رواية جرح الحياة الفصل الخامس 5 بقلم رنا سليمان

_خطيبك يعرف انك كنتي في مصحة نفسية ولا خبيتي عليه
_انا مش بخبي عليه حاجة……..بس معتقدش ان دي حاجة تهمك
_ازاي متهمنيش ………لازم اعرف علشان لو مقولتيش ليه اقوله دا…….ضميري المهني ميسمحليش اني اغش حد وانا في ايدي اني اعرفه الحقيقة
_لا متقلقش انا من اول يوم عرفت علي فيه وانا حكيتله كل حاجة عن حياتي
_ومش خايفة انه يسيبك زي غيره ويبعد عنك
_لا مش خايفة…….لانه حبني بجد ومستعد يعمل اي حاجة علشاني
_واضح انك انتي كمان بتحبيه مش كدة
_ودا كمان لازم تعرفه علشان تريح ضميرك المهني
_دا سؤال عادي
_علي عمل حاجات كتير علشاني وضحي بحاجات كتير علشان يكون معايا ……..اكيد لازم احبه
_ربنا يتمملكم علي خير
_يا رب
فضلنا ساكتين لحد ما بدا يتكلم وهو باصص في الارض
_وانا من غبائي كنت بحاول اوصلك ب اي طريقة وخايفة يكون حصلك حاجة……..طلعتي عايشة حياتك ومبسوطة
_لا متقلقش عليا……..انا اه دخلت مصحة نفسية و اتقال عليا اني مجنونة بس اكيد مش هموت نفسي بسبب ان الشخص اللي حبيته رفضني وقال عني اني مجرد مريضة عنده…….لسة عندي عقل بردو
_كنتي فين طول المدة دي يا هاجر
_معتقدش ان اجابتي تهمك في حاجة
_بس انا حابب اني اعرف
_وانا مش حابة اتكلم……..عن اذنك انا لازم امشي دلوقتي لاني اتاخرت
اخدت شنطتي وكُنت همشي……..وقف قدامي ومسك ايدي ……..بصتله بعصبية وحاولت اسحب ايدي
_لو سمحت سيب ايدي
_علي اساس انك بتحبيني…….قدرتي تنسي حُبك ليا بالسرعه دي وتحبي غيري
_سيب ايدي يا ادم لو سمحت…….الناس بتبص علينا
_ميهمنيش الناس………انا مش هسيبك غير لما تجاوبي علي اسئلتي…….لو عايزاني اسيبك اقعدي ونتكلم وبعدها امشي
اتنهدت بعصبية وهزيت راسي ب ماشي …….ساب ايدي وشاور ليا اني اقعد علي الكرسي…….قعدت وهو قعد قدامي
_الظاهر اني غلطت لما جيت لحد هنا…….لو كنت اعرف اني هقابلك انت مش هقابل فرح مكنتش جيت
_لسة ماخدتش جواب علي سؤالي…….ازاي قدرتي تحبي واحد غيري يا هاجر
_مش انت اللي قولت اني مجرد مريضة عندك وعُمر ما كان ولا هيكون في حاجة تانية بينا
_كُنت بكذب………انا عملت كدة علشان خايف عليكي وعايز احميكي
_المفروض اني اصدقك يعني
_علشان دي الحقيقة اللي لازم تصدقيها……..انا حبيتك من اول يوم شوفتك فيه في المصحة…….من اول لحظة شوفتك فيها وانا حاسس ب احساس غريب اول مرة احسه في حياتي انا عمري ما اعتبرتك مريضة يا هاجر………انا طول الوقت كنت بدعي ربنا انك تخرجي من المصحة علشان اقولك اني بحبك ولما خرجتي حاولت كذا مرة اقولك بس في كل مرة كانت بتحصل حاجة تمنعني اني اقولك اني بحبك ……..يوم ما قولتلك اني عمري ما حبيتك كُنت مجهز نفسي اني اعترفلك بحبي واعرض عليكي الجواز واتفقت مع فرح انك تجيبك العيادة ……..كنت عامل حساب كل حاجة ومستني المعاد اللي هتجيلي فيه علشان اعترف ليكي بمشاعري وكنت واثق انك انتي كمان بتحبيني بس كان في حاجة واحدة مكنتش عامل حسابها……..اللي اسمه كامل اللي متجوز والدتك جالي العيادة وهددني اني لو مبعدتش عنك ممكن يأذيكي يأذي فرح……..ولما حاولت اطرده برا العيادة وراني صور ليكي ولفرح وانتو مع بعض وقالي انه حاطط واحد بيراقب كل خطوة ليكم وانه ممكن في اي لحظة يقتلك او يقتلها………مكنتش عارف اعمل اية ساعتها ولا اتصرف ازاي ………كان كل تفكيري ان مفيش حاجة تأذيكم انتو الاتنين لاني مليش غيركم ومش مستعد اخسركم………علشان كدة لما جيتي العيادة قولتلك اني عُمري ما حبيتك واتصرفت معاكي بالطريقة دي…….انا عملت كل دا علشان بحبك يا هاجر صدقيني
_كل اللي قولته دا ميهمنيش يا ادم…….انا كل اللي يهمني انت عملت اية وازاي سيبتني في الوقت اللي كنت محتاجة ليك فيه……..وبعدين الكلام دا مش هيفيد بحاجة دلوقتي لاني مخطوبة لواحد تاني
_بس مبتحبهوش
_لا يا ادم انت غلطان……..انا بحب علي وبحبه اوي كمان……..افتكر انك قولت كل اللي عندك ……..بعد اذنك
سيبته وخرجت من الكافيه وانا بحاول امنع نفسي اني اعيط ………اول ما خرجت لقيته في وشي
_علي!……انت بتعمل اية هنا
_لقيت نفسي قريب من هنا قولت اعدي عليكي و اوصلك ……..وبصراحه كدة انتي وحشتيني وكنت عايز اشوفك
مد ايده ليا بشوكلاته وهو علي وشه ابتسامه……….حضنته وبدات اعيط………حضني وهو مش فاهم حاجة وبدا يطبطب عليا ويحاول يهديني…….علي بيحبني بجد……..ابقي غبيه لو سيبته وبعدت عنه………هو الوحيد اللي حبني واستحملني……..٣ سنين وهو جمبي وبيساعدني وبيعمل علشاني اي حاجة………مينفعش اني اسيبه لاي سبب هو ميستحقش دا ابدا لا
بعدني عنه ومسح الدموع اللي غرقت وشي وبدا يتكلم وهو علي وشه ابتسامه
_انتي كويسة
_لما شوفتك بقيت احسن…….شكرا
_بتشكريني علي اية؟!
_علي كل حاجة………انا طول الوقت جمبي وعُمرك ما سيبتني في يوم……..انا بحبك اوي يا علي
مسك في ايدي واتكلم وهو مبتسم
_انا علشانك اعمل اي حاجة يا هاجر……..اهم حاجة تكوني مبسوطة ………وبعدين الكلمة اللي قولتيها دلوقتي دي عندي ب الدنيا كلها لاني بحبك اكتر من حبك ليا بكتير
ابتسمت وفضلت باصة في الارض
_هنفضل واقفين كدة كتير ولا اي ……..مش هنمشي يعني ورانا حاجات كتير لازم نعملها ……..انا بقولك من دلوقتي اهو انا مش هتنازل عن يوم واحد تاخير عن معاد الفرح ف يلا نخلص كل حاجة علشان الفرح يتم فيه معاده
_يلا بينا
مشينا…….فضلت ماسكة في ايده ومش عايزة اسيبها………انا مش هسمح ان اي حاجة تبعد علي عني……….علي ميستحقش ان قلبه يتكسر بسببي……..لازم اقفل موضوع ادم واخرجه من حياتي للابد ………مفيش قوة في الدنيا تقدر تبعدني عن علي
_مبسوط دلوقتي من اللي حصل يا ادم……..هاجر خلاص راحت واتخطبت لغيرك وكلها كام يوم وتتجوز
_لا يا فرح مش مبسوط………انا من ساعة ما شوفت هاجر مع اللي اسمه علي خطيبها دا وانا هتجنن ومش عارف اعمل اي …….مبسوطة وانتي شايفه حالتي دي
_انت السبب من الاول لو كنت بس روحت ليها وشرحتلها موقفك مكنش كل دا حصل
_كفاية بقي يا فرح ……..حرام عليكي انا تعبت ………كل شوية لازم تفكريني اني السبب …….عارف وندمان علي كل اللي عملته
_للاسف يا ادم ندمك دا مش هيغير حاجة……..انت خسرتها للابد وعمرك ما هتقدر ترجعها ليك من تاني
سابتني ودخلت اوضتها……..اتنهدت بحُزن وندم ……….يمكن اكون غلطت ويمكن كان لازم اقولها علي اللي حصل من الاول يمكن فعلا كنا هنلاقي حل ……..بس لا انا غلطت مرة وسبتها تروح من ايدي بس مش هكرر الغلط دا تاني…….انا مش هسيب هاجر تروح من ايدي تاني وهعمل المستحيل علشان ترجعلي ……..هحاول اني ابعد اللي اسمه علي دا ب اي طريقة عنها ومش هسمح ان جوازهم يتم ابدا

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية جرح الحياة)