رواية جمعهم الحب الفصل السابع والثلاثون 37 بقلم أبطال الروايات
رواية جمعهم الحب الجزء السابع والثلاثون
رواية جمعهم الحب البارت السابع والثلاثون
رواية جمعهم الحب الحلقة السابعة والثلاثون
لكن تنبس قدس: وانا كمان بحبك
قصي بصدمه كبيره: ايييييه قولتي اي؟!!!
قدس بتهرب:انتي بتعملي اي ياحيوانهه انتي برا
غادرت مروة المكتب بغضب وهي تحلف لهم بالانتقام
قصي بضحك:يابنتي كفاية انتي طلعتي شعرها في ايدك كفاية
قدس بغيرة:ولو ولو برضو لازم اموتهااا …مشوفتهاش وهي عمالة تتلزق ثم اكملت وهي تقلدها مستر قصي اعملك حاجة تشربها اعاااااا ملزقههه…ثم اكملت بعصبية وانت ازاي سايبها تقرب منك كدا ياستاذ
قصي بخوف مصطنع:في اي ياما انتي بتقلبي مرة واحدة كدا ليههه ..وبعدين ع فكرة انا بعدتها وقولتلها اطلعي برا هي اللي باردة…وبعدين خدي هنا انتي متعصبة اوووي كدا ليههه..غيرانهه مثلا
قدس بتوتر:اغير …اغير ليه ولا من مين
قصي بغمزة: لا مش من مين قصدك علي مين
قدس:ع عادي علي فكرة انا مش بطيق البت دي مش اكتر…وبعدين هغير عليك علي اي
قصي:عشان انا قمور او مز مثلا والبنات كلها بتحبني وشخص جميل
قدس بتريقة:جميل بالستر ياخويا اقعد
قصي بتفكير:لاثانية انتي كنتي بتقولي اي هنا
قدس فنفسها:احيههه احيههه عليا دا انا عمالة اغطي علي الموضوع وفي الاخر افتكررر …ياحزنييي اقوله اي
قدس:هنا هنا فين انا مقولتش حاجة
قصي ببتسامة:لا قولتي انك بتحبيني
قدس: انا! انا بابا كان عايزني انا هروح اهو.
ثم تركض من امامه للخارج.
ــــــــــــــــــــــــــــــــــــــــــــــــــــــــــــــــــــــــ
عند تميم وجويريه.
جويريه: كان يوم اسود يوم ما اشتغلت كان مالي انا قاعده ف بيتنا يقطع الحب وسنينه.
تميم بتعجب: اي الي دخل الحب ي كتكوته.
جويريه تنظر له بفزع: انت بتهبب هناا اي مانت بتدخل زي الطوور من امتي بتدخل براحه…..وبعدين اي كتكوته دي يلاا اي التلزيق ده.
تميم: برااحهه براحهه اهدي انا هطلع مسمعتش حاجه ولا قولت حاجه.
جويريه ب هدوء عكس قبل قليل: استني ي تيمو متسبنيش اقعد لوحدي عشان زهقت.
تميم: بدل ما تيمو يبقي خلاص انا قاعد.
جلس تميم مع جويريه يتبادلوا الاحاديث.
بعد قليل نظر لها تميم وهي منسجمه فالكلام تتكلم وتضحك بحريه نبرة صوتها,ضحكتها, واخيراا عيونها الزيتونيه الفريده من نوعها.
مع موسيقي شاعريه قادمه من ال لا مكان واضاءه خافته وانسجام تميم مع عيونها الزيتونيه.
تميم: عيونك….ثم اقترب من وجهها كثير.
لم ينبس ب كلمه حتي حط كف يديه علي وجها محرج من هذه الاجواء الشاعريه واعاده الي الحياة الواقعيه.
جويريه باندفاع ووجه محمر: تميم انتت قليل الادبب ادي تربيهه كندا اهيي…….مش عشان عملت شعري كحكه ولبست سبونج بوب ابقي سهله لا ي عيونييي.
تميم وهو يضع يده علي فمها: اخرسيي يخربيتكك خلاااص انا ابن جزمه عشان عبرت خلقتك.
جويريه: علي فكره هقول لخالتوا ضحي.
في نهايه اليوم وقبل الغداء عاد الجميع الي المنزل كانت فريده نائمه بعد ان عادت من امتحانها.
عمر دخل من المنزل بدون اي سلام.
عمر: هاا ديده عملت اي.
ندي بضحكه جانبه هي تلاحظ منذ فتره طويله مشاعر عمر لفريده.
ندي: دخلت نامت قالت انها حلت كويس
عمر براحة:طب الحمد لله
ندي:جورررري
جويرية بكسل:نعم ياندوش
ندي بتريقة:نعم الله عليكي ياختي روحي نادي حور من الجاردن برا وصحي فريدة عشان الغدا
جويرية:لا انا هنام
ريناد:قومي اطفحي وخشي اتخمدي
جويرية:يلااااهوي علي حب الناس عمري ما جربته في ام البيت دا
عمر وهو يحدف جويرية بالوسادة:اييي خلااص بالعة راديو اتخمدي ولا شوفي هتغوري فين وانا هروح اناديهم
جويرية:عليا الطلاق يلا انت ماعديت عليك التربية
عمر:سبتهالك ياختي
ريناد:انت بتغلط فيا انا يابن الواطية
عمر وهو يتجه من مكانه الي فوق:بنتك اللي جيبالك الكلام…وبعدين انا طالع عقبال ماتخلصوا
عمر وهو يدق الباب:فيرو
فريدة بملل:اتفضل
اتجه عمر وجلس بجانبها
عمر:عاملة اي في الامتحانات
فريدة بتعب:كويسة
عمر بقلق:مالك انتي كويسة في حاجه
فريدة:ارهاق من المذاكرة مش اكتر
عمر :طب خلاص ريحي النهاردة وابقي ذاكري بكرا
فريدة:لازم اذاكر لان دا اخر امتحان وابرد امتحان بجد
عمر :مش مهم المهم صحتك ويلا بقي كفاية كلام عشان ننزل نتغدي عشان انا كلاب بطني بتهوهو
فريدة بضحك:بتهوهو ازاي يعني هي مش كان المفروض تصوصو
عمر وهو يشدها ويخرج:لا انا عندي بتهوهو ويلا عشان شويههة وهتجعر
فريدة:اشطا يلا
ـــــــــــــــــــــــــــــــــــــــــــــــــــــــــــــــــــــ
كانوا يجتمعون جميع العائلة في أجواء مليئة بالدفئ والسعادة والمرح
قصي لجويرية:فوقي ياماا هتنزلي بوشك في الطبق
جويرية بنوم:ولا انا مش مستحملة خفة دمك انا عايزة اتخمد..انهت جملتها وذهبت في غفوة
وضحكوا عليها الجميع بمرح
فريدة بضحك:اوعي القطر
جويرية بنوم:اتريقي اتريقي والله كلوا هيطلع عليكي بس لما افوق
حور:مالك شبه الفرخهه المدروخة كدا ليهه
جويرية ببكاء مصطنع:كلوا من اخوكي منههه لله تقريبا اداني ملفات الشركة كلها اخلصهالوا انهاردة…كان مالي انا ومال ام الشغل
تميم:اومال عايزة تاكلي وتنامي زي الفرخة الراقدة
جويرية بصدمة:فرخة راقدة!!جبتهااا منين دي الله علي تربية كندا
تميم بغمزة:انا اعجبك برضو
سليم بتحذير:طب ناكل ولا ايه الحكايههة
جويرية بتوتر:طبعا ناكل مناكلش ليهه
بعد ان انتهوا من الطعام
ــــــــــــــــــــــــــــــــــــــــــــــــــــــــــــــــــــــــ
في الجاردن
عمر بتوتر:جماعههة انا عايزة اقولكوا حاجه
سيف وهو عيونه ع فريدة:بلاش ياعمر دلوقتي
حسام:ولا في اي منك ليه ماتنطقوا
عمر بحذر:#####
فريدة بدموع:####
ــــــــــــــــــــــــــــــــــــــــــــــــــــــــــــــــــــــــ
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية جمعهم الحب)
