رواية جواهر الجبل الفصل الثالث 3 بقلم زهرة الربيع
رواية جواهر الجبل الجزء الثالث
رواية جواهر الجبل البارت الثالث
رواية جواهر الجبل الحلقة الثالثة
اول ما حست بلمسه ايديه اتأكدت انها مبتحلمش قامت مفزوعه ونطت لاخر السرير وقالت…جبل..انت بتعمل ايه هنا
جبل ابتسم وقال بسكر..جيت اشوفك…انتي ازاي جايلك قلب تنامي بعد الي عملتيه فيا وقال بدموع. هنت عليكي
جواهر خدت بالها من كلامو وشكلو عمره مابيبقى بالهدؤ والضعف ده معاها قالت بيأس..جبل انت سكران صح..مش معقوله فاتو ٣ سنين وانت مبطلتش العاده الز،باله دي
جبل ضحك بسخربه وقال…معلش..مهو مش كل الناس بتتغير بسهوله زيك
جواهر اتنهدت وقالت…اخرج با جبل قبل ما حد يصحى ويشوفك هنا يلا اطلع
جبل قرب منها وقال..ليه..خايفه الحلو بتاعك يعرف ويغير ولا حاجه
جواهر كانت مش عارفه تتصرف معاه ابدا وقالت بضيق…يا جبل اخرج بلاش فضايح…متخلنيش الم البيت هنا وانت عارف والدك هيعمل فيك ايه
جبل ضحك جامد وقال..ايه…هيقطع عني المصروف…وضحك تاني وقال..لا معلش انسيت انتي دلوقتي الي هتقطعي المصروف
جواهر اتنهدت بيأس ولسه هتطلع تنادي حد من عيلتهم جبل مسك ايدها وهو لسه على السرير وشدها ليه وقال بهمس…وحشتك …مش كده..لسه بتحبيني
جواهر بقت تبصلو بارتباك وكانت قربيه جدا منو قالت بهمس…لا
جبل ابتسم على ارتباكها وقال..متغيرتيش يا جوجو…لسه مش بتعرفي تكدبي
جواهر كان قلبها هيخرج من بين ضاوعها بس قالت بدموع…بس انا مش طيقاك ومش بحبك يا جبل ونزلت دموعها وقالت..انا بكرهك سمعت بكرهك
جبل ابتسم بدموع وقال..انا بكرهك قد كرهك ليا بالظبط..القلوب عند بعضها يا جوجو ..و سابها واخد الجاكت بتاعو وقال…بتحرقي نفسك بالنار الي بتحاولي تحرقيني بيها يا جواهر…بكره تصدقي كلامي
قال كده وخرج بره الاوضه وجواهر قعدت على السرير وبقت تبكي بحزن
في صباح يوم جديد..جبل صحي من النوم وكان حاسس بصداع شديد راح شرب حبايه للصداع وافتكر الي حصل امبارح وانو دخل عند جواهر والي قالو ضرب جبينه بغضب وجهز بسرعه ونزل
اول ما نزل تحت كانو الكل على الفطار وجواهر جمب كريم وبيتكلمو سوا وبيضحكو
جبل بصلهم بضيق وقعد وقال..صباح الخير
الكل صبحو عليه وامه قالت..ايه يا حبيبي فضلت مستنياك لنص الليل اتأخرت قوي امبارح
جبل قال.احم..كنت مع صحابي سهرنا سوا والقعده اخدتنا
جواهر ابتسمت بسخريه وقالت…بقولك ايه يا كيمو…قوم نتمشى شويه في الجنينه اصلي اتخنقت من القعده في البيت
كريم وقف بسرعه وقال..يلا بينا انتي تأمري
جواهر وقفت ولسه هتمشي معاه جبل مسك ايدها جامد وبصلها بغضب وقال…جواهر..انا قررت اتجوزك…جدي قال انا اولي بيكي من اي حد
الكل فرحو وجواهر بصتلو بصدمه وقالت..انت مش كنت رافض
جبل ابتسم بسخريه وقال…غيرت رأيي…مش هسيب ورثي وورث ابويا لمجرد لعبه هبله لعبتيها مع جدك
جواهر زقت ايده بغضب وقالت….بس الوصيه بتقول اني انا اختار الي يعجبني بنكم
جبل وقف وبصلها بتحدي وقال..فعلا..بس انتي مكملتيش باقي الوصيه..والي بيقول ان في حال انا رفضتك..يحقلك تتحكمي في ورثي او تمنعيني منو ..اما بقى في حال انا وافقت اتجوزك..وانتي الي رفضتي يبقى تتنازليلي على كل فلوسي..وده الي انا محتاجو ..انا وافقت اتجوزك قدام الكل ومن انهارده بالليل كمان
جواهر بلعت ريقها بتوتر وقالت..بس..بس انا مش عيزاك..انا حره
جبل قال بسرعه وسخريه..فل قوي..يبقى اجهز ورق التنازل وتسبيلي فلوسي وتروحي تتجوزي كيمو…تتجوزي كونو..انتي حره بس اوعي يسيح
جواهر بصتلو بغضب وقالت…ماشي..انا فاهمه انت بتعمل كل ده ليه.. متوقع اني هتنازلك عن فلوسك بسهوله..انسى ياجبل..هتفضل تحت ادارتي لو حبيت تشتري كباية قهوه لازم انا اوافق الاول
قالت كده ومشيت وكربم اتنهد وقعد على الكرسي ومسك دماغو بحزن
جبل بصلو بغضب وقال..مش مصدق الي انت عاملو في نفسك…انت اكتر واحد عارفها وحافظها وبير لاسرارها اكتر من منها واكيد عارف انها بتحبني من زمان وكل الغضب الي هيه في ده لاني رفضت اتجوزها..ازاي تعمل في نفسك كده وتوافق تبقى مجرد وسيله تغظني بيها
كريم بصلو بدموع وام جبل قالت بحزن..عيب يا جبل جبل و
بس جبل قال بسرعه..لو سمحتي يا امي ..انا بتكلم معاه..سبينا نتفاهك احسن ما نكره بعض وبص لكريم وقال..عجبك الموقف الي حطيت ابن عمك فيه امبارح…عاجبك انها تقول الصبح هتجوز جبل وبالليل هتجوز كريم زي ما نكون احجار شطرنج رد عليا مبسوط كده
كريم بصلو بدموع وقال بسخريه..جدا…مبسوط جدا مش شايف شكلي مبسوط ازاي..انت معاك حق في كل كلمه قولتها..هيه بتحبك بتعشقك وانا عارف…وانت ولا في الدنيا مش شايفها…زي ما هيه مش شيفاني وانا مش شايف غيرها..احنا بندور في حلقه مقفوله يا ابن عمي والنصيب بس الي هيحكم فيها وانا راضي بحكمه
كريم قال كده وطلع بحزن شديد وجبل بص لطيفه بحزن وام جواهر اتنهدت وقالت…ليه كده بس يا ابني..والله انت وجواهر بتدوسو قوي على الولد ده..وبتكسرو قلبو بينكم..مع انو ميستاهلش ابدا
جبل اتنهد وقال…انا السبب في كل ده من الاول..انا السبب …بس خلاص مقدرش اعمل حاجه ….قال كده ومشي بحزن
في الليل كانت العيله مجموعه علشان يسمعو قرار جواهر الاخير..
جواهر نزلت وقالت بحزم..انا قررت خلاص…انا موفقه اتجوزك يا جبل..وهنكتب الكتاب بكره
جبل اتفاجأ انها وافقت بعد كل ده وكريم غمض عنيه بحزن وقال..الف مبروك..ربنا يهنيكم …وطلع على اوضتو وهو مش شايف قدامو من الدموع الي غطت عنيه
جبل اتنهد بحزن عليه..وجواهر قالت في نفسها اسفه يا كريم..مش بايدي مش عايزه اكسرك اكتر من كده
جبل بصلها بسخريه وقال..انتي عارفه اني رافضك..وسبتك يوم فرحك واهنت كرامتك وعارفه كمان اني بتجوزك دلوقتي علشان الفلوس ومعندكيش مانع تتجوزيني…بس لمجرد انك عايزه تزليني وتتحكمي فيا..لا برافو عليكي بتعرفي تحسبيها
جواهر ابتسمت بسخريه وقالت..انا مش هتجوزك علشان اتحكم في فلوسك وازلك بيها..لا يا جبل اناهتجوزك وهتحكم فيك انت شخصيا وهزلك بس مش بالفلوس هتحس بالزل كل ثانيه لما تعرف انت قد ايه بقيت محتاجلي ومتقدرش تبعد ولا هسمحلك تقرب..هخليك الاسم خاتم في صباعي..بس في الحقيقه مقبلش بيك جزمه في رجلي
جبل ضحك بشده وقال…ده حلم الضهريه مش كده ..على العموم حبيت قوي..التحدي ده..ولو انك كده كده خسرانه..بس هسيبك تلعبي يا شاطره
جبل قال كده ومشي وجواهر بقت تبص لطيفه بغضب رهيب
في اليوم التاني كانت التجهيزات لكتب كتاب جبل وجواهر وبعد دعوة اكتر من ٥ تلاف شخص محدرش منهم حضر ابدا وكلهم كانو رافضين يحضرو مهزله تانيه اخرها انهم اضطردو من جبل
جبل كان قاعد جمب جواهر والاغاني شغاله والفرح جميل جدا ومنسق بس مفيش حد من الحضور الا اهلهم بص لجواهر بضيق شديد وقال..شايفه فرحك عامل ازاي..ده لو بومه بتتجوز مش هيبقى فرحها كده
جواهر بصتلو بغيظ وقالت..لا عادي على فكره لو البومه بتتجوز غراب ..مستحل حد يخاطر ويحضر فرحهم..مش عارفه انت ازاي اصلا متوقع ان حد يعبرنا بعد عمايلك
جبل بصلها بغضب وقال..ياسلام…وبالنسبه لعمايلك انتي كانت ايه..
جواهر اتنهدت وسكتت هيه وجبل وفضلو شويه بسيطه وبعد كده دخلو بزهق وطلعو على اوضتهم بخنقه جواهر رمت الطرحه على الارض وقالت ..شايف ..لتاني مره يبوظ فرحي بسببك..اجمل يوم في حياتي بقى يوم اهبل جدا…والبركه فيك
جبل ضحك بسخريه وبقى يقلع بدلتو وقال…هو يوم انهارده بس الي اهبل..ما الحوار كلو اهبل اتأقلمي مع الهبل يا جواهر..لانو هيبقى بالنسبالك اسلوب حياه
جواهر نفخت بغيظ واخدت هدوم ودخلت الحمام وهيه متغاظه منو جدا
بعد شويه خرجت وسمعت جبل بيتكلم في التليفون واتفاجأت بالي بيقولو كان بيقول…يا حياتي متزعليش قولتلك كنت مع ماما في الدكتور …اه علشان كده اتأخرت عليكي…بس اكيد هاجي بكره انا اصلا هموت واشوفك
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية جواهر الجبل)
