رواية جريمة في عمارة 9 الفصل الرابع عشر 14 بقلم سما أحمد
رواية جريمة في عمارة 9 البارت الرابع عشر
رواية جريمة في عمارة 9 الجزء الرابع عشر
رواية جريمة في عمارة 9 الحلقة الرابعة عشر
في نهار جديد في أحد الفلل الضخمة في محافظة الفيوم تشرق الشمس على ابطالنا العزاز سليم عز الدين وعمر عز الدين و زوجاتهم
سليم وهو نايم في عز نومه جات ليه مكالمه قلبت نومه
سليم بنعس: ايوه مين
اللواء محمد احمد بجدية: سليم فوق
وقتها سليم اتنفض من مكانو و اتعدل بسرعة وحاول يتكلم بصوت واضح وصريح
سليم بتوتر: ايوه ياباشا تحت امرك
اللواء بعصبية: انت نايم ياباشا هو عشان خدت كام شهر إجازة يبقي خلاص تنسى شغلك ثواني وتكون قدامي انت واخوك فاااهم
وقتها قفل الفون بغضب وسليم قام بسرعة يلبس وليلى نايمه جنبه وصحيت من الصوت
ليلى : مالك يا حبيبي
سليم بتوتر: اللواء كلمني وشكلو متعصب جامد وطلب يقابلني انا وعمر بسرعة ربنا يستر
ليلي بخوف: ماتخافش اكيد خير صح ؟
سليم باس ايدها بحب وجري بسرعة على فيلتو لعمر عشان يصحيه
عمر من ناحية تانية نايم علي السرير عاري الصدر وسما نائمه جنبه بسلام وقتها سمع صوت خبط على باب شديد اوي
سما بخوف : مين اللي عمال يخبط ده هيكسر الباب
عمر بعصبية: ماتخافيش انا هقوم اشوف مين طلع المسدس وطلع عشان يشوف مين ولسه هيضرب لقي سليم في وشه
عمر بعصبية: تصدق حلال فيك الرصاصة في ايه ياعم انا كنت هضربك
سليم بجدية: اللواء رن عليا وعايزنا حالا روح البس بسرعة
وقتها عمر خاف وجري يلبس بسرعة
سما بـ أستغراب : في ايه ياعمر
عمر بتوتر: يا سمسم معلش اللواء عايزنا وشكلها مشكلة هنشوف وان شاء الله خير وباس خدها ومشي بسرعة من البيت
وقتها سليم وعمر طلعوا مع بعض في العربية وانطلقوا بسرعة
بعد ساعتين بظبط كانوا وصلوا المديرية
سليم وعمر دخلوا متوترين وبيدعوا أن الموضوع ميكونش فيه رفض
دخلوا للواء بكل هدوء
اللواء بحزم: انا سبتكم عشان متجوزين جدد قولت شباب من حقهم لكن تنسوا شغلكم لا يعني ايه تحصل عمليات خطف كبيره وانتو ولا حاسين بيها اي مشغل معايا ايه
سليم بتوتر: ياباشا حضرتك احنا كنا واخدين إجازة ومنعزلين عن القاهرة تماما
اللواء بعصبية: حلو كفاية عليكم كده انت هتقعد في القاهرة الفترة الجايه عشان تتكلم تاني احنا عرفنا أن في مجموعة من الناس بيخطفوا البنات و ولاد الشوارع بيستقصدوا سن معين من سن ٧ لي ١٠ سنين او ممكن ١٥ سنه البنات بكريا استلموا القضية دي لولا أني وثق فيكم ما كنتش جبت ليكم القضية دي ومفيش تهاون فاهمين
عمر وسليم بنفس واحد بكل قوة : تمام يا فندم
✨✨✨✨✨✨✨✨✨✨✨✨ وقتها كانت ليلي وسما مع بعض بيجهزوا مي عشان تروح المدرسة
ليلي : يلا يا مي عشان المدرسة
مي بفرحة طفولية: هروح المدرسة يا ماما وهشوف صحابي وقتها كانت لبسة فستان صغير ابيض وعاملة شعرها ضفيره وليلي لابسه تيشرت ابيض طويل على بنطلون جينز وسما لبسة فستان واسع سماوي على طرحة بيج
ليلى بابتسامة: اه ياروحي
سما بـ استعجال: يلا مش عايزين نتأخر
وفعلا اتحركوا بـ تاكسي وطلعوا بس السواق خد منعطف تاني غير اللي متعودين عليه
ليلي بـ أستغرب: حضرتك رايح فين مش ده الطريق بتاع المدرسة
وقتها السواق طلع ازازة برفان ورش عليهم مخدر لحد ما أغمى عليهم تماما
والسواق خد مي وداها لمجموعة غريبة من الناس وساب ليلى وسما في صحراء جنب البيت ومشي
وعدى ساعة وليلى وسما فاقوا
ليلى بألم خفيف: اه راسي راسي في ايه
سما بـ أستغرب: احنا فين
وقتها بيبصوا حواليهم ملقوش مي و نفسهم مرميين في صحراء ومفيش معاهم حاجة خالص
لسه هيصرخوا لقوا جواب جنبهم مكتوب فيه
لو عايزة بنتك تعيش خلي جوزك يبعد عن القضية
ليلى……..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية جريمة في عمارة 9)
