رواية جريمه في حق طفله الفصل الاول 1 بقلم شهد أحمد
رواية جريمه في حق طفله البارت الاول
رواية جريمه في حق طفله الجزء الاول
رواية جريمه في حق طفله الحلقة الاولى
فى منزل بسيط فى منطقه شعبيه يوجد طفلة صغيرة تقوم من النوم على صوت ولدتها
منه بطفوله: مالك ياماما
سحر بفرحه: مبسوطه بيكي ياحبيبتي
منه بسعاده: انا نجحت ياماما
سحر: لا ياحبيبتي جالك عريس كويس اوى و هيخليكى مبسوطه اوى معاه
منه: عريس اى
سحر: ايمن ابن الحج محمود
منه: بس ده كبير اوى ياماما وكمان انا مش بحبه ده رخم
سحر: بس يابت ده هيبقى جوزك خلاص اصلا اخر الاسبوع كتب الكتاب و فرحك
منه: يعني اى انا مش هروح المدرسه تاني
سحر: مفيش مدرسه خلاص انسى الكلام ده فاهمه
منه بدموع: حاضر ياماما
(نتعرف عليهم الاول
منه احمد: بنت عندها 14 سنه لسه فى اعدادي بس شكلها اكبر من سنها شويه بس بردو لسه طفله عينها عسلى و شعرها طويل و اسود و هى بشرتها بيضه هى طيبه خالص بتحب تسمع كلام ولدتها
سحر: ولدت منه عندها 40سنه اتجوزت صغيره بردو عشان كده مش عندها مانع ان بنتها تتجوز صغيره هى كمان عندها مصطفى و ابراهيم و منه
احمد عبدالله: ولده منه عنده50 سنه اتجوز سحر و هى لسه عندها 13 سنه و مش بيحب البنات خالص عشان كده اول لما جى عريس ل منه وافق على طول
مصطفى احمد: اخو منه الكبير متجوز و عايش بره بيحب منه جدا و بيخاف عليها بس بسبب الظروف اللى خليته يسبها و يسافر عشان الشغل هو عنده 26 سنه
ابراهيم احمد: اخو منه الوسط عنده24 سنه شخص مش بيحب حد خالص غير نفسه عايز كل حاجه لنفسه بس مش فارق مع اى حد تانى بس للاسف ده بسبب دلع ولده عليه عشان هو راجل
ايمن محمود: عنده 25 سنه شاب صايع غير مسؤول للاسف عايش على فلوس ابوه اللي طبعا كل حاجه بيعوزها بتكون عنده حتى لو انسانه نفسه من بدري يتجوز منه بس كل لما يقول ل ابوه يقوله استنى تكبر شويه لحد لما عرف يقنع ابوه انه يطلبها دلوقتي و للاسف احمد وافق على كده
نكمل و هنعرف كل حاجه بعدين مع بعض)
دخلت منه الاوضه بتاعتها تعيط
منه بعيط: انت فين يامصطفي تعال شوف اللي ماما و بابا عايزين يعملوا فيا انا ليه مروحش المدرسه تانى يعني المفروض اقعد مع ايمن ده طول الوقت ذاى ماما ما هى بتفضل مع بابا على طول و مش بتخرج خالص
ـــــــــــــــــــــــــــــــــــــــــــــــــــــــــــــــــــــــــ
بليل بتقوم منه من النوم على صوت ابوها بره بتخاف تخرج بس لما بتسمع بينادى عليها بتخرج على طول من الخوف
منه بخوف: نعم يابابا
احمد بقسوه: تسمعي كلام امك كويس عشان خلاص كلها اربع ايام و تتجوزى لازم تفهمى كل حاجه تقولك عليها و حسك عينك اعرف انك عملتي حاجه او لما تتجوزى تعملي حاجه فاهمه
منه بخوف: حاضر حاضر فاهمه
احمد: غوري من وشي
منه بدموع: حاضر
و تدخل منه الاوضه تانى تعيط من القسوه اللي ولدها بيعاملها بيها من زمان اوى هى متعرفش السبب بس بتخاف منوا جدا ومش بتحب تخرج من الاوضه وهو موجود خالص غير لو هو عايزها هى طفله متعرفش ليه ابوها بيتعامل معاها كده او يعني اى جواز و هى المفروض تعمل اى بس كل اللي فهمته انها لازم تسمع كلام ولدتها
ـــــــــــــــــــــــــــــــــــــــــــــــــــــــــــــــــــــــــــــــ
فضلت سحر تجهز منه الايام دى و تفهمها كل حاجه بس للاسف منه مكنتش فاهمه كل حاجه بس اللي فهمته انها هتعيش حياه وحش بعدين لو عملت حاجه و خوفها بيكتر من الوقت لحد لما جى يوم الفرح و كتب الكتاب و خرجت منه من الاوضه عشان تمضى على عقد الجواز بس اول لما المأذون شافها اتصدم
المأذون بصدمه: دي طفله انت هتخلينى اكتب كتاب طفله ياحج محمود
الحج محمود: تعال بس ياراجل طفله اى بس دي عروسه اهى و حلوه اكتب اكتب و متخافش هرضيك كويس
المأذون: بس ياحج
الحج محمود: ولا حج ولا حاجه اكتب عايزين نفرح
المأذون: حاضر ياحج محمود
كتب المأذون الكتاب و للاسف مهتمش انها طفله لا ساكت عشان الفلوس و نسى ان دي جريمه بتحصل فى حق الطفله دي
الحج محمود: مبروك يااحمد
احمد: الله يبارك فيك ياحج
الحج محمود: طب يلا ياعروسه عشان تروحي مع جوزك
منه بخوف: لا لا انا مش عاوزه اروح معاه انا بخاف منوا
احمد ضربها بالقلم: امشى غوري مع جوزك اخلصى مش عايز دلع بنات
منه بدموع و خوف: حاضر يابابا هروح معاه
ايمن خد منه اللي مش فارق معاه انها طفله او اللي حصل فيها بسببه او انها مرعوبه معاه كل اللي فارق انها خلاص معاه و يقدر يعمل اللي يعجبه بس
ده كان تفكير ايمن لحد لما وصل البيت و شد منه و طلع الشقه بتاعته
ايمن: ادخلي غيرى هدومك و البسى الهدوم اللي علي السرير عندك يلا
منه: حاضر
دخلت منه الاوضه بس اتصدمت انها المفروض تلبس هدوم زاى كده عشان هى اتعودت ان ده مينفعش خالص بس من خوفها من ايمن و ابوها قرارت تعمل اللي قالها عليه عشان ميضربهاش هو كمان و فعلا لبست البس اللي كان موجود و فضلت قعده خايفه لحد لما دخل ايمن بس هى اتصدمت من المنظر
نكمل بعدين
ياترا اى اللي هيحصل مع منه
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية جريمه في حق طفله)
