رواية جوازه بالغلط الفصل الأول 1 بقلم ريهام زيدان
رواية جوازه بالغلط الجزء الأول
رواية جوازه بالغلط البارت الأول
رواية جوازه بالغلط الحلقة الأولى
*لسا صاحيه ي آخرة صبري
_حرام عليكي خضتيني ي نور
* طب كفايه سهر وخشي نامي عندنا كليه بكرا
سندت ايدي ع خدي بزعل _ خليكي ف حالك انا مش هنام غير اما اطمن ع حسن
خبطت بايديها ف بعضها *اهل الحب صحيح مساكين
_متشكرين ي ستي عقبالك ف قايمة المساكين
*بعد الشر عليا ي اختي خليك أنتي ف الحب وسنينه
وسابتني ومشيت رغم أن انا ونور تؤام بس عكس بعض ف كل حاجه
بصيت ع الشارع تاني بس ملقتش حسن وصل لسا اتنهدت ورفعت ايدي يارب اتجوزه ومش هصيح تاني ولن اشكي ولن ابكي بس يحبني ونتجوز
سمعت صوت البوابه بتتفتح ف انتبهت لقيت حسن بس شكله مش طبيعي ووقع ادام البوابه
مستنتش لحظه واخدت طرحه ع البييجاما و ونزلت بسرعه فضلت اخبط ع وشه بس مكنش بيفوق فتحت الحنفيه اللي ف مدخل العماره ومليت كف ايدي بالمايه ورشيتها عليه
_حسن فوق
فتح عينيه بخضه =بس بس مش عايز صوت سيبني انام ي علاء
_علاء مين! انت شارب ي حسن ي نهار اسود
=بطل سرسعه ي واد انت
_واد اي انا حور
بتوهان =سور حلو اسمك اوى
_طب قوم معايا قبل ما حد من الجيران يصحي
ساندته وطلعنا السلم
صوته علي =واللي كانوا نور عيوني بعدوا ليه عني وسابوني
حطيت ايدي ع شفايفه _بس ي حسن اسكت هتفضحنا
شال ايدي وبصلي من فوق لتحت
=انتي حلوه كدا ليه يا يا يا بور بس مش احلي منها هي احلي واحده ف الدنيا
_مين دي حسن اللي بتتكلم عنها
ضحك بصوت عالي =طلعت بتحبه هو مش أنا ،طلعت كوبري بينهم ومغفل
=انا عمري ما حبيت غيرك ي ليلي ليه تعملي فيا كدا
عنيا لمعت بالدموع وحاولت ابعد عنه بس هو شدني وبقيت تقريبا ف حضنه
_حسن انا لازم اطلع
=وتسيبيني انا محتاجلك
_انا هتصل بمامتك
=انا عايزك انتي بس انتي وبس
كنت بتمني يقولي الكلام دا وهو ف وعيه ويكون ليا انا مش لحد تاني
سمعت صوت ع السلم وصوت حد نازل فحاولت ابعد حسن لكن هو علي صوته = محدش هياخدك مني انتي هتكوني ليا انا وبس
قلم نزل ع وش حسن ولأنه مش متزن وقع ع الارض
وانا سيبتهم و طلعت جري ع السلم دخلت شقتنا وانا قلبي بيدق وحاسه اني هقع من طولي لو مكنش والد حسن اللي طلع كنت هعمل اي !
^كنتي فين ي حور
حاولت اتكلم واقول اي حجه لبابا بس كل ذرة فيا كانت بتترعش
مسكني من دراعي وصوته علي ^بقولك كنتي فين واذاى تخرجي ف وقت زى دا بمنظرك دا ؟!
في بيت حسن
~عجبك اللي عمله ابنك ي زينب
∆ بالراحه عليا وبالنبي ي امين الواد مكنش ف وعيه
~وعيه اي وزفت اي دا المحترم بتاعك ي ست زينب اللي مربياه يت..حرش ببنات الناس
∆بقولك اي ي امين انا ابني راجل يعمل اللي يعمله هي بنت اي ينزلها ف وقت زي دا
~ي وليه اتقي الله بنات الاستاذ حسيب جيرانا من وهما ف اللفه طول عمرهم مؤدبين
∆ وابني يعني اللي صايع دا مبيشربش السجاره
~اهو بقا بيشرب زف..ت ع دماغه
∆اكيد اتحسد انا عارفه ولادي دايما منظورين
~ي مثبت العقل يارب انا بقولك اي وانتي بتقولي اي انا ماشي
∆رايح فين
~اما الحيله يخرج من الحمام قوليله يحصلني ع بيت حسيب
في بيت حسيب
الباب كان بيخبط بجنون وبابا مبيردش
^ع اوضتك انتي وهي مشوفش وشكم ي خلفة الهم
نور شدتني ودخلنا الاوضه
* اي اللي حصل ي حور اي اللي نزلك ؟هو اللي طلب منك ؟!
مكنتش برد خالص مهما نور تحاول تكلمني
كنت حاسه اني ف كابوس ونفسي اصحي منه انا بحب حسن بس مش دا حسن ابدا اللي حبيته دا واحدسكران سمعتي وسمعة اهلي باظت ع أيده
~هتسبني واقف ي حج حسيب
^خير ي استاذ امين اظن دا مش وقت ابدا لزيارة حد
وقتها قاطعه حسن =احنا جايين نطلب ايد بنت حضرتك حور ي عمي
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية جوازه بالغلط)
