رواية جيران العشق الفصل الأول 1 بقلم شغف الإعصار
رواية جيران العشق الجزء الأول
رواية جيران العشق البارت الأول
رواية جيران العشق الحلقة الأولى
الاب:اسلااام واد يا اسلاام
اسلام وهو يخرج من غرفته ويفرك عينيه بنوم:نعم يا حاج
الاب:لسهه بدري يا بيضه
اسلام:يا حاج احمد انت عارف انو بدري بتصحيني ليه ها
احمد:علي فكره دمك سم ويلا اجهز علشان نفطر وتروح شغلك
اسلام:احلي حاجه هي حنيتك يا حاج ياريت تحضرلي الحمام
احمد:سخن ولا ساقع يا بيه
اسلام:اللي يعجبك انا مش هتعبك الحاج احمد مسك شبشب ورماه ناحيه اسلام
اسلام و هو بيدخل غرفته:يا حاج احمد بقولك عايز حمامك سخن ولا ساقع
احمد:يارب الواد اللي حيلتي عنده اعاقه ذهنيه انا مش عارف ده دكتور ازاي
اسلام وهو مطلع رأسه من الباب:زي السكر في الشاي ودخل بسرعه
بقلم (شغف إلاعصار 🌪️)
احمد وهو بيبص علي صوره مراته:ليه يا حنان روحتي وسبتيلي هم زي ده يلا الحمد لله
من تحت بيت الحاج احمد ينادي صاحب اسلام ويقول
صاحب اسلام:اسلااام واد يا اسلام انت يلاااا
احمد من البلاكونه:اسلام بيلبس هدومه يا سيف يابني تعالي اطلع
سيف:عيوني يا حاج احمد وطلع سيف
الحاج احمد: تعالي يا سيف يابني ادخل
سيف:هو انا برده محتاج عزومه ياحاج ودخل المطبخ ومسك خياره وبياكل فيها
الحاج احمد:انت يلا بجح لمين ها
سيف:لنفسي والله ياحاج يلا حضرلي الفطار علشان امي قالت مش عملاك فطار شوفت الام دي يا حاج احمد قولت انا اصلا مليش غير الحاج احمد الطيب هو اللي هيفطرني
الحاج احمد:طبعا طبعا وهو بيقرب منه ومسك الحزام
سيف:اي يا حاج خلاااص مش عايز اكل يا اسلااام واد يا اسلااام همووت يلاا تعالي بسرعه
اسلام:اضرب يباا ولا يهمك سيف خرج جري من الشقه وهو بيقول
سيف:انا جيت في وقت غلط انا هستناك تحت سلام ونزل
اسلام:عايز حاجه يا حاج
احمد:مش عايز يلا سلام جبتلي صداع انت والاهبل التاني
اسلام:حاج احمد ملكش دعوه بأم السعد ماشي الوليه بتشكيلي من نظراتك ليها ارحم يا حاج
احمد:انا يابني انا اخص عليك يا اسلام انا اعمل كده انا بس كنت عايز تجيب منها خضار بس هي اللي بتفهم غلط
اسلام:هصدقك يا حاج يلا سلام ونزل اسلام ومشي هو وسيف سيف ذهب إلي مركز الشرطه واسلام الي عيادته
في مركز الشرطه دخل سيف وقعد علي المكتب وكان في المكتب معه بنت عمه
سيف:بت يا جودزيلا
بنت عمه(عشق):انا جودزيلا يا ثور
سيف:يابت مش شايفه عضلاتك والا اي دا انت الله اكبر عضلاتك هتنفجر الا قوليلي يا بت دي نفخ ولا طبيعي
عشق:استغفر الله العظيم عايز اي يا حضرت الرائد سيف
سيف:عايز اتغدي عندكم
عشق:علي اساس ياخويا بتاكل عندكم ليل ونهار ياض انت قربنا نعملك اوضه عندنا ونعملك ايجار جديد
سيف:بس متقوليش اخوكي احسن اكسرلك دماغك
عند اسلام في عيادته
اسلام:نهي في مرضي كتير انهارده
نهي بتعب :لا يا دكتور
اسلام:هو الواد ده مش ناوي يجي
نهي:تاعبني والله يا دكتور شكله عجبته القاعده جوه ومش رادي يجي وابوه شكله هيطلقني
اسلام:اصبروا بكره يجي وطلعوا كل ده عليه انا هدخل وهاتيلي كوبايه شاي
نهي:حاضر يا دكتور
بقلم (شغف إلاعصار 🌪️)
في الشقه اللي قصاد بيت اسلام تدخل تلك الفتاه هي ومامتها الي الشقه
الام:الشقه معفنه كده ليه
البنت:علشان الشقه محدش داخلها بقاله سبع سنين بس متخفيش انا هخلهالك بتنور
الام:وانت نضيفه قوي يا بت
البنت:يووه يا ماما بصي انزلي اتعرفي علي الجيران لغيت لما اخلص وفتحت الباب وكان الحاج احمد خارج من شقته
الحاج احمد وبيسلم علي الام:انا الحاج احمد جاركم هنا اكيد انتم السكان الجديده
الام :اه بس مش بسلم يا حاج
الحاج احمد:ها طيب دي بنتك
الام:اه دي بنتي حور
الحاج:ما شاء الله والله لازم نساعدكم ثانيه واحده بس
الام:ملهوش لزوم والله
الحاج احمد:انا خلاص حلفت يا حاجه واتصل علي اسلام
اسلام:ايوه يا حاج
الحاج احمد:تعالي بسرعه يا اسلام
واغلق الخط اسلام قلق علي ابوه وذهب الي البيت
حور:طب انا هدخل انضف شويه يا ماما
الام:ماشي وانا هروح اجيب شويه طلبات
الحاج احمد:طب استني اجي معاكي علشان اكيد انت متعرفيش المكان ومشيوا
حور لبست هدوم قديمه وربطت شعرها بطرحه وبدأت بالتنضيف اسلام جه ودخل الشقه وهو بيدور علي الحاج احمد مسمعتش منه رد طلع من الشقه سمع خبط في الشقه اللي قصاده
اسلام:بسم الله الرحمن الرحيم وخبط علي الباب وفتحت حور وكان وشها مليان تراب من التنضيف
اسلام:ع ع عفريت
حور:عفريت اي يا جدع انت
اسلام:عفريت يمااااا
حور :مالك يا عم عفريت اي وهي بتقرب منه والله انا مش عفريت يا بني ادم افهم
اسلام وهو بيزحف علي الارض:لا لا متكلنيش والله انا طعمي وحش وانا اصلا مش بار بالوالدين كل يوم ابويا بيدعي عليا يعني انا وحش سبيني الله يكرمك
حور وهي بتقرب:مش عفريته والله صدقني وفجأه وقعت حور بأحضانه اثر المياه اللي علي الارض
ظل الاثنين ينظران لبعض لحين
الحاج احمد:الطااااار ولا العاااااااااار
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية جيران العشق)
