رواية جمعنا القدر الفصل الرابع والعشرون 24 بقلم زينب محروس

فى صباح اليوم الثانى كان مروان يرتدى ملابسه ليذهب الى عمله … وقدر تقف تنظر له
مروان : ايه يا حبيبتى بتبصيلى كدا ليه ؟
قدر : عملالك مفاجاة
ابتسم مروان واقترب منها ثم قال : مفاجاة ايه يا قدرى
ذهبت قدر الى الكوميد و فتحت الدرج الاول واخرجت منه علبة وتحركت الى مروان مرة اخرة
مروان : دى ايه ؟
قدر : غمض عينك
مروان :😂 غمضت عينى ايه بقى
قدر : ثوانى ….. ثم سحبت يده و كادت ان تخرج دبلته من يده و لكنه سحبها سريعا و فتح عيناه
مروان باستغراب: بتخلعى الدبلة ليه يا قدر
قدر : اخلعها بس
مروان : لاء انتى بتقولى ايه
فتحت قدر العلبة و اخرجت منها الدبلة وفتحت يده و وضعتها بيه ثم قالت : عشان البسك دى بدلها ……. اشتريتها لما كنت خارجة مع البنات عشانك
ابتسم مروان ثم نظر لها و قال : و كاتبة عليها كمان …… قدر و مروان للابد ….. نطق بها ثم ابتسم بحنان و حب و نظر لها
قدر : ايه رايك حلوه

مروان : تحفة يا قلبى ….. ثم احتضنها وقبل راسها
ربنا يخليكى ليا يا قدرى
قدر : و يخليك ليا يا روح قدرك
مروان : خدى بقى يا ستى لبسيهالى انتى
اخذتها قدر و البسته ايها بعد ما ازالت الاخرى .
قدر يلا بقى عشان متتاخرش على الشغل يا حضرة الرائد
مروان : يلا يا روحى….. و خرجوا سويا و امام غرفت الفتيات قالت قدر : مروان روح انتى يا حبيبى و انا هشوف البنات
مروان : ماشى يا حبيبتى مش عايزة حاجة
قدر : سلمتك يا قلبى خلى بالك من نفسك
تركها مروان و غادر الى عمله و دقت قدر الباب و دخلت وجدت الفتيات يرتدين الحجاب .
مليكة : مراد و كرم و صلوا يا قدر ؟
قدر : مش عارفة
انتهت مليكة من ارتداء حجابها ثم قالت : انا هنزل اشوفهم وصولوا ولا لاء ……. و خرجت من الغرفة
تحركت قدر من مكانها حتى و صلت ل ايسيل
ايسيل : ايه يا قدر بتبصى كدا ليه

قدر : انا عارفة احساسك يا ايسيل لانى عشته قبل كدا …. بس كرم ملهوش ذنب حاولى تفتحى قلبك لكرم صدقينى كىم كويس جدا …….. ولو كنتى مش هتقدرى فيفضل تفركشى الجوازة دى من الاول …… لان حياتك هتدمر و كرم قبلك
ايسيل : لاء يا قدر مراد مش ليا انا لازم انساه …. هحاول افتح قلبى لكرم
احتضنتها قدر ثم قالت : انتى قوية يا ايسيل و ان شاء الله هتقدرى تنسيه
ايسيل : ان شاء الله
قدر : طب يلا كملى لف الطرحة و ارسمى ابتسامتك الحلوة اللى وحشتنى
ابتسمت ايسيل : حاضر
شعرت قدر بالدوار فتمسكت بالكرسى بجوارها ولاحظت ايسيل ذلك
ايسيل بقلق : فدر انتى كويسة ؟
قدر : انا كويسة متشغليش بالك
ايسيل بشك : متاكدة ؟
قدر : اه يلا انتى كملى لبسك و انا هقعد هنا شوية
و جلست قدر على الاريكة حتى انتهت ايسيل و جلست بجانبها يتحدثون حتى و جاءت مليكة
مليكة : يلا يا ايسيل عشان مراد و كرم مستنينا تحت
ايسيل: حاضر

و جاءوا ليخرجوا هرولت قدر الى الحمام تستفرغ ….. لحقت بها ايسيل و مليكة ….. و بعد ان انتهت
مليكة بقلق : قدر انتى تعبانة
قدر : لا لا دا اكيد معدتى اخدت برد متقلقوش
ايسيل بشك : مش ممكن تكونى حامل ؟
فكرت قدر لثوانى ثم قالت : ممكن مجاش على بالى الاعراض نفسها …… طيب انزلوا انتوا عشان الشباب و انا هرجع استريح فى اوضتى شوية
ايسيل : لاء مش هنروح هنفضل معاكى
قدر : يا بنتى والله كويسة روحوا انتوا بس و متنسيش اللى قولتلك عليه
ايسيل : طيب ماشى …… يلا يا مليكة
نزل كل من مليكة و و ايسيل و ذهبوا مع مراد و كرم …… و عادت قدر الى غرفتها و فكرت ان تذهب الى الطبيبة حتى تتاكد ….. و قامت اخذت حقيبتها و نزلت و جدت نادية و صباح يتحدثون فى الصالون و عندما راتها نادية قالت
انتى راحة فين يا قدر ؟
قدر : فى محاضرة ضرورى احضرها و بما ان ايسيل مش هتروح ف لازم انا اروح
صباح : خلى بالك من نفسك يا حبيتى
قدر : يلا عشان متاخرش مش عايزين حاجة
نادية : سلامتك يا حبيبتى
♡♡♡!!!♡♡♡!!!♡♡♡!!!♡♡♡

خرجت قدر و ركبت سيارتها و ذهبت الى طبيبة النساء
فى غرفة الكشف بعد ان انتهت الطبيبة من فحصها قالت
– مبروك يا مدام قدر انتى حامل
قدر :- بجد يا دكتورة انا حامل
الطبيبة بابتسامة : اه حامل. ….. خودى شوية الادوية دول عشان يثبتو الحمل ….. و خلى بالك من نفسك و اهتمى باكلك .
قدر : حاضر يا دكتورة متشكرة جدا …. بعد اذنك
الدكتور : اتفضلى
خرجت قدر من عند الطبيبة و هى تحلق فى السماء من السعادة فهى الان تحمل باحشائها قطعة من حبيبها و ركبت سيارتها و غادرت و قررت ان تفاجئ مروان فى عيد ميلاده .
فى المساء فى فيلا الصياد كانت ايسيل تجلس امام حمام السباحة و هى تفكر كيف حاولت جاهدة ان تكون طبيعية و تتصرف و كانها سعيدة بهذا الزواج …… و لكن كم هذا صعب كيف امكنها ان تكون طبيعية و هى ترى من عشقه الروح يحضر لزواجه مع آخرى …… و الاصعب من ذلك انها سوف تصبح زوجة اخيه …. و هذا يعنى انها ستظل حزينة .
سرحانة فى ايه اللى واخد بالك يتهنى بيه : كان هذا صوت مليكة
ايسيل : ها …. انا مش سرحانة و لا حاجة فى ايه ؟
مليكة بابتسامة : قدر بتقول عندها خبر حلو عايزة تقولهولنا
نظرت الى قدر المبتسمة ثم اردفت قائلة : ايه الخبر يا قدر
قدر : هقول بس وعد مش هتقولوا لحد

مليكة بحماس : ماشى قولى يلا بقى .
قدر : طيب …. انا ي ستى …… انا …. حامل
مليكة يصوت مرتفع : بجد انتى حامل يا قدر
وضعت قدر يدها على فمها ثم اردفت : بقولك محدش يعرف بتعلى صوتك
ايسيل بابتسامة : الف مبروك يا قلبى انا بجد انبسطلك جدا و احتضنا بعضهم
مليكة بمرح : اوعى يا بت انا عايزة اباركلها دا انا هبقى خالتوا .
ابتسمت ايسيل وتحركت قليلا حتى تبارك لها مليكة
احتضنتها مليكة : مبروك يا اختشى انشاء الله تيجى بنت حلوة زى كدا …. تبقى حلوة لخالتها
قدر : 😂😂😂 انشاء الله
ايسيل : مروان عارف
قدر : لاء ميعرفش انا لسا عارفة انهاردة …. واياك حد فيكو يتكلم او يلمح حتى
مليكة : طب هتقوليله امته ؟
قدر : عملاله مفاجأة فى عيد ميلادى
ايسيل : اشطا قوليلنا …..
مليكة : اه عايزين نعرف والنبى …
قدر : 😂😂 خلاص اهدوا …. حاضر هقول عشان اصلا محتاجة مساعدتكم اسمعوا ………….

مليكة :يا بنت الايه 😉😉 حلوة الفكرة اعتبرى كل حاجة جاهزة .
ايسيل : طب هتعملى كدا امته
قدر : فى عيد ميلاده ان شاء الله ….. سيبكوا بقى منى و قولولى هتروحوا تجيبوا الفساتين امته
مليكة : بعد بكرة ….
قدر : طب و هتفرشوا الشقة امته ؟
مليكة : الفرش هيوصل كمان يومين و تلاتة و بعدين احنا اللى هنروح نفرشه .
قطع حديثهم رنين هاتف مليكة
قدر : مين
مليكة : دا مراد هكلمه وارجع
ابتعدت مليكة قليلا لتتحدث مع مراد
قدر : عملتى ايه يا ايسيل النهاردة
ايسيل بحزن : حاولت اتصرف طبيعى …. بس صعب اوى يا قدر
قدر : بإذن الله كله هيبقى تمام ….. ربنا مش بينسى حد
ايسيل : يا رب يا قدر
قدر : طب تعالى بقى ناخد المجنونة دى و ندخل عشان نتعشى دا انا عصافير بطنى بتصرخ من الجوع
ايسيل : يلا