رواية جمانة الفصل الثالث 3 بقلم هوس ريجا
رواية جمانة البارت الثالث
رواية جمانة الجزء الثالث
رواية جمانة الحلقة الثالثة
فرشت لجداتي معايا انا وماما هما رقدو وانا بقيت نستنى فيه وقتاش يرجع من عند عمامي ل1 باه سمعت صوت الباب تاع الحوش تحل نضت بالشوية رحت للكوزينة تاقتها طل على الحوش حليت التاقة بالشوية وطليت عليه دخل غلق الباب لابس قميص بيض ديميمونش كان راح يفوت لشمبرة ممبعد رجع راح تحت الشجرة وقعد شعل ڨارو بقا يتكيف ويشوف مع التاقة مرة ومع الباب مرة وانا نتفرج فيه سرحانة حتى ورما الڨارو وناض جا لتاقة جبدت روحي خفت يشوفني طاح طبطيب خفيف على التاقة بقيت نشوف سمعت همس خفيف منو _علبالي راكي نايضة ديري خمارك وحلي التاقة شفت خمار معلق على الباب رحت جبتو درتو على شعري ورحت حليت التاقة شوية لقيتو عاطيني ظهرو وليت نرجف سنين ما بقيت مع معاه وحدي _خلصتي ،ايه دار عندي شاف معايا نظرة مافهمتهاش ودور عينيه واش حوالك شفت معاه بهيام وشوق لباس تبسم وهدر شاف معايا زعفانة مني درتلو براسي لالا _علبالي زعفانة نعرفك مليح دروت عينيا خفت يتفضح حبي _سمعت راهم يخطبو فيه ،ايه _حابة تتزوجي ،اخرتها راح نتزوج _كملي قرايتك والزواج هو اللخر ،ايه علبالي _اك تهلاي في روحك سكت شاف معايا روحي ترقدي ماشي ملييح ليك السهرة درتلو براسي ايه هو راح وانا بقيت نتبع فيه لين دخل وغاب على عيني رجعت لشمبرة بقيت نتقلب في فراشي ماقدرتش نرقد كعاد هو هنا فرحانة كشغول راه معايا ونحسب فالوقت حساب نخاف نرقد ومانشوفوش كي يروح علبالي الصباح يخرج بكري حابة نشوفو قبل مايروح بقيت نستنى كي خفت نرقد درت الخمار على ذراعي وخرجت حليت الباب بالشوية وخرجت للحوش سمعت صوت تليفزيون مزال يمشي من عندو بقيت نشوف مع الباب ماعرف كيفاه داتني رجلي لعندو حليت الباب ودخلت لقيتو راقد على كرشو في سابع نوم الشمبرة باردة ڨلاص الزاورة نص مرمية في لرض رحت هزيتها غطيتو مليح نسيت روحي وقعدت قدامو هزيت يدي حطيتها على خدو بقيت نمسح عليه بكل حب وحنان مانيش مصدقة بلي بعد هذا السنين قدرت نتوشيه ولو ثانية من الزمن حسيت بيد حكمت يدي ترعبت حل عينيه وعاود غلقهم تنهد تنهيدة طويلة تاع واحد مستمتع طلق يدي وبقا مغمض عينيه مشا فيا الخوف هذا راقد ولا نايض بقيت نشوف معاه باه نتاكد قربت منو ضربتني ريحتو وريحت نفاسو لي مخلطة مع ريحة الدخان داتني هذ الريحة للماضي الجميل تمنيت كون بقيت عايشة فيه هزيت يدي حطيتها على راسو ونمشي فيها على شعرو حتى نلقاه تخطف رقد على ذراعو خطفت يدي ونضت وقفت _واشراكي ديري هنا تعڨنت ناض قعد قولي واش راكي ديري هنا ،والو سمعت صوت تليفزيون جيت نطفيه وكي شفت الغطا مرمي في لرض هزيتو شاف مع روحو كان لابس ديباردور جبد لغطا على روحو _واش دخلك عندي واش هذ الجرأة لي عندك كيفاه تدخلي على راجل وحدك في نصاص ليالي هذا هكذا ربيتك انا هذه هي تربيتك هذا واش تساوي انتي نزلو دموعي من قساوتو _اخرجي عليا وماتزيديش تدخلي هنا ولا متلومي غير نفسك بقيت ساكتة _هياااا درت وخرجت نجري من عندو الشوفة راحتلي من كثرة الدموع لي عينيا من كلامو لي تالمو قاسي طيحني فراش وصبحت مريضة نسمع غير في جدة تهدر مع ماما لبسيها ندوها مع حمزة لسبيطار نوضتني ماما لبستني مشاتني طحتلها فالكولوار شفتو كي دخل يجري عندي بلهفة شفت معاه بتعب وعتب لاح يدو تحت رجليا هزني استسلمت وحاوطت رقبتو خرجني لطوموبيل داني هو وجدة دارولي برة عطاوني دوا وخرجنا وهو هازني وانا ماكنتش في وعيي او لاعبتها مانيش في وعيي باه نحظى ببعض اللحظات معاه دفنت وجهي في رقبتو ونبكي هازني ويمشي ويهمسلي في وذني واشبيك ياروح حمزة _انت ماوليتش تحبني كيما من قبل شحال وانا نستناك وانت قاطعتني وماوليتش تهتم بيا وانا متوحشاتك وماكش حاس بيا _شكون قال مانحبكش ومانيش مهتم بك لاه شكون عندي غيرك نحبو ونهتم به جيست ضك كثرت شغالي وماعدناش صغار كيما من قبل سكت رجعنا لدار دخلني لشمبرة تاعي حطني على فراشي غطاني وخرج غفيت على ريحتو لي ملات صدري،فطنت من النوم جسمي مكسر نضت قعدت كي تفكرت قسوتو البارح معايا رجعت رقدت نزلو دموعي دفنت وجهي فالمخدة ونبكي ملي وعيت على روحي وانا نبكي على هذا الراجل سمعت صوتو ورايا جمانة تشقلب حالي كي سمعت اسمي من فمو توحشتو بزاف بصح عزت عليا نفسي بعد هدرتو البارح معايا بقيت كيما راني حسيت بيه واقف ورايا طل عليا حسبني رقد مسح على شعري باسني على جبيني وخرج عرفتو راح يروح تمنيتو يبقا لكن راح نضت ديراكت حوست على مخدتو حظنتها ونشم في ريحتو عليها حطيتها في فراشي باه تونسني على بعدو بين مايرجع ..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية جمانة)
