رواية جميلة حد الفتنة (حياة حمزة) الفصل الخامس والعشرون 25 بقلم رحمة نبيل
رواية جميلة حد الفتنة (حياة حمزة) الجزء الخامس والعشرون
رواية جميلة حد الفتنة (حياة حمزة) البارت الخامس والعشرون
رواية جميلة حد الفتنة (حياة حمزة) الحلقة الخامسة والعشرون
يارب ميعديش إنهارده إلا و إحنا حاسين بشعور الأيه دى “فَاستَجَابَ لَهُ رَبُه ” ♥️🌍
صَلَاةُ اللهِ مِلءَ الأَرضِ تَترَىٰ
عَلَيكَ وَتَرتَقِي مِلءَ السَّمَاءِ
نَبِيٌّ حَازَ عِندَ اللهِ قَدرَاً
وَمَن كَمُحَمَّدٍ فِي الأَنبِيَاءِ 💚
نظر حمزه لمرآه السياره بدقه ولاحظ ان هناك سياره تتبعه منذ خرج من المشفي لم يهتم للامر في البدايه ولكن وجد انها مصره علي قطع طريقه والاصطدام به من الخلف بعنف زفر حمزه وكاد يتوقف ليصرخ به ولكن وجد احد يخرج من نافذه السياره ويوجه مسدسه له
وفي ثانيه كان حمزه ينحرف بسيارته بطريقه أثارت ضجيج وتذمر باقي السائقين قاد حمزه بسرعه كبيره في عكس الاتجاه حتي كاد يتعرض لحوادث عديده
نظر خلفه وجد السياره تلحقه فابتسم ببرود وضغط اكثر ليسرع بينما خلفه في السياره كان أحد الرجال يتحدث/ بسرعه اخلص الحقه ليهرب مننا
تحدث للذي يقود بخبث / تؤ تؤ انا سايبه بمزاجي
تحدث الاخر بتعجب / احنا هنهزر لو الواد ده مماتش احنا اللي رقبتنا هتطير
تحدث رفيقه وهو يشير لمكان بعيد / أنا بس عايز ابعده عن الزحمه والعربيات عشان نشتغل علي نضيف هطلعه علي الطريق الصحراوي وهناك نتصرف معاه فهمت يا غبي
ابتسم الاخر بخبث / ده انت دماغك الماظ يخربيتك
بينما حمزه كان فقط يفكر في الإبتعاد عنهم وعندما وجدهم يبطئون نظر لهم بشك هل استسلموا بهذه السهوله لا يعتقد ذلك
نظر امامه لطريقه وابتسم بسخريه والان فهم بماذا يفكرون يريدون ان يبتعدوا به عن السيارات الاخري وفي ثانيه كان حمزه ينحرف بسيارته ويغير اتجاه مجددا وقاد سريعا حتي أصبح مقابل السياره التي تلاحقه ولكن عكس الاتجاه مر حمزه بحانبهم ثم غمز لهم وهو يضحك بشده وانطلق بسيارته بسرعه كبيره وهو يتخطاهم صرخ أحدهم بهياج / آه يا شيطان يا ابن ال……. الواد ده ايه يخربيت كده
تحدث الاخر بتفكير / اتصل بعشري وقوله الهدف قرب منك
نظر له صديقه بتعجب فابتسم الاخر بخبث / عشري مستني عند نهايه الطريق الفرعي بعربيه هو ورفاعي قوله الهدف في طريقه ليك
صرخ الاخر باعجاب/ يخربيت دي دماغ يا أخي هات دماغك ابوسها
ابعده الاخر بانزعاج / اخلص اتصل بيهم قبل مايهرب وابعت ليهم مواصفات العربيه بتاعته
فعل الرجل الثاني ما أمره به الأول
وبالفعل عند مفترق طريق فرعي يؤدي للطريق الرئيسي الذي يقود به حمزه كانت تقف سياره من النوع الجيب تنتظر سياره حمزه التي اخذت مواصفاتها
بينما حمزه كان يحاول الوصول لعامر وهو يتحدث / الو عامر بقولك اسمعني الأول بس في طريق المستشفي وانا راجع من……
توقف حمزه وتوقف الزمن وهو يشعر بسياره تخرج من شارع جانبي وتصطدم به من الجانب وبشده
انتفض عامر وهو يصرخ / حمزه حمزه انت سامعني حمزه
نهض احمد وتحدث بارتعاش وخوف / فيه إيه يا عامر
نظر له حمزه برعب وركض للخارج تحت ضجيج الجميع الخائف كان عامر يركض مثل المجنون وخلفه احمد يصرخ احمد الذي كان يرتعش خوفا / حمززه ماله يا عامر اخويا ماله
انتفضت مليكه التي كانت تجلس بالحديقة مع ادهم وأسر وتحدثت بتوتر وهي تري عامر يركض للخارج / عامر ماله حمزه يا عامر اتكلم
لم يجب عامر ودموعه تهبط بشده فهو سمع صوت اصطدام شديد وصوت حمزه وهو يتلو الشهاده برعب
يشعر بقلبه يتصدع من الرعب علي اخيه
وققت مليكه في وجهه وصرخت به بنبره مخيفه / حمزززززه ماله يا عامر جووووزي حصله ايه
همس عامر برعب / كان بيكلمني وقالي انه في طريق المستشفي وراجع وفجأه……
مليكه برعب / فجأه ايه انططططططق جووووزي حصله ايه
امسكها ادهم / اهدي يا مليكه
مليكه بجنون وهي تبعد يده ولا تعي شئ / جوزي حصله ايه
عامر ببكاء / سمعت صوت حادثه وعربيات وصوت حمزه وهو بيتشاهد سمعت همسه المرعوب صوته الخايف وهو بيقول الشهاده
احمد بانهيار / اخويا……..
عامر ببكاء وأمل والعائلة كلها خرجت خلفهم / مش عارف هو فين معرفش حصل ايه يمكن مش هو يمكن الحادثه جانبه صح الحادثه جنبه مش هو
نظرت له مليكه بهدوء مخيف ونظرت لادهم وتحدث بهدوء مخيف / ادهم عايزه جوزي
نظر لها ادهم بهدوء / طب اهدي وانا….
قاطعته مليكه وهي تتحدث بحده / عايزه جوزي اتصل باي حد اعمل اي حاجه واعرفلي هو فين دلوقتي عايزه جوزي يا أدهم
مسح ادهم وجهه بشده ثم اخرج هاتفه واجري بعض الاتصالات وعاد لها / بعت رجالتي تمشط طريق المستشفي كله وتشوف لو حصل حادثه ولا حاجه اهدي
في نفس الوقت دخل رامي والذي كان عند الطبيب ليفك جبيرة قدمه ومعه ياسمين وسعديه
تحدث رامي وهو يري تجمع الجميع بالخارج / هو فيه إيه
لم يجب احد بينما كانت مليكه صامته بشكل مخيف حتي صرخت فجأه بهياج / ااااااااااه
لم تتحمل تقسم انها حاولت ولكن الأمر لم يعد محتمل لقد زاد الحمل والوجع عند هذا الحد انهارت وهي تصرخ اكثر / ااااااااااه ياااااارب
نظر لها الجميع برعب بينما أسر ركض لها وجذبها بعنف لاحضانه وهو يحاول تهدئتها حتي هدأ ارتعاش جسدها و بعد مرور دقائق
آتي اتصال لادهم من احد رجاله فانصت الجميع بجديه فتحدث ادهم / اتأكدت انه هو تمام تمام اتولي انت كل حاجه عندك لحد ما اجي
اغلق الهاتف ونظر للجميع وعلي وجههم نظرات متلهفه وخائفه تحدث بهدوء وهو ينظر لاخته /هو كويس وفعلا للأسف حصل ليه حادثه واتنقل لاقرب مستشفي اللي هي فيها ام فاروق
لم يكد يكمل كلامه حتي وجد مليكه تركض لسيارته وهي تجذبه خلفها بعنف وتصرخ به / وديني هناك بسرعه يلا
لم يكد ادهم يجيب حتي وجدها تصعد لسيارته وتنظر له بشر فانطلق لها وقاد سيارته وخلفه باقي الشياب والعائلة كلها الجميع مرعوب قلوبهم تكاد تخرج من مكانها من كثره الخوف
وهنا واخيرا سقطت دموع مليكه بشده وهي تتخيل
إصابته تتخيل خوفه في لحظات وعيه الاخير
تحدث ادهم بهدوء وحنان / خلاص يا مليكه رفعت قالي انه كويس صدقيني.
بكت مليكه وهي تنظر له بعدم تصديق / انت بتكدب عليا عشان ابطل عياط صح
مسح ادهم علي وجهه بضيق وأسرع بسيارته تحت بكائها المستر
بعد مرور دقائق وصل الجميع المشفي هبطت مليكه من السياره بسرعه كبيره وركضت للداخل وخلفها ادهم وأسر واحمد الذين وصلوا قبل الجميع كانت تركض في الممرات وهي لا تعرف أين تذهب كانت تبكي بتشتت تبكي مطالبه بحضنه الان وصوته يهمس لها أنه بخير وان كل شئ سيكون بخير تريده وبشده تريد الشعور بروحها مجددا
شعرت بيد ادهم تجذبها لاحد الاتجاهات فسارت معه وهي ترتعش بخوف وذهب بها لاحد الغرف فنظرت له بتعجب من المفترض أن يذهبوا لغرفه العمليات نظرت له وتحدثت بلهفه / ادهم رايح فين حمزه في العمليات تعالي…..
لم تكمل كلامها بسبب سماعها لصوت حمزه المولول / كله منك انت وصينيه البطاطس بتاعتك يا ام سعاد
آه ياشبابك يا زينه شباب الحاره ام سعاد المره الجايه هتجيب أجلك يا حبيبي والتالته تابته ياخويا آه ياني ياما اقول عليكي ايه يا ام سعاد اقول ايه عماله تقولي طول بعرض آه ياني آه يا مسكين ياللي بقي طولك عرضك وبقي عرضك ارنفاعك آه يا خويا ام سعاد المره الجايه هتتفحم بسببها وشي القمر اتشوه
لم يفق حمزه من تذمره سوي علي صوت رامي وهو يتحدث بغباء / هو مين اللي عمل حادثه لا مؤاخذه هو فين الحادثه دي
نظر حمزه لهم ببسمه غبيه /اهو يا خويا اصلي لقيتك هتفك جبس رجلك قولت طلاق تلاته ما يحصل لازم حد يتجبس في بيتنا فقولت من باب التغير بقي اجبس ايدي
عشان الرجل بقت موضه قديمه
زفر عامر براحه وهو يصرخ به / يا أخي يلعن…..
صمت وهو يضم شفتيه بغيظ / ادعي عليك يحصل فيك ايه اكتر من كده
حمزه بمزاح / وتدعي ليه بس استني اول ما اقوم ام سعاد تديني قصيده مدح ترقدني مكاني تاني.
ام سعاد بتذمر / انت بتتريق ياض طب ده مفيش حاجه سندتك وقوتك في الحادثه دي زي صينيه بطاطس البت سعاد بنتي عارف لولاها كنا طلعناك مطحون من العربيه
حمزه وهو يضرب يده السليمه بيده التي تحتوي علي جبيره بحركات مثل النساء الكبيره / يا ختي بلا وكسه بصينيه البطاطس اللي بتذليني بيها من يوم ما اتولدت سعاد دي معموله بسكر دي لزقت في سقف بقي وكنت هبعتلها فرقه إنقاذ تنزلها خليني ساكت بس مش عايز اتكلم
ضحك احمد بشده بعدما تجاوز صدمته / لا والنبي تتكلم يابني
حمزه بجديه / خلاص يابني دي أسرار ناس برضو يعني مثلا ممكن ادهم يكون حابب يتجوز سعاد ولا حاجه ويغير رأيه
نظرت ام سعاد لادهم ببسمه واسعه / قصدك الواد القمر اللي طول بعرض وعنده عضلات ده
نظر لها ادهم بتعجب ثم حول نظره لحمزه وهو يتحدث / طول بعرض.؟؟؟
حمزه بضحك / معلش أصلها بتحب الأبعاد الهندسيه آوي
ثم نظر لام سعاد / اهو ده بقي يا ام سعاد مقولكيش طول بعرض بارتفاع بحجم بكتله باي مصطلح هندسي تحبيه وايه كمان مريش وهيجيب بطاطس لسعاد كتير وسكر عشان تعمل صواني بطاطس كتير ومش كده وبس المعلم بوشكاش محفوظ بيضحي الواد زي ما انتي شايفه كده أمور وعيون زرقه وعضلات وحاجه اللهم صلي علي النبي وهيبه كده تهد جبال وعليه عقل ماشاء الله يتوزن بدهب وكمان يبقي اخو المدام يعني ابن عمي وقريبي
ام سعاد ببسمه وسعاده / يا خويا ابن عمك ولا ابن خالتك اهي حاجه من ريحتك وخلاص اما اروح انادي البت سعاد تشوفه دي هتفرح آوي
ضحك حمزه بشده وهو ينظر لملامح ادهم المصدومه مما يحدث بينما انفجر الجميع ضحكا علي حمزه وحديثه / واخيرا لعنة ام سعاد وسعاد هتترفع من عليا واعيش بسلام اقترب منه ادهم بغضب / يا أخي اتوكس اتوكس انت تخلص منها وتلبسها ليا
ضحك ادهم بشده وحشره / ولد انت اوعي تقرب انا تعبان آه اديني بقولك اهو
ثم تسطح بألم اكثر وهي يقول /آه يا ني تعبان
ثم نظر لهم/ يلا اطلعوا بره وسيبوني ارتاح
تحدث أسر بتذمر / يا أخي أنت عديم الدم ده حنا كنا هنموت من الرعب عليك ومليكه كانت هتموت من الخوف
انتفض حمزه بسرعه مما جعله يتأوه وهو ينظر حوله فهو لم يلمحها او يسمع صوتها / مليكه هي فين مجتش ليه
تحدث أسر وهو ينظر للخارج / هي جات بس بره
حمزه / طب اطلعوا يلا وخليها تدخل ولو حد جه قوله اني تعبان ومش هقدر اشوف حد
ضحك الجميع عليه وخرجوا وبالفعل ثواني وكانت مليكه تدخل وعينها متعلقه به همس حمزه باسمها / مليكتي
وفي ثواني كانت مليكه تركض له برعب وخوف
اندفعت مليكه لاحضانه بعنف مما جعله يتألم بشده ولكن ضغط علي شفتيه ليكتم تأوهه الشديد وضمها اليه بضعف رغم الآمه الشديده
بكت مليكه بشده وتحدثت / اللي بيحصلنا ده عمل سفلي او لعنه فراعنه لا يمكن يكون حسد أبدا يا حمزه لا يمكن.
انفجر حمزه ضاحكة وهو يضمها اليه قدر ما استطاع بسبب يده ثم همس / اشششش انا بخير والله بخير متقلقيش
هدأت مليكه تحت همساته التي استمر حمزه ببث الأمان بها والحنان ثم تحدث بعد صمت طويل/ تعرفي ايه اللي كنت بفكر فيه وقت الحادثه
ورغم ارتعاش اوصالها همست بصوت ضعيف / في إيه
ابتسم حمزه وهو يرفع وجهها له وينظر لها بعشق / كنت بحمد ربنا جوايا ميت مره اني مستنتكيش او اني اخدتك معايا ربنا يعلم لو كنتي معايا كان ايه اللي ممكن يحصلي انا وقتها لو مكنتش مت من الحادثه كنت هموت من الرعب عليكي من اول ما العربيه اتخبطت فيا حمدت ربنا انك فضلتي في البيت واني سيبتك ومشيت لوحدي الحمدلله يا مليكه والله كنت هموت ليها لو كنتي معايا واتخدشتي خدش واحد
رفعت مليكه وجهها له ونظرت له بمشاعر لا يمكنها التحكم بها ولأول مره تقترب منه وتقبل خده بحنان وحب
صدم حمزه مما فعلته وشعر بقلبه يصارع للخروج من صدره ولكن تفاجأ من شعوره بسائل دافئ علي وجنته ابعد وجهها عنه وجدها تبكي فضمها بشده فتحدثت هي بدموع / كنت هموت يا حمزه من غيرك كنت هموت انا عايشه ليك حياتي كلها انت محورها انا مليش حاجه اعيش ليها في الدنيا اوعي تسيبني يا حمزه في يوم والله اموت
ضمها حمزه ببسمه عاشقه / طول ما فيا نفس وربنا كاتب ليا عمر عمري ما هفكر اني ابعد ولو لثانيه وواحده يا مليكه قلبي ودنيتي
نظرت مليكه لعينه بأمل وهي تربت علي لحيته ببسمه /هنعدي كل ده وهنقعد سوا نضحك علي المشاكل دي كلها واقولك فاكر لما عملت حادثه وطلعت بدراع مكسور
ضحك حمزه بشده عليها وهو يضمها اكثر / هو انتي كان عندك امل في حاجه غير كده.
مليكه بحنق / أنا قولت اجي الاقيك في العمليات وانا أفضل واقفه بره وانا بصرخ وابكي واقول حمزه لا اوعي تسيبني وشويه ألاقي الدكتور خارج وهو حاطط وشه في الأرض ويقولي بعتذر بس هو وصل متأخر ومقدرناش نلحقه اقوم انا بقي مصرخه صرخه عاليه تخليني اشرب يانسون لأسبوعين واقع في الأرض وأفضل اقول يااااارب ياااااارب بعدين مره واحده اسمع صوتك في وداني وانت بتنادي عليا اروح رافعه عيني لاوضه العمليات ببطئ كده وفجأه والكل كان بيحاول يقومني ازقهم كلهم بقي واجري بالسلو موشن واصرخ واقول حمززززززززه وادخل ألاقي الممرضه بتحط الملايه علي وشك اقوم زقاها واصرخ بجنون بقي لا حمزه مامتش حمزه عااااايش حمزه عايش واروح اجري علي جثتك وأفضل ارزع فيها واهبدك في السرير واضربك بقي وأنا بصرخ واقول انت وعدتني متسبنيش يا حمزه ليه تخلف وعدك انت جباااااان قوووووم قوووم ياحمزه وبعدين اروح مرميه عليك اكتم نفسك وتشتغل في الخلفيه اغنيه ( كده كده ياقلبي يا حته مني يا كل حاجه حلوه فيا،،، كده كده تسيبني وتمشي
وبعد أن كانت متأثره وهي تقص القصه وتبكي بتأثر علي الاغنيه صرخت وهي تردح وتكمل الاغنيه / يعني إيه يعني خلاص انا مش هشوفك تآني
حمزه برعب وهو يعود للخلف / يابنت المجنونه
اكملت مليكه / مش هلمسك مش هحكيلك عن حاجه تعباني ياقليل الأصل
ثم عادت مليكه للتأثر وهي تكمل / وفي عز ما انا مرميه علي صدرك وكاتمه علي نفسك وببكي وانا بسمع صوت الست شيرين في وداني بقي تروح دمعه تتدحرج علي خدي ثم تسقط علي خدك وإذ فجأه
صرخت مليكه بآخر كلمة فعاد حمزه للخلف وهو يرفع حاجبه ويظن انها جنت تماما
فاكملت هي / إذ فجأه يظهر السر الإلهي وتفتح عينك وتقولي…….
قاطعها حمزه وهو يتحدث بسخريه / اوعي من علي صدري يا عجله عشان كتمتي نفسي صح؟؟؟؟
نظرت له مليكه بتحذير / اسكت يا حمزه وسيبني اكمل مش كفايه جيت لقيتك لافف دراعك بشاش وحطمت القصه اللي رسمتها وانا جايه في العربيه
حمزه وهو يكرمش ملامحه بتعجب وينظر للجبيره في يده / بشاش؟؟؟
اكملت مليكه وهي تتجاهل سخريته / تقوم انت فاتح عينك كده براحه وتقول بهمس عاشق متيم ومهووس وهائم ومحب و….
حمزه بمقاطعه / حيلك حيلك يا ستي ايه كل ده
مليكه وهي ترفع اصبعها / اخر مره هقول سيبني اكمل يا حمزه المره الجايه هحقق حلمي وادخلك العمليات ماشي
هز حمزه رأسه وهو يبتلع ريقه
فزفرت هي بضيق وهي تكمل / كنا فين آه تروح انت بقي بهمسه عاشق متيم مهووس وهائم ومحب و وواقع لشوشته
كانت تتحدث وتعيد الكلام بعناد وهي تعد علي يدها كل الصفات لمجرد العناد معه وتكمل / تقولي بصوت فاض عشقا لملاكك الحبيب الذي كدت تفقده للابد
حمزه بسخريه في نفسه / يا عنيا
مليكه وهي تكمل / تقولي مليكه حبيبتي ياااااه يا مليكه وحشتيني اوي اوي حاسس اني مشوفتكيش من سنين
حمزه ولم يستطع ان يمسك لسانه / ومجبتش سبح ومسك معايا مهو انا كنت في الحج بقي هو ايه اللي وحشتيني دول هما كام ساعه عمي اللي غبتهم
ضربته مليكه / تصدق انك شخص منعدم الاحساس يعني انا بشاركك أحلامي
ضحك حمزه بشده عليها وهو يدفعها بقرف / غوري يابت ايه جو المسلسلات ده،،،، ده بدل ما تحمدي ربك اني كويس جايه زعلانه ان أحلامك الأوفر متحققتش
نهضت مليكه وهي تنزل نقابها وتعدل ثيابها / أنت الخسران أساسا وعلي فكره ده شغل روايات مش مسلسلات يا عديم الرومانسيه انت مبتشوفش البطل ده في الروايه بيبقي حاجه ايه يااااه جمال هيبه وطول بعرض
حمزه بحاجب مرفوع / طول بعرض هي أم سعاد خرطت عليكي
مليكه وهي تكمل بهيام / والا اما يشوف البطله راجل بيقرب منها يروح ضربها قلم ويمسك رأسها يضربها في الحيطه كده لحد ما يجلها ارتجاج في المخ بعدين يروح عطيها القبله اللي هي ويقولها وهو بيبص ليها بعشق انتي ليا انا وبس انتي فاهمه ليا
ثم نظرت لحمزه بملل وسخريه / بزمتك انت عمرك ضربتني في الحيطه ها عمرك
حمزه وهو يجاريها / هو لسه بس انا ضربتك بالقلم وعندي استعداد اكمل المشهد معاكي هنا انا رأيي نبدأ بالبوسه تعالي بقي
ابتعدت عنه مليكه بتذمر / بعد ايه بقي ده انت حتي يا جدع عمرك ما انتقمت مني وحبستني في محزن وجلدتني وعذبتني وتيجي تضربني عشان مش عايز تضعف وتحبني
حمزه وهو ينظر لها بتعجب / اعذبك واجلدك ايه يابنتي جو العبيد وكفار بني قريضه دول ده ناقص احط صخره كبيره عليكي وانتي تصرخي احدٌ احد
نظرت له مليكه وهي تبتعد / اتريق اتريق اصلك أساسا متعرفش الرومانسيه
حمزه وهو يتحدث بها بصوت مرتفع مصدوم / رومانسيه مين يابنتي اللي انتي بتقوليه ده مصارعه حره مش رومانسيه أبدا يخربيتك تعالي هنا يابت روايات ايه اللي فيها القرف ده خدي هنا
ركضت مليكه بعيدا عنه / وانت مالك بقي روايات ايه مش انت أساسا راجل معندكش ذرة رومانسيه يا جاحد يابو قلب حجر
حمزه وهو يضرب كف علي كف / بقي انا اللي كل حاجه ابتسم واضمك واطبطب عليكي وأفضل اضم فيكي لما هكسر ضلوعك دي ودايما امسح دموعك وأفضل اقرألك قرآن لحد ما تهدي واتكلم معاكي بحنان وحب وفي الاخر انا مش رومانسي عشان مش بطفي سجايري تحت باطك ولا برمي مايه نار علي وشك ايه هما غيروا كتالوج الرومانسيه أمتي أصل أنا الصراحه قديم مش متابع رومانسيه من ايام رومانسيه مُحمد وعائشه
ابتسمت مليكه بشده واقتربت من فراشه وامسكت يده السليمه بحنان وقبلتها قبله طويله أودعت بها كل حبها وعشقها واحترامها لهذا الرجل ثم فتحت عينها ونظرت في عينه بعشق تعدي حدود العقل عشق صافي وتحدثت بهمس وهي تنظر له / ربنا يديمك ليا يا حمزه يارب يديمك سند وأب واخ وصديق وابن وزوج وكل حاجه ربنا يديم ليا حنانك وحبك وقلبك الأبيض ده،،، قلبك اللي يقدر يسامح بكل سهوله مش ضعف لا دي قوه قوتك في طيبتك وحنيتك قلبك اللي قدر يتجاهل كل الماضي الخاص بيا بقرفه ومشاكله وعكس المتوقع بدل ما تسيبني وتسمعني كلام يموتني شدتني لحضنك وطمنتني انك عمرك ما هتسيبني ولما خرجت بدون نقاب وجيت اتعصبت عليا واول ما شوفت خوفي اتبدل لندم وحنان وشدتني لحضنك تعتذر رغم اني انا اللي غلطت ويوم الفيديو اللي كان مع اميره رغم كل عصبيتك مقدرتش تستحمل دموعي وقعدت تراضيني وكأنك انت اللي غلطت حتي يوم اللي حصل مع ملك وخوفك اللي عيشته لدرجه انك بكيت وفي الاخر جيت لقيتني في اوضتك الا انك كان عندك كل الحق في القلم اللي ضربته ليا وصدقني انا لو مكانك وعشيت خوفك ده انا كنت موتني بس انا وقتها مكنتش بفكر أبدا يا حمزه
شددت مليكه علي يده / طول الوقت كنت انت الدفي وانت السند وانت الحنان حبك ده ملوش مثيل يا حمزه حبك ده بيكون مره واحده في العمر حمزه انت حنانك وحبك يتدرس في كتب والله من اللي بشوفه واسمعه يعني القصص اللي كنت بكلمك عليها من شويه دي موضوع الضرب والاهانة والتعذيب وغيره عارف الموضوع بقي منتشر بشكل كبير في الروايات دي ومش كده وبس دي ممكن توصل ان البطل يغتصب البطله وفي الاخر تسامحه وترجع عادي حمزه بشوف بنات بتتمني انه حد يحبها كده يعذبها ويبهدلها ويطلع عين اللي خلفوها وفي الاخر يحبها ميعرفوش ان الحب قبل ما يكون مشاعر فهو حنان وأمان وسند وقلب يضمك وقت خوفك وايد تمسح دموعك وقت حزن ووش يضحك ويشاركك ضحكتك وقت فرح للأسف هما ميعرفوش ده كله لان معندهمش حمزه ولا حب زي حب حمزه ولا قلب صافي وابيض زي قلب حمزه ولا حنان زي حمزه
ابتسم لها حمزه وهذه المره امسك هو يدها وقبلها بعشق وتقدير لهذه الزوجه التي رزقه الله / وهما لو عندهم مليكه ولا براءه مليكه ولا ضحكه مليكه ولا مشاغبه مليكه ولا جمال مليكه ولا طيبه مليكه ولا حنيه مليكه كانوا هيعذبوهم أشك في كده ياقلبي
تعرفي يا مليكه مشكلة معظم الشباب اللي بيدور علي حب انه دايما بيدور علي قصه حب اسطوريه يحكي الكل فيها بيدوروا علي حب روميو وجوليت او عنتره وعبله او قيس وليله بس هما نسيوا ان فيه قصه حب اكبر واعظم من كل ده وان لما ندور ندور علي حب مُحمد وعائشه الرسول يا مليكه كان من أكثر رجال الأرض رومانسيه وحبا للسيده عائشه صلي الله عليه وسلم كان قدوه في كل شئ حتي الرومانسيه والحب رغم كل اللي الرسول كان بيواجهه الا ان ده مكنش مانعه يحب السيده عائشه ويدللها تعرفي كان بينادي السيده عائشه ويدللها ويقولها ( يا عائش) عشان كده اللي بجد عايز حب يدور عن حب محمد وعائشه عن حبهم اللي حتي الان لم يذكر التاريخ له مثيل
ادمعت عين مليكه تأثرا / حمزه
ابتسم لها / قلبه
مليكه ببسمه وهي تهمس له / بحبك.
حمزه وهو يضمها اليه بحنان وعشق / وانا بحبك وبعشقك
ابتسمت مليكه وهي تشدد عناقه بعيدا عن يده المصابة واستمروا هكذا لدقائق حتي قاطعهم طرق الباب فابتعد حمزه وهو ينزل نقاب مليكه ويعدل حجابها الذي أظهر بعض خصل شعرها وهو يتحدث / لحظه لو سمحت
بعدما انتهي ابتسم لها وقبل خدها من فوق النقاب ثم اذن للطارق بالدخول فدخلت العائلة كلهم وخلفهم رامي وهو يضحك / بص عطلتهم علي قد ما قدرت والله
ضحك حمزه وهو ينظر لوالدته التي تركض اليه وتضمه بحنان / حبيبي حصلك حاجه عملت الحادثه دي ازاي بس انت دايما بتسوق براحه
ابتسم حمزه وابعدها عنه وهو ينظر لوجهها بحب / والله ياست الكل انا بخير هو بس كام جرح سطحي في وشي وايدي متجبسه وبس
ثم نظر للجميع الذين انهالوا عليه بالاسئله فتحدثت مليكه وهي تقطع حديثهم / طب حمزه هرجع انا البيت اجيب لبس ليا وليك عشان ابات معاك انهارده
نورا برجاء / لا انا اللي ابات معاه انهارده يا مليكه
مليكه ببسمه / يا ماما يا حبيبتي مينفعش عشان ضهرك هتنامي فين بس
حمزه بحزم / وانتي كمان يا مليكه مش هتابتي هنا الدكاتره والممرضين هيفصلوا داخلين خارجين وانت كل شويه تفضلي تنزلي النقاب احمد او رامي او اي واحد من الشباب هيباتوا هنا ومفيش بنت او ست هتفضل هنا
كادت مليكه تتحدث وتعترض فقاطعها حمزه بنظره تعلمها / خلص النقاش يا مليكه
صمتت مليكه بحزن وهي تنظر له وانقضت الليلة واصبحت الساعه العاشره فغادر الجميع وبقي احمد بعد شجار مع الجميع بأن يجلس هو وعاد الباقون مع وعد بالعوده غدا
صعدت مليكه لسياره ادهم وعادت معه وهي تحمد ربها ان هذا اليوم انتهي علي خير وبدون حزن بينما ادهم كان يتمتم بضيق علي أم سعاد وابنتها اللتان لم تتركاه منذ خطت قدمه للمشفي ضحكت مليكه علي ملامحه بشده
ووصل الجميع للمنزل وعندما دخلوا ذهب كل واحد لغرفته بينما مليكه صعدت مع أسر لشقتهم ورغم بسمتهم الا ان الجرح الذي خلفته والدتهم التي وعدوا أنفسهم بعدم التفكير به مازال ينزف وبشده اتفق أسر مع مليكه ان يجد لوالدته شقه قريبه منهم مع أعطائها مبلغ شهري فمهما فعلت ستظل والدتهم لم يتخطي اي منهم الأمر ومازال ما حدث صباحا يعاد أمامهم دخل أسر لغرفته بدون كلمه واحده واغمض عينه وسقطت دموعه بألم وجرح كبير في كبريائه ورجولته لقد اساءت والدته لهم جميعا وليس لنفسها فقط لم يشعر بنفسه سوي وهو يحمل الهاتف ويتحدث فسمع صوت ياسمين من الجهه الاخري / ابعدي يا سعديه يا حبيبتي ابعدي عني بدل ما ابعدك من الدنيا كلها خليني اعرف اتنيل اتكلم
زفرت ياسمين بضيق ثم تحدثت / الو يا أسر
ولكن لم تسمع رد فقط شهقات هي كل ما تسمع تحدثت بفزع وخوف / أسر انت بتعيط
ابتعدت ياسمين ودخلت لغرفتها وهي تتحدث بفزع شديد / أسر بالله عليك رد ريحني
لم تسمع شئ سوي علو شهقاته اكثر وصوت بكائه
بكت ياسمين دون وعي ودون حتي معرفه ماذا يحدث فقط تبكي لبكائه تبكي لوجع قلبها لأجله
تحدث أسر من بين شهقاته العالية / كسرتني يا ياسمين كسرتني ودمرتني حرمتني امي حرمتني اني ارفع عيني في عين ابويا واقوله عايز امي حرمتني شعور اني يكون ليا امي كسرتني بالقوي طول عمري حاسس نفسي يتيم من غير ام او اب بس علي الاقل كنت بصبر نفسي واقول كفايه أنهم موجودين جانبي كنت بضحك علي نفسي بس دلوقتي خلاص يا ياسمين كسروني وجرحوني وبقيت يتيم بالمعني الحرفي يا ياسمين كسروني يا ياسمين.
كان يبكي ويشكي لها وكأنه طفل يشكي لأمه ما يحدث وياسمين فقط تبكي بشده وهي لا تعلم ماذا تقول هي لا تفهم شئ سوي ان الامر متعلق بوالديه اخذت ياسمين تحاول تهدئته انها بجانبه ستكون والدته ان اراد ولكن فقط يتوقف عن البكاء
بينما أسر كان يستمع لها بدموع وألم حتي هدأ بكاءه مع الوقت واخذ يستمع لها ويهدأ حتي هدأ تماما وصمت وذهب في نوم عميق بينما ياسمين نظرت للهاتف وبكت بشده فشعرت بسعدية بجانبها تجذبها لاحضانها بحنان وهي تربت علي ظهرها / متعيطيش يا بنتي انا هخليه يصلح غلطته ويتجوزك هو مفكر عشان انتي خدامه معفنه ملكيش أصل ولا فصل يبقي هيفلت بعملته ونسيبه لا ده احنا حتي الكلاب بنحن عليها يبقي مش هنحن علي الخادمين بتوعنا
ضحكت ياسمين من بين دموعها وهي تضم نفسها لاحضان سعديه اكثر وتهمس لها / يمكن مقولتش كده من قبل بس شكرا ياسعديه عن كل ثانيه وقفتي جنبي فيها وكنتي حضن ليا وسند وأم
RAHMA NABIL 美心
كانت مليكه بغرفتها تجلس علي سجاده الصلاه وهي ترفع يدها وتدعي الله بدموع ان يهدأ قلب أخيها ويدخل الراحه لقلبه وان يديم لها كل حبيب وصل لمسامعها صوت بكاء أخيها فازدات دموعها بشده وهي تهمس / ربنا يسامحك يا ماما يارب ربنا يسامحك ويغفرلك
سمعت مليكه صوت رنين هاتفها فامسكته وجدت رساله وصلت لها فتحتها وجدتها من ملك وبها صوره لسياره حمزه المدمره ومكتوب اسفلها ( دي بس مجرد رد فعل وقرصة ودن عن االي هيحصل ليكم لو عايزه تتجنبي اللي ممكن يحصل ليكم تعاليلي علي العنوان ده……ولو اتأخرت هتعتبر دي دعوه اني انهي حبيب القلب خالص)
نظرت مليكه للرساله بشر ثم ألقت الهاتف بعنف وركضت وارتدت ثيابها وفتحت خزانه والدها وأخذت مسدسه الخاص وخبئته في ثيابها وخرجت اخذت مفتاح سياره أسر الذي القاه باهمال علي الطاوله فور دخوله أخذته وخرجت بسرعه كبيره دون حتي تردد كان الغضب يقودها اذا المتسبب في ذلك هو ملك سوف تقتلها هذه المره صعدت للسياره وقادتها بعنف لهذا المكان البعيد وبعد ساعه وصلت وهبطت من سيارتها وجدت ملك تقف بجانب سيارتها بكل برود فركضت لها بسرعه مخيفه وقبل ان تعي ملك شئ جذبتها مليكه بعنف من شعرها والقتها أرضا وصرخت بها / خلاااااااااص كل فرصك عندي خلصت يا مللللللك خلاااااااااص جبتي اخررررك
ثم ضربت رصاصه بجانب رأسها وهي تنحني وتهمس بجانب رأسها / حمزه لا يا ملك سامعععععععععة حمزززززة لاااااااااااا
صرخت مليكه وهي ترفع مسدسها في هذه المنطقه النائيه في وسط الظلام بملك / خلاااااااص يا ملك خلاااااااص النهايه انكتبت يا ملك وانا اللي هكتبها بأيدي دي انا سامحتك كتير وكنت الطيبه بس طالما دور الطيبه مش نافع فميش مانع اكون انا الشرير في القصه دي يا ملك
نظرت لها ملك الملقيه أرضا بارهاق وضحكت بشده / مهما حاولتي هتفضلي مليكه الطيبه الهبله اللي الكل ضحك عليها اضربي يا مليكه اضربي انا مش خايفه
نظرت لها مليكه بعيون تطلق شرار /للأسف انتم اللي قتلتوا مليكه بايدكم ودلوقتي بقي استعدوا للجحيم اللي فتحتوه علي نفسكم
لم تكمل مليكه ما تقوله فوجدت نفسها محاطه بعدد كبير من الرجال نظرت لهم بسخريه وصرخت وهي تصفق وتضحك مثل المجنونه / اووووووه آتنين او…. من بعض اجتمعوا برافو يا ملك يا اختي اتنقلتني من مرحله القذاره لمرحله الوس…..
ثم بصقت عليها وصرخت وهي تدور حول نفسها / ايهااااااب يا ايهااااااب يا اسيوطي اطلع وواجهني بدل ما انت بتستخبي ورا رجالتك
ثم صرخت بجنون / اطلع يا ايهااااااب اطلعععععععععع
سمعت صوت صفقه من خلفها وصوت ضحكات كريهه / اوووه برافو يا مدام مليكه عرفتيني بسهوله يااااه مبهور بيكي والله عنده حق حمزه يموت عشانك ست بميت راجل وشرسه زيك يدفع عمره عشانها.
ابتسمت مليكه بطريقه مخيفه وأطلقت رصاصه بذراعه فصرخ بألم شديد وصرخت هي بهياااااج / قسما بربي لاوريك جهنم علي الارض.
صرخ إيهاب برجاله وهو يمسك زراعه / امسكوها انتم بتتفرجوا عليا يا اغبيه انتم
اقترب رجال إيهاب من مليكه بسرعه فصرخت بهم / اقسم بربي االي هيقرب مني لكون مفرغه المسدس في دماغه سامعيييييييين
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية جميلة حد الفتنة (حياة حمزة))
