رواية جرحني ولم يبالي الفصل الثامن عشر 18 بقلم بسنت الشيخ
رواية جرحني ولم يبالي الجزء الثامن عشر
رواية جرحني ولم يبالي البارت الثامن عشر
رواية جرحني ولم يبالي الحلقة الثامنة عشر
ادهم : مراتي فين مطلعتش لي لدلوقتي
الممرضه بتوتر: الدكتوره لسه بتخيط قربت تخلص عشر دقيق وهتدخل غرفه الافاقه عن اذنك
ادهم : فضل واقف ومستني حياه تطلع ووالدتها راحت مع نوح للحضانه وابو حياه واقف مع ادهم واخوها كان وصل ووقف معاهم يطمن عليها
بعد ربع ساعه طلعت حياه من العمليات وكانت فايقه شويه بس البنج لسه مأثر عليها
ادهم : حمد لله علي سلامتك يا ام نوح
حياه بابتسامه مرهقه : الله يسلمك سميته نوح زي ما كنا متفقين
ادهم وهو يقبل ايديها : وهو انا اقدر انسي احنا كنا متفقين علي اي
قاطعهم اهل حياه وهم بيسلموا علي حياه ويباركولها وكان أخواتها البنات جم
حياه : ادهم ليله فين
ادهم : كانت نايمه … راح ادهم يصحيها …
حياه : تعالي يا لولا
ليله : نعم … هو احنا هنا لي
حياه : مش عايزه تشوفي النونو اخوكي
ليله : هو فين
حياه : هيجي دلوقتي. .. ادهم هات اكل ليله ما اكلتش من امبارح
جه نوح وحياه اخدته في حضنها عيطت بس كان البنج بدأ يروح وتتألم
ولعبت ليله مع اخوها شويه
حياه : ماما روحي ارتاحي انا خلاص كويسه ….. ااااااه
مامتها : كويسه اي بس هنادي الدكتوره
دخل ادهم في الوقت ده وشاف حياه بتتالم راح لها
ادهم : حياة انتي كويسه
حياه : الجرح واجعني اوي يا ادهم خليهم يجيبولي مسكن
ادهم : حقك عليا انا اللي قولتلها تولدك قيصري
حياه بألم : مكنتش هستحمل الم الطبيعي كان زماني مت كده احسن بس محتاجه مسكن
طلع ادهم نادي للمرضه اللي جت وادت لحياه حقنه المخدر بس فهمتها ان ليها حقنتين مخدر بس في اليوم يعني لو جالها الم تاني تحاول تستحمله
نامت حياه من كتر الارهاق وأخواتها قاعدين معاها ووالدتها راحت تستريح لانها ست كبيره ووالدها واخدوا ليله معاهم مهما كان دي طفله مش هينفع تتمرمط في المستشفي وفضل اخوها مع ادهم ومراته قاعده بالولاد وولاد اخوات جوزها
افتكر ادهم بعد شويه ان والدته واخواته ميعرفوش فرن علي والدته
ادهم : الو السلام عليكم عامله اي يماما
والدته : كويسه يحبيب امك افتكرت دلوقتي ان ليك ام تسأل عليها
ادهم : ماما انا مكلم حضرتك عشان اقولك ان احنا في المستشفي حياة ولدت
والدته : وساكت كل ده قولي يواد جابت اي
ادهم : نوح يماما نوح
والدته بفرحه : شوفت اني كلن عندي حق لما اجوزك مش فرحتك بالولد احسن من البنت ده انا هوزع شربات علي الناس كلها
ادهم بصرامه اخافت والدته : ماماا لو هتفرقي بالمعامله بين ليله ونوح قوليلي عشان مش هخليكي تشوفيهم مش هضحي ببنتي ومتنسيش انها اول فرحتي وبنت عشق عشق اللي ماتت يا امي يعني يتيمه فاهماني ولا لا
والدته بتوتر : فهماك يحبيب امك وبعدين هو انا يبن الجزمه عمري فرقت بينك وبين اخواتك البنات عيب عليك انا مش صغيره
ادهم : مش قصدي انا بس بلفت نظرك مش اكتر
امه : طب قولي انتوا في مستشفي اي عشان اجي
ادهم : متتعبيش نفسك احنا بكره او بعده بالكتير وهنروح ابقي شوفيه في البيت
والدته : يعني مش عاوزني اشوف حفيدي
ادهم :……………
يتبع ….
لقراءة الفصل التالي : اضغط هنا
لقراءة الرواية كاملة اضغط على : (رواية جرحني ولم يبالي)
