رواية جريمة قتل الفصل الأول 1 بقلم رنا سليمان

رواية جريمة قتل الجزء الأول

رواية جريمة قتل البارت الأول

رواية جريمة قتل الحلقة الأولى

_مقتل*تهاش والله العظيم ما قتل*تها
_بس تقرير الطب الشرعي والبصمات بتاعتك اللي علي المسدس بتقول غير كدة
_وانت مصدق الادلة اللي معاك وبتكذب اخوك يا خالد
_انا عُمري ما دخلت الحياه الشخصية في الشغل يا يوسف انا هنا في الشغل والادلة اللي معايا بتقول انك انت اللي عملتها
_وانا بقولك معملتهاش يا خالد ……….وصدقني لما الحقيقة تظهر وتعرف اني فعلا معملتهاش هتندم انك مصدقتنيش وانا ساعتها مش هسامحك يا خالد
_لو فعلا كُنت بريئ ساعتها هتعرف ان دا شغلي واني كان لازم اعمل كدة…………ومتنساش ان ساره زيك بالنسبة ليا ولازم اعرف مين اللي عمل فيها كدة
_لازم تعرف ف تشك فيا انا مش كدة
_انا مقولتش كدة بس الادلة هي اللي بتقول كدة يا يوسف
_ماشي يا خالد بس صدقني انا مش هسامحك لمًا الحقيقة تبان
نده علي العسكري علشان ياخدني الزنزانة……..اخدني ودخلني الزنزانة وقفل الباب……..قعدت علي الارض وبدات اعيط………..اخر مرة شوفت ساره فيها كانت من ٣ شهور واتخانقنا خناقة كبيرة ومن ساعتها انا معرفش عنها حاجة اتفاجئت من يومين بخبر قتلها ومكنتش مصدق نفسي انا وهي كان في بينا قصه حُب كبيرة اوي عُمري ما كُنت اتخيل ان كل دا يحصل بينا في خلال الثلاث شهور دول انها تمشي ومحدش يعرف مكانها والخناقه اللي حصلت بينا وقتلها اللي انا اتهمت فيه……….محدش مصدق إني بريئ وعُمري ما اعمل كدة سواء فيها او في غيرها انا معرفش بصماتي جت علي المسدس اللي ماتت فيه ازاي وازاي كل دا حصل بين يوم وليلة ……….رفعت راسي لفوق وبدات ادعي ان ربنا يظهر الحقيقة في اسرع وقت واخرج من المصيبة اللي وقعت فيها دي
“خالد”
_انت عندك شك ان يوسف يكون اللي عملها يا خالد
_مش عارف يا عـائـشـة حقيقي انا مش عارف حاجة ومش عارف اعمل ايه ولا اتصرف ازاي……….دا اخويا اللي انا واثق مليون في المية انه عُمره ما يعمل كدة بس في نفس الوقت الادلة كلها ضده وبتاكد ان هو اللي قتلها
_بس انا متاكدة انه معملش كدة يا خالد وواثقة آنه بريئ ومش بعيد تكون ياره نفسها عملت كدة علشان تاذيه
_انا بجد مش عارف اعمل اية………..دماغي واقفه من كتر التفكير ومش عارف اتصرف ازاي بجد
_انا واثقه فيك انك هتقدر تحلها زي ما حليت زيها كتير واصعب منها كمان……….خليك واثق انك هتقدر تعديها زي ما بتعدي غيرها وخليك واثق في ربنا انه هيعديك منها زي ما خلاك تعدي انت واخوك من غيرها
_بس المرة دي صعبه اوي يا عـائـشـة المرة دي مش حد غريب هو اللي قتل ولا حد معرفهوش دا يوسف اخويا يا عـائـشـة
_عارفة هي قد اية صعبه عليك وحاسس انك مش هتقدر تعديها بس انا واثقه فيك انك هتعديها والله
ابتسمت ومسكت في ايديها وفضلت ساكت………..لاول مرة اكون عاجز ومش قادر اشتغل علي قضية كدة لاول مرة تكون صعبه بالنسبة ليا لان اللي اتقت*لت دي كانت اكتر من اخت ليا والمتهم في قتلها اخويا لاول مرة مبقاش عارف اشتغل ولا قادر افكر في شغلي ……….كانت اصعب قضية تعدي عليا من يوم ما اشتغلت ………..روحتلها وفضلت قاعد في العربية بفكر اعمل اية واصدق مين ……….اتنهدت بتعب ومسحت علي وشي وفضلت قاعد في مكاني
” ادم”
_لحد دلوقتي مش قادرة اصدق اللي حصل لاختكم
_انا اللي غلطت من الاول لما سمحت ليها انها تتجوز اللي اسمه يوسف دا
_وانت كنت هتعرف منين انه هيجي يوم ويعمل فيها كدة
_كان لازم ارفض جوازهم وابعدها عنه ب اي ثمن انا من الاول مكنتش مطمن ليه ولا مصدق انه بيحبها بس انا مش هسكت وهجيب حقها منه
_لا يا ادم اوعي تعمل كدة كفايه اللي حصل ل اختك انا مش هستحمل واحد تاني منكم يحصله حاجة
_ادم عنده حق يا ماما حق ساره لازم يرجع من اللي اسمه يوسف دا
_ولما يحصلك حاجة انت وهو هعمل ايه ساعتها
_ساعتها هنكون جيبنا حق اختنا ومش مهم اللي يحصل بعد كدة
_حق اختكم هيرجع بالقانون ومحدش فيكم هيدخل في الموضوع دا انا مش حمل اخسر ابن تاني منكم كفايه اللي حصل لاختكم بقي
_وانتي عايزانا نسيب حق اختنا ونتفرج من بعيد علي حقها وهو بيروح يا امي
_مش احسن ما تروحوا انتو كمان مني……….انا قولت اللي عندي لو حد فيكم فكر انه يدخل في الموضوع هنسي انه ابني وهعتبر نفسي خسرت عيالي كلهم زي ما خسرت ساره
سابتنا ومشيت من غير ما تستني مننا رد
“يوسف”
_يوسف محمد
_افندم
_المحامية بتاعتك جات وعايزة تقابلك
_محامية مين انا موكلتش محامي
_انت لسه هتحكي معايا
شدني من ايدي وخرجني و وداني المكتب علشان اقابلها……..اول ما دخلت وشوفتها بصتلها بصدمة واتكلمت وانا مش مصدق
_انتي