رواية جدايل حكيمة الجبايل الفصل الحادي والعشرون 21 بقلم إيمان صالح
رواية جدايل حكيمة الجبايل البارت الحادي والعشرون
رواية جدايل حكيمة الجبايل الجزء الحادي والعشرون
رواية جدايل حكيمة الجبايل الحلقة الحادية والعشرون
عبد الباري ••خشمك ياعچوزة،، دة مالي آني وأمي،، بجي بتاعك إنتي وسراء خلاص،، بس بشرط،، يانهاردة يابكرة تكون عندي بالكتير،،
تهاني ••علي أساس إيه ياهاتير إنتا !! هبيع لحمي ودمي!! لااه،، علي چتتي لو حصل،،
عبد الباري ••مقاطعها،، خلاص،، إنتي حره عااد !! يبجي العمايل اللي بتك بتعملها دياتي هتخليها ماتلزمنيش للآخر،، إكده إنتي الخسرانه،، قام واقفااا،، بعلو صوته،، والله العظيم الكلامدة منافع !! آني مرتي كل شويه الناس شايفينها رايحه مع راچل داخله مع رااچءء،،، قاطعته تهاني قاائله وهي تسحبه من يده،،
تهاني ••ماتجعد يابن الهمل !! بتي آني بتاچي وتروح مع رچاله !! طب چاي ترچعها دارها ليه ؟؟ ماتخلي الجضايا شغاله وإثبت اللي عما تجوله!! لو راچل صح إعمل إكده،،
عبد الباري •• نظر لها للأسفل وهي جالسه،، إنتي عارفه إني أجدر الفجلها أؤ حاچه ومعيهمنيشي،، بس آني مستني ترچعو لعجلكم،، لقفت منه الحقيبه بحماقه وجشع،،
تهاني ••ودي فيها إيه دي؟؟ يااچو كاام دولك ؟؟
عبد الباري ••ميت ألف چنيه،، حلالك،، وتچوزي بيهم البنته اللي فاضله،، وكماني تروجي علي بتك بجرشين،، طأطأ للأسفل علي المنضدة،، وآني هعمل نفسي ماعرفش بيهم هاه !! غمز بطرف عينه اها ثم تركها وسار قاائلااا،، مستني ردك يوصلني،، يالليله يابكرة بالكتيرونلمو الموضوع هيييه !! سلام،،
تهاني ••ياوجعتك المربربه ياتهاني !! أعمل إيه عااد دلوك!! أضيع البت بحچة الكرامه مموچوداش مابين الراچل ومرته !! !! ولا أخرب عليها بحچة الكرامه وحجها لازمن يرچع عشان يبجاله واجفه !!
أخذت تهاني قائمه تطئطئ رقبتها مفكرة ماذا ستفعل،،
بعد يومين،،
ظلت تهاني تفكر ماذا ستفعل،،
في المنزل،، تحديدااا في غرفة تهاني وإبنتها،، ندهت تهاني عليها،،
تهاني ••ياسرااء!! بت يااسرااء!! تعالي عوزاكي،،
إسراء••نعم يما چيت أهااا ! خير فيه حاچه؟؟
تهاني ••بصوت منخفض،، إيوة فيه،، إجفلي الأوضه علينا وتعالي يابتي،،
إسراء ••تحدو نحوها بسكينه وهدوء خاائفه،، فيه إيه يما؟؟ كنه فيه جاچه واعرة!! إنطجي !!
تهاني ••فيه يابتي،، بس كل خير وعافيه إن شاء الله،،
بتنهيده ثم صكه علي يدها،،
إسراء••إنچزي يما،، يارب مايكونش اللي فبالي بس !!
تهاني ••لااه يابتي هوا،، الراچل چاني وعاوزك،، بدو ترچعيله،، وإنتي إكده إكده مياله للرچوع صُح ولا لااه !!
إسراء ••في إيه يماا!! زهجتي مني عااد ولييه ؟؟
تهاني ••لااه،، زهجت من جلة بختك وبعدك عن دارك وعفشك يابتي،،
إسراء ••عفشي !! منا جربت آخده بالجضيه بتاعتي يما وخلاص جربت أخلص من الهم دواتي وأفوج،، إيه الچديد في إكده !!
تهاني ••لاااه،، طلاج لااه يابتي طلاج لااه،،
إسراء ••بتعجب،، أباااي!! كنه مسكك حنش يماا !! فيه إيه مالك عااد ؟؟
ماكنتي موافجه إني أطلج واجعد واروح أكمل علامي بعد ماوجفت وأجدم علي كليه !! إيه الي چد عااد !!
تهاني ••اللي چد إنه هددني بطلاجك،، وإنتي عارفه الطلاج عندينا إيه يابتي،، الطلاج فيه البلد،، لاااه في الچمهوريه كلها معناته واعر جوي جوي تجبلي تبجي مطلجه والناس كلاتها بتتحدت عنك بالشين !!
إسراء ••حركت رأسها،، إيوة ياستي جاابله،، آني حرة كماني،،
تهاني ••سارت ناحية سريرها ثم أحضرت شيئاا ملفوفاا في طرحه سوداء كبيرة،، فككت اللفه برويه،، وفتحت حقيبة النقود،، إتفرچي يابت !!
إسراء ••إيه دة يما ؟؟ چبتيهم مِنّين دولي؟؟
تهاني ••من زوچك ياخايبه،، إللي ماعرفتيش تعمليه معاه عملته آني،، إيه رايك بجي عااد !! فلوسك وحالك ومحتالك،، آني يادوبك هاخدمنيهم نصهم إوبس،، وإنتي خدي الباجي بس المهم تروحي،، وتعيشي وماتجعدليش إمطلجه يابتي،، إنتي عارفه الطلاج كيفه،،
إسراء ••وه يما؟؟ إنتي عاوزة تبيعيني بالفلوس!!
تهاني ••أبيعك !! أبيعك إيه وكلام فارغ إييه!! آني معوزاشي حد يتحدت عليكي كلمه مش زينه ياهاتيرة !!
إسراء ••إللي يتكلم يتكلم،، والناس مابتسكتش من أساسه،،
تهاني ••فكري يابتي،، فكري بالعجل يمكن ربنا يكتبلك منيه حتة عيل يغيرلك الحال وتبجي دنيتكو حلوة،،
إسراء ••حاضر يما،، هفكر،، بس المرادي ماعرفاشي ممكن يحصل فيا إيه،،
تهاني ••مالوش لازم حديتنا دة يطلع لحد،، الحديت بيني وبينك إوبس،،
إسراء ••قامت من مكانها وامسكت بمقبض الباب،، بإعتراض وسخريه،، حاضر،، ضحكه سخيفه ثم خرجت،،
خرجت إسراء لتفكر هي الاخري،، ثم تحدث نفسها قائله،،
وبعدين يعني؟؟ يعني انا إكده مضرورة وإكده مضرورة!! يعني الحل الزين إني أچرب تاني !! طب علي أجل حال ياچي ياخدني من إهنه،،
يماااا !! يمااا،، خرجت ثانية،، لتنادي عليها، يماا، مش بناديلك !!
تهاني••إيه يابت فيه إيه !! كنك إتسرعتي عااد !
إسراء ••تعالي عوزاكي،،
تهاني••وه !! چايه اها،، وصعدت ورائها،، فيه إيه مالك يامچنونه ؟
إسراء ••فيه عوزاني امشي من غيرمياچي ياخدني؟؟ خليه يااچي هوا وأمه ياخدوني،، والفلوس دياتي تبجي معاكي مهروحش بيها،،
تهاني••ياألف بركه،، ياألف بركه،، عنيا يابتي،، نبعتله حد ولا أجولك إستني،، أمسكت بالهاتف،، حدثته،، بعد ساعه،، بخيته وعبد الباري علي الباب،، صدم الجميع حين رأوهم،، وأولهم چدايل،،
چدايل •• لربي،، وه ؟؟ إيه الي چابهم دولي !
ربي••معرفاشي يابتي، يمكن چايين يراضوها وياخدوها !!
چدايل ••ليه هيا مالهاش كبارات !! مش لما اخوها يكون حاضر ؟؟
رفعت نبرة صوتها،، خير يابخيته عاوزة إيه انتي وولدك؟؟
عبد الباري ••أعتجد شئ مايخصكيش من اساسه،، مالك إنتي عاوزة ايه؟؟
چدايل ••إتحدت زين يابو بدال ماوجفك عند حدك !!
تهاني ••تنزل مسرعه،، فيه أييييه !! إيه ياولد إتحشم،، دجيجه وتاخد مرتك وتروحوا،،
چدايل ••بإندهاش،، يروحو!! يروحو فين!؟ هوا ايه اللي عما يحصل!! والمصاريف اللي صرفناها !! والجضايا الدايرة !! فيه إيه ياتهاني اللي چرا من ورامني !!
إسراء •• تنزل من علي السلم وفي يدها حقيبه،، اللي چرا إني فكرت تاني ياخاله چدايل،، بدال ماتطلع عليا سمعه مش زينه في البلد،، منجصينش،، عالأجل افرحلي بحته عيل،
چدايل••دة حديتك ياسراء؟؟لاااه،،مش لسان حالك !!
إسراء ••خلصنا ياخاله چدايل،، آني خدت الجرار إني مروحه ،، هدي فرصه تانيه،، المهم فيه امانه ليا عنديكم شيليها چوا حبابي عنيكي،، ماشي!!
تهاني ••يلا يابتي،، بأمان الله،،
وأخذ عبد الباري وأمه زوجته ونظرت إسراء نظره للمنزل وكأنها تودعه،،
وتركت چدايل في قمة الحيره تخبط كفااا علي كف وتحدث نفسها ثم اتجهت لامها لتسأل،،
چدايل ••هوا إيه اللي بيتم ياست إنتي فهميني؟؟
تهاني ••ولا حاچه ياخيتي،، الراچل چاني وعرض عليا تروح وتتنازل عن الجضايا ولا يطلع عليها سمعه بطاله،، اتصرف كييف !!
ربي••سمعه بطاله !! ليه بتك بتشتغل في البطال ؟؟ هما عطوكي إيه مجابل ياتهاني !! إخلصي !!
تغير لون تهاني واصبح حالها غير الحال،، إحمرت ثم عرقت،، ثم تهتهت في حديثها،،
تهاني ••مؤ،، مجابل إيه بس ياربي !! ياختي سيبيني فحالي أبااي !!
چدايل ••إيه الامانه اللي البنته بتتحدت عنيها ؟؟ إنطجي،،
تهاني ••واااه عاد !! فلوس،، فلوس،، إرتحتو عاد !! بلاش جرفه خلصنا بجي،،
چدايل ••فلوس؟؟ وه عليا ياولااد !! يعني إنتي بعتي بتك ياتهاني !!
سنه مطينه بطء،،، قاطعتها،،
تهاني ••خلصنااا !! بتي وروحتها،، إنشالله يدجها كفته ماحدش يتدخل،،
چدايل ••بتعجب وحيرة،، نظرت لربي،، شايفه يما !! شايفه اللي آني فييه؟؟
ربي••سيبك منيها يابتي،، كل ام حرة في بنتتها،، بت ياچدايل !! امك يابت بتوديها !!
چدايل ••آني فإيه ولا فإيه يما ربي !!
ربي••تعالي يبت نروحو لأمك لاتوحشتها،،
چدايل ••طيب يماا،، سيبيني هبابه،، هرد عليكي بس افوج من الصدمه،،
وصعدت وراء تهاني لتحاول معها،، دخلت عليها الغرفه،،
بزمتك إنتي ام إنتي ؟؟ ممكسوفاش من روحك عااد ؟؟
تهاني ••ليه !! هيا كانت عون وجت چوازك إتكسفت من نفسيها ؟؟ إتحدتي زين ياچدايل وماتنسيش فرج السن بيناتنا،،
چدايل ••ياادي اليوم اللي معتنسهوشي !! ومع ذلك ياستي هرد عليكي واجولك الوجت كان وجتها عاوز إكده المصلحه بتاعت أهلي كانت في إكده ،، ولا إتضربت ولا إتبهدلت،، عشت متعززة إهنه،،
تهاني ••آديكي جولتيي!! المصحله وجتها كانت عاوزة إكده،، وآني شايفه لبتي إنتدها هترتاح لمن ترچع وتشيل حته عيل من صلبها وتلاعبه ينسيها الهم،، إنما تتطلج !! لااه يستحيل !!
چدايل ••طب مانتي مطلجه ياتهاني،، وإيه اللي چرالك !! مانتي لسه مطلجه،، ماحدش جالك كلمه،،
بإنفعال،،
تهاني ••مين جال !! مين جال اني ماحدش كلمني ؟؟ كنتي عاشرتينا العمر اللي فات!! شفتي كيف معامله بويا وخويا لية في العمر اللي عشته ؟؟ آني إتبهدلت كتير ياچدايل،، بس نفعني علامي،، منا ماچيتش الدار دي صدفه لااه،، آني جيت لنفس هدفك،، عشان ابجي المتعلمه المتنورة اللي متچوزها رشيد،، وكان متعايج بيا لحد يوم طلاجي،، اللي كان بسببك ياست الكل،، بكت،، معلشي عااد ،، مش هتبجي سبب في طلاجها هيا راخرة كيف ماطلجتي امها،، كفاية نظرة المچتمع للي كيفنا !! لاازمن المطلجه ماتبجاش مظبوطه،، لازمن المطلجه تبجي جليلة حيا وترابي،، وتبجي لو إتسابلها الحل هتفلت !! لازمن تبجي كماني غير شريفه !! ولازمن الكل يطمع فيها كماني ويبجو مجتنعين إنها بتاچي فأي و@ت ومع اي حد !! ولازمن المطلجه تبجي عجربه وبت حراام ؟؟ أسكتي سااكته طلاما لاچربتي والا عشتيه تبجي تسكتي،،
چدايل ••بادلتها البكاء،، برديكي ياتهاني!! اللي چواتك مني چواتك عاد ؟؟ الله يسامحك ياخيتي عاللي عما تجوليه وعما تعمليه معايا،، وبتك وانتي حره فيها،، آني مهكونش سبب طلاجها واصل،، وإنتي من إهنه ورايح حره فحالك ومحتالك،، يحرم عليا أتدخلكم في حاچه،، بس آني عما جولك جبل الهنا بسنه اها،، بتك لو چرالها حاچه او چرا منيها هتبجي إنتي السبب،، وتركتها ونزلت ودموعها علي خداها وتركت تهاني منهارة هي الأخري،،
دخلت چدايل علي غرفة ربي ثم إرتمت علي قدمها وأخذت تنهار بالبكااء،، وتتحدث حين بكائها،،
چدايل ••وآني عفشه إكدة ياربي!! إنتي كماني معتحبنيش كيفها؟؟
ربي••بإندهاشه من منظرها،، وه يابوي!! مالك ياجلبي فيه إيه !! عم تبكي يابتي؟؟ نيله عليا عااد !! لاتكون بسبب المخبله تهاني !!
چدايل ••هوا آني اللي السبب في طلاجها !! آني اللي هخرب علي بتها كماني !! آني عفشه إكدة!!
ربي••لااه ياحبة جلبي،، إهدي بس عااد،، إهدي وماتزعليش روحك،، تعالي نروحو لأمك نفكو عنديها كيف ماجولتلك،، يلا بينا مش البنته روحت !!
دخل عليها إبراهيم،،
إبراهيم ••چدايل،، ياچدايل،، كلمي ياستنا،، مروة،،
چدايل ••خير يابرااهيم مفيجاش لصدمه تانيه واصل والله،،
إبراهيم ••دى عنديها خبر زين جووي جووي،، خدي
چدايل ••هات ياعمي،، الو،، ايه ياحبيبتي كيف حالك !!
مروة••وه !! ماله صوتك بكيانه لييه عاد !!
چدايل ••لااه ماليش،، شويه برد،، المهم فرحيني عاد !!
مروة ••حجي رچعلي ياچدولتي،، حجي رچعلي وإتحكملي بتلت التركه بتاعت بووي،،
چدايل ••وااه !! وهملو الوصيه؟؟ تصدجي زين ماعملو !! كنت متوكدة إنه هيحصل إكده الف مبرووك ياحبيبتي،، الف مبروك،،
مروة ••إكدة بجي ياحلوة إنتي معزومه عندي في الفيلا بتاعتي اللي فمصر تجضي معايا كام يوم،،
چدايل ••لااه كام يوم إيه !! آني ممكن أبجي آچي ازورك صد رد إكده واجعد معاكي هبابه وأروح،،
قاطعتها،، تعالي بس يامين وإبجي أرچعي إنتي والعيال،،
چدايل ••والله سيبيني افكر وآچيلك،،
مروة ••ماشي بس لو مچاتيشي هاچي آخدك اني،، تعالي نبرطعو عندي في البيت الجعده هتعچبك جووي،،
چدايل ••هههه،، ماشي يامروة حاضر،، ماشي ياجلبي سلام سلام،، أغلقت،، يلا ياخاله ربي تعالي نمشو مش مرتاحه وااصل،،
ربي••فين إهناكه ولاعند أمك !!
چدايل ••هناكه فين إنتي كماني،، يلا نروحو عند امي،،
ربي••طب ماتاچي نروحو نغيرو چو عنديها !!
چدايل ••ياابووي !! هروح اغير خلجاتي والبس ملسي وآچيلك تنحدتو واحنا في السكه وأشوف الموضوع ده،، يلا إچهزي،،
يلا ياولاد !! ياموسي عيسي،، خضر،، ذي الكفل !! يلا راحين لستكم،،
موسي ••يابوي لااه عاوز العب ومعاوزشي اروح في حته،،
چدايل ••يلا يابابا نروح لستك وإبجي إرچع إلعب تاني،،
موسي ••لاااه،، عاااااا،، بكاء بدلع،،
ربي••إنتا ياواد إنتا لو ماتظبطتش هابعتك عالچيش يظبطوك !!
موسي ••لااه آني مهروحش،،
چدايل ••طب يلا بدال ماچبلك أم شوال ولاا أرميك في الرياح،،
خضر••لااه يما الرياح لااه چاي آني ألاا بيوجع العيال الصغيرة فيه إچري ياموسي لايشدك الرياح في جلبيه.،،
موسي ••هرول وراء أخيه،، صُح عما يشدني !! وه،، چاي معاكو طوالي،،
وأخذتهم ذاهبه لبيت أمها،، وما إن رأيتها حتي إرتمت بين يديها وكالطفله الصغيرة أجهشت بالبكاء،،
عَون ••إيه يابتي!! وااه !! مالها ياربي ايه اللي حصلها؟؟ بجي آني مآمناكم عليها تاچيني باكيه !!
ربي••إللي تتشك بلسانها تهاني معرفاشي مزعلاها ليه،،
چدايل ••بصوت طفولي،، ليه يما الطيب في الدنيا دياتي مالهش سعر!!! ليه يبجي هوا العفش والشرير هوا الزين ؟؟ آني تعبت يمااا،، نفسي أرتاح وأحس إني مشيلاش هم حاچه،، هفضل بعافر لچل أجيب للكل حجه وانا فين حجي؟؟
عَون•• إنتي عايشه عمرك للحج وبترچعيه لصحابه تملي،، چايه تزهجي دلوك !! إنتي مجامك عالي عند الله جبلينا يابتي،،
چدايل ••بدي أرتاح،، بحارب لچل أجيب حج بتها تجولي آني اللي عخرب بيتها ؟؟
ربي••حسبنا الله بينها وبين الله سر يابتي،، ماتزعليش،،
عَون••هاتمرضي ياهتيرة،، لومرضتي ولادك هايتشردو من بعديكي ياجلبي،،
رُبي ••ماتجوليش إكده ياعون،، ربنا يطول بعمرها ويخليها لعيالها،، وآني خلاص يعني متت !!
چدايل••آني شكلي إكده هاروح أجعد عند مروة يامين كيف مادعتني،،
ربي••روحي ياچدايل،، لو نفسيتك عتفك بإكده روحي،، وآني ياستي هاچي معاكي أهو نغيرو چو،،
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية جدايل حكيمة الجبايل)
