رواية جدايل حكيمة الجبايل الفصل العاشر 10 بقلم إيمان صالح
رواية جدايل حكيمة الجبايل البارت العاشر
رواية جدايل حكيمة الجبايل الجزء العاشر
رواية جدايل حكيمة الجبايل الحلقة العاشرة
عشان بويا رشيد يبجي مرتاح إن بته مبسوطه وهوا في جبره،،،،،
إسراء ••حبيبتي ياخاله،، قبلتها علي وجنتها ثم خرجت من باب الغرفه أمام أمها وأخرجت لها لسانها قاائله،، الل،،
تهاني ••نظرت لها لحظة خروجها،، وه؟ چاتك إيه يابتي!! كنه عجلك خف وخاب،، صبرني عليها يارب،، وإنتي ياحلوة أنتي!! بدك تاچي معانا؟؟ والنهاردة؟؟ أما بچاحه كيف إكده مالجيتش !
چدايل ••مهياش كيف بچاحتك عااد !! سبحان الله،، عچيب أمرك ياتهاني،، كل ما الواحد إيحاول يراضيكي ويتلاشاكي تزودي عليه !! ماتهمليني لحالي أحسنلك !! لحسن آني لو حطيتك إفراسي وچوات عجلي هاكرهك إفروحك تصدجي !! وممكن أشتكيكي لربنا تطلعي من البيت بچرسه،، لااه مش البيت بس!! دى البلد كلاتها !!
تهاني ••بسخريه،، هههي !! إنتي؟ تشتكيني و تطلعيني آني بچرسه !! من البيت والبلد كماني؟! وحياتك ووحياه أمك وبوكي اللي رموكي بنته صغيرة إهني وراحو وسابوكي عشان مالجيينش الوكل !! ولا أنتي ولاعيلتك كلاتها تجدر تخرچني من إهنه بفضيحه ولو دعيتي من إهنه للسنه الچايه حتي !!
رفعت چدايل يديها للسماء وضلت تدعو امامها،،
چدايل ••رد كيدها في نحرها يارب،، تهاني بت العالم بأمها وأبوها إنتا،، تشغلها فحالها وفي بناتها،، وبعدها عني بشرها ياارب،،
تهاني ••هههههههه،، علي جلبك يابت سمعان، جعدالك،،
چدايل ••ماتتعچليش الأحداث بس،، آني دعواتي مستچابه،،
تهاني ••مستچابه ياطاهرة ياللي مكشوف عنيكي الحچاب !!
أمال يابتي لما أنتي طاهرة خدتيه من عليا ليه وإتسببتيلي في الطلاج؟؟
چدايل••نظرت لها وأشارت،،تؤ تؤ يابو خالو،،آني مهريحكيش،،آني بس عجولك كلمه واحده،،حسبي الله ونعم الوكيل فيكي ياتهاني، ويلا بجي بعد إذنك حصلي بتك،،وأغلقت باب الغرفه في وجهها ،،، ثم فتحت ثانية،، آاااه چهزي حالك عشان عالمغربيه ننزلو نچيبو لبتك الغلبانه حاچتها، معوزاشي أكسر فرحتها وأكسر جلبها بسببك ،، أغلقت الباب في وجهها ثانيه،،
تهاني ••ممسكه بطرفاا من ثيابها كادت أن تقطعه صقلااا وحكااا،، بجي إكده ياچدايل يابت سمعان!! ماشي؟؟ ينا يانتي والزمن طويل،، ياني يانتي ياچدايل،، ياناري يانارك،،
وصعدت للأعلي لتلحق بإسراء إبنتها،، وهي تستشيط غضباا بسبب إبنتها وچدايل،،وفتحت علي الفتاه الغرفه بعنف،،
إسراء ••بقفزه من مكانها،، فيه إيه يما ؟؟ إتفزعت يما،،
تهاني••إتفزعتي ؟؟ فزعه لما تفزعك ياكلحه يامبومه !! عما تحرچيني معاها يابت يابو إنتي عااد؟؟ والله لهفرچك علي الزعل النهاردة،،
يومك أكلح من وشك يابو،،
إسراء••وه يمااا !! كلات ده عشان لجتيني فحضن خاله چدايل؟؟ وفيها إيه يعني عااد ؟؟
تهاني ••هجمت علي الفتاه وامسكتها من خدها وظلت تفركه بيدها بين أصابعها،، وأخذت الفتاه تصرخ من عزم ضغط الأم علي وجهها،، إصرخي، إصرخي يابت وحسي بجلبي من چوة وإنتي بتنصريها علي أمك يابت!! وبسرعه بحركة الأمهات المعروفه هزت قدماا من أقدامها رميااا لأعلي حتي قفز الشبشب التي ترتديه وأصبح بيدها ثم نزلت ضرباا في الفتاه وهي تقول،، عما تنصريها عليا يابت الفرطوس؟؟
إسراء••اااه،، بس ياحرمه مفتريه بس يماا حرام عليكي همليني عااد !! يامري الحجووني،، وخلصت نفسها من بين يديها ثم وقفت بعيداا في جانب الغرفه،، والله لو چيتي چاري تاني لاكون فاتحه راسي بالجُله دهياتي وأجول إنتي اللي خبطاني !!
تهاني ••بتعجب ودهشه،، بجي إكده؟؟ ماشي ياسرااء !! روحي وياها وچيبي عفشك والله ماهاچي وياكي،،
إسراء ••إيوة عشان تبجي غلبتك رسمي،، وبتضربيني ليه؟؟ مش عيب لمن تضربي عروسه كيف الجمر إكده؟؟ وإكلح كيف وشي؟؟ ماشي يماا !! إقتربت من أمها بدهاء،، يما،، يما حاولي نفهميني الله يهديكي عااد !! إنتي عما تتعاملي غلط معاها،، والمثل بيجولك إن كان ليك عند الكلب حاچه جوله ياإيه ؟؟
تهاني ••ياسيدي، ياستي،،
إسراء••شكرا ياستي مجبوله منيكي،، نظرت لها أمها ورفعت الشبشب او المداس ثانيه حتي قالت الفتاه،، والله ماجصدي،، أني أجصد إننا لينا عنديهم حچات كتيرة جووي جووي،، جعمزي يما إسمعيني،، جلستاا،، آني دلوك يهمني تچيبلي عفشي وشواري كامل مكمل،، وإنتي يهمك تاخدي منها علي كد ماتجدري،، إكده باللي إنتي عما تعمليه لاهتاخدي لابيض ولاسود ولا آني هتشور،، هتستفادي إيه عااد ؟؟
تهاني ••والله وعادلك حس ورأي !! ولو بردك آچي معاكي وأنجي شوار بتي ياناس وچهازها!!
إسراء ••بعصبيه،، وأنا جولتلك لااه ؟؟ ولاهي؟؟ أباااي !!
تهاني ••خلاص خلاص،، ماتكزيليش علي ضروسك إكدة لايطرشجو،، عما أغور من خلجتك لحد العشيه تكوني چاهزة إنتي والسنيورة،،
إسرااء ••عشان خاطري عدي الليله لحد مانچيبو اللي عاوزاه عاااد !! ماشي؟؟
نظرت لها تهاني من أعلاها لأسفلها وتركتها وخرجت من الغرفه تقول،،
تهاني••إلهي يجصف عمرك ياچدايل يوجف نموك عالأخير يابعيده !!
إسراء••في سرها بعدالشر ياساتر،،
في العشيه أو الليل أو مسااءااا،،خرجت الثلاث سيدات حتي يتبضعن شوار الفتاه،،همت چدايل بخطاها للأمام ومن ثم وراائها تهاني وإبنتها،،
تهاني••ماتوجفي عاد ياست الكابيرة!! مش إمعاكي خلج ماشيين؟؟
چدايل ••أشارت بيدها،، هششش عما أوجف عربيه توصلنا عشان أتفج معاه يرچعنا بالحاچه،، هترچعي بيهم محملين علي راسك عااد؟؟
تهاني ••بكسفه،، أاااءء انا بجول يعني نتسايرو مع بعض حبتين،
چدايل ••إتسايري مع بتك أهي چارك،، وياريت تتفجو عاللي عاتچيبوه من دلوك عشان مانلفش وندور ياما مفهوم !!
بعد أربع ساعات لف وبحث وشراء ذهبو للمنزل ولم تكتمل أشياااءها فعاودو الكره مرات ومرات حتي إكتملت أشيائها،، بعدما إكتملت أغراض منزل إسراء إرتاحت چدايل قليلااا من تهاني وطلباتها وحديثها وأسلوبها المنفر،، ولكنها لم ترتاح من حملها الآخر الذي القاه علي عاتقها زوجها قبل الوفاه،،،
وذات ليله وچدايل كانت قد أطعمت فتيانها وأعدتهم للنوم،، وكانت تستعد للنوم وتجلس في غرفتها مع مصحف صغير في سلام بعدما أطعمت خالتها حفصه وتسايرا في الحديث معااا بعض الشئ،،، وبعدما نام فتيانها بوقت قصير،، دق الباب،، كان الوقت ليلااا ودون العادة أن يدق عليهم أحدااا في ذلك الوقت،، كانت چدايل ترتل قليلااا من القرآن وسمعت صوت الدق توقفت،،
چدايل ••بسم الله الحفيظ،، مين عما يدج علينا دلوك !! هة !! إرتدت إسدالااا ونزلت للأسفل بمفردها لتفتح الباب وجدت الخبط قد توقف،، چدايل خائفه بصوت منخفض ندهت قاائله،، ميين؟؟ مين بره؟؟ وسرعان ماوجدت يداا تسحبها من جلبابها فقط للداخل بقوة ورويه في آن واحد حتي كادت أن تشل أركانها من الخوف فتيبست واقفه ونظرت بطرف عينها للجنب،، لفظت نفسها بعنف،، عندما إكتشفت من فعل ذلك،، واااه ؟؟ يامرك ياچدايل !! عتموتني بسكته جلبيه يابو،،
إبراهيم ••هشش، وطي صوتك ياخيتي إنتي إيه اللي منزلك عااد إنتي دلوك تفتحي الباب لحالك؟؟ مخايفاش؟؟
چدايل ••لااه،، خايفه،، وكنت عتچلط بسببك بس زين إكده؟؟ هنجفو نتحاكو ؟؟ شوف مين دج لايكون حرامي!!
إبراهيم ••حاضر، تعالي علي چنب ياخيتي إكده بعد إذنك ،، إبتعدت عن الباب،، بصوته الضخم،، مين برة عما يدج؟؟ دق الباب ثانية،، نظر إبراهيم لچدايل برعب،، إيه ديه؟؟ تصدجي آني مش علي بعضي !!
چدايل ••حركت فمها يميناا ويسااراا،، وخبططت بيدها علي خدها،، يااحزنك ياچدايل؛!! بعد إوعي !!
إبراهيم ••ضحك وكتم ضحكاته ثم فتح الباب ونظر بالخارج يميناا وشمالااا ثم وجد إمرأه واقفه بعيداا،، نده عليها بصوت مرتفع،، تعالي ياحرمه إنتي،، إنتي اللي عما تدجي؟؟
هزت رأسها تلك الواقفه بعيداا وشكلها مرعب،،
إبراهيم ••وواجفه بعيد ليه؟؟ تعالي جدمي إهنه ! مالك إكده ؟؟ عامله شبه النداهة بتاچي في إنصاص الليالي وشكلك يرعب ؟؟
قالت له تلك المرأه بصوت خائف مرتعد وضعيف،، لو سمحت ياخووي،، هوا ده دار الخاله چدايل؟؟ عوزاها فكلمتين ينفع؟؟
چدايل ••وسع ياخوي من عالباب !! إبتعد إبراهيم حتي خرجت،، إيوة خير ياست !! آني چدايل فيه إيه عااد ؟؟
المرأه ••إرتمت علي قدما چدايل وضلت تقبلها،، أبوس رچلك ياخيتي آني واجعه في مصيبه والناس كلاتها بحديتهم عنك وعن أخلاجك شچعوني إنك إنتي اللي عتجدري تحليهالي،،إنچديني عشان خاطري،،
چدايل ••إرفعي ملسك ولانجابك ديه ياست خليني أشوفك زين،،
المرأه ••حاضر بس خليه يتداري علي چنب الله يخليكي،
چدايل ••نظرت له،، وإنتي خايفه منيه ليه؟؟ ده خوي وأخو ولادي
المرأه ••مش وجت خووف الله يخليكي دنا واجعه فعرضك لمن تشوفي وشي هاتفهمي،،
چدايل ••إتداري وماتبعدش ياخوي،، إبتعد قليلااا وراء الناحيه الأخري للباب ورفعت المرأة وجهها،، ثم رأت وجهها چدايل حتي ضربت بيدها علي صدرها،، يامرري؟؟ وه يابتي مين عامل في خلجتك إكده !!
المرأه ••ماهينفعش أحدتك في الشارع،، لامؤاخذه يعني
چدايل ••تعالي يابتي حطي نجابك علي وشك وخشي عاد،، نظر لها إبراهيم بزمجرة،، إبراهيم وسع إكدة،،
إبراهيم ••مش تعرفي هيا مين لول عشان تدخليها الدار دلوك !! أخرجت المرأه من كمها بطاقتها الشخصيه وهي تقول،،
المرأة ••الحمدلله ياارب إني وعيتلها وآني في اللي آني فيه الحمد لله إنك بصرتني يارب !! خدي البطاجه الشخصيه أهي،،
أعطتها لچدايل،، نظرت بها،، ياامرااحب يامرراحب نظرت للبطاقه ولوجهها،، إنتي بت سلمان أبو بحاري؟ إنتي خوكي يبجي مخيمر سلمان أبو بحاري صُح؟؟ إنتي من ناحية الكفر من جبلي ؟؟ دانتي چارتنا في البلد اللي چارنا !!
المرأه•• إيوة ياست چدايل،، آني مروة سلمان أبو بحاري وخويه الزفت اللي جولتي عليه بشحمه ولحمه اللي عمل فيا إكده،،
چدايل ••يانهار مغفلج ؟؟ تعالي يابتي إدخلي،، تعالي،، إجفل الباب زين ياخوي،،
إبراهيم ••ماشي ياستنا،، أغلق الباب،، آني جاعد صاحي معنامش لحد ماتطمني أو تعوزيني،،
چدايل ••أدخل نام ياخوي چار مرتك،، الأخت انا اعرف عيلتهم وكنها واجعه بورطه كبيرة،، متخافش متخافش،،
نظر لها إبراهيم وللمرأه وكأنه كان ينتظر أن ينظر لوجهها حتي تطمئنه ملامحها وبالفعل أغلق باب غرفته وذهب للداخل وصعدت چدايل مع الضيفه في تلك الغرفه الفارغه التي و ضعت بها بقية أغراضها غير غرف النوم،،
چدايل ••ماتآخدينيش ياخيتي إييي
مروة ••مروه ياخيتي مروه،،
چدايل ••ااه،، أهلاابيكي ياست الكل !! متآخذينيش يعني هنجعمزو إهنه نتحدو ووجت النوم نستجبلك عندي،،
مروة ••الله يخليكي ياخيتي،، هوا مش وجت مضايفه وآني عارفه إني چيت إبوجت مهبب،، بكت،، بس غصب عني،، إهي إهئ،، أعمل إيه عااد !! من اللي چرالي واللي چاري فيا،،
چدايل ••خير ياحبيبتي إحكي مافيش حد غيري آني وإياكي بس،،
مروة ••حاضر،، هحكي،، بس إوعديني إنك هاتجفي چاري كيف ماالناس كلاتها جالولي انك صاحبة حج وكلمه،،
چدايل ••والله لو فيدي أخدمك بكلمه لاخدمك ياحبيبتي،، إتحدتي عاد،،
مروة ••من يااچي أربع خمس شهور إكده ذاع خبر وفاة بويا كيف ماأكيد سمعتي،،
چدايل ••صح حصل،، الله يرحمه كان رااچل غني وكريم وخيره كاتير عالغلابه،، ده لسه حتي إيام كانت بتتبني المدرسه طلع تبرعات حلوة من بلدكم يمكن تكون أكبر مبلغ چالي من النچوع اللي چارنا،،
مروه ••أديكي طلعتي عارفه بوي وتسمعي عنيه،، لمهم،، آني عايشه فمصر من فترة كنت متچوزة هناك وإنفصلت،، وحصلت خلافات مع خوي وبوي كان معترض إني إطلجت،، كانو عاوزني أفضل عايشه فمرار عشان شكلهم وإسمهم ومش إمهم اللي عايچرالي عااد،، كني كفرت إني إطلجت ياخيتي !! بعدها خوى جاللي خليكي عنديكي لاحسن لو هوبتي ناحية البلد طلجك عيارين وتجعي خلصانه،، جلت يابت إجصري الشر وخليكي عنديكي،، وخصوصي كان چوزي في أول الچواز عشان يغاويني چابلي شجه كابيرة وواسعه وكتبها بإسمي،، يعني ملكي وجعمزت فيها وخلااص،، عندي مرتب كان بيبعته بويا باكل منيه ومجطعهوش عني صراحه حتي بعد الطلاج،، وعشت إكده فترة لحد ماچالي خبر وفاة بوي وعزمت نيتي عالنزول ومن إهني وبدأ الهم والحزن الإكحل يجابلني،، كني عملت چريمه لمن إتدليت من مصر؟؟
چدايل••لكان مفروض ماتاچيش ميته بوكي عااد؟؟
مروه ••إيوة امال؟؟ ولاآچي واحضر عزاه ودفنته،، ولا أجوله كلمه واحدةعلي حجي عااد،، بكااء،،
چدايل ••إستهدي بالله ياخيتي،، إهدي عااد،، وكملي،،
مروة••چيت على حالي واتحملت عمايله فيا،، مرة يكرشني ويشتمني جدام الخلج كلاتهم،، ومرةيجول يامطلجه يافلتانه يافاچرة !! وكني واحده مش مليحة معأني كان سبب طلاجي إن چوزي كاان؛؛ كان عاوز يشغلني بالبطال لامؤاخذة وياخد مجابل من أصحابه وإكده يعني،، ولمن چيت أجول الحديت ده لخوي جالي إنتي كدابه وماصدجنيش،، وجلب وجتها بويا عليا بس بوي كان طيب وعيحبني،،
لمهم وبعد وفاة بويا بهبابه إكده وجت فتح الوصيه وتوزيع الورته بعد ماخلااص العزا خلصت والناس كل واحد راح لحاله يعني وجتها بجي،، مكانش عاوزني أحضر وجتها فتح الوصيه،، عشان ماعرفش إيه اللي فيها ويجولي أكيد بوكي ماحطلكيش حاچه في الورته،،جولتله ماشي ياسلمان،،أحضر وأعرف بنفسي إني ماليش حاچه عندك وحهملك وأرچع شجتي بس وجتها المصروف بتاعي اللي بويا كان معيشني منيه هاخدة،،وافج علي إكدة علي أثاث إن بويا حارمني من الورث،، ويشاء ربنا إني أحضر الجلسه معاهم هو والمحامي ويطلع بويا موصي إني آخد ورتتي نصف الميراث تمامااا،، وساعة مايسمع إكده سلمان يتچنن !!
چدايل ••أباااي؟؟ ليه عيخالف شرع ربنا عااد !!
مروة••إيوة يخالف،، ويعمل فيا اللي عامله،، بكااء،، تسمحيلي أرويكي اللي صاير فيا من غير خچل وإتحمليني !!
چدايل ••لاهوا فيكي غير اللي في وشك؟؟
مروة••چتتي متجطعه عااد !! خلعت ماترتدي فوق كومه من الملابس المهلهله ،، جسد ملهلهل كله قطوع وجروح وخدوش،، وبعض الدماء مازالت تنبع منه،، رأت چدايل المنظر حتي إنهارت وبكت أيضااا،،
چدايل ••وااه ؟؟ يامري؟؟ أباااي ياخلج أبااي؟؟ اوعي تجولي ده خوكي؟؟
مروة••باكيه بنحيب••لااه ولسه هحكيلك اللي حصل ياخيتي ابوس رچلك ماحدش هيساعدني غيرك إنتي،،
چدايل ••جعمزي ياخيتي إجعدي،، وكملي،،
مروة••ساعت ماسمع الوصيه وراسه وألف چزمه لازمن أعاود مصر،، رفضت،، وجولتله هجعد كيفي كيفك،، عاوزني أمشي إعطيني حجي ومالي،، آني إكده غلطانه عااد؟؟
چدايل ••ولا غلطه واحده حتي !! وبعدين كملي ياخيتي ؟
مروة••حلف عليا لازمن أهمل البلد وماليش ورته عنديه،، حلفت جصاده وشهدت الأهل والناس جالو تجعد فاجعدت،، كيف ماكون كنت بتلكك عاااد،،
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية جدايل حكيمة الجبايل)
