رواية جنون الحب الفصل الثاني 2 بقلم سحر حسين
رواية جنون الحب البارت الثاني
رواية جنون الحب الجزء الثاني
رواية جنون الحب الحلقة الثانية
ملك روحت البيت وهي كانت منهاره من العياط وقولت لمامتها ……..
ملك : ماما لو سمحت ممكن متتكلميش معايا في موضوع الجواز ده تاني انا هتجوز لما يجي وقته ومش كل حاجه تقوليها لعز الدين بعد ازنك .
الام : يا بنتي انا عايزه افرح بيكي وعز الدين ده زي اخوكي وهو قالي أنه هيتكلم معاكي .
ملك : ماما انا معنديش اخوات وهو مش اخويا ولا حتي زاي انا مليش غيرك انتي وبس .
الام : يا حبيبتي انا عايزه اطمن عليكي قبل ما اموت نفسي اشوفك عروسه .
ملك : انا عايزه اكون مهندسه الاول وان شاء الله انا هعملك اللي انتي عايزاه كله بس واحده واحده .
الام : انا لسه هستني تكوني مهندسه .
ملك : يا ماما يا ماما علميني انجح في الدنيا واعتمد علي نفسي صح مش يبقا كل همك هو الجواز وبس يا ماما ونبي .
الام : طيب يا حبيبتي انا معاكي في أي قرار هتخديه .
ملك : اترمت في حضن مامتها وعيطت جامد متشكره اووي يا ماما ربنا يخليكي ليا يارب .
***********************
عند عز الدين :
عز الدين روح البيت وهو مخنوق جدا جدا من اللي حصل وكان مصدوم من كلام ملك ودخلت عليه في الغرفه أخته منه .
منه : مالك في اي شكلك متغير .
عز الدين : مفيش حاجه سبيني لوحدي دلوقتي .
منه : خلاص يا عم براحتك انا غلطانه .
عز الدين : بقولك اي يا منه .
منه : عايز اي .
عز الدين : هي ملك في حد في حياتها .
منه : ونبي انت بتهزر .
عز الدين : في أي يا بنتي ما تقولي .
منه : ملك بتحبك انت من زمان اووي .
عز الدين : يعني انتي كنتي عارفه .
منه : نعم يا بني باين عليها اووي ده كفايه الخناقات اللي كانت بتعملها مع البنات بسببك انت .
عز الدين : خناقات اي دي .
منه : اي دي كمان متعرفش عنها حاجه مش معقول يعني .
عز الدين : اخلصي قولي .
منه : طيب براحه بص يا سيدي لو في اي بنت معجبه بيك بس ملك كانت تضربه علقه موت .
عز الدين : اي لا والله .
منه : اه والله وكانت علي طول تقول انك حبيبها المدرسه كلها كانت عارفه طيب اقولك على حاجه .
عز الدين : قولي .
منه : ملك مسجله رقمك باسم حبيبي .
عز الدين : يااااا لدراجاتي .
منه : اه والله ويمكن اكتر من كده كمان انت فعلا حب حياتها انت حب الطفوله ايوه يا عم ماشيه معاك حلاوه .
عز الدين : اتنيلي اديني عكيت الدنيا وانتي ازاي متقوليش حاجه زي كده .
منه : نعم اقولك اي انا قولت انك عارف .
عز الدين : عارف اي بس منك لله يا بعيده .
منه : وانا مالي انا انت اللي تعك وانا اللي اتشتم .
عز الدين : لا وانا عكيت الدنيا جامد .
منه : بص يا ابني بجد انت مش هتلاقي حد يحبك اووي كده دي بتعشقك يا ابني وبصراحه مش عارفه علي اي .
عز الدين : والله طيب اتفضلي بره بقااا .
منه : اه طبعا انا دلوقتي بره ماشي ماشي .
عز الدين : بره .
*************************
منه طلعت بره وعز الدين كان قاعد بيفكر هي معقوله بتحبني اووي كده لا وانا غبي وكسرت قلبها طيب واي العمل بقا كنتي بتضربي البنات يا مجنونه وانا كنت بقول البنات كانت بتبعد عني ليه طلع في مجنونه بتحبني .
هتعمل معاها اي بقا يا عز هتحبها ولا هتسبها خايف اسبها ملقيش حد يحبني اووي كده وخايف اكون معاها محبهاش انا وساعتها هيكون عزاب ليا وليها
يارب قولي اعمل اي بس ياربي عز ساب الموضوع علي ربنا ونام ……..
*****************
تاني يوم :
عز الدين نزل هو ومنه وكانت ملك نزله . ….
منه : صباح الخير يا ملك .
ملك : صباح النور يا منه يلا بينا عشان المدرسه .
عز الدين : صباح الخير يا ملك .
ملك : عملتي اي يا منه في الدرس بتاع امبارح .
منه : بستغراب درس اي .
عز الدين : وهو بيضحك امبارح كانت اجازه يا ملك .
ملك : منه لو اخوكي هيوصلك همشي انا .
منه : نعم انتي كل يوم كنت بستنيه اشمعنا انهارده .
ملك : معلش كنت غبيه هتمشي معايا ولا لا .
منه : انا مش فاهمه حاجه خالص .
عز الدين : طيب روحي يا منه معاها وانا همشي وراكو .
منه : والله ما فهمه حاجه خالص .
ملك : مش مهم تفهمي حاجه امشي وخلاص .
منه : ماشي يلا .
*********************
وفعلا مشيت ملك ومنه قدام وكان عز الدين ماشي وراهم لحد ما دخلو المدرسه وبعدين هو راح علي الجامعه بتاعته .
المدرسه :
منه : اي مش مش هتقولي حاجه خالص .
ملك : عايزاني اقولك اي .
منه : قوليلي مالكو في أي .
ملك : مفيش حاجه اخوكي قالي انو مبيحبنيش بس .
منه : الغبي طيب انتي خلاص هتسبيه فعلا .
ملك : عايزاني اعمل اي طيب .
منه : اتمسكي بحب حياتك يا ملك .
ملك : يعني عايزاني اكون معاه وهو مش عايز ده قالي انا مش بحبك عايزه اي تاني .
منه : انا هقولك هنعمل فلم عليه .
ملك : فلم اي بس .
منه : مش عارفه بس لزم يحس انك هتروحي منه وانك اتغيرتي معاه بسبب واحد تاني .
ملك : واحد تاني مين بقا يا نصحه .
منه : اممممممممممم .
ملك : وبعدين بقا .
منه : بفكر والله استني بس .
ملك : فكري يا اختي فكري لما نشوف اخرتها معاكي اي .
منه : اقولك جاتلي فكره حلوه اوي .
ملك : قولي .
منه : انا هقوله أن في مدرس جديد معجب بيكي من المدرسه .
ملك : وبعدين .
منه : لا بصي نمشي خطوه بخطوه الاول هشوف بس هيعمل اي .
ملك : تفتكري ممكن يعمل حاجه اصلا .
منه : بصي انتي مش هتخسري حاجه انتي حطي في دماغك أنه هو مش بيحبك وخلينا نشوف هنعمل اي .
ملك : يا منه انا فكرت كده هموت مش هعرف اعيش من غيره والله انتي مش متخيله انا بحبه اد اي .
منه : يا بت يا بت اتقلي شويه وانا والله هخليه يجري وراكي .
ملك : ياريت يا منه ياريت .
منه : وربنا هو غبي وانتي اغبه منه عشان بتحبي واحد زاي اخويا ده .
ملك : منه .
منه : نعم .
ملك : متشتمهوش تاني بعد ازنك .
منه : تصدقي يا بت انتي مهزقه والله وتستهلي اللي بيعمله معاكي .
ملك : بردو متشتمهوش .
منه : ماشي يا اختي يلا عشان نروح بقا .
ملك : طيب يلا .
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية جنون الحب)
