رواية جدايل حكيمة الجبايل الفصل الرابع والعشرون 24 بقلم إيمان صالح

رواية جدايل حكيمة الجبايل الفصل الرابع والعشرون 24 بقلم إيمان صالح

رواية جدايل حكيمة الجبايل البارت الرابع والعشرون

رواية جدايل حكيمة الجبايل الجزء الرابع والعشرون

رواية جدايل حكيمة الجبايل الحلقة الرابعة والعشرون

بخيته ••في الآخر تطلع ارض بور ياولاد ؟ ههههه،
إسراء••ببكاء وكسرة نفس، الأرض البور بجت بور بيدكم مبيديش، ممخلوجاش إكده آني،
بخيته ••آني جولتله من الأول يتچوز غير بدال وچع الراس دي ومافيش فايدة فيه، جال إيه !! عما يحبك! دة لسه لما اروح له كماني، هجوله واخبرة بكل حاچه، ياأرض بور ياكدابه،
إسراء••سبقتها إلي منزلها ودموعها علي خدها، وكأن عفاريت الإنس يلبسونها وكل ماعلي لسانها هو كلمه واحده لزوجها، بعصبيه وغل،، طلجني ياعبباري!! عاوزة أتطلج وأروح لحالي،
عبد الباري ••اباي ! فيكي ايه عااد إنتي ؟ مالك إكده ! معتهديش ليه ! اهدي لحسن النونه تطرشج، ههههه، عما تشتغلينا كلنا يابنته؟ دانتي أيامك اللي چايه معانا اسود من جرن الخروب،
إسراء••حل سراحي ياعبباري، آني معوزاشي منك اي شئ غير تطلجني واروح لحالي آني وعفشي، وكني مكنتش وياك اصلاا،
عبد الباري ••ليه ياننوسه! هوا آني تخميني طلع صح ؟ كنتي عما تشتغليني ولييه عااد ؟
إسراء••يعني بخيته مادجيتش عليك لسه؟
عبد الباري ••لاه دجت بس ماصدجتش حديتها، جولت اصدجك إنتي، وأسمع حديتك يمكن اطلع منيكي بحاچه مفيده !! هااه؟ إتحدتي، إحكي، يلا سامعك، ماهتحكيش ؟ طب بتشتغلينا ليه عااد ؟؟ طراااخ نزل علي وجهها بالقلم وهو يقول الكلمه ثم أخذ يضربها بلا رحمه،وصارت كل آيامها سوداء بعد تلك اللحظه، عادت الفتاه ذليله وكأنها خادمه لأهل البيت، أسوء المعامله، أفظع الأساليب في الكلام معها، وكانت تتحمل مثلما قالت لها امها،

أما عن چدايل التي علمت بمرضها، ورضت بقضاء الله، ضلت مروة تحاول معها حتي اقنعتها بتلقي العلاج علي يدي الدكتور وجدي، تلك الأحداث أيضااا دارت في تلك الأشهر التي مرت فيها أحداث إسراء، لكن ماكان يحدث مع چدايل كان جيداا لها، علي عكس تلك المسكينه إسراء،

چدايل ••بعدهالك بجي يابت الناس؟ عما تفضلي تزني علي إكده كتير ؟ آني معچبنيش اللي إنتي عما تعمليه معايا دة واصل ! اروح كيف لچل أتعالچ ولو فيه عمليه تتعمل مفهماشي وإنتي اصلاا عما تجولي عينه مني وعيحبني ! دة حديت فارغ، إتصدجي بجي يامروة آني هبتدي اغير رأيي فيكي عااد ؟
مروة ••وه وه؟ إيه ياچدايل، إتچنيتي عااد ؟ وآني ياخيتي بحرضك علي رذيله لاسمح الله!! آني عما جولك تتعالچي معاه تتعالچي معاه إوبس، وبعد إكدة ماليش صالح آني،
چدايل ••لااه، آني خدت جرار تاني أحلي من إكدة بكتيير جوي، آني هلم كل عيال البلد وأعلمهم الحكم والمكبرة كيف مابوي رشيد عمل معايا، وأحفضهم القرآن، امال ! القرآن دواتي هوا الجانون بتاعنا ودستورنا، المفروض إننا نمشي بيه فكل خطوة، وأجولك علي حاچه زينه كماني ؟؟ آني هبني چامعين كماني، لچل الناس ماتتعلم الصلاة ويصلو ويخشو بيوت الله يسألو الشيوخ الطيبه، الشيوخ اللي ياما جالو دة حلال ودة حرام ودلو الناس عالخير، الشيوخ اللي من ساعه مابجو يجولو عليهم إرهاب وخوفوا الناس منيهم والبلد خربت ومعدل الچريمه زااد وبجت البلطچه جانون في البلد، عاوزة أنشر الخير في البلد كلاتها، تساعديني؟ تساعديني في أحلامي كلاتها؟

مروة ••لااه آني مش هساعدك علي إكدة وبس،، آني هساعدك ترچعي لعيالك وتعملي إنتي بنفسك كلاات الحچات دياتي، شفتي بجي آني عاوزة ايه ؟ لازمن تخفي ياچدايل إسمعي حديتي صح،
چدايل ••أباااي،، طيب طيب، هوا ايه دخله بعلاچي بس !
مروة ••وااه يابوي؟؟ هوا اني ماجولتلكيش ! دة رئيس جسم الاورام في مستشفي المعهد الجومي للاورام ! يعنى الراچل هيبجي وسطه كبيرة ليكي،
چدايل ••وااه؟ ماعندي بتاعت شفي الاورمان وأهي في الصعيد معانا إهناكه، إيه يوديني مصر آني ؟
مروة ••بس هوا شغال هناكه مش إهني ! ثانياا ماتبجاش راسك ناسفه عااد ! وافجي وخلصينا عااد بجي، وبعدين إنتي مش عما تجولي إنك بتخافي حلال الله وحرامه ؟ طب ماربنا جال فيما معناه إن چسدك امانه عليكي والمفروض تحافظي عليه وانتي عاوزة تهمليه، مش إكدة غلط ؟ وافجي عشان الحرام وربنا، نظرت لها چدايل ثم قالت،
چدايل ••والله تصدجي أجنعتيني ؟ اممم، ماشي إبجي شوفي الحوار إكده بس بشرط هتبجي معايه ومهتفرجيش، زين ؟
مروة••بفرحه،، صح والله؟؟ وافجتي بصحيح ؟ زين زين جووي جووي، وأخذت الهاتف لتتحدث، ألووة، إيوة يادكتور وچدي ! هيه ياأاه يووة، إنت فين؟ بربكه، إءءئ يادي النور يادي النور، أدخ،، وجدته داخل الغرفه، وااه، لاه مش معجوله دي !
چدايل ••مالت علي جنبها وبعلو حسها، إنتو يابهايم ياللي برة ! معارفينش إتنادمو علينا لچل نستروا چتتنا ! دة يصح ده عااد !
وجدي••أطلع تاني يعني؟ لا مؤآخذه ياچدوله، دخلت من غير إذن بس اللي برة دخلوني، وقفت مروة تضحك وتداري ضحكاتها،،

چدايل ••قامت واقفه، چدولة مين ياعم إنتا هوا سكتناله دخل بحمارة ولييه؟ نظرت لمروة، ده غريب جوي الچدع دواتي،
مروة••معلش الدكتور مايجصدش، الدكتور چاي في غير ياچدايل، وكزتها، خييير بضغطه علي أسنانها،
وجدي ••طيب، يلا بقي ياست چدايل هانم، إنتي عرفتي أنا جايلك فإيه، إتفضلي قومي لمي هدومك وحالك ومحتالك ويلا بينا علي مصر !
چدايل ••وااه وااه ! لاه دة مخه ممخول خاالص ! علي فكرة ياچدع إنت إنت إهنه دكتور ولا أكتر ولا أجل ! خلي فبالك يعني
إقترب ليحدثها،
وجدي ••وعاشق وحياتك، وهبقي زوج ليكي وبكرة تشوفي،
إغتاظت اكثر ثم قالت،
چدايل ••مچنون رسمي والله، مچنون رسمي، أسافر فين آني بلاش عباطه بجي، روحي يامروة إنتي وياه،
مروة ••وبعدين ؟ مش جولنا إننا هنتعالچو عشان ولادنا وبدننا وصحتنا اللي هنتحاسبو عليها ؟
چدايل ••أشارت ناحيته،، بالشكل دواتي؟ دة هيشبهني في الكفر ياحچه، لاه دة في الكفور كلاتها !
وجدي ••وهوا اللي هيتجوزك يبقي هيشبهك؟ صعيديه قووي !
ضحكت مروة ثم قالت چدايل،

چدايل ••مريحاش في حته آني لاه مريحاشي، دخل إبراهيم في لحظه وكأنه ينتظر المعركه معه مهاجماا إياه،
إبراهيم ••فيه إيه ياچماعه ومين دة لو سمحتم؟ وكيف يعني يخش راچل غريب وآني مش إهنه ؟
چدايل ••دة مش غريب يابراهيم، دة الدكتور وچدي، المعالچ بتاعي،
وجدي ••مد يده بالسلام، وخطيبها مستقبلاا، جن جنون إبراهيم قائلاا،
إبراهيم ••لااه ياخوي، إحنا مش البيت اللي حداه البنته، البنته اللي هنا لساتهم كلاتهم صغار، إنت اكيد تجصد الدار اللي چارنا ! إنما دياتي ؟ دياتي عنديها أربع ولاد، مدام يابوي،
وجدي ••بثبات، عارف، وعايزها بردة، أصلي ماعرفتكش بنفسي، أنا دكتور وجدي، رئيس قسم أورام القولون والأمعاء في المعهد القومي للأورام، مطلق سته وتلاتين سنه يعني قول سبعه وتلاتين كدة، بس بحلم اتجوز واحده بعقل جدايل قبل ماشوفها لحد ماقابلتها، أختك شخصيه نادرة، وأنا عاوزها، وهتجوزها إن شاء الله،
چدايل ممسكه ببطنها من كثرة الضحك بسبب أسلوب الدكتور ومروة شرحه ولا يعرفون اين يذهبون بالدكتور ،
مروة••ماتيلا يادكتور عشان نعرفوها الحچز فينه ! خلصنا ياسيدي،
نظر إبراهيم لچدايل ومروة في غيظه ثم أخذ حاله وخرج للخارج، ثم حدثها وجدى،
وجدي ••ماله دة ؟ يلا ماعلينا !ممكن تحسمي موقفك عشان نتصرف علي اساسه ؟
چدايل ••لااه معرفش أتصرف إكده، لازمن آخد رأي الخلج اللي برة دي كلااتها وبعد إكده نبجي نجررو،
مروة ووجدي في آن واحد،، بس إكده ؟ ياسلاام؟ غاليه والطلب برة اهوة،
مروة••ياچماعه ؟ ياخاله ربي ياتهاني تعالو لو تسمحو، دخلو متجمعين جميع من بالمنزل ليست تهاني وربي فقط، وبعد مداولات ومشاورات وشد وجذب بينها وبين إبراهيم، ربي والجميع يقولون بالموافقه وإبراهيم هو المعارض، وبعد وقت طويل،
چدايل ••خلاص يبجي علي خيرة الله، آني وخاله ربي وعيالي هنروحو معاكي يامروة ونعيشو معاكي في ڤيلتك والأخ دواتي مالهوش دعوة بيا عااد !
رد الجميع، صح إكدة إيوة صح، وماله، الكل يتحدث في نفس الآن، وقام وجدي بالرد بالروديا،
وجدي ••أيوة دة اللي هوا إزاي وأنا بقولك أنا عاوز أخطبك أصلاا ؟ ياجماعه، عشان انا هبقي متبني الحاله ومسؤؤل عنها، وعشان انا عارف انها الكبيرة وماينفعش تروح وتيجي من غير راجل، فأنا هقطع ألسنة اي متحرش لفظيااا بيها، وهقري فتحتها حاليااا، إذبهلت چدايل ثم صمتت ولم تنطق، وقرأ الدكتور والجميع سورة الفاتحه، وزغردت النساء والجميع يفرح بها، في وسط تلك الفرحه العارمه فيما بينهم إنسحب إبراهيم وهو يبكي وينظر لها بحسرة وحزن، ثم قاطعت هي الحديث قاائله،
چدايل ••ياچماعه ياللي عما تخطبوني إنتم وإفرض آني متت جبل الزواچ؟ تبجي علجت روحك بي عالفاضيه ؟ وأبجي آني جليت من روحي وسط الخلج؟ آني مش عيله صغيرة،

مروة ••خلاص ياروحي، جري فتحتك إتبطي عااد ضحكه صفراء ..
چدايل ••تنظر للجميع وهي تمسك برأسها وبطنها ثم قالت، شوفو براهيم طالع بكيان ياولااد، ثم سقطت من طولها، هرع إليها الجميع وحملوها من الارض وسرعان ما كانت علي طريقها متجهون بها للقاهرة حتي يتم علاجها ♕♕♕
في بيت عبدالباري،
بخيته ••جومي ياهتيرة يلا لمي الوكل، وإنت ياولدي، تعالي عنديا ليك حوار،
إسراء مدقوقه في مكانها مثل البرغي فنهرها زوجها
عبد الباري••مش أمي جالتلك جومي لمي الوكل؟ يلا جومي خلينا نتحدتو علي راحتنا عاااد !
إسراء••وآني دلوك مانعه راحتكو بردك؟
إلتقت الحذاءمن الأرض وألقاها بها قاائلاا،
عبد الباري ••إدخلي چوة يابلغه جديمه يلاا،
بخيته ••عديمة الدم،
إسراء ••وااه! مالكم عما تخبو عليا إيه؟؟ هوا سر حربي !
عبد الباري ••ماتخلينيش اشيعلك فردة المداس التانيه عاد ! غوري يابت من إهنه !
سارت إسراء تدبدب في الأرض ثم إختبئت بعيداا عن أعينهم بعدما سارت لتسترق السمع عليهم،
بخيته ••بجولك بت بنوت وزينه ومدرسه كماني، وآني متوكدة إنها هتعچبك ياضنايا، وهتبجي تحت طوعنا مش كيف العجربه مرتك !
عبد الباري ••بفرحه، واه ياما! مدرسه بصح؟ طب خلاص عاوز اشوفها الليله عشان أذا عچبتني ماتروحش عليا،
بخيته ••إيوة ياولدي إيوة، بس إوعي المزغودة مرتك دياتي تعرف،
عبد الباري ••إوعك إنتي تجوليلها خاالص، بس إكده إكدة مسيرها عتعرف كل حاچه، آني مخايفش منيها يعني،
بخيته ••لاه ياولدي عشان مانبجوش غلطانين إفهمني عاد،
إسراء التي وقفت علي بعد خطوات منهم مخفيه بعيدا تستمع للحديث وأكل قلبها الغيظ والغيرة وإنفرطت من عيونها الدموع وكأنها عقد من اللآلئ قطع وبعثرت حباته، لكنه بعثرت علي ثيابها، وأخذت تتحدث بصوت خافت،
إسراء••بجي شوهتني وخليتني بور وعاوز تتچوز عليا ياعبباري؟ وعما ترتبولها من بعيد ؟ ماشي ياعبباري ماشي، والله ماتعيش فيها يوم واحد بعد ماتنوي تچيبلي ضرة، ولا إنت ولا أمك ولا العيله كلاتها،
زاد تعنتهم معها وباتت تكتم غيظها وألمها داخل قلبها، وفي يوم وهي في السوق، تبضعت البضائع وأتت بطعام لمدة أسبوع وتبلته وخزنته في الفريزر، وجهزت الخضروات وعلبتها في الثلاجه، وأعدت لهم أطعمه تكفيهم حيث كانت هي من تعد لهم الاطعمه، خزنت الجديد بالأسفل ثم أخرجت القديم علي الوجه وباتت تستعمله،

وجاء يوم الصاعقه بالنسبه لها،
بخيته ••مبروك ياولدي لولولي، لولوي، الزغاريد تملأ الدار،
عبد الباري ••الله يخليكي يما، شالله تتهني بولادي ياارب،
إسراء ••تخرج من الداخل مستغربه، فيه إيه؟ ايه اللي چراا؟ مالكم بزغردو ليه؟
بخيته ••مبروك ياضنايا چوزك خطب اللي عتچيبله الواد !
إسراء••في حالة هلع علي ذهول علي ضحكات وبكاء، وه؟ إنتي بجولي إيه يامرة يامخبوله إنتي ؟ إنتي إتچنيتي؟
بخيته ••وليه يابتي ؟ هانعملو حاچه تخالف الشرع؟ دة حلال ربنا،
إسراء••خذت تصرخ تصرخ بعزمها وبدأت تقطع في شعرها وذهبت تهرول إلي بيت أبيها مسرعه،
في المنزل حيث صادرت حديثها أمها قائله، عيشي يابتي، عيشي بجي تعبتينا،
إسراء ••يعني ايه يما؟؟ يعنى أسكت وافضل علي إكده وأجبل علي إكدة يما ؟ لااه أرچوكي طلجيني عشان خاطري، عاوزة اطلج،
تهاني••والله العظيم، لو نطجتي الحديت دة تاني لادبحك ! إنتي فاهمة ولا لأ، آني ماعنديش طلاج، آني أبوكي إتچوز عليا عيله مفعوصه وماتكلمتش ولا نطجت، ويوم مانطجت إطلجت، ضللي علي دارك وإسكتك،
إسراء••ماشي يما، ماشي والله العظيم لاهتندمي يما، آني هندمك وهندمهم علي أعمارهم، ولو طلجني لاآخد بعضي وأطفش من البلد دى، وتركتها وذهبت للبيت هناك، بيت عبد الباري،
وكل ماعليها أنها تطلب بعلو صوتها وصريخ،
إسراء••طلجني ياعبباري، طلجني،
عبد الباري ••لاه، مرتي ومهطلجهاش،
إسراء••طلجني ياعبباري أحسنلك ! سيبني فحالي احسنلك ! والله ماعيحصلك زين !
عبد الباري ••ههههه والله العظيم إنتي جمر، هههه، قام واقفاا بها من شعرها، عما تهدديني يابت ؟ دانتي آخرك تفضلي خدامه لينا،

إسراء ••صرخت بعزم حتي يتركها ولكن بالعافيه تركها بعدما بكت، إنت ليه عما تعمل معايا اكدة؟ ليه!
عبد الباري ••عشان تبجي تعملي علينا مفتحه، بتحوري علينا ! مفكرانا ماعنعرفشي يابت البو؟ عاچبك إتعيشي اهنة كيف الخلج عيشي، ماعچبكيشي يبجي إطفشي،
إسراء••هفضل أكررها تلات تيام ياعبباري، وبعد إكده لو مانفذتش طلبي ! جمسماا بربي لاهجتك حالي وتبجي إنت السبب فموتي،
عبد الباري ••إكده إتفجنا، إنتي عليكي طلجني وآني عليا لاه لحد مانشوف هتصدجي ولا لأ ماشي؟
إسراء ••ماشي ياحبيبي، والچدع اللي عيضحك في الآخر،
بعد ثلاثة أيام بالتمام والكمال، بعد زن دام تلك المدة دون جدوي، بعد تعب وجدال بينها وبين الكل، دون جدوي بتنفيذ طلبها !
يوم الحادث الغريب ومن الصباح وكأنها تبيت النيه، خرجت صباحا ولم تعود إلا في الظهيرة دون علم زوجها،حينما علم جن جنونه،
عبدالباري••إنتي كنتي فين ياوش البومه؟وإزاي وكيف ماتستأذنيش؟؟
إسراء ••أستأذن ؟ ميته وكيف وليه؟
عبد الباري وأمه يقفون لها بالمرصاد وزوجه أخيه معهم أيضاا،،
بخيته ••ياباكسه يافاچر! إيه جله الخشا من راچلك دياتي !
زوجه الأخ••آني معرفاشي الچنان لابسها ليه عااد؟ يكش تكوني فاكرة إننا هنجوله يسيبك ؟ الطلاج في الدار دة شئ شبه يستحيل، فاإعجلي إكدة وإهدي،
إسراء••أخرجت كيسه ممتلئه حبات مجهولة الهويه وأفرغتها في يدها وهي تقول، لااه، ماهو آني عجولك حاچه زينه جوي جوي حاللااا، إعتدلت ثم بدأت تفرغ المحتويات التي بيدها علي فهما دفعة واحده وذهبت لتبتلع الحبيبات ثم أكملت، هااه ؟ هتطلجني ياود الفرطوس ولا هتفضل تذلني كاتير إونت وحبة الرمايم دولي !

عبد الباري ••إيه دة؟إنتي بلبعتيلي برشام؟ هههه تصدجي خفت عاد ؟
إسراء••بدأت بعنف تهز رأسها وكانها تغيب عن الوعي ثم عادت ثانية، لااه، ماهو إنت هتوافج عاد يعني هتوافج، طلجني يابن الفرطوس ! وبدأت تقطع في ثيابها بيدها الإثنتين وتصرخ، طلجنااااي،
عبد الباري ••وة وة، إتچنت وليه دياتي !
إسراء••هوا إنت لساتك شفت شغل چنان عاد ! وبدأت تخبط رأسها بعنف قوة ومن غيظه ذلك المفتري ذهب ليخبطها هو الآخر حتي شجت رأسها ونزلت منها الدماء،
إسراء ••براڤوووة، هههههههه شاطر، يلاااا، چدع زين، وبدأت تلقي بكل الأغراض المحيطه بها بالأرض لتنزل مكسورة لنصفين، وكلما عليها هو الصراخ وكلمة طلجني، وحمي الوطيس بين طرفي النزاع وبدأ الجميع يضربونها وهي تظربهم حتي صارت ثيابها مهلهلة ووجهها يذرف دماءاا وبسرعه حررت نفسها بإعجوبه ثم خرجت لتجري دون أن يوقفوها بعدما بدأت تصدر خركات مخيفه لاإراديه، وبدأت تصدر أصواتااا ليست صوتها، اخافتهم تلك الفتاة بأصواتها الغريبه ومن ثم هرولت للخارج إلي ذلك المكان البعيد،
لحظة الحادثه،،
في ارض زراعيه،، بعييدااا عن المنزل،، سيدة تهرول في الارض بثياب مقطعه وشعر مقطع،، وتلقي بروحها تحت جرار حرث وهي تصرخ وتهلوس بالحديث ولا أحد يفهمها،، رأتها الخلائق من بعيد فأتو ناحيتها وهي مازالت تصرخ حتي بعد دهس الجرار لبعض جسدها،،راها البعض حتي قال،، ياساتر يارب !! دي البت سراء مرت عبباري وبت الشيخ رشيد
إيه الحاله هيا فيها دياتي؟! مالها البت كات زينه،،،

إقترب الناس عليها ثم أمسكو بها،، إسراءتعد تحت تأثير مخدر تفعل أشياء غريبه لاأحد يصدقها،
إسراء ••سيبوني،، سيبوني ياخلج عاوزة انزف لما امووت،،
أحد الوقفين ••فيه إيه يابتي كنتي زينه عااد؟!!
إسراء••عاوزة اموت عااوزة،،،، امووو، ثم فقدت وعيها،،
خبط المارة بكفوفهم بشفقه عليها وبدأو يتحدثون،، إيه اللي چرا لبيت الحج رشيد بعد العمر دة كلاته ؟؟ الكبيرة طالها اللي طالها،، والصغيرة طالها اللي طالها،، يلاياود عمي أنتا وا ننجلوها عالمشتشفي راخرة،، يلااا،، ونقلو الفتاه علي المشفي وهمو بإخبار أمها،،
في بيت رشيد،، تهاني تصرخ بعلو صوتها،،
تهاني ••يامري !! بتي إيه اللي صابها،، يابتي،، ياحبة الجلب،، وسحبت طرحه ثم طارت للخارج دون الملس حتي،،
في المستشفى،، الفتاة محجوزة في غرفه والأطباء عندها طيبي يخرج آخر يدخل في حالة هرج ومرج،، كل منهم لايعرف تماما مابالحاله،،
وصلت تهاني للمشفي وسألت حتي وصلت لغرفه للفتاه،
تهاني ••آني امها ياباشا وبدي اطمن عليها دخلوني بس عااد،،
الدكتور••ممنوع ياحچه بتك لسه واصله وعتدخل عمليات كنها،، ودراعها مكسور برچلها،، هيا بتاخد حاچه للإنهيار ؟؟ عنديها حاله نفسيه؟؟
تهاني ••بتي كيف الجردة،، مالها فيها إيه !! طمنوني ياخلج الله يستركم،، بكت،،
تركها الدكتور وخرج آخر قاائلااا،،
ماتجلجيش ياحچه بتك هتبجي زينه
تهاني••ياني عالنصايب اللي عما تلاحجني ياربي،ابااي!
بعد ساعه من الفحص،،

الدكتور••ماتجلجيش ياحچه بتك إتعملها غسيل معده وإتچبست،، بس عنديها حالة إكتئاب هيا اللي خلتها تجبل علي الإنتحار، وبعد تمام الشفاء هتدخل علي علاچ نفسي لااااازم وضروري، ولحد الحاله دي ماتنتهي هتبجي تحت تأثير الادويه المهدئه مهتبجاش متنبهه كتير،،
تهاني ••اااه ياجلبي،، اااه،، بكت وعددت،، يامرك ياتهاني يامرك ياتهاني !!
من ورائها خطوات لوجه نحيل وجسد هزيل،، هتبجي زينه ماتجلجيش،، جولي يارب،، تلفتت تهاني بإستغراب وطرف طرحتها في فمها والدموع تغرق وجهها،، يووة !! إنتي بردك مارحمتيشي روحك وچيتي يابت الناس !! عما تغلبيني بزوجك حتي وإنتي فمرضك الواعر؟؟
چدايل••مش عشانك،، دة عشان البت سراء غاليه علي جلبي جووي،، وعشان آني كماني بتمني من ربنا الشفا،، ولازمن ازور مريض ياستي باخد أچر الزيارة،، فيها مشكله عنديكي !!
تهاني ••مسحت دموعها من علي وجهها ثم طأطات علي ظهرها قليلااا،، تعالي،، تعالي ياخيتي جعمزى لازمانك ماجدراشي،،
چدايل ••أنا بجيت زينه عن الأول، المهم البنته تبجي مليحه،
تهاني ••وفينها ربي ماچتش معاكي ليه !!
چدايل ••ربي في الدار،، كتر خيرها هيا اللي مخليه بالها من عيالي وعيال ولدها،،
تهاني ••ربنا يجويها وجومي روحي الدار إرتاحي،،
__________

بعد يومين من عودة چدايل والدكتور وجدي ثانية إلي القاهرة، وبعدما بدأت إسراءتصحو من حالتها التي كانت فيها ! لكنها لم تكن تنطق ولا تتحدث ولم يعلم أحد ما السبب ففسروها بالصدمه العصبيه،
لكن في ذلك اليوم ماحدث كان اغرب من صمتها، حيث قامت البلد جمعاء علي كارثه، بيت عبد الباري بجمعهم ميتون دون معرفة السبب، الأم بخيته وعبد الباري وزوجته واخيه وكل من بالبيت، لم تتمالك تهاني روحها من الفرحه وذهبت لتخبر أبنتها بما حدث معتقده ان الله قد أتي لها بحقها،
في المشفي، تلك الفتاه التي لاتتحدث، امها الفٓرِحه عندها لتخبرها بتلك الأخبار الحلوة،
تهاني ••ياسرااء؟ يابت ردي عليا بجي ! شوفتي الاخبار الزينه؟ عوج چوزك مات هوا وامه، مش جولتلك ربنا هيچيب حجك ؟ اهم غارو وخلصتي بدون تعب يابت، الحمد لله ربنا چابلك حجك،
نظرت لها إسراء بنظرة شاردة تشق الوجه نصفين من قوتها، حيث نظرة مرعبه، لم يتحرك من جسدها غير وجهها برقبتها التي إستدارت ناحيتها قاائله،
إسراء••مين جالك إني متعبتش؟ آني تعبت جوي عشان أوصل للحاله اللي أنا فيها دياتي،
تهاني ••الحمد لله، قامت تجري لتنادي علي الأطباء فجذبتها إسراء من يدها بقوة ثم حدثتها
إسراء••إنتي كيفك كيفهم كان لازم أسمك كيف ماسمتهم، بس إنتي للأسف أمي،
تهاني ••وااه؟ عما تخرفي يابتي ؟ لاحول ولاجوة إلا بالله !
إسراء ••آني ماتچنتش أصلااا عشان احدت نفسي، إنتي اللي مخبله ومخك علي كدك، لو اللي عما بحكيه دة طلع برايا آني وإنتي عجول عليكي شريكتي في الچريمه، انتي اللي خططي وآني نفذت، إنتي فهمتي؟؟

تهاني ••وه ؟ دي مش سراء بتي اللي بتتحدت، دة شيطان اللي بيتحدت، أستر يارب، أستر يارب، وقامت تجري من جوارها مفزوعه خائفه، وعادت ثانية إسراء لسكونها وكأنها لم تتحرك، وتركت تهاني حائرة لاتعرف ماذا تفعل،
بعد أيام من صمت تهاني وسكون إسراء،، جاء موعد التحقيقات وكشف الحقيقه حيث أتت عمتها تلك الممرضه شقيقة عبد الباري ة بخيته مع الشرطه متهمه إياها بالقتل واخذت تصرخ وتولول علي باب حجرة إسراء، وحاولت تهاني منعها،
العمه ••سراء هيا اللي جتلتهم آني متوكدة، إعدموها، اكشفو علي عجلها والله مافيها حاچه، بكاء أمي وخواتي ياخلج، حسبي الله ونعم الوكيل بكت بحرقه وقاطعتها تهاني قائله،
تهاني ••وانتي كنتي فين ياخيتي لما كانت البنيه بتتعذب وماحدش بينچدها ؟ ماترميش بلاكي علينا،
خرجت إسراء من الداخل بيدها المكسورة وعظمها المرمم مستندة علي عكازات، حاولت الممرضات منعها لكنها خرجت لتنهي المعركه،
إسراء••آهلااا بالست الدكتورة ياأهلااا ! منورة يامبومه،
الكل في عجب، إيه دة دي بتتحدت، دي فاجت،
إسراء••آني ماغبتش أصلاا، آني ماغبتش، آني كنت عحاول اغيب بس ماظبطتش، ماشاء الله كلكم أغبيه
نفر من الشرطه، إنتي عما تجولي إيه؟ إنتي كنتي بينك وبينهم مشاكل والفترة الاخيرة شهدت بكدة، ردت إسراء بكل قوة
إسراء••إنت عايز إيه انت ؟ معوزاشي اشوف حد فيكم، بلا وچع راس
رد ظابط من االموجودين،

الظابط•• إحنا چايين في تحجيج رسمي ياأستاذه چايين ناخدوا أجوالك، يلا يابني شوف شغلك، جلس أحد افراد الشرطه ليسجل الأسئله التي ستسأل والاجوبه التي ستقال، الجتيله حماتك كانت علاجتك بيها كيف؟ والزوچ؟ هل بيناتكم مشاكل؟
إسراء••تضحك بعزمها، ههههههه، كانت علاجتي إيه؟ اجولك، إتسببتلي في الضرب وانا حبلي، فاسجطت ورحمي إتهتك من عزم الضرب ولما أتخيط في المستشفي المفعنه الدكتور يشوة الرحم يخليني معخلافش تاني، وجوم إيييه ! بعد مابوظولي دنيتي ؟ تجوم تروح تنجيله عروسه تليج بمجامه وآني علي زمته، متخيل؟ ولما أجول طلجني يرفض ؟ كان مطلوب مني أعمل إيه؟
الظابط ••يعني انتي اللي جتلتيهم؟
إسراء••بعصبيه، أيوة، أيوة آني، وأجولك علي حاچه ؟ أمي السبب، طلبت منيها أجعد عنديها ورفضت، جالتلي عيشي، وعشان اعيش كان لازم اجتلهم، وبسرعه إلتف حولها أفراد الشرطه وصفدو يديها بالأصفاد بعد إعترافها بالجريمه أمام الجميع،
في التحقيقات، إعترفت بأنها سممت الطعام المخزن التي قد أتت به من السوق مؤخراا حينما سمعته وهو ينوي الزواج بأخري بيتت النيه بالقضاء علي الجميع من خلال سم الطعام ومن ثم رتبت للجريمه وكانت قد إبتلعت الدواء وفعلت كل مافعلت حيث القت بروحها تحت الجرار ظنا منها وقتها أنها ستنجو من التهمه لأنها بعيده وتقتن المشفي وظنت النجاه بذلك التخطيط حينها،
بعد أشهر حكم عليها بالإعدام ثم خفف الحكم للمؤبد بسبب الحاله النفسيه التي سارت متموضعه بها دائما،
آخر ماقالته لأمها إسراء يوم المحاكمه،
إسراء••مش مسامحاكي ياتهاني في كل حاچه، إبجي إتهني بالفلوس بجي بعد موتي،
تهاني ••ببكاء، يابتي الله يسامحك آني معوزاشي حاچه غيرك والله، لتبتسم إسراء
إسراء••والله يما لاتعيشي متندمه طول عمرك، هما مانفذوش حكم الاعدام فيا ليه عااد؟ آني هنفذه
وسارت تخرج مع العساكر المكفلين بحراستها، وكأنها تخبئ شيئا في أكمامها
في الليل،
وجدت إسراء في الغرفه غارقه في دمائها منتحرة،،
مرت أعوام وأعوام عديدة
تلك الكبيرة التي غرست القيم وعلمت الأطفال القيم وحكم القبائل، قرابة التسعون طفلااا عملتهم ماتعملمت من قرآن وخير وعرف شرعي للقبائل، لم تعد چدايل خائفه من الموت، وكانت مستعدة لمقابلة الله في ابهي اعمالها، لكن الله أراد ان يعوض عالمها السابق بعوض كبير،
في المشفي حيث قامت بعمل آخر تحليل،

تنتظر النتيجه هي والدكتور وجدي، زوجها حاليا
وجدي ••هااه يادكتور؟ طمننا الله يخليك ؟! چدايل تمسك بيده بقوة خائفه لتقول،
چدايل ••جول يادكتور أنا مؤمنه بقضاء الله وجدره
الدكتور••مبرود يامدام التحالية طلعت سلبيه المرادي ودة معناه إن الورم إنحصر خلاص من الچسم، مبروك الشفا يامدام،
حضنها الدكتور وجدي فرحااا ثم بكت في حضنه من الفرحه حيث علمت بشفائها، وتحولت حياتها من تلك الحياه التي كلها ظلم إلي تلك الحياة التي كلها فرح وسعادة، لم يتخل الدكتور عنها حيث بني لها بيتهاا منفصلااا، ولم تتخل عن مسؤؤليتها تجاة الكفور، وأنجبت العديد من الأطفال، وعلمتهم أن الرجال لايقبلون الضيم، علمتهم أن الرجال لايقبلون بظلم المظلوم، أن الرجال لايعطون الدنيه في حقوقهم، علمتهم الحفاظ علي الحقوق بشرع الله، علمتهم الحفاظ علي الإناث، علمت مردت الحقوق لإصحابها، وعلمت وعلمت مازالت تعلمهم حتي لو في لفظات أنفاسها الأخيرة،،
بعد أعوام عديدة،،
چدايل تزور ربي لتطمئن عليها ومعها اولادها من رشيد،
موسي يحدثها،
موسي••والله يما وحشتني الدار إهنه !

چدايل ••عندك دلوك دارين بدال واحده، يلا خلص چيشك وتعالي لچل تمسك إنت البلد وحكمها مطرحي، آني بدي ارتاح وأفوج لبوك وچدي بجي،
موسي ••بطلي بجي چلع فيه عااد، بلاش چلع ماسخ، وضحك الجميع ليأتي من ورائه وجدي ليخبطه علي أسفل راسه بضحك معه ويقول،
وجدي ••ماتبس يااض ياهتير إنتا، لساتك عما تغير مني عااد ؟
موسي ••يابااي؟ دة كنك بجيت صعيدي اصيل ! حتي دواتي خرطتي عليه ياچدايل ؟ هههههه
چدايل ••إللي يعاشر چدايل لااازمن يتغير، بس يتغير للزين مش للشين،
وجدي ••وآني عاشرتك وعشجتك وبجيتي حالي ومحتالي ودمي وشرياني، عحبك عااد يابت سمعان، وضمها لصدره ليخجل إبنها الشار ثم تركهم وإبتعد ذاهبهاا للداخل حتي يجلس مع ربي، وترك العاشقان يتحدثان في هدوء ليلحقا به بعد قليل،،
وعمت السعاده البيت ثانية، بعدما كانت قد ضاعت لسنوات،،،،
#تمت_بحمد_الله

لقراءة الرواية كاملة اضغط على : (رواية جدايل حكيمة الجبايل)