رواية جميلة الرعد الفصل الرابع 4 بقلم آلاء محمد
رواية جميلة الرعد الجزء الرابع
رواية جميلة الرعد البارت الرابع
رواية جميلة الرعد الحلقة الرابعة
فضلت اتنطط من الفرحه لقيته قرب مني وقالي _فيكي حاچه مختلفه عن الناس كلها انا معرفش ايه هي
ضحكت ضحكه الرقاصات حجي =هيهيهيييييي جذابه بقي ياعمده هقول ايه ربنا يحميني
_اسكتي الله يخرب بيتك ايه الضحكه داي
فضلت اضحك علي منظره وهو بيبص ليكون حد سمعني وطبعا احب أقولكم أن الشارع كله سمعني شدني من ايدي طلعنا ف حته كده الجبل عاليه بس تحتيها كلها زرع فضلت ابص علي جمال المنظر سبحان الخالق بجد=المكان ده حلو اوي يارعد
لقيته باصصلي وسارح فضلت انادي عليه =رعد يارعد
_نعم
=بنادي عليك
_معلشي سرحت كنتي بتجولي ايه
=كنت بجول أن المكان اهنه حلو جوي
_وه وه بجيتي بتتكلمي زيينا
= تخيل بقالي كام ساعه هنه لو قعدت شهر هبقي عامله ازاي
هبهركم
ضحك علي هبلي _اجولك علي حاجه
وانا سرحانه ف ضحكته اللي خاطفه القوي دي=قول
_اول مره اجيب حد معايا اهنه ده مكاني الخاص محدش يعرفه
بهزار=اوعي تكون ياعمده زي الولاد اللي عندنا اللي بيقولوا انتي اول واحده احبها انتي اول واحده اجبها هنا انتي اول واحده اعمل معاها كده يابت انتي مراتي والشغل ده
ضحك_دول مينتموش للرچاله بصله اللي يستغل البنات بعد محبوهم ووثجوا فيهم ميبجوش رچاله الراچل اللي بچد اللي يوعد يوفي اللي ميعملش الغلط ف بنات الناس من الاول علشان كما تدين تدان يابنت عمي
=كلامك جميل زيك يابن عمي عموما كلامك فوق راسي
اسالك سؤال بس متزعلش
_جولي
=اللي لاحظته ف قعدتي معاكم انهارده انك ملكش اختلاط بحد من العيله ساكت مبتضحكش ليه مخلي الناس تاخد عنك فكره وانت مش كده
_بصي يا بنت عمي انا من ساعه متولدت وابويا علمني ابجي جاسي مشاعري اتخلص منها ابجي راچل كنت أما اعيط أو ازعل أو حتي اضحك من جلبي يجولي الرجاله متبينش مشاعرها ف الفرح والحزن فعلشان أكده لو حاجه حصلت كنت نفسي تحصل من زمان ابجي فرحان وطائر من الفرحه بس چوايا لو خسرت شخص أو حد بحبه ابجي حزين وهموت أكده من الجهره بس من بره انا ساكت صلب مش بيتجصر بحاچه اقولك حاچه
هزيت راسي بالموافقه_انا ساعه وفاه ابوي كنت بموت من جوايا بس من بره ولا كان حاجه حصلت هادي وصلنا زي مانا لدرچه أن الناس فكرت أن انا فرحان ف ابويا وبجوا يخافوا مني و يشوفوني جاسي وبارد متجصرش فيا حاچه لدرچه اني بجيت اتعامل علي هذا الأساس فهمتي يا بنت عمي
الصراحه اتاثرت سيكا من كلامه اللي هو أنت متستهلش أن الناس يشوفوك كده انت احلي واجمل وألطف من كده
=بص يابن عمي مش مهم الناس شيفينك ازاي المهم انت فعلا ازاي ربك رب قلوب انت طيب وجمل وحنين ولطيف عكس كل اللي انت بتقوله ده عيزاك تعرف كده
_فعلا انا كده
=كده ونص كمان ياعمده
فضلنا اليوم كله نتمشي ونحكي ونشرب عصاير الوقت معاه بيمر بسرعه النظره ف عينه بتفصلني عن الكووووووون هو غير كل اللي ف الكووووووون اصلا هو جميييل
بابا رن علينا كان الوقت ليل واحنا محسناش بالوقت روحنا البيت اتعشينا معاهم وطلع كل واحد علي اوضته علشان ننام طلعت غيرت وطلعت من البلكونه اشم هوا اليوم متعب وجميل اوي سفر وسواقه وخروج وجري ولعب يوم مليان تفاصيل انا مش هقدر اوصف جمال اليوم بجد احلي يوم ف حياتي حرفيا
لقيت حد بيقولي _اتجشمي ياجميله
انا اتخضيت وخوفت اللي هو أنت منين صوتك ده فين لقيت راس طالعه من البلكونه اللي جنبي وكان رعد
=ف ايه يارعد خضتني
_شعرك ياهانم احنا اهنه ف البلد مش ف البندر ياهانم
حسست علي راسي طلعت جري لبست الحجاب وطلعت تاني
=معلش ماخدتش بالي غيرت وطلعت علطول
_خدي بالك بعد أكده لحد يشوفك الحمدلله أن الدنيا ليل ومحدش شافك غيري
=لا والله علي اساس انك عادي انك شوفت شعري ياعم روح نام بقي
ضحك_انا ولا حد غريب يشوفوا
=ولا انت ولا حد غريب مش هتتكرر تاني اصلا
_ماشي
لقيته شغل اغاني علي الكاست
“وقابلتك انت لقيتك بتغير كل حياتي معرفش ازاي حبيتك معرفش ازاي ياحياتي من همسه حب لقتني بحب لقتني بحب ودوب ف الحب 🎶
سرحت مع الاغنيه حسيت ان الاغنيه تنطبق علي اللي حصلي اول أما قابلت رعد اول أما عيني جت ف عنيه حاجه شدتني ليه جميييل بشكل لا يوصف انا حاسه اني بقع ودي مش حاجه لطيفه بالمره
فضل يغني مع الاغنيه وشاورلي أن انا كمان اغني فضلنا نغني وندندن مع الاغاني لحد الفجر أما إذن
_الوجت چري بانت عمي
=تصدق محستش بيه
_وانا كمان تصبحي علي حاجه حلوه شبهك
الكلمه رشقت جوه قلبي رشق ياجماعه ياعم روح وانت واخد قلبي معاك كده هو ف حد لطيف كده بجد
=تصبح على حاجه شبه روحك جميله ونقيه
ابتسملي ابتسامه اتحفرت جوايا حرفيا
ودخلنا نمنا صحيت الصبح لقيت صاحبتي نيره رنه عليا
قولت مش مهم هبقي اتصل بيها وقت تاني علشان الفطار جهز
لبست جلبيه ادتهالي ليل وحجاب ونزلت صبحت عليهم قد ايه حسه بدفي مش قادره اتخطاه العيله شئ جميل اوي انا مكنتش حاسه بيه قعدنا نفطر تحت نظرات رعد ليا اللي بحاول اتخطاها علشان ميغماش عليا من الكسوف والكل لاحظ نظراته دي واحنا بنفطر لقيت بابا بيقولي -نيره اتصلت بيا
=انا لقيتها اتصلت بس قولت لما اخلص فطار نبقي اتصل بيها ف حاجه ولا ايه
-قالتلي أن دكتور ماجد عامل ليكوا امتحان بكره وقال اللي مش هيحضر هيسقط السنه دي
انا اتصدمت امتحان ايه ده لسه فاضل كتير عليها اصلا اه يا دكتور ماجد ال…..
-فهنتطر نمشي يا جميله بقي
نمشي نمشي يعني ايه احنا مقعدناش غير يوم انا حبيتهم لا متعملش فيا كده ليه لما احب حاجه لازم ابعد عنها يغور الامتحان قصاد شعور الدفئ والحب اللي حساه هنا انا مش عايزه امشاااااااي طبعا لاني عيوطه واسمي طبق الدموع مقدرتش امسك نفسي وعيط
كل اللي ف القاعده فضل يطبطب عليا ويقولي ان اخلص الامتحان واجي تاني كل ده وانا مستنيه كلمه واحده من رعد تطبطب علي قلبي وهو ملامحه كالعاده خاليه من اي تعابير مش عارفه اذا كان فرحان ولا حزين طلعت الأوضه لميت حاجتي وانا بلملم نفسي معاها قد ايه انا كنت جايه تقضيه واجب علشان بابا ودلوقتي انا اللي مش عايزه تمشي قد ايه يوم او ساعه بتغير حيات الواحد ١٨٠درجه قد ايه هما يتحبوا لدرجه اني اتعلق بيهم ف ٢٤ساعه قد ايه يابخت وجودهم طول السنين دي مع بعض نزلت بعد ملميت حاجتي انا وبابا والحارس بتاع الدوار وداهم العربيه وسلمنا عليهم وطبعا عيطنا لأننا عيله كئيبه
وصلت عند رعد مديت ايدي بالسلام سلم عليا وقال _تروحي بالسلامه يا بنت العم ربنا معاكي ويحفظك
فضلت ابص ف عينه جامد يمكن الاقي نظره ترجي او حنيه بس ملقتش بصيت عليه لاخر لحظه وانا بتأمل شكله علشان احفظه =سلام يابن عمي سلام يارعد
سبته وركبت العربيه وانا مخنوقه ينع*ابو ده دكتور ودي جامعه
وصلنا البيت بليل بعد طريق طويل وانا اللي سايقه اختلاف تام بين المرواح والمجي كنت انا وبابا واحنا رايحين بنغني وترقص واحنا راجعين حالين من اي مشاعر والحزن مالي قلوبنا بابا دايما بيحب يدعمني قولته خليك ف البلد وانا هخلص اللي ورايا واجيلك صمم يبقي معايا قالي مسبكيش لوحدك احساس الامان مبحسهوش غير مع بابا هو الحنيه الي بجد
طلعت اوضتي حطيت حاجتي وانا بفكر فيه وف ملامحه الجميله اللي شبهه
مرت الايام وانا بفكر فيه معييش حتي صوره ليه هو بس ف ذاكرتي
حياتي بقت دايما ف الجامعه ومحاضرات وامتحانات واخر قرف اخيرا انهارده اخر يوم هخلص اخيرا من السنه الهباب دي
طلعت بعد مخلصت الامتحان وانا خارجه سمعت صوت هز قلبي وعقلي هزني انا كلي _جميله
ببص لقيت…..
************چميله اسم علي مسمي كل حاچه فيها چميله رجيجه مختلفه جدرت تغير جلبي وتخليه يحب بعد مكان جاف احلي يوم ف عمري يوم لجاها واوحش يوم ف عمري يوم ما مشيت احساس مريب لما تحس ان حياتك ابتدي يبجي ليها شكل ولون وفجاه احساسك ده يروح ف الهوا اه هيا ممكن ترچع بس ياعالم هي هتعوز ترچع تاني ولا لا ودعنا كان ملئ بالمشاعر بس مش باين منها حاچه انا من چوايا بمووووت واجولها متمشيش وچودك محلي الدنيا بس من بره ساكت بارد كالعاده احساس انك مش جادر تعبر عن اللي چواك علي جد ما هو ف بعض الأحيان حلو علي طد ماهو مخيف مع الوجت عدي شهر علي بعدها وانا جلبي وروحي معاها جررت اروحلها بعد ماعمي جال إن اخر يوم امتحان عندها انهارده لبست وروحتلها الچامعه اول أما شوفتها روحي ردت تاني جلبي نبض بعد مكان سكن وقولت بقول شچن وحب_جميله……
*************
_جميله
ببص لقيته هو بس ايه ده فين العبايه والعمه ده لابس قميص ابيض وبنطلون فين رعد ياعم انت مين الاه
كان ساند علي العربيه الچب الجامده اوي بصراحه وفاتح اول زراير القميص وعامل شعره لفوق كان اخر حلاوه وطعامه الولا رعد ده
روحت لحد عنده وانا ببص ومش مصدقه نفسي _انت مين فين رعد
ضحك جامد وقال بتناكه مزيفه _انا رعد يا جميله مالك انا عارف اني قمر مش لازم تقوليها يعني
=وه وه انت بتتكلم عادي زينا اهو
ضحك بعلو صوته والبنات عماله تبص عليه واللي تغمزله اروح اجيبها من شعرها المهزقه دي ولا اعمل ايه بس
فتحت العربيه ودخلته جواها بالزق
=انت ازاي تجيلي كده عجبك كده والبنات عماله تبص عليك
بابتسامه ممزوجه مع مكر_بتغيري عليا ولا ايه ياجميلتي
=انا ابدا طبعا استحاله وبعدين ايه جميلتي دي بطل ياولا بقي
بهزار_ولا ايه يابت اتعداي اني العمده ولا نسيتي
=ابدا ابدا يا عمده حجك عليا
_سماح المراضي بجولك ايه يا عسل انت
=جول
_بحبك وعايز اتجوزك
=الاه الاه حد يخض حد كده ياجدع
_هاه قولتي ايه اخلصي
=ايه قولتي دي انا عايزه التاني ابو عبايه وعمه مش ابو قميص وبنطلون انا عايزه العمده عايزه البلد والعيله
_بس كده من عيني العمده يحضر حالا يا حبيبت وروح جلب العمده
=حبيتك من اول لحظه
_حبيتك وملكتي قلبي من اول نظره
=جيب المأذون يلا مفيش وقت للتفسير
وام كلثوم ف الخلفيه بتقول (وقابلتك انت لقيتك بتغير كل حياتي معرفش ازاي حبيتك معرفش ازاي ياحياتي من همسه حب لقتني بحب لقتني بحب ودوب ف الحب 🎶)
تمت
لقراءة الرواية كاملة اضغط على : (رواية جميلة الرعد)
