رواية جدايل حكيمة الجبايل الفصل الرابع عشر 14 بقلم إيمان صالح
رواية جدايل حكيمة الجبايل البارت الرابع عشر
رواية جدايل حكيمة الجبايل الجزء الرابع عشر
رواية جدايل حكيمة الجبايل الحلقة الرابعة عشر
ولا أكمل رفع الڤيديو علي بجيت المواجع الإباحيّة وتتشهري وتبجي،،،، جد الدنيا يا،،،،،؟؟؟
مروة••تنظر لشاشة الهاتف بإنهيار وأنفاسها بين العلو والإنخفاض،، هااا،، لاه،، لاه لاااه لاااه،، صرخااات وأسقطتت الهاتف من يديها،، وكادت أن تقفد الوعي فالتقتتها چدايل بين يديها،،
چدايل ••وه يامروه فيه إيه؟؟ شوف فيه إيه يابراهيم،،
مروه ••تحاول النطق،، به،، بلاااش،، بلاش،،
نظر إبراهيم لچدايل وكأنه فهم ثم قال،،
إبراهيم ••ده كنه الفيديو أكيد ياچدايل،، شوفي إنتي لامؤاخذه آني مايصحش،،
أخذت چدايل الهاتف وبدأت تنظر،،
چدايل ••وه وه وه يامري يامري إستغفر الله العظيم إستغفر الله العظيم،، وه؟؟ رمت الهاتف من يدها خجلااا،، جلبه إبراهيم وفي نفس اللحظه مروة تنازع،،
مروة ••حسبي الله ونعم الوكيل،، حسبي الله ونعم الوكيل،، وأغلق إبراهيم الهاتف دون النظر فيه،، بينا عالحكومه ياناس هما يچيبولي حجي عااد،،
إبراهيم ••بعدها تطلعي علي الدوار إهناكه ي بأمان عن إهنه،،
چدايل ••بينا يابرهيم بينا جبل الفضايح أكتر ربنا ينتجم منيه،،
مروة••ده يستحيل يكون ولد أمي وبويااا أبدااا يستحيل،،
وسارت وهي تتحدث بصوت متقطع،، حسبي الله ونعم الوكيل،،
في مركز الشرطه أدلت مروة بأقوالها كاملة ثم أخرجت الصوت والفيديو وأتخذو كأدله وقامو بعمل المحضر وحرك المحضر،،،
بعد القيام بعمل المحضر اودعوها في ذلك المكان البعيد الذي إقترحه إبراهيم ثم عادا إلي المنزل،،
رُبي ••وه ياولدي كلات ده كنتو فين عااد !!
إبراهيم ••كنا بنوصلو صحبت الكبيرة وروحت،،
رُبي••طيب ياولدي زين جووي،، حمد الله عالسلامه
چدايل ••براهيم؟؟ لو تسمح هبابه،، عاوزاك دجيجتين،،
إبراهيم ••ماشي ياستنا عدخل أطمن علي مرتي والعيال وآجي
چدايل ••ماشي ياخووي وآني كماني أخش أريح شوي،،
صعدت للطابق الذي به اولادها لتجدهم مع حفصه،، الاولاد منهم من يلعب ولا يبالي ومنهم من يبكي،،
دخلت چدايل الغرفه فوجدت ذلك المعترض موسي ثائرااا كالعادة
چدايل ••وه؟؟ مالك ياولدي فيك إيه؟؟ مالكم ياولاد؟؟ مافيش ألا خوكم هوا اللي عما يلعب وإنتو لااه؟؟
حفصه ••كله منه وش البو دواتي،، عمال يزعج ويشخط فيهم وفي الآخر جام ضربهم كلاتهم وبجت مُهرسه،،
چدايل ••بغضب،، وه ؟؟ مبجاش ورايا غيرك ياسي موسي ولييه آني عاد !! مالك فيك إيه !!
موسي ••كله بسببك آنتي اللي سيباني طول النهار وآديلك كذا يوم،،
چدايل ••بشدة،، إتحدت ويايا زين ياولد،، إتأدب معاي،، بلاش جلة حيا،،
موسي ••إنتي شينه ومعحبكيش،، وإختبئ بحفصه،،
چدايل ••وه عااد !! بغضب جسماا عظماا لو ماتأدبت لهكون معاجباك عِجاب مخطرش علي راس حد،، وإخفي من خلجتي يا ود دلوك اني مطايجاش روحي دلوك !!
حفصه ••وه وه وه وه !! في إيه يابتي كنه الموضوع واعر،، أجعدي إرتاحي الود ذنبه إيه !!
چدايل ••ذنبهم إني امهم،، ذنبهم إني إچوزت بوهم وشيلني الشيله التجيله دياتي،، ذنبي إني مجهورة اليوم جهرة كبيرة عاااد،،
حفصه ••ياابووي!! تعالي،، تعالي يابتي فحضني ماتبكيش، ولا أجولك إبكي وكاتير كماني فكي عن روحك،، روح ياواد إلعب برة إنت وخواتك مع عيال خود براهيم،، أمكو تعبانه أخرچو،،
رد الاولاد،، حاضر ياخاله،، وذهبو للعب،،
مالك يابتي؟؟ فيه إيه عااد ؟؟
چدايل ••لأول مرة أحس إني جليله وضعيفه وماعرفاشي أحل مشكله جدامي ياخاله،،
حفصه ••مشكله؟؟ مشكلة إيه دي؟؟ مش كنتي بتوصلي صحبتك؟؟
چدايل ••لااه ياستي،، دي مروه البحاري بت الحچ البحاري الراچل اللي من نچع اللي چارنا وخوها عاوز ياكل ورتها عليها،، وأخذت تقص عليها ماحدث،،
حفصه ••وه ياچدايل!! وانتي تتدخلي في حكايه كيف دياتي كيف؟؟ كيف مارحتوش عالمركز طوالي ؟؟ الحكومه تحل الموضوع،،
چدايل ••واللي لچأتلي دياتي !! أكسفها وأفضحها؟؟ دة مصورلها مناظر شينه خاالص !! وأنا جلت أكبر منيه وكبرولي ودة أكيد هيخاف من سيرة الكابيرة وانه يتفضح في النچوع والبلاد المچاورة،، كمنه وش فضايح عااد !! مستغربه فيه بشر بالجساوة دياتي عااد ؟؟ فيه أخ يجبل علي خيته إنها تبجي مفرطه وهمل لچل الورث؟؟ وآني علي إكده ممكن بمسكتي في إن الورث مايتوزعش غير بعد موتنا !! ممكن أسيبهم يجطعو فبعضهم !! لاااه،، آني هجوم اتحدت معاهم دلوك،،
حفصه ••يابتي اهدي،، خدي يابت !! وأخذت چدايل تچري للخارج وتنادي عليهم،، ياولاااد؟؟ تهاني ياخاله ربي ياخويا براهيم،، كلكم إتچمعو إهنه،، تعالو،،
تجمع الجميع وأخذو يتحدثون في نفس الوقت،، فيه ايه مالك عاد فيه إيه،،
چدايل ••بعد اللي شوفته النهارده وحصلي،، لازمن اوضحلكم آني ليه مانعه تجسيم الورته،، آني عارفه ان اول ماا أحد الوالدين بيموت !! تتحدث ببكاء،، بيتفرجو لولاد وبيروح كل واحد في ناحيته وعالمه،، ومبيسألوش علي بعض إلا المناسبات وده لو سألو من أساسه،، تفتكرو لما نوزعوا الحاچه وكل واحد عيروح لحال سبيله !! هنلاجو مكان يچمعنا التچميعه دي؟؟ تفتكرو هنلاجو بعض؟؟ تفتكرو هتسألو علي بعض وتبجو فبال بعض !!
رد الجميع بنفس الوقت،، ومين جال عاوزين فرجه،، معاوزينش،، والنساء تتحدث،، احنا بنحبك ياجبايل ومهنتفرجش،،،
لكن كالعادة خرجت تهاني عن المألوف،،
تهاني ••حيث إكده وبمناسبه اللمه الزينه دي،، إحنا عاوزين نعملو ليله الفرح إهنه،،وليله لأهل العريس جبلها لچل مانتشرفو جدامهم،،
چدايل ••ياخاالج !! أشج خلجاتي منيكي!! آني بحكي فإيه وانتي بتحكي فإيييه ؟؟
تهاني ••آني جولت أستغل الچمعه الحلوة،،
رُبي••إنتي بتجولي إيه ؟؟ الليله عتبجي عند أهل العريس،، مش العروسه بتروح عليه ؟؟
تهاني ••وفيها إيه يعني !! هما عاملين ليلتهم إهناكه واحنا نعملو إهنه،،
چدايل ••معاكى تعملي إعملي ياتهاني آني مهطلعش چنيه واحد من المال تاني،، ياإما تاخدي من حجكم المتشال سيوله ويتسچل إنك اخدتيه،، مصممه توچعي جلبي؟؟ شايفين؟؟ أول واحده راح تاخد ورثها هيا وبناتها وتهملكم هيا،،
تهاني ••صُح وانتي عتجولي فيها يعني؟؟ آني مافيش حاچه ربطاني بإهنه غير حج بنتتي،،
رُبي ••خلاص ياتهاني خدي حجهم وهملينا طلاما إكده،،
چدايل ••شفتو عما تجطعو في بعض كيف لمن چت السيرة؟؟
إبراهيم ••بعزم قوته وعلو صوته،، خلااااااص،، الست چدايل بتحكي صح الصح وعين العجل كلامها كماني،، الفرجه بتاچي بعد موت الأم والأب لوحدها،، كام أخت وأخ أخدو ورتهم وكل واحد راح لحال سبيله !! كام أخت وأخ بيجطعو في بعض علي الورث ومش متجيين ربنا ولا عاملين حج للدم والأخوة!! كاام أخ في الصعيد أساسااا حارم خواته البنته من الميراث عشان بس بنته !! الكلام ده معيحصلش ؟؟ عيحصل وبكترة،،
آني بطمنك ياچدايل علي حجهم كلاتهم حج البنته جبل ولادك في رجبتي ومهضيعوش أبدااا ولاهاكله،، بكي إبراهيم،، ولاتسوي حاچه إني ماشوفش وش أختي عما يضحك ومبسوط،، ولاتسوي حاچه اني آخد دعوة حلوة منيها بالسعادة وراحة البال!! نظر لإسراء،، بت ياإسرااء،، هعملك ليله إهنة لچل عيونك،، وخطي ناحيتها وأخذها تحت كتفه،، وبكو الاثنين وحضنته،، مهزعلكيش ياخيتي ولا أنتي ولا خواتك،، متخافيش ياچدايل،، طول ماني عايش مهنتفرجوش آني وخواتي،، لكن لو متت جبلك تعطي لكل ذي حج حجه،، نظرت له چدايل ودمعت،،
چدايل ••والله يابراهيم وبتغير نظرتي فيك وبتثبتلي إنك رااچل الدار صح،،
تهاني ••ببكاء،، والله ياچماعه أني مطماعه،، آني عاوزة ارفع راس البت جدام المرة السو حماتها،، دي كانت ذلاها وذلانا جبل إكده عشان مابننفذوشي طلباتها،، إعذروني ياخلج،،
چدايل •• كل اللي هايجدر يعمل حاچه تشرف هايعملها ياتهاني،،
تهاني ••يعني إكده نرد عليها ونجولها الفرح بعد ااسبوعين كيف مالواد حدد؟؟
نظرت چدايل لإبراهيم،،
إبراهيم ••اللي تشوفيه عااد،،
وبعد الحديث هدأ البيت وإستقر،، ثم أتي وقت الاتفاق مع العريس،، واتفقو علي الميعاد ذاته،،
بعد مرور الأسبوع،، حصل سلمان علي إخطار بالمحضر التي قامت مروة بعمله،، وعلم أنها رفعت عليه قضيه إرث وكأنها أشعلت ناراا لن تخمد،، في يوم عادي وكالعادة إبراهيم خارج ليقوم بمصالحه،،
في وقت العصر،، خرج إبراهيم ليقوم ببعض الأعمال ومراعاة بعض المصالح،، وفي الخارج بعض الاشكال الغريبه عن المكان،،
بدأ يتمتم محدثااا نفسه،، إيه دة؟؟ كنه الواحد شايف مناظر غريبه غريبه عليه ومهش من الكفر !! يارب ماهيكونش اللي فبالي عااد،،
وذهب لعمله وهو متشكك ولكنه غير متأكد إذا كان فعلااا المنزل مراقب أم لا،، لم يعط إبراهيم إهتماماا وقال انها تخيلاته فقط،، توالت الأيام واليوم بعد الآخر حركه غريبه بخارج المنزل،، لما شعر أن هناك بعض الريبه أخبر چدايل أنه بالخارج تحركات غريبه عن العادة،،في المنزل،،
إبراهيم وحفصه وچدايل معاا،،
إبراهيم ••مش جولتلك ياچدايل !! ده مهيسكتش ومهيعديهاش،،
چدايل ••ميهمكش حاچه يابراهيم ياخوي،، هات محمولك بس عاوزاه وهتصرف آني،،
حفصه ••وصلني اللي فراسك من غير ماتتحدتي،، إطلبي العون من الحكومه هما هيعرفو إذا كانو دول ناس مترصدينا ولا أحنا اللي خايفين زيادة عن اللزوم،،
چدايل••هيحصل دلوك،، وأخذت الهاتف وأتصلت ببعض معارفها بالشرطه وشرحت لهم الوضع ووضع بيتها تحت المراقبه السريه دون علم أحد،،،
أما في منزل سلمان البحاري،، سلمان علي إتصال برجاله الذين يراقبون منزل جدايل علي أمل أن يعثر علي أخته،، أخذ يبحث عنها في كل مكان في النجع،، لكن دون جدوي،،
سلمان ••هااة ياولد؟؟ لسه بردك؟؟ هيا إبرة في كوم جش؟؟ ماتدورو عليها زين !! يعني هاتكون راحت فين !! ما الارض ما تخسفتشي بيها يعنى !
انا عاوز أخرسهم التنين جبل ما الجضيه توصل للمحكمه،، إيوة إتصرف جبل مايوصلو هناك،، بأي طريجه تخلي راچل من اللي معاك يتصرفوا،، هييه؟؟ لاااه دي حسابها عالي عن اللي جبلها،، وااه؟؟ خمسين ألف أيه؟؟ ليه يابوي؟؟ عالنفر خمسين كماني؟؟ طيب طيب لما نتجابلو نبجو نتحدتو،، سلام سلام مش هانختلف عالأچر،، سلااام،، أغلق الخط وااه يابت البحاري !! بجي كلات دة ولسه بتعافري وفيكي نفس؟؟ وإنتي ياست چدايل !! إمفكراني من اللي عما تجدري عليهم في الأعراف؟؟ لااه والله لاندمك علي شبابك،، وأمسك الهاتف وأتصل بمحاميه،، الوو؟؟ إيه يامتر !! الموضوع المرادي واااعر جوي جوي،، كني بورطه وعاوزين نخلصوها بطريجتك الچهنميه،، طب عشيه نتجابلو،،
وعقد نيته علي الأذي بأي حال من الأحوال،،
وأستعد المنزل للعرس وأصبح الجميع علي أهبت الإستعداد لتوديع العروس إلي بيت زواجها،، وأصبحت حماتها كثيرة الدخول والخروج علي بيتهم في تلك الأيام،، لايعجبها شيئااا مما يفعلون،، مهما كلفو انفسهم تحبط مجالبهم بحديثها السخيف،،
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية جدايل حكيمة الجبايل)
