رواية جيش البنات الفصل التاسع 9 بقلم صغيرة الكتاب
رواية جيش البنات الجزء التاسع
رواية جيش البنات البارت التاسع
رواية جيش البنات الحلقة التاسعة
كانت بترقص في الــ night club و واضح انها شاربه كتير جدا ، جات صاحبتها وأخدتها من ايدها من وسط الشباب اللي اتلموا حواليها
ليلى : كفاية بقا اللي بتعمليه في نفسك ده يا نهى ، نهى اتكلمت وهي بتتطوح
نهى : تعبت .. مؤيد سابني يا ليلى ، شغله طلع اهم مني
ليلى : ولما هو سابك تقومي تعملي كده ف نفسك فوقي بقا كفاية حرام عليكي
نهى : مستحيل يكون ده كله اهتمام بالشغل أكيد فيه بنت تانية في حياته وأنا لازم اعرف هي مين ، قامت ليلى قالت بنفاد صبر
ليلى : وبعد ما تعرفي هي مين هتعملي ايه ؟! هتقتـ*ـليها مثلا ، نهى بصتلها بطرف عينها
نهى : والله لو لزم الأمر معنديش مشاكل خالص
ـــــــــــــــــــــــــــــــــــــــــــــــــــــــــــــــ
شوق داست على سنانها واتكلمت بضيق وعلت صوتها قصدا
شوق : بعتذر عن مقاطعه عصفورين الكناريا بس احنا لازم نمشي ، مؤيد ومايان بعدوا عن بعض بسرعه وهما مخضوضين من وجود شوق ، كانت بصالهم بصدمه وحست بوجع في قلبها بس حاولت على قد ما تقدر متبينش ده
شوق : اللواء ماهر مستنيكم .. انتوا الاتنين ، مؤيد ومايان بصوا لبعض باحراج من شوق ، مايان مسحت دموعها ومشيوا كلهم .
طول الطريق كان فيه نظرات من تحت لتحت من شوق ناحية مايان و مؤيد
ـــــــــــــــــــــــــــــــــــــــــــــــــــــــــــــــ
شهاب كان قاعد في أوضته في الحته اللي تحت الأرض ، استنى لما صوت حركة الرجالة بره الاوضة تهدى ، ولما هديت خالص قام من على سريره وراح قفل باب أوضته من جوه وبعدين راح ناحية حيطه وبقا بيلمسها لحد ما ايده جات في حتة مكسورة في الصخر ، قام مسكها وطلعها من الحيطه وكان وراها كيس اسود أخده وطلع منه فون ، فتحه بـ بصمة وشه ودخل على أبلكيشن شكله غريب واضح انه نازل جديد ومش كل الناس تقدر تحمله كمان ، دخل على محادثة جواه وكتب كلام كتير جدا وبعت الرسالة ورجع الفون في الكيس وقبل ما يرجعه مكانه في الحيطه سمع صوت حد جاي ناحية اوضته فحاول ينجز بسرعه
باب الأوضة خبط و واضح ان حد بيحاول يفتح الباب ، شهاب رجع كل حاجه مكانها وفتح باب اوضة واول ما شاف خضر قدامه حس كإن الدم نشف في عروقه
خضر : مو متعود تسكر الباب من جوه يا شهاب !! شو القصه؟! ، شهاب اتكلم وهو لسة مصدوم
شهاب : سيد خضر !!
ـــــــــــــــــــــــــــــــــــــــــــــــــــــــــــــــ
مايان و مؤيد راحوا لـ اللواء ماهر ، وشوق كانت عايزه تفضل عشان تشوف هو عايزهم ف ايه بس اللواء قالها انه عايزهم لوحدهم
اللواء ماهر : أولا حمدالله على سلامتكم يا أولاد ، ثانيا وده الأهم .. الموضوع اللي عايزكم فيه مهم جدا فياريت تدوني تركيزكم بالكامل ، جالنا إيميل بيأكد ان أحد شركاء خضر في العملية الجاية هيكون في القاهرة بكره بالكتير ، وخضر طبيعي هيقابله عشان ياخد منه التعليمات لتنفيذ العملية ، وأكيد هيديله المتفـ*ـجرات اللي انتوا لازم تحصلوا عليها بأي شكل
تذاكر القطر واللبس اللي هتحتاجوه وكل مصاريفكم أثناء وجودكم هناك في الشُّنط دي ، اللواء ماهر كان مشاور على الشنط ، ومؤيد ومايان بصواعليهم وبعدين بصوا لبعض قامت مايان قالت
مايان : عليه العوض في الأجازه
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية جيش البنات)
