رواية حارسي الخاص الفصل الثاني عشر 12 بقلم رنا تامر
رواية حارسي الخاص الجزء الثاني عشر
رواية حارسي الخاص البارت الثاني عشر
رواية حارسي الخاص الحلقة الثانية عشر
تميم بصدمه/ فرررحه.
ــــــــــــــــــــــــــــــــــــــــــــ✦
عند فاطمه..
كانت واقفه تبكي بشده وتحاول ان تنقذ صديقتها ولكن لم تعرف ماذا تفعل.
قامت باخراج هاتفها و قامت بالاتصال علي احمد.
فاطمه بإنهيار/ الحقني يا احمد.. فرحه اتخطفت قدام عيني ومعرفتش انقذها الحقني ونبي يا احمد.
احمد وهو يحاول تهدئتها/ طيب اهدي طيب يا حبيبتي وانا جايلك حالا.
ــــــــــــــــــــــــــــــــــــــــــــ✦
عند تميم…
فاق من صدمته وجن جنونه وقرر الذهاب لانقاذ حبيبته.
ــــــــــــــــــــــــــــــــــــــــــــ✦
عند فرحه..
كانت مربطة اليدين والرجلين ويوجد لاصق علي فمها حتي يمنعها من الحديث وكانت كل ما تفعله هو ان تحاول ان تصرخ وكانت تتحرك كثيرا حتي الحبل يتفكك من يديها.
بعد دقائق..
اخذوها علي مكان شبه مهجور و اخرجوها من السياره بعد عذاب وكانت تحاول الهروب ولكن لم تعرف.
ــــــــــــــــــــــــــــــــــــــــــــ✦
عند تميم..
كان يتحدث مع اللواء منير وهو في سرعه وغضب.
تميم في سرعه/ يا فندم انا دلوقتي في طريقي للمكان اللي اخدوا فيه فرحه.
اللواء منير بتحذير/ تميم اياك تتصرف اي تصرف غلط احنا هنبعت قوات يجيوا ينقذوها لكن انت متوقعش نفسك في مشكله انت فاهم.
تميم بغضب/ لا يا فندم مش فاهم حاجه..كل اللي انا فاهمُه اني مش هسيبها تروح مني انا هروح وهنقذها حتي لو هموت بدالها لكن مش هسيبها تموت.. مع السلامه يا فندم.
اغلق تميم الهاتف دون ان ينتظر رد من اللواء منير وزاد من سرعه السياره و انطلق الي وجهته.
ــــــــــــــــــــــــــــــــــــــــــــ✦
عند فاطمه…
جاء احمد و وجدها واقفه وتبكي بحرقه علي صديقتها..
اول ما راته اترمت في حضنه وقامت بالبكاء اكثر.
احمد كان يحاول تهدئتها باقصي الطرق ولكن لا فائده.
احمد بهدوء/ اهدي يحبيبتي عشان خاطري.. ان شاءلله هنعرف ننقذها بس اهدي ونبي.
فاطمه ببكاء وهي يديها بداتا تترعشان/ مش قادره يا احمد مش قادره اتخيل انها اتخطفت قدام عيني وانا مقدرتش اعملها حاجه.. انا بمووووت يا احمد بموووت.
احمد بحزن عليها/ بعد الشر عليكي يا حبيبتي متقوليش كده.. اهدي عشان خاطر فرحه طيب اكيد هي مش هتبقي كويسه لما تشوفك بالحاله دي.. اهدي شويه عشان نفكر ننقذها ازاي.
فاطمه توقفت عن البكاء ونظرت له بصدمه وتحدثت بحده/ احنا لسه هنفكر لا يا احمد مفيش وقت احنا لازم نعرف هي فين في اسرع وقت وننقذها.. انت فااهم يا احمد.. لازم ننقذها.
احمد امسك بيديها وتحدث بهدوء/ حاضر والله هنلاقيها وننقذها بس انتي اهدي عشان خاطري.
اخذها في حضنه مره اخري وهي ظلت تبكي مره اخري.
ــــــــــــــــــــــــــــــــــــــــــــ✦
عند رشدي…
كان يحاول الاتصال بالرقم الذي اعطته اياه فرحه ولكن لا رد.. وهذا ما قلقه عليها وشعر بشعور سئ.
رشدي بدعاء/ يارب جيب العوائب سليمه.
ــــــــــــــــــــــــــــــــــــــــــــ✦
عند فرحه..
ادخلوها غرفه مظلمه والقوها بقوه مما جعلها وقعت ارضا واقترب واحد منها و ازال اللاصق من فمها..
فرحه بصريخ/ فكووووني يا كلاااب.
واحد منهم بغضب/ اخرررسي منسمعش صوتك خااالص انتي فاهمه.
خرجوا جميعهم واغلقوا الباب بشده وهي ظلت تتحرك يمينا ويسارا حتي توجد طريقه تهرب بيها ولكن لا فائده.
ــــــــــــــــــــــــــــــــــــــــــــ✦
عند تميم..
كان في طريقه الي المكان التي توجد فيه فرحه ولكن جاءه اتصال من صديقه.
تميم وهو مترقب الطريق/ ايه يا باسل عاوز ايه.
باسل بتساول/ يابني انت فين انا بدور عليك مش لاقيك وعرفت من اللواء منير انه فيه عمليه جديده ف قولت اكلمك عشان تيجي معانا.
تميم بهدوء/ لا روحوا انتوا.. انا مش جاي.
باسل بإستغراب/ ازاي يعني مش جاي.. هو في حاجه يا تميم.
تميم بضيق/ بعدين يا باسل بعدين.
اغلق تميم الهاتف و ظل مترقب الطريق.
ــــــــــــــــــــــــــــــــــــــــــــ✦
عند فرحه..
كانت تبحث علي طريقه لتزيل الحبل من يديها ولكن لم تجد شيء.. حتي وقع نظرها علي قطعه زجاج حاده.
ظلت تزحف الي قطعه الزجاج هذه حتي وصلت اليها.. كانت تحاول الامساك بقطعه الزجاج وكانت ستتقرب من الحبل حتي تمزقه ولكن لاحظت انه يوجد احد يحاول ان يفتح الباب ف قامت بترك قطعه الزجاج جانبا.
نظرت الي الباب ودخل منه شخص هي تعرفه جيدا.
فرحه بسخريه/ هو انت بقي اللي عامل المسرحيه دي.. بس والله عجبتني واحلي حاجه عجبتني فيك هي شجاعتك.
كارم بغرور/ اومال يا حياتي هو انا اي حد ولا ايه.. بس سيبك انتي قوليلي ايه رايك في المفاجأة الحلوه دي.
فرحه بإبتسامة سخريه/ مفاجأة فظيعه.. حقيقي برافوا.
كارم بهدوء/ بصي بقي يا بنت الناس انا جبتك هنا عشان اخد حقي منك.
فرحه بإبتسامة غير مبشره بالخير/ طب ما تفكني عشان الكلام يبقي جد شويه.. عشان انا كده مقتنعه انك جايبني عشان تاخد حقك مني.
كارم بشك/ انتي قصدك ايه.
فرحه بإبتسامة انتصار/ قصدي واضح جدا.. بس هقولك برضوا عشان صعبت عليا.. اللي انا اقصده انك لسه بتحبني وجبتني هنا عشان تهددني وتخوفني وتعمل الشويتين اللي بقوا معروفين اوي.. ف انا هختصرلك كل ده.. بص يا كارم انا مش بحبك عشان انا صريحه مبحبش اضحك علي حد او العب بيه.. لو انت عايز تتقبل كده يبقي حلو جدا.. مش عايز تقتنع.. ف اقتلني واعتقد كده انت هتاخد حقك مني عشان انا رفضتك.
كارم بإبتسامة خبيثه/ هي فكره مش بطاله بردوا.. بس للاسف كده مش هحس اني اخدت حقي منك.. عارفه انا هعمل ايه.. انا هتجوزك وهخليكي تموتي في اليوم الف مره.
فرحه في نفسها بضيق/ هو ايه حوار كل شويه واحد يجي ويقولي انا هتجوزك.. هو انا جورجينا ولا اي يجدعان.
فرحه نظرت له بفراغ صبر/ بص يا ابن الناس عشان انا صبري بدا ينفذ.. انا واحده متجوزه ولو مسبتنيش امشي من هنا انا هخليك تندم بحق وحقيقي.. بجد يعني هخليك تكره اليوم اللي قررت فيه تلعب مع فرحه الحريري.
كارم بسخريه/ عجبني تهدديتك بس مش هيتنفذ للاسف.
فرحه كانت اثناء هذا الحديث كانت ممسكه بقطعه الزجاج وتمزق الحبل واخيرا تمزق في هذه اللحظه التي كان يتحدث فيها كارم بسخريه.
فرحه بإبتسامة ثقه/ بس للاسف انا مبهددش انا بنفذ علي طول.
فرحه في حركه مفاجأة جلبت الحبل ولفته حول رجل كارم مما جعلته يسقط ارضا.
فرحه فكت الحبل من قدميها و وقفت ونظرت له وهو مرمي ارضا وتحدثت بكل ثقه/ صدقتني بقي لما قولتلك اني هخليك تندم بجد.. بس للاسف انت مصدقتنيش.. تعالالي بقي.
ــــــــــــــــــــــــــــــــــــــــــــ✦
عند تميم..
وصل الي المكان الذي توجد فيه فرحه ولكن راي شي غريب.. راي عادل وهو خارج من سيارته ويدخل الي هذا المكان المهجور.
تميم بغضب/ ااه يا عادل يابن*** وديني ل وريك.. مااااشي.
خرج تميم من سيارته ودخل ورا عادل وهو يتوعد له باشد العقاب.
ــــــــــــــــــــــــــــــــــــــــــــ✦
في القطاع..
باسل عرف من اللواء منير ما هي العمليه هذه واقترح باسل علي اللواء منير فكره جيده.
باسل بهدوء/ انا من راي يا فندم انه بلاش احنا اللي نروح.. انا ليا واحد صديقي ظابط في قسم****.. ممكن انه يروح هو ويبقي معاه اذن انه هيروح ينقذ فرحه.
اللواء منير باقتناع/ تمام انا معنديش مشكله كلمه فورا.
باسل قام بالفعل بالاتصال ب احمد وانتظر حتي يجيب.
ــــــــــــــــــــــــــــــــــــــــــــ✦
في القسم..
في مكتب احمد..
كان يجلس ويحاول ان يبحث عن اي طرف خيط يوصله ب فرحه وكانت فاطمه تجلس علي الاريكه وتبكي بصمت وهو كان قلق عليها بشده.. حتي رن هاتفه واجاب قائلا.
/ الو يا باسل ازايك.
باسل بهدوء/ بخير الحمدلله.. بص يا احمد دلوقتي فرحه مخطوفه وانا عارف مكانها فين و زمان تميم هناك دلوقتي بس هو مش بيرد علي حد ف انا من راي انك تاخد اذن انك رايح تنقذها وتمسك اللي خاطفها بعد ما تنقذها وتشوفها بخير.
احمد في سرعه/ طيب تمام ابعت العنوان بسرعه.
باسل بهدوء/ تمام.. سلام.
احمد في سرعه/ مع السلامه.
فاطمه كانت تقف امامه وتتحدث بدموع/ ايه عرفت حاجه.
احمد بإبتسامة/ عرفنا هي فين اطمني يا حبيبتي.
فاطمه بسعاده/ بجد يا احمد.. انا حقيقي مش مصدقه.. الحمدلله يارب الحمدلله.
ــــــــــــــــــــــــــــــــــــــــــــ✦
في المكان المهجور..
عند فرحه..
قامت بربط كارم جيدا وامسكت ب حته اللاصق ونظرت له بإبتسامة شر وتحدثت قائله/ بص يا كوكو انا هحطلك اللزقه الحلوه دي وانت هتسمع الكلام ومش هتعمل صوت اتقفنا عشان ابقي اجبلك شوكلت يا كتكوت.
وضعت فرحه اللاصق و كارم كان ينظر لها بغضب ويتحرك يمينا و يسارا بغضب شديد.
فرحه بتحذير/ اياك تحاول تبقي ذكي زي وتعمل حاجه تمام.. ثم اكملت بغرور.. انا اصلا مفيش حد بذكائي.. يلا باي يا بيبي عشان متاخرش.. اصل ورايا مشاوير كتير مش فضايلك.. تشاااو.
خرجت فرحه بانتصار وتركته في غضب شديد.
ــــــــــــــــــــــــــــــــــــــــــــ✦
عند تميم..
كان يسير ورا عادل بخطوات بطيئه حتي لا يشعر به عادل..
ظل عادل يسير وكانه يعلم هذا المكان جيدا.. ظل يسير الي مكان طويل حتي دخل غرفه معينه ومن ثم انصدم لما رأه.
ــــــــــــــــــــــــــــــــــــــــــــ✦
عند فرحه..
خرجت من الغرفه وظلت تجري بسرعه وكانت تبحث عن مكان للخرج من هذا المكان ثم وقفت لتستريح وكانت تحدث نفسها بحسره/ هو انا مقطوعه ولا ايه الا ما حد جيه يتف في وشي ويمشي.. يارب مليش غيرك يارب انقذني يارب.
ظلت تسير بخطوات سريعه وتبحث عن باب للخروج من هذا المكان الضخم.
ــــــــــــــــــــــــــــــــــــــــــــ✦
عند تميم..
كان يقف ورا باب الغرفه الذي يوجد فيها عادل.
عادل انصدم لما رأه وبعد ذلك ظل يضحك ويتحدث بسخريه/ والله طلعت فعلا مش سهله.. عرفت تغفلك يا اهبل.
كارم كان ينظر له بغضب وكان يريد ان يفكه.
عادل بهدوء/ انت اكيد طبعا عايزني افكك لكن لا.. انا مينفعش اضيع وقت انا لازم القيها وابينلها اني بحاول انقذها عشان تثق فيا وتحبني.
تميم عندما سمع ذلك الغضب تملكه وكان يريد ان يدخل له و يربحه ضربا ولكنه فكر فيما قاله عادل وإن تحقق ما قاله لابد ان فرحه تحب عادل بالفعل وتنساه هو.. ف قرر انه سيسبق عادل ولن يجعله ينفذ خططته بنجاح.
ــــــــــــــــــــــــــــــــــــــــــــ✦
عند احمد..
كان يركب في سياره القسم الخاصه و وراه سياره البوكس وكانت تجلس بجانبه فاطمه وكانوا متجهان الي المكان الذي توجد فيه فرحه.
ــــــــــــــــــــــــــــــــــــــــــــ✦
عند تميم..
ظل يسير بخطوات سريعه وهو يبحث عنها وظل يسير كثيرا حتي يلحقها حتي وجدها تقف امامه.
تميم بصوت عالي نسبيا/ فرررحه.
فرحه عندما سمعت صوته تحدثت بشك/ انا الصوت ده انا عارفاه كويس.
فرحه نظرت ورأها وجدته بالفعل.. هنا ارتسمت الابتسامه الساحره علي وجه هذه الفتاه جميله الابتسامه.
فرحه بسعاده/ تميييييم.
كان يفتح يده لها وهي كانت تجري حتي تصل اليه وتحتضنه ولكن جاء من يخرب لهم كل شيء و وقف بينهم ونظر الي فرحه بطريقه مستفزه.
فرحه توقفت بصدمه من الجري عندما راته و تميم انصدم.. كيف جاء بهذه السرعه.
عادل ذهب اليها وتحدث بقلق مصتنع/ انتي كويسه يا حبيبتي طمنيني عليكي.. حد عملك حاجه.
فرحه فاقت من صدمتها وتحدثت بضيق/ انا محدش يقدر يعملي حاجه اصلا.
عادل احتضنها بشده وتحدث بارتياح/ الحمدلله يا حبيبتي بجد انتي طمنتيني دلوقتي انا بجد كنت قلقان عليكي اوي.
تميم كان يقف والغضب تملكه تماما و وكان باقي دقائق وينفجر من كثره الغضب والغيره.
فرحه بإبتسامة مصتنعه/ لا متقلقش يا عادل يا حبيبي انا بخير قدامك اهو محدش قدر يعملي حاجه.
اقترب منهم تميم وتحدث بهدوء مصتنع/ اهلا يا انسه فرحه.. كويس انه انتي بخير واني اطمنت علي سيادتك.
فرحه كانت ستتحدث ولكن تحدث تحدث عادل بطريقه مستفزه/ اولا اسمها مدام فرحه عشان هي مرات عادل بيه.. ثانيا اشكرك تقدر تمشي عشان احنا هنروح دلوقتي.
تميم بتامسك وابتسامه مزيفه/ اااه طبعا قوي قوي.. بس لازم الاول نطمن علي مدام فرحه ونوديها المستشفى.
فرحه سبقت عادل وتحدثت بوجع مصتنع/ ااه انا بقول كده برضوا انا حاسه اني مش كويسه خالص.. يلا يا عادل نروح المستشفى.. انت معاك عربيه يا تميم.
تميم في سرعه/ ااه معايا.
عادل باستغراب/ بس انا معايا عربيتي.
فرحه بضيق/ لا يا عادل انت عربيتك بتخنقني.. سبحان الله عمري ما ارتحت وانا ركباها ممكن عشان هي بتعتك ولا ايه مش عارفه الحقيقه.. ثم اكملت بوجع مصتنع.. المهم انا بقول نستعجل عشان حاسه اني تعبانه اووي.
تميم ابتسم بسعاده وعادل نظر الي تميم بغضب وخرجوا جميعهم من هذا المكان المهجور وهما في طريقهم للسياره.
جاءت سياره الشرطه وهما توقفوا باستغراب.
توقفت سيارات الشرطه ونزل كلا من احمد و فاطمه وكل رجال الشرطه.
فاطمه عندما رات صديقتها ركدت عندها علي الفور.
فاطمه بسعاده وهي تبكي/ فرررحه.
فرحه بسعاده/ فااااطومي.
فرحه اخذتها بالحضن و احتضنتها بشده وهما الاثنين كانوا يبكيان بشده.
كان تميم يقف وهو ينظر لهم بتاثر هو واحمد وعادل كان يقف بغضب ويريد ان كل شي ينتهي فورا.
بعد وقت خرجت فاطمه من حضن فرحه ونظرت لها بحب وتحدثت بدموع/ انتي كويسه يا حبيبتي طمنيني عليكي ياقلبي.
فرحه بإبتسامة/ اطمني يا حبيبتي انا بخير الحمدلله.
فاكمه ببكاء اكثر/ لا انتي بتكدبي عليا انتي مش كويسه.
فرحه بضحك/ الله وانا هكدب عليكي ليه يا عبيطه انتي.. انا بكلمك بجد والله انا كويسه.
فاطمه بدات تهدي من بكائها/ يعني انتي بجد كويسه.
فرحه بإبتسامة/ ااه والله انا كويسه وعشان تطمني اكتر احنا رايحين المستشفي وتطمني بنفسك.
فاطمه بإبتسامة/ طيب تمام.
اقترب احمد وتحدث بإبتسامة/ حمدلله علي سلامتك يا فرحه.
فرحه بإبتسامة/ الله يسلمك يا احمد.
احمد بجديه/ قوليلي انتي تعرفي مين اللي خطفك.
فرحه بسخريه/ الا اعرف ده انا اعرفه عز المعرفه.. بص عشان مطولش عليك انت والرجاله.. هو مرمي فوق ومربوط.. وعشان اوفرلك السؤال.. انا اللي رابطه و رميته علي الارض وهو دلوقتي بيحاول يهرب ومش هيعرف نيييههه.
جميعهم ضحكوا ماعدا عادل الذي كان يريد ان يتركهم ويذهب.
احمد هدا من ضحكه ومن ثم نظر الي رجال الشرطه وتحدث بحده/ اطلعوا هاتوا فورا.
بالفعل تم القبض علي كارم واعوانه.
عادل بنفاذ صبر/ مش يلا يا فرحه ولا ايه.
احمد بهدوء/ حضرتك هتتفضل معانا يا عادل بيه.
عادل بتساؤل/ خير حصل حاجه.
احمد بجديه/ اطمن محصلش حاجه بس هناخد اقوالك بما انك جيت وشفت الخاطف وكده.
عادل بإبتسامه/ ااه طبعا قوي قوي.. يلا يا فرحه يا حبيبتي.
احمد بهدوء/ احم.. احنا مش عايزين فرحه في حاجه احنا عايزين حضرتك بس.
عادل بهدوء مصتنع/ تمام مفيش مشكله.
تميم وفاطمه وفرحه كانوا يقفون ويمسكون انفسهم من الضحك.
عادل نظر الي فرحه التي تظاهرت بالجديه عندما نظرت له.. وتحدث عادل بحنيه/ انا راجع يا حبيبتي متقلقيش.
ذهب عادل مع احمد وانطلقت سيارات الشرطه.
فرحه وهي تقلد عادل/ انا راجع يا حبيبتي متقلقيش.. ثم اكملت بغيظ.. روح يا شيخ اللهي ما ترجع.
فاطمه وتميم ظلوا يضحكوا.
تميم اقترب من فرحه وتحدث بحب/ وحشتيني.
فرحه بزعل/ بس انا لسه زعلانه منك علي فكره.
تميم بحب/ و ياتري بقي عايزاني اصالحك ازاي؟.
فرحه بإبتسامة/ والله بقي انت و ذوقك شوف ممكن تصالحني ازاي وصالحني.
تميم بإبتسامة/ تمام.. انا عرفت هصالحك ازاي.. اوعدك يا فرحه اني هخلصك من عادل في اقرب وقت ساعتها ممكن تسامحيني اكيد صح ولا ايه.
فرحه بتفكير/ هو موضوع عادل ده تافه اصلا انا عارفه اخلص منه ازاي.. بس هفكر في كلامك متخفش.
فاطمه بغيظ/ ايه يا بت اللي انتي بتعمليه ده ما تصلحيه وتخلصينا.
تميم بحزن مصتنع/ قوليلها ونبي يا فاطمه لحسن انا غلبان خالص وهي مش مصدقه.
فرحه بغيظ/ بس يا ماما انتي وهو ويلا نمشي عشان اتخنقت.
تميم بتساؤل وابتسامه/ عايزه تروحي فين يا سياده الملكه.
فرحه بتفكير/ اروح فين.. اروح فين.. ااه عرفت فيه حته مطعم فتح جديد بس اكله جامد.
فاطمه بدهشه/ احنا مش علي الاساس هنروح المستشفى.
فرحه بضحك/ انتي صدقتي.. ده انا كنت بعمل فيلم علي عادل عشان كان عايز يخدني عافيه للبيت وانا الصراحه مش عايزه اروح وكويس انه احمد جه اخدوا عشان اخلص منه شويه.
تميم بسخريه/ يعني انتي مسكتي في انها مش هتروح المستشفى وسبتي المطعم اللي فتح جديد وهي جربت اكله كمان.
فاطمه باستغراب/ ااه صح انتي في كل اللي انتي فيه ده ليكي نفس تروحي تجربي مطاعم جديده.
فرحه بغيظ/ الله اكبر في عينكوا.. ايه في ايه عايزني اموت يعني ماله اللي انا فيه.. عادل وقربت اخلص منه ايه بقي المشاكل اللي في حياتي تاني.. وبعدين مش هيجي واحد زي عادل يخلي حياتي كئيبه للدرجه دي يعني.. ثم اكملت بغرور.. لسه متخلقش اللي يكسر فرحه الحريري.
تميم بعشق/ طبعا لسه متخلقش.. وطول ما انا جمبك مش هسمح لاي حد يمس شعره من حبيبتي الغاليه.
فرحه نظرت اليه بخجل وفاطمه نظرت لهم بحب وتحدثت بغمزه/ ايوووه بقاااا.
اتجهوا جميعهم الي السياره وشغل تميم السياره وانطلقوا.
ــــــــــــــــــــــــــــــــــــــــــــ✦
مسااااءاااا..
في قصر عادل..
جاء وهو في قمه ارهاق وتعب وتفكير وقلق.
اقترب من باب القصر وفتحه ودخل القصر وصعد الي غرفته وعندما دخل غرفته وفتح الانوار انصدم مما رأه..
عادل بصدمه/ فررحه.
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حارسي الخاص)
