رواية حارسي الخاص الفصل التاسع 9 بقلم رنا تامر
رواية حارسي الخاص الجزء التاسع
رواية حارسي الخاص البارت التاسع
رواية حارسي الخاص الحلقة التاسعة
عادل بسخريه/ اهلا اهلا بالسنيوره.. ما بدري يا هانم.
فرحه وقفت مكانها بضيق وحدثت نفسها بضيق/ ليه يارب مخدتوش وخلصتني منه بقي.
عادل قام من مكانه واتجه اليها وتحدث بهدوء ما قبل العاصفه/ ينفع اعرف ايه اللي عملتيه الصبح ده.
فرحه ببرود/ هو انا مش قولتلك هروح الجامعه وانت مرضتش خلاص استحمل بقي.
عادل بحده/ وانا عشان مرضتش لازم تمشي كلمتك وتخرجي..و كنتي عايزه تموتيني عشان تخرجي.
فرحه بسخريه/ اموتك!! فين ده ما انت زي القرد ب سبع ترواح .
عادل بتهديد/ قسما عظما لوريكي يا فرحه.
فرحه ببرود/ قولتهالك قبل كده وهقولهالك تاني اعلي ما خيلك اركبه واللي في دماغي هو اللي هيتنفذ دايما.. فاهم يا عادل بيه.
فرحه ذهبت من امامه وهو نظر لها بغضب.
فرحه صعدت الي الدرج وعادل تحدث بحده/ خدي هنا يا فرحه انا لسه مخلصتش كلامي معاكي.
فرحه بصوت عالي/ وانا معنديش كلام اقوله.
عادل صعد ورأها بغضب وامسك يديها بقوه.
فرحه نظرت له بغضب وتحدثت بهدوء ما قبل العاصفه/ سيب ايدي يا عادل احسنلك.
عادل بتحدي/ لا مش هسيبها وعايز اشوف هتعملي ايه المرادي.
فرحه بسخريه/ كل مره لازم تكسف نفسك كده.
فرحه في حركه فجائيه ضربته لكمه قويه جعلته يتأوء وترك يديها.
فرحه بحزن مصتنع/ يحرام بجد في كل مره بتصعب عليا.
صعدت فرحه الي غرفتها واغلقت علي نفسها الباب.. اما عادل فنظر لها نظره توعد وكلها غضب وكره.
ــــــــــــــــــــــــــــــــــــــــــــ✦
في فيلا تميم..
كان يجلس هو و باسل ويتحدثون..
تميم بغضب/ انا بجد مش عارف اعمل ايه.. ولا مني عارف اساعدها ولا مني عارف اهدي.
باسل بهدوء/ اهدي بس يا بارو.. وبعدين ما انت مش عايز تعرفها انك ظابط سري.
تميم بنفي/ مينفعش يا باسل.. مينفعش تعرف انه انا ظابط سري.
باسل بإستغراب/ ليه بقي مينفعش.. اومال هي هتساعدنا ازاي.
تميم بهدوء/ هو كده مينفعش تعرف وخلاص.. ومن ناحيه هتساعدنا ازاي ف المهمه دي علي رشدي بيه.. اكيد هو يعرف حاجه عن عادل.
باسل بتذكر/ ااه صح هي مسألتش علي باباها.
تميم بحزن/ سالت وانا كدبت عليها وقولتلها انه كويس.. مرضتش اقولها انه تعب بعد ما عادل اخدها.
باسل بحزن/ ربنا معاه ومعاها انا بردوا حاسس انه عادل مش ناوي علي خير.
تميم بثقه/ انا واثق في فرحه هي اللي هتعلمه الادب صح.
باسل بغمزه/ ااه زي ما علمتك الادب وخليتك تقع في حبها.
تميم ضربه بالوساده بغيظ وتحدث بضيق/ بقولك ايه عندك حاجه كويسه قولها معندكش قوم امشي عشان عايز انام.
باسل بإستفزاز/ الله يا بارو مش بقول الحقيقه.. اكدب يعني واخش جهنم عشان سيادتك ترتاح.
تميم بغيظ/ لا يخويا نقطني بسكاتك بس مش عايز منك غير كده.. خلينا نشوف حل للمصيبه اللي احنا فيها دي.
ــــــــــــــــــــــــــــــــــــــــــــ✦
في منزل فاطمه..
كانت جالسه في غرفتها وكانت تتمني ان تعرف ان تتصل ب فرحه وتقوم بالاطمأنان عليها ولكن فرحه محذرها انها لا تتصل لان عادل لا يعرف انها معها هاتف بالاساس.
بعد دقائق.. دخل احمد بعد ان دق علي الباب.
قام بالجلوس بجانبها وتحدث بمرح/ الجميل قاعد لوحده ليه.
فاطمه بحزن تحاول ان تخفيه/ مفيش يا احمد انا كويسه.
احمد مسك يديها وتحدث بهدوء/ انتي لسه قلقانه عليها.
فاطمه بحزن/ ايوه.
احمد بهدوء/ مش هي قالتلك انها هتتصرف وانه لو احتاجت مساعدتنا هتقولنا.
فاطمه بحزن/ عارفه بس انت متعرفش عادل.. ده شخص شرير وممكن يئذيها.
احمد بإبتسامة/ متخفيش احنا مش هنسيبها.
فاطمه نظرت له بإبتسامة خافته ومن ثم نظرت امامها بحزن.
ــــــــــــــــــــــــــــــــــــــــــــ✦
صبااااااحاااااا..
في المستشفي..
دخل كلا من باسل و تميم المستشفي وسالوا عن رشدي وعلموا ب رقم الغرفه تبه وذهبوا لعنده.
دخلوا بهدوء وقاموا بالجلوس ومن حسن حظهم انهم وجدوا فاق واصبح بخير قليلا.
رشدي وهو ينظر اليهم ويتحدث بتساول وتعب/ فين فرحه.. هي مجتش معاكوا ليه هي لسه زعلانه مني.
تميم بهدوء/ بص انا عايز حضرتك تهدي خالص.. هو في الحقيقه بعد ما عادل اخد فرحه حضرتك تعبت وجبناك علي المستشفي وهو اخدها علي بيته ولسه لغايه دلوقتي هي عنده.
رشدي بصدمه/ يعني بنتي لسه موجوده عند الحيوان ده.. وانتم قاعدين بتعملوا اييه.
باسل بهدوء/ لو سمحت يا رشدي بيه اهدي شويه.. احنا دلوقتي مش في ايدينا حاجه نعملها وهي كويسه احنا عرفنا نطمن عليها.. واللي هيساعد فرحه وينقذها من عادل هو حضرتك.
رشدي بإستغراب/ اناا.. طب ازااي وانا ايه في ايدي اعمله ومعملتوش.
تميم بهدوء/ ما هو ده اللي احنا جاين عشانه.. بما انه عادل ابن اخوك ف اكيد حضرتك تعرف عنه اي حاجه تبقي هي نقطه ضعفه.
رشدي بعدم معرفه/ للاسف معرفش.. بس انا مش فاهم حاجه.. ازاي تخليه ضعيف يعني.
باسل بهدوء/ بص يا رشدي بيه عادل بيشتغل زعيم مافيا ومعاه ورق لو قدرنا نلاقي الورق ده ساعتها يبقي قدرنا ننهي عادل نهائي.
رشدي بتفكير/ هو انا اول مره اعرف الموضوع بصراحه.. بس ليه مفكرتوش انه ممكن يكون شايله في بيته اللي في لندن.
باسل بنفي/ معتقدش انه يكون ساذج بالطريقه دي.
تميم باقتناع/ انا راي من راي باسل احنا فكرنا في موضوع انه ممكن يكون شايله في لندن بس مش في البيت جايز يكون في حته تانيه.
رشدي باسف/ للاسف انا حاولت اساعدكوا بس معرفتش.. بس اكيد لو افتكرت حاجه هبلغكوا.
تميم بنفس عميق/ عموما حمدالله على سلامتك يا رشدي بيه.. وان شاءلله هنعمل اقصي جهدنا عشان نخلص فرحه من الجوازه دي.
رشدي بإبتسامة/ انا واثق فيكم.
تميم نظر له بإبتسامة ونظر الي باسل وتحدث بهدوء/ يلا يا باسل عشان ورانا شغل كتير.
تميم بإبتسامة ل رشدي/ هنبقي نيجي نطمن علي سيادتك.
رشدي نظر له بإبتسامة.. وخرج كلا من باسل وتميم وتركوا رشدي في حزن وتفكير في ابنته.
ــــــــــــــــــــــــــــــــــــــــــــ✦
في قصر عادل..
كانت تجلس فرحه وتشاهد التلفاز بإستمتاع.
هبط عادل وهو مستغربها بشده.
عادل بإستغراب/ ايه اللي انتي بتعمليه ده.
فرحه ببرود/ انت شايف انا بعمل ايه.
عادل بزفر/ ايوه ما انا شايف حد قالك اني اعمي.. انتي مين ازنلك تقعدي كده وتتفرجي.
فرحه قامت من مكانها وتحدثت بحده/ مين ازنلي!! هي الحاجات دي كمان بستاذان.. يعني انت جيت من لندن وجيت بوظتلي الجوازه وخدتني بطريقه زباله زايك.. عشان في الاخر تقولي مين اذنلك تقعدي كده وتتفرجي.. ثم اكملت بسخريه.. اياك تكون فاكر انه لما اكتشف انه انت متجوزني بالغصب وتجبني هنا بالغصب انت كده هتقدر تحقق هدفك وتنتقم مني او تعرف توجعني او تكسرني.. لا يا حبيبي انسااا.. انا فرحه الحريري و اللي يفكر بس يمس شعره مني يبقي حكم علي نفسه بالاعدام.. ثم اقتربت منه وهمست في اذنيه بنبره تهديد.. ولسه متخلقش اللي يقدر يوجع او يكسر فرحه الحريري.. فااهم يا ابن عمي.
رجعت فرحه وجلست علي الاريكه واكملت مشاهدتها ببرود وصعد عادل الي الطابق العلوي وهو يحدث نفسه بتوعد/ مااشي يا فرحه انا كل ده بحوشلك عشان لما اقلب لوشي التاني يبقي عندي حق.
ــــــــــــــــــــــــــــــــــــــــــــ✦
في الجامعه..
وصلت فاطمه و ودعت احمد ودخلت الجامعه ولكن لاحظت سياره تميم واقفه جانبا.
ذهب احمد واتجهت فاطمه الي تميم.
فاطمه باستغراب وهي تنظر ل تميم من نافذه السياره/ تميم انت بتعمل ايه هنا؟؟.
تميم بارتباك/ فاطمه ازايك.. احم انا كنت جاي اشوف فرحه هتيجي انهارده ولا لا.
فاطمه بحزن/ معتقدش انها هتيجي انهارده.. انا بجد قلقانه عليها اوي.
تميم بنفس عميق/ طب بقولك يا فاطمه.. متعرفيش حد ممكن يساعدنا في موضوع عادل ده.
فاطمه بتفكير/ ااه عندي خطيبي ظابط كويس جدا.
تميم بإبتسامة/ طب كويس ممكن عنوانه.
فاطمه بإبتسامة/ اكيد.
فاطمه اعطته عنوانه وتميم تحدث بإبتسامة/ شكرا جدا.. خلاص تقدري تمشي عشان متتاخريش اكتر من كده.
فاطمه بهدوء/ تمام.. لو عرفت حاجه بخصوص فرحه طمني.
تميم بهدوء/ تمام.
ذهبت فاطمه وجاء باسل الذي كان يتحدث في الهاتف.
باسل بتساؤل/ هاا جت.
تميم بيأس/ لأ.. بس لقيت الشخص اللي هيساعدنا.
باسل بإستغراب/ مين.
تميم شغل السياره وتحدث بإبتسامة/ هقولك في الطريق.
ــــــــــــــــــــــــــــــــــــــــــــ✦
في قصر عادل..
في غرفته..
قام بمحادثه رقم غريب قائلا/ انا عايز اعرف كل حاجه عنها ومين كل اللي معاها في الجامعه من اول اللي بيكرها لحد اللي بيحبها انت فااهم.
انهي حديثه ومن ثم نظر للفراغ بإبتسامة خبيثه.
بعد دقائق.. هبط عادل وهو في قمه وسامته.. ونظر الي فرحه التي كانت تشاهد التلفاز وتحدث بهدوء.
/ انا رايح مشوار.
فرحه ببرود ومقاطعه/ مسألتكش انت رايح فين.
عادل بضيق/ عارف انا بس بعرفك اني هخرج عشان شطانك ميوزكيش وتحاولي تخرجي من القصر.
فرحه بسخريه/ لا متخفش انا اصلا مليش مزاج اخرج انهارده.
عادل بزفر/ انا ماشي.
ذهب عادل بضيق ونظرت فرحه اليه بضيق و رجعت تشاهد التلفاز وهي تحدث نفسها بإبتسامة شر/ احسن انه غار اما اقوم اعملي حاجه اكلها وادور علي اي حاجه تبعه.
ــــــــــــــــــــــــــــــــــــــــــــ✦
عند تميم وباسل..
كان يسير تميم بسرعه الي عنوان احمد.
بعد دقائق.. وصلوا ودخلوا بهدوء وسالوا عن احمد وامين الشرطه اخبرهم.
دخلوا بعدما دقوا الباب.
احمد بإبتسامة/ اتفضلوا اهلا اهلا.
جلس كلا من باسل و تميم.. وتحدث تميم بهدوء/ احم انا تميم الهلالي انا جيت من خلال فاطمه خطيبتك.
احمد بإستغراب/ فاطمه خطيبتي وانت تعرف فاطمه منين.
تميم بهدوء/ فاطمه تبقي صاحبت فرحه.
احمد بعدم فهم/ انا مش فاهم حاجه.
باسل بهدوء/ انا هفهمك كل حاجه.
ــــــــــــــــــــــــــــــــــــــــــــ✦
في المستشفي..
كان يجلس في غرفته وكان يفكر في ابنته وكان حزين عليها.. حتي دخل عليه عادل.
عادل بإبتسامة/ اهلا اهلا يا عمي.. انا عرفت انك تعبان و قولت لازم اجي اطمن عليك.
رشدي بحده/ انت ايه اللي جابك وفين بنتي.
عادل بسخريه/ بنتك في بيت جوزها يا رشدي بيه متخفش عليها.. خاااف علي نفسك الاول.
رشدي بارتباك/ احم انت عايز ايه.
عادل بإبتسامة خبيثه/ حلو اوي انك سالتني السؤال ده.. اولا احب اشكرك علي الفيلم الهندي اللي ألفته علي بنتك والناس اللي كانوا موجودين دول.. ثانيا بقي بنتك هتفضل علي ذمتي ومش هطلقها.. وثالثا وده الاهم لو فكرت انك تنطق بحرف وتبقي فاكر انك لما تتكلم هتعرف تنقذ بنتك بالعكس انت كده تبقي بتضرها اكتر.. واكيد انت مترضاش لبنتك الاذيه.. ولا ايه يا رشدي بيه.
رشدي بكره/ انت ايه مش بنأدم انت مستحيل تكون زينا انت شيطان.. ازاي تعمل اللي بتعمله ده مع عمك وبنت عمك.
عادل بإستفزاز/ والله يا عمي انا قولت اللي عندي ومعنديش حاجه تاني اقولها.. وخليك فاكر دايما انه بنتك تحت ايدي.
ذهب عادل وظل رشدي يسب ويلعن عادل.
ــــــــــــــــــــــــــــــــــــــــــــ✦
في مكتب احمد..
باسل بتهنيده/ ودي كل الحكايه واحنا طالبين مساعدتك.
احمد بإستغراب/ بس ليه يعني طالبين مساعدتي وانتو ممكن تخلوا فرحه تساعدكوا وكمان هي موجوده في بيت عادل يعني فرصه كويسه.
تميم بياس/ لانه بتختصار انا مينفعش اقول ل فرحه انه انا ضابط سري لانه علي حسب معشرتي ل فرحه عرفت انها مبتعرفش تحفظ سر خطير للدرجه دي.. فعشان كده فرحه مينفعش تعرف لانها ممكن من غير قصدها تتكلم قصاد عادل وساعتها عادل يعرف وده هيبقي فيه مشكله كبيره.. فاهمني.
احمد بهدوء/ طبعا فاهمك.. خلاص تمام انا هساعدكوا بس انتو طالبين مني اعمل ايه.
باسل بهدوء/ احنا هنقولك.
ــــــــــــــــــــــــــــــــــــــــــــ✦
بعد يومين..
لقد عرف عادل انه يوجد شخص يطارد فرحه وقرر انه سيجعلها تحبه من خلال هذا الشخص الذي يطاردها ولكنه فكر ف انه سيردلها ما فعلته به اولا ثم يتظاهر امامها انه يحبها.
ــــــــــــــــــــــــــــــــــــــــــــ✦
في قصر عادل..
فرحه كانت تقف بغضب وتتحدث بحده مع عادل/ بقولك ايه انا هخرج يعني هخرج وبلاش بقي تعصبني عشان انا عصبيتي وحشه.
عادل كان يجلس علي الاريكه ويتحدث ببرود وعند/ مش هتخرجي يا فرحه واعلي ما خيلك اركبيه.
فرحه بتوعد/ ماشي يا عادل بس متزعلش بقي من اللي هيحصل.
فرحه ذهبت الي المطبخ.. وعادل كان جالس علي اعصابه لانه عالِم انها ستفعل شيء مجنون.
في المطبخ..
دخلت فرحه وجلبت سكينه ونظرت الي السكينه بنظره شر وتوعد وخرجت من المطبخ.
اقتربت فرحه وهي تمسك السكين و وقفت امام عادل و قربت السكين علي يديها.
عادل بصدمه/ انتي هتعملي ايه يا مجنونه.
فرحه بتهديد/ قسما عظما لو ما سبتني اخرج ولوحدي من غير حرس لهكون مموته نفسي.
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حارسي الخاص)
