل ايه عشان تقبض عليه يعني ايه هي الخطه.
تميم بحماس/ بص بقي يا بيسو.. الخطه هي انه فرحه هتجبلنا الملف ده واحنا هنعمل واحد زايه بالضبط والنسخه اللي هنعملها هي دي اللي هديها ل فرحه تحطها مكان النسخه الاصليه واحمد خطيب فاطمه هنحتاج مساعدته في انه هو اللي هيقبض علي عادل واحنا مش هنظهر في الصوره خالص غير لما يبقي تحت ايدينا عشان نضمن انه ميهربش وانا بالذات لازم ميعرفش انه انا ظابط مخابرات.. عشان لو عرف اكيد انت عارف ايه اللي هيحصل.
باسل بهدوء/ طبعا عارف ايه اللي هيحصل اولا هيأذي فرحه ثانيا هيأذيك ثالثا هيخرب كل حاجه احنا بنخططلها عشان نقبض عليه رابعا هيهرب ومش هنعرفله طريق جره.
تميم بإبتسامة/ الله ينووررر عليييك.
باسل بإبتسامة/ عيب عليك يا بارو..المهم فرحه عرفت هي هتعمل ايه.
تميم بهدوء/ لا لسه هقولها دلوقتي.
باسل بإبتسامة/ طيب يا بارو هسيبك انا بقي وهطلع الجنينه اغير جو شويه.
تميم بإبتسامة/ تمام يا حبيبي.
ــــــــــــــــــــــــــــــــــــــــــــ✦
في قصر عادل..
في غرفه فرحه..
دخلت غرفتها ونسيت ان تغلق باب غرفتها ثم جلست علي سريرها و من ثم وجدت هاتفها يرن بإسم تميم.
فرحه بإبتسامة/ ازايك يا تميم.
تميم بإبتسامة/ بخير يا حبيبتي.
فرحه بهدوء/ ها بقي ايه الحاجه اللي كنت عايز تقولهالي.
تميم قص لها كل ما في باله.
فرحه بإبتسامة/ شكلك اتعديت من ذكائي.. لا بس عاجبني تفكيرك يا سياده الرائد.
عادل كان يقف عند باب غرفه فرحه قم تحدث بتساؤل/ بتكلمي مين يا فرحه؟؟.
فرحه نظرت له بصدمه والقت الهاتف علي السرير بكل صدمه وعجزت عن الكلام نهائيا.
عادل اقترب ب خطواته اليها ثم جلس علي طرف السرير تبعها وفرحه نظرت الي هاتفها وادركت انه تميم اغلق المكالمه.
عادل بإبتسامة/ مالك يا حبيبتي اتصدمتي كده ليه لما دخلت.
فرحه بمحاوله اخفاء قلقها/ لا يا عادوله انا متصدمتش خالص بس اتخضيت كان المفروض تخبط قبل ما تدخل اوضتي.
عادل بإبتسامة/ معلش يا روحي اسف اني خضيتك.
فرحه بإبتسامة/ ولا يهمك يا عادوله.. المهم انت كنت جاي في ايه.
عادل بإبتسامة خبيثه/ الصراحه انا فكرت في الليله اللي انا مش فاكرها دي وبفكر لو تيجي وتفكريني بالليله دي تاني يمكن افتكر اي حاجه.
فرحه انصدمت كثيرا لما قاله عادل ونظرت له بكل صدمه ولم تعرف ماذا ستقول له.
عادل بإبتسامة خبيثه/ ها يا فروحتي ايه رايك مش انا جوزك حبيبك بردوا ولا ايه يا حبيبتي.
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حارسي الخاص)
