رواية جنون حنين الفصل الثامن 8 بقلم نور محمد
رواية جنون حنين الجزء الثامن
رواية جنون حنين البارت الثامن
رواية جنون حنين الحلقة الثامنة
خارج القسم **
حنين:بقى انا حنين احمد..يتعمل معايا كده..بزمتكم ياناس انا حد يخوني كده..دنا اقول للقمر تعال واقعد مكانك..وخفت دم تلاقي وشقاوه تلاقي..دنا فتاه احلام شباب مصر كلهم..حظابط يعمل معايا كده..ماشي انت الي بدئت وانا حنهي ياحظابط وحتشوف بعدين..مانا حجوز ظابط يعني حجوز ظابط
اليوم التالى في القسم **
حنين بترجي:والنبي بقى ياشاويش لتساعدني..وانا حديلك الي عاوزه والله
الشاويش:يأنسه دي امور شخصيه..انا مقدرش اعطهالك كده
حنين:طيب اعتبرها خدمه لاختك الصغيره والنبي..انا عاوزه عنوان بيته بس..ومتخفش والله محدش حيعرف ابدا وعد
الشاويش:طيب انا عاوز 100جنيه.. وحقولك
حنين بصدمه:نعم!!..ليه ان شاء الله..انا طلبت عنوان وزير الدخليه والا ايه
الشاويش:ده الي عندي..لو لا معطلعيش
حنين:خلاص..خلاص انا معايا 50بس دلوقتي.. وحجيبلك الباقي بعدين..يخرب بيت الظولم
الشاويش:تمام كده..عنوانه في ****
حنين:تمام اوي..انشاء الله يسترك يارب ياشاويش
لاحقا في منزل حنين *
حنين بصوت عالي:انا رجعت ياحنون قلبي.. فين الاكل بقى
حنان:بقى جايه بدري علشان بطنك بس.. انتي ايه يابنتي خفي شويه.. دنتي كلبظتي اوي الفتره دي
حنين بفخر:خدي بالك ياحنون.. انا ان تخنت ملبن وان خسيت غزال.. اه
حنان:طيب ياغزال ياشارد انتي.. تعالي حضري معايا السفره.. زمان بباكي على وصول
حنين بضيق:حاضر.. مانا خدامه الاسياد هنا
حنان بضيق:بت قدامي.. احسن اطلع عليكي الاسياد فعلا
في تاني يوم في منزل حنين برضو **
حنين بكذب:ماما انا حخرج اشوف هبه.. علشان تعبانه.. عاوزه حاجه ياست الكل
حنان بضيق:ايه كل شويه خروج كده.. وهبه تعبت من امتى بقى.. مانا عارفه حوراتك ياحنين.. حتروحي فين النهاردا بقى
حنين بتوتر:من يومك كشفاني ياحنون والله.. بصراحه عندي مراجعه في السنتر.. وخوفت اقولك متصدقيش بس
حنان بشك:مراجعه قولتلي بقى.. ومن امتى روحك على التعليم كده اوي.. دنتي مطلعه عينا علشان المدرسه بس
حنين:لا مانا قررت.. أبقى خلاص شاطره علشان.. تتفشخري بيا قدام زميلاتك في المدرسه.. ياحنون قلبي
حنان:هههههه اتفشخر ايه دي.. جبتيها منين دي.. دنا بعلم فيكي اصول اللغه العربيه من صغرك.. علشان تاجي دلوقتي وتقوليلي تتفشخري يابت الهبله
حنين بتزمر:يووه بقى ياماما.. مش وقته الدرس ده.. انا حتأخر على السنتر كده
حنان:خلاص غوري.. بس متتأخريش زي كل يووم.. تمام يابت حنان
حنين بفرحه:تمام ياحنون قلبي.. سلام بقى اشوفك.. في فرحي قريب اوي يارب
حنان:ربنا يعوض عليا عوض الصابرين.. بقى فيكي
بعد ساعه امام فله صغيره جميله للغايه **
حنين:والنبي بقى ياعموو.. والله مش حطول انا جوه.. لازم اقابل طنط مامه حظابط ضروري.. ارجوك
البواب:اسف يابنتي ممنوع.. دي اوامر مروان بيه كده.. مش مسموح حد يدخل الفله غريب
حنين:بس انا مش غريبه.. والله حطابط يعرفني اوي كمان
البواب:طيب استني اكلمه.. وبعدها ادخلك..”واخد الفون يكلمه قاطعته حنين بسرعه”
حنين بتوتر:لا لا مالهوش لزوم تكلمه.. انا قولتله بس هو اكيد نسي يقولك بس.. والنبي عشر دقايق بس هما.. الموضوع مهم حياه او موت
البواب بشقفه:خلاص ادخلي.. بس عشر دقايق بسرعه.. علشان صعبتي عليا بس
حنين بفرحه:ان شاء الله يسترك يارب ياعموو.. وتفرح بفراخك احم قصدي عيالك
وفي نفس الوقت في منزل هبه صديقه حنين **
هبه بضيق:يعني ايه يابابا عاوز تجوزني.. دلوقتي وتخلص مني.. دنا ليسا مكملتش الثانوي حتي
ابوها:انا عاوز مصلحتك بس يابنتي.. وحسن ده شاب كويس.. ومقتدر وشاريكي وبيحبك كمان.. ومن زمان عاوزك مني
هبه بعصبيه:بس انا لو اخر راجل في الدنيا.. حسن ده مش عاوزاه يابابا
ابوها بغضب:هببه صوتك ميعلاش عليا تاني.. علشان معدش تربيتك من اول وجديد.. وانا الي اقوله يتنفذ بس منغير اعتراض فاهمه
هبه بضيق وخوف:انا اسفه يابابا مقصدش اعلي صوتي عليك.. بس ارجوك مش عاوزه اجوز دلوقتي.. وخصوصا من الي اسمه حسن ده.. انا مبطقهوش خالص
ابوها بعصبيه :انا قولت الي عندي.. وكلمت حسن كمان وحددت معاد.. وانتى مش حتخرجي من البيت غير.. وانتي مخطوبه لحسن فااهمه
هبه بدموع:حاضر يابابا.. بس انا برضو مش حوافق عليه ابدا
“وسبته ودخلت اوضتها تعيط على حالها ده ”
دخلت مامتها بعد ماسمعت الي حصل بره بخزن عليها:اهدي ياحبيبتي.. ان شاء الله خير بس منقدرش.. نقول لبباكي لا دلوقتي.. انتي عارفه طبعه صعب ازاي
هبه بعياط:ماما انا لو اجت السما على الارض.. مش حجوز الي اسمه حسن ده انا بقولك اهو
مامتها وهي تمسح على رأسها بحنان:ان شاء الله خير.. وانا معاكي متقلقيش ياحبيبتي
داخل الفله مروان عند حنين **
حنين بصوت عالي:ياطنط مامه حظابط فيينك
اجت مامه مروان زينب:في ايه؟!! مين انتي يابتي.. وبتعملي هنا ايه!!
حنين بتمثيل:الحقيني ياطنط.. انا محتاجاكي اوي بموضوع.. بخصوص حظابط ابن حضرتك
زينب بصدمه:مروان ماله حصله حاجه!!.. والا ايه انطقي حصله ايه!!
حنين بتمثيل الدموع:لا هو كويس متقلقيش.. بس انا الي مش كويسه بسببه ياطنط والله
زينب بشفقه:طيب تعالي معايا ياحبيبتي.. احكيلي عملك ايه بس.. علشان تعيطي كده
حنين بدموع ليسا:حا حاضر
“واخدتها زينب الي الصالون علشان يتكلمو سوي ”
حنين بتأثر:بس ياطنط.. هو ده الي حصل.. يرضيكي بقي الي عملو فيا.. دنا حتي بنت كيوت واموره اوي.. على البهدله دي
وفي الخارج وصل مروان عند الفله **
“نزل من عربيته وهو تعبان اوي من الشغل ”
مروان بتعب:ازيك ياعم رمضان.. عامل ايه النهاردا
توتر رمضان اول ماشاف مروان قدامه:انا..انا كويس يابني الحمد لله.. وانت
مروان بشك:في ايه ياعم رمضان.. مش على بعضك كده ليه.. حصل حاجه في غيابي يعني
رمضان بتوتر:لا مفيش.. بس.. بس حصل
مروان بمقاطعه:حصل ايه انطق.. ماما كويسه طيب والا ايه
رمضان بلع ريقه بخوف:لا الهانم كويسه خالص.. بس بصراحه في بنت اجت تعيط هنا من شويه.. عاوزه الهانم وانا شفقت عليها بس.. وخلتها تشوفها انا اسف
مروان بعصبيه:انت ازاي تعمل كده.. منغير ماتقولي حتي.. مش انا منبه عليك متدخلش حد غريب.. ياعم رمضان
رمضان بتأسف:انا.. انا اسف يابني.. بس صعبت عليا اوي.. فدخلتها هي دلوقتي دخلت.. من شويه بس
مروان بغضب:ماشي ياعم رمضان.. انا حتصرف معاك بعدين.. ابعد خليني اشوف مين دي.. الاول
“ودخل بسرعه مروان الفله وهو خايف على مامته ”
وفي الصالون جوه **
زينب بشفقه:بس.. بس يابنتي.. خلاص حنحلها متخافيش.. ان شاء الله خير انا معاكي
حنين بدموع:شكرا اوي ياطنط.. انا مش عارفه اقولك ايه بجد.. وااا
دخل عليهم مروان فجئه بغضب:حنين.. انتي اجيتي ازاي.. وبتعملي ايه هنا انطقي
حنين بتوتر بعد ماشافته قدامها بشكل ده:شوفتي.. شوفتي ياطنط.. اهو قال حنين بلسانه قدامك.. يعني يعرفني زي ماقولتلك.. والاعتراف سيد الادله مش كده ياحظابط
مروان بعصبيه:انا سئلتك سؤال.. بتعملي ايه هنا عند ماما.. انطقي احسلك
حنين بخوف:بصي ياطنط.. بيهددني قدامك كمان.. ومش عامل اعتبار لحضرتك حتي
زينب بغضب لمروان:مروان احترم نفسك.. وشوف بتعلي صوتك قدام مين.. انا مامتك والا انت نسيت
مروان بغيظ:انا مقصدش والله ياماما.. بس انتي متعرفيش مين المجنونه دي.. دي مكان مابتكون لازم يحصل مصيبه.. صدقيني
حنين بتمثيل:اهئ.. اهئ.. سمعتي ياطنط بيقول عليا ايه.. قدامك وانا حبيبته.. عاوز يرميني بعد ماضحك عليا.. بحبه الواهم.. أهئ.. أهئ
مروان بصدمه:ضحكت عليكي باأيه ياختي.. وانا قولتلك امتي.. ياحنين اني بحبك اصلا.. وو
حنين بمقاطعه:سمعتي ياطنط.. اهو ظهر الحق.. وقال بلسانه كمان انه بيحبني.. علشان تصدقيني بس
زينب بصرامه لمروان:زي ماضحكت عليها.. ووعدها انك تتجوزها.. حتتجوزها يامروان فاهم
مروان بغيظ:وانا وعدها امتي بس.. ياماما دي كذابه والله بس متصدقهاش.. “ثم نظر الي حنين بغضب”.. وانتي.. لو مقولتيش الحقيقه فورا ياحنين.. انا حدخلك الحجز.. ومش حطلعك زي المره الي فاتت.. فاهمه انطقي فورا
حنين خافت استخبت خلف مامته تتحامى فيها:سمعتي ياطنط.. عاوز يحبسني كمان.. بعد ماأخدني لحم ورماني عضم.. بس انا مش خايفه غير على ابنه.. بس يبقى في الأخر رد سجون.. بسبب بباه
مروان وزينب بصدمه مع بعض:أبنه؟!!!
حنين بتكمله ودموع:اه ابنه.. مانا بعد ماقولتله على ابنه.. حطني في الحجز ياطنط.. وطلعت منه اجيت هنا علطول.. علشان تلحقيني منه انا اهلي صعايده وعندهم.. التار او العار وممكن يقتلوني.. لو عرفو انا في حمايه.. اهل الحكومه هنا اه
زينب بتأثر:لا وانا طبعا ميرضنيش.. ان حفيدي يحصل فيه كده يابنتي.. هو غلط وحيصلح غلطه ده.. وأيده فوق قفاه كمان.. والا ايه يامروان باشا
مروان بصدمه مكنش متوقع تطلع بجرائه دي ابدا:لا والله كده كتير.. هي كبرتها اوي اوي.. انا حتي مقربتش منها بالغلط حتي.. علشان يحصل كده.. ووالله حربيكي على الكذب ده ياحنيين الكل*ب
زينب بعصبيه:مرووان الزم حدودك.. مفيش بنت حتقول كده على نفسها ابدا.. وبعدين انا قولت الي عندي.. وانت حتتجوزها.. يعني حتتجوزها.. وكمان يوم الجمعه الجاي حنطلبها من اهلها.. وده القرار الأخير
مروان بغضب اكبر:بقى كده ياماما.. بتلوي دراعي ماشي زي ماتحبي.. “ثم نظر لحنين التي تختبئ خلف امه بخوف واكمل”..وانتي ياحنين.. والله انا حعرفك ازاي.. تكذبي الكذبه دي كويس.. انا لا انتي يامجنونه.. وحنشوف
” وخرج وهو خلاص حيفرقع منها ومن مصايبها الي مش بتخلص دي ”
خرجت حنين من خلف مامته بخوف ليسا منه:ياااه.. الحمد لله مشي.. دنا قلبي وقع مني والله من الخوف.. شويه كمان وكونت حعترف بكل حاجه من نظرته دي.. انا مش عارفه قدرت اعمل كده ازاي.. بس مش زودنها.. شويه ياطنط كده عليه
زينب بمكر:لا متخافيش ياحبيبتي.. انتي كونتي ممثله شاطره اوي.. وانا عارفه ابني مروان طبعه صعب.. وانا ياما حاولت معاه.. علشان يجوز بس هو رافق ده.. بس بعد الي قولتهولي.. كان لازم اتصرف برضو
فلاش باق قبل حضرو مروان **
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية جنون حنين)
