رواية جميلة وشياطين الأرض الفصل الثاني 2 بقلم منال عباس

رواية جميلة وشياطين الأرض الجزء الثاني

رواية جميلة وشياطين الأرض البارت الثاني

رواية جميلة وشياطين الأرض الحلقة الثانية

يستكمل جابر الحديث مع احمد
جابر : بما أن البنت فى النهايه ملهاش غير بيت جوزها انا قررت ..زى ما المثل بيقول أخطب لبنتك ولا تخطب لابنك …والحقيقه يا احمد يا ابنى انت معزتك عندى زى ولادى بالظبط ودا خلانى اتعشم واقولك انى عايزك تخطب جميلة بنتى ..
احمد بفرحة : بجد يا عمى الحاج ..انا مش مصدق نفسي ..دا يوم المنى ..انا كان نفسي اطلب أيدها من زمان بس كنت منتظر تخلص الثانويه العامه علشان ما عطلهاش. عن المذاكرة ..
الحاج جابر : كدا يبقي مفيش اختلاف
احنا نقرأ الفاتحة ونعلن الخطوبه ..للكل وبعد الثانويه العامه نعمل حفلة كبيرة وتلبس جميلة شبكتها … بقلم منال عباس
احمد : وانا موافق دى ماما هتفرح اوووى
جابر : انا عارف ان الست سميرة بتحب جميلة ودا مخلينى مطمن اكتر عليها ..ومش هوصيك على جميلة من بعد مماتى
احمد : ربنا يعطيك العافيه والعمر كله
انا هدخل افرح جميله
جابر : اتفضل يا ابنى واعمل حسابك تجيب اهلك بكرة ونقرا الفاتحة
احمد : أن شاء الله
طرق احمد باب حجرة جميله ..
فتحت جميلة حجرتها بابتسامه
جميلة : انا جاهزة يا آبيه ومحضرة كتبي وانتظرت تنادى عليا علشان اجيلك
احمد وهو ينظر إليها بعيون عاشقه اخجلت جميلة لتنظر إلى الأرض من شدة الخجل
احمد : طب تعالى نقعد فى الصالون وعندى ليكى خبر
جميلة : خير يا آبيه
احمد : ما بلاش كلمه آبيه دى يا جميله
احنا مش اخوات
جميلة بتكشيرة : ليه كدا ..هو انا عملت حاجه غلط .. بقلم منال عباس
احمد : لا …بس الحقيقه يا جميلة انا مش شايفك اختى انا شايفك حاجه تانيه
جميلة : تقصد ايه ..انا مش فاهمه حاجه
احمد : اقصد يا جميله ..أن بكرة واغمض عينيه ثم أكمل بتنهيدة تحمل الفرح من قلبه ..هجيب بابا وماما ونيجى نطلب ايدك
فتحت جميلة عينيها بذهول ..
جميلة : بجد يا آبيه ..
احمد : وبعدين بقي قولنا مفيش آبيه
جميلة بخجل : طب اقول ايه
احمد : قولى احمد وبس …ثم الأهم دلوقتى عايز اعرف رايك ايه
نظرت جميلة بخجل للأرض : الرأى رأى بابا ..
أمسك احمد وجهها ورفعه إليه لينظر فى عينيها الرائعتين
احمد : عمى جابر موافق …نقول مبروك
جميلة بصوت متقطع وبفرحة تبدو فى عينيها موافقه
احمد بسعاده : بحبك
جميلة : وانا كمان
احمد : معقول اللي سمعته وداني بجد يا جميله
جميلة : بجد يا احمد
احمد : انا اسعد واحد في الدنيا
يلا بينا نذاكر علشان بكره تفضي لقراءه الفتحة…
كان هناك حب طاهر بين جميلة وأحمد أنه الحب العذري بين هذين القلبين
لا يدريان ان هناك من يخطط لافساد ما بينهما بكل الطرق … بقلم منال عباس
عند هنيه
هنيه : ايه اللي بتقوله ده يا حاج ازاي يعني بقى اتفضل احمد على اخويا
جابر بصلابه : وش جاب لي جاب بقى انت عايزه تساوي المهندس احمد ومعيد قد الدنيا في الجامعه باخوكى
هنية بكره : بس اخويا كسيب هو بقى عنده بدل الورشه اثنين
جابر : خلاص انا اديت كلمه لاحمد وبكره قرايه الفاتحه واقفلي على الموضوع ده
هنية بوعيد : ماشي يا حاج اللي تشوفه
وقررت أن تفرق بينهما بأى وسيلة
فهدفها هو تدمير تلك الفتاة …
فى صباح يوم جديد على أبطالنا
تستيقظ تلك تلك الجميله تبتسم بفرحه لان اليوم هو اليوم الموعود لقراءه الفاتحه على احمد فمنذ ان فتحت عينيها على الدنيا لم ترى احد سوى احمد فقد تمنته كثيرا ولكن خجلها جعلها تداري كي لا يفتضح امرها انه الحب العذري الحب الاول لكل فتاه تعشق في صمت حفاظا على نفسها ها هي الجميله يعوضها الله بان الشخص الذي احبته يبادلها نفس المشاعر اغمضت عينيها وتمنت ان تكون والدتها زهره موجوده في هذا اليوم كم تمنت كثيرا ان تكمل فرحتها بوجود والدتها وللاسف ليس كل ما يتمناه المرء يدركه … بقلم منال عباس
قامت من سريرها اخذت شاور واستبدلت ملابسها وارتدت اسدال الصلاه وصلت فرضها ودعت الله ان يحفظها من كل سوء فلا زالت تلك الرؤيا التي قصت قصتها والدتها عليها لا زالت تؤرقها…
هل سيكون الحظ موعدها ام للقدر رأى اخر ..ظلت تفكر فى تلك الرؤيا حتى قطع تفكيرها رنين هاتفها
جميلة : الو ..
الطرف الآخر : ايوا يا جميلة الحقينى
جميلة بقلق : وائل ..مالك يا حبيبي بتتكلم منين ورقم مين دا
وائل : ده رقم واحد صاحبي قولي للاسف انا سافرت مع اصحابي يومين بس الفلوس كلها اتسرقت ومش عارف اعمل ايه اتصرفي يا جميله وابعتي لي اي فلوس عندك انا مش هقدر اطلب فلوس من بابا ولا ماما انت عارفه كلامهم ضروري تبعتي فلوس النهارده
جميلة : بس يا وائل انت عارف مصروفي قد ايه وكمان بابا هقول له ايه انا مش بخرج … بقلم منال عباس
وائل : اتصرفى وخلاص يعنى عايزة اخوكى الوحيد يتبهدل
جميلة : طب خلاص ..انا هتصرف ..
وائل : حولى الفلوس على الرقم دا
المهم ما يقلش عن الف جنيه
جميلة بتنهيدة : ربنا يسهل وأغلقت الهاتف
وذهبت لوالدها
جميلة بخجل :بابا بعد اذنك ينفع اخد فلوس علشان اشترى شويه حاجات علشان قراءة الفاتحة
لترد هنيه ليه أن شاء الله ..هو انتى ناقصك حاجه تكونيش فاكرة نفسك السفيرة عزيزة
جابر هنيه الزمى حدودك ..وأخرج من جيبه الكثير من المال وأعطاه لابنته
جميلة لا كفايه الف بس يابابا وأخذته وشكرته وخرجت لتذهب إلى أحد المحلات لتحول النقود لأخيها
صاحب المحل ويدعى خالد رجل فى أواخر الثلاثين متزوج ولديه ابنه ولكنه
ينظر إلى جميلة برغبه
خالد والله كبرتى يا جميلة وخراط البنات خرطك خرطه التمام
جميلة لو سمحت عيب الكلام دا
وأعطته رقم التحويل إليه
خالد هو اخوكى دا مش هيبطل
اتصل عليا وقالى انك جايه …
جميلة شئ ما يخصكش وأعطته النقود وتاكدت من تحويل النقود إلى وائل .. بقلم منال عباس
وغادرت المكان بسرعه
خالد فى نفسه والله ما هضيع الجمال دا كله من بين ايديا …واتصل على هنيه ليخبرها ما حدث
هنيه يعنى الفلوس اللى اخدتها من ابوها كانت علشان وائل ..بقي البت الخبيثه دى عايزة تكسب ود ابنى علشان يكون فى صفها نجوم السما اقرب لها ..
خالد بخبث طب واللى يخلصك منها
هنيه دا يوم المنى
خالد يبقي اتفقنا …وأيدى فى ايدك
مضى اليوم والان موعد حضور أسرة احمد
سميرة بسعادة وزغاريت
سميرة تعالى يا بنت الغاليه وأخذت جميله في احضانها مبروك يا حبيبتي انا ما تعرفيش قد ايه فرحانه ..ربنا يسعدكم يا رب ويتمها لكم على خير
جميلة شكرا يا خالتى
سميرة من هنا ورايح تقولي لي يا ماما انت
خلاص بقيتي خطيبة الغالي
جلسوا جميعا لقراءة الفاتحة
واخرج أحمد علبة من القطيفه الحمراء
ليخرج منها دبله الخطوبه ويضعها بكل حب فى اصبع جميلة حتى يعلم جميع الناس أنها أصبحت خطيبته
مر اليوم بكل هدوء وللاسف أنه الهدوء الذى يسبق العاصفه …
فى صباح اليوم التالى
هنيه بقولك ايه يا حاج ..قوم علشان تفطر
جابر لسه بدرى سيبينى انام شويه
هنيه طب خد اشرب كوبايه اللبن دى
ونام
جابر انا عارف انك مش هتبطلى زن
واخد كوب اللبن وشربه دفعه واحدة وعاد لنومه …
خرجت هنيه من الحجرة لتتصل على خالد .. بقلم منال عباس
خالد هه عملتى ايه
هنيه عملت كل حاجه زى ما قولت بس انا خاېفه حد يكشفنا
خالد روحى دلوقتى اقعدى مع جميلة
واتكلمى معاها حلو علشان محدش يشك فى حاجه …
هنيه طيب سلام
دخلت هنيه لحجرة جميلة لتجدها ساجده تصلى لربها
انتظرتها حتى انتهت
هنيه خودى يا جميلة السلسله دى
جميلة سلسله ايه دى
هنيه دى هديه خطوبتك ..اوعى تكونى فاكرة انى مش فرحانه ليكى
انتى اخت ابنى وزى بنتى وحضنتها
لتصدق تلك الجميلة هذه الكاذبة
هنيه اول ما تخلصى ثانويه عامه هروح اجيبلك الجهاز اللى تشاورى عليه .. بقلم منال عباس
شكرتها جميله ظنا منها أنها تغيرت …
مضى أكثر من ساعتين
جميله باستغراب هو بابا اتاخر فى النوم كدا ليه
هنيه مش عارفه يمكن علشان سهر امبارح
جميلة طب هروح اصحيه علشان يلحق يفطر قبل صلاة الجمعة
تدخل جميله حجرة والدها وتملس على خده كما تعودت كى يستيقظ ولكن هذه المرة ….