رواية جدايل حكيمة الجبايل الفصل الثامن 8 بقلم إيمان صالح
رواية جدايل حكيمة الجبايل البارت الثامن
رواية جدايل حكيمة الجبايل الجزء الثامن
رواية جدايل حكيمة الجبايل الحلقة الثامنة
،،إنه مهيعاودش يعمل إكدة تاني وااصل،،
چدايل••وه؟؟لحج ضحك عليكي؟؟إهيي ؟؟دا براهيم ياخاله،،ياما تحت السواهي دواهي،،
إبراهيم••وه؟؟جراا إيه يابت الناس؟؟ماخلااص جالتلك چاي أتأسف عاللي چرا !!
چدايل••والله؟؟وأنا ايه اللي يثبتلي إنك صادج؟؟إنت واحدضلالي ومابتعرفشي حرمة ربنا،،وآني عاوزة ضمانه إنك تتجي الله ومالكش صالح بيا أبدااا غير في المصلحه العامه والخير وبس ،،
إبراهيم••خلااص،،همي بينا علي شيخ الچامع يشهد علياا،،صرخت المرئتان في صوت واحد،،أباااي،،يدهوتااي،، رد عليهم بتعجب،، وة؟؟ فيه ايه عااد؟؟ كيف أتصرف ياخلج ؟؟
چدايل ••لحفصه،، مشافوهومش وهما عما يسرجو يشوفوهم وهما بيتحاسبوا صُح؟؟
حفصه ••إيوة أماال؟؟ ناصح كيف أمه صحيح !! بص ياولدي،، إنت ماتفكرش بعد إكده نهائي ،، ماشي؟؟ ماتحاولش تشغل راسك كِمن موتورها عطلاان،، سيبنا إحنا نفكروا وإنت بس إسمع كلامي،، يلا هاتي يابتي مصحف من چوة عشان يجسم عليه جسم يلچمه عند حدة،،
چدايل ••حاضر ياخاله،، وإحضرت مصحفااا من الداخل،، وبدأ إبراهيم يحلف عليه أنه لن يتعرض لها بضيق ثانية وأنه سيلتزم حدوده معها ،،
حفصه ••كدة إنت عاهدت ربنا مش إحنا وحدينا،،
إبراهيم ••وكتاب الله المچيد مهضايجهاش تاني واصل،، بس تعاود،،
حفصه ••يلا بجي خلاص،، لو چه چارك بشر آني اللي هتصرف فيه،، يلا خلصي وهاتي العيال عشان نروحو لا توحشتهم جوي ،، يلا عااد،،
چدايل ••نظرت له ولها ثم قالت،، حاضر ياخاله،، هعاود عشان جيمتك عندي ومكانتك إنتي بس،، لكن لو حاول بعد إكده يتعدي حدوده معاي اني بجولك أهو،، هفضحه جدام أمه ومرته،،
وبعد القليل،، أخذتها وعادت للمنزل وهي متأكدة أنه لن يعاود فعل ماكان يفعل في السابق خوفاا ممافعلته به وخوفااا من تركها للبيت،، وخصوصاا انها هددته أنها ستعلم أمه وزوجته بأي فعل مشين سيقوم بعمله،، أما بالنسبه لذلك المبني الذي يشيد لديهم،،
فبعد العمل أسابيع وأسابيع،، وشهورااا تلو شهوور،، قرابة النصف عام،، وچدايل تتابع التطورات لحظه بلحظه،، تناقش العمال في اي امر،، تحكي معهم بعض النكات،، كانت چدايل تصنع جوااا مرحااا بين العمال وأهل البيت والجميع حتي تجعلهم يعملون بحب علي هذا المبني وبالفعل نجحت في ذلك،،،، أنتهي العمل بالمبني حيث أقامو تحفة فنيه بالفعل،، شيد المبني علي قسمين، تصميم المبني علي شكل هلال ونجمه ينظر من الخلف للأراضي الزراعيه والأمام علي الترعه التي تفيض بالماء النقي وتمر علي مدد البلده،، شكل ذلك الهلال يأخذ إرتفاعااا من الخلف مثلماا مكتبه الاسكندريه ومن الأمام نزولااا لأسفل الطابق ينخفض،،النجمه أمام الهلال،،النجمه تخرج منها قبة المساجد العريقه حيث صمم المسجد علي شكل النجمه الإسلاميه،، والمبني الشامخ خلفها هو المبني التعليمي أو المدرسه ،،تحفه معماريه لم يكن لها مثيل من ذي قبل،،، وامر لها الله ان تجمع كل مايلزم المبني من متطلبات،، ديسكات،، مقاعد للعمال،، وادوات مدرسيه،، حتي الملابس والأقلام والكتب وكل ذلك حصلت عليه من التبرعات من كل النجوع من العمد والمتبرعين والمقتدرين والمشايخ بالأزهر،، وأصبحت مدرسه حقيقيه وتم إعتمادها من الوزارة،، لم تكن تبلغ سعادة چدايل نصف سعادة الأهالي الفقراء والمحتاجين والغير قادرين الانفاق علي التعليم،، سعادتهم بالمدرسه فاقت الحدود،، والدعوات تنهمر عليها من الجميع،، و صدقت بوعدها مع الفتاه بدريه،، وأخيررااا وضعت جنبها براحه ودون هم بعد عناء طال لمدة حوالي ستة اشهر بعدما عملت المدرسه،،
أصبحت الفتيات الصغيرات يتعلمن دون عناء والمدرسات والمدرسين يقبضن اجوراا رمزيه منها لأنه اصبح معروفااا ان المدرسه مبنااا خيريااا،،
وزادت شهرة چدايل أكثر وعرفت في وسط القبائل اكثر،، حتي أنه إنتشر خارج القبائل التي تحكمها وبات الزوار يأتون لها من كل حدب وصوب للفصل في مشاكلهم وقضاياهم،،
ذاع صيت تلك المدرسه وأصبح الجميع يتحدثون عما تفعله تلك المرأه،، بعضهم يقول أنها تفعل الخير وتكسب خيررااا،، والبعض الاخر يقول أنها توزع مال الشيخ رشيد مثلما يحلو لها دون تعب لأنه لايوجد رجل يقف لها،، إلي أن وصل الخبر لتهاني طليقة الشيخ رشيد السابقه،، التي كانت علي بعد عنهم منذ عمر،، لكنه سمعت أن مال رشيد يوزع وكأن القيامه قد قامت،، كانت تهاني عندها من الفتيات ثلاث فتيات،، كلهن من رشيد،، وهذا يعني أن لهن إرثهن في أبيهن،، لذلك ظلت تهلل وتولول وتتحدث مع الفتيات حتي أقنعتهم بالعوده لهناك،،
قالت لها إبنتها الكبيرة إسراء،،
إسراء••يعني يما !! مكروشين من هناكه جد عمر طويل وعاوزة تعاودي دلوكيتي؟؟ مفهماش دماغك عااد،،
تهاني••مفهماش إيه يامخبله إنتي؟؟ بوكي ومات وشبع موت،، ومالكم عما يتوزع واحنا جاعدين،، عنسيبوها لما تفرتك مال رشيد كلاته؟؟ مش كفاية إتسببت في طلاجي زمان؟؟
إسراء••دة وجته يما؟؟ أنا فرحي بعد كمان كام سبوع،، يعني يدوبك نفوجوله !!
شروق••أمك عندها حج ياسراء،، عالأجل ! فرحك يتعمل في بيت بوكي!! إتفجنا؟؟
إسراء••لاه ياست الكل،، إبجي إعملي إنتي فرحك إهناك آني لااه،، معوزاشي،، ماتبوظوهاش بجي،،
تهاني••هيا كلمه وآني جولتها،، چمعو حاچتنا عشان نروحوا علي هناك،، بيت بوكم اللي إنتو سبتوه وانتو صغاره،، ماحدش عايطلعكو منيه وانتم كبارات،،
شروق••وآني معاكي يماا،، عاروح ألم حچاتي آني وبدر،، نظرت لأختها الكبيرة،، وشوفيلك صرفه مع العروسه بجي،،
نظرت العروس لأمها بغيظه كبيرة،،
إسراء••برده؟؟ برده يمااا؟؟
تهاني••بدهاء وهدوء،، ياخايبه يانايبه !! آني بحافظلك علي شكلك جدام عيلة چوزك يابتي،، وجدام حماتك العجربه دياتي،، مانتيش شايفه كيفها بتحدتك كيف؟؟ كانك بلا أهل ولا رچاله؟؟ وهوا إنتي مالكيش أخ؟؟ مش راچل دة عاد؟؟
بدت الفتاة وكأنها تقتنع وردت عليها،،
إسراء••يعني يماا دة هيعلي من شاني جدام چوزي وامه الوليه المعجربه دي؟؟
تهاني••نعمت صوتها ثم إرتفعت به رويداا رويدااا ليعود لطبيعته،، آاااه طبحعااا،، أمااال؟؟ هيبجي ليكي عزوة ليكي بيت أب،، وليكي أخ تتسندي عليه ياخيبانه،، فكري واحدة واحده بالعجل وصُح،، إكدة بيت وعزوة وأهل؟؟ ولا آني وانتي وخواتك والولايا لوحدينا جصدهم؟؟ أديكي شايفه،، چدك مات،، وخالك الود وده يطلعنا من إهنه عالمجابر،، وإحنا دارنا موچود دار بوكي،، بعد إكدة عاتبجي إنتي في دارك وإحنا هنه وهناكه،، حبه فبيت چدك عشان خالك معيخدوشي وحبه هناكه عشان چدايل ماتبيعش كل حاچه وتطلعنا بلابيص،، فهمتي يابت ؟؟
إسراء••نظرت لأمها،، من أعلاها لأسفلها،، إنتي لساتك واجفه يماا؟؟ يلا بينا جبل ماتبيع الدار وتشلوحنا صحيح،، ضحكت أمها علي حديثها وهموا بالجري مره واحده هي وأمها ليجمعو أشيائهم،،،
في الصبااح،،
نقلت عربه كل أغراضهم الخاصه وتوقفت أمام بيت رشيد وكانت كارثه علي وشك الحدوث في البيت،، لولا فطنه وذكاء چدايل،،
إستفاق الجميع في الصباح علي صوت المنقولات التي توضع أمام البيت وصوت تلك السيدة تهاني التي تتحدث بصوت عال،،
تهاني••يلا شهلو وخلصونا لساتهم هيتدخلو چوة،، خلص ياخوي منك لييه،، هاااة،،
فتياتها يضعون الأغراض أرضااا مع الانفار الاخرين،، كل تلك الغارة خارج البيت،، ضوضاء بالخارج قام عليها بيت الشيخ رشيد من نومه مفزوعين لخارج المنزل،، خرجت ربي وحفصه مسرعتين للخارج يتفحصا مايحدث،، فوجئو بأغراض موضوعه أمام البيت،،
رُبي••إيه ديه،، فيه إييه عالصبح؟؟ شهقت وخبطت علي صدرها ثم قالت لحفصه،، يادي الصباح الطافح طين ربراب ياولااد!! مش دياتي تهاني يابت ياحافصه ولا آني مشيفاشي ؟؟
حفصه ••حدقت بها قليلااا،، ثم نظرت لربي،، إيوة كنها هيا ولاإييه!! إيه دة خير يارب؟؟ إيه اإليي بيچري ؟؟
رفعت صوتها تهاني وبدأت تتحدث،،
تهاني ••خش ياوااد !! خش علي چوه بالحاچه اللي فيدك دي،، خلص،،
وقفت لها ربي بعرض الباب قائله،،
ربي••حييلك حيلك،، رياحه فين عااد إنتي ؟؟ هوا كان دوار أبوكي ولييه؟؟
تهاني ••ياامراري ومري !! ياچيكي عيارين يچيبو أچلك يابعيده !! معوزانيش أدخل دار بناتي ؟؟ صفقت بيدها ثم رفعت صوتها أكثر،، لااااء لأ بجي آني عاوزه راچل إهنه يحدتني،، قامت چدايل من غرفتها مسرعه علي الصوت،، وكذلك خرج إبراهيم وزوجته من غرفتهم والكل خارج مفزوع،، من عزم صوتها وعُلوِه في الشارع چدايل إرتدت ملسها بالمقلوب وخرجت بسرعه،، وهب الجميع وهم يقولون،، فيه إيه إيه الفضايح دياتي؟؟
تهاني ••فضايح؟؟ وإنتو لساتكو شفتو فضايح؟؟ لو عتفضلو واجفنلي إكدة عيبجي فيه فضايح أكتر واكتر كماني !!
چدايل ••بغضب،، وطي صوتك ياحرمه إنتي وماتصرخيش إكدة !! إنتي عما تزعجي كاتير ليه إحترمي حالك،،
إسراء••إبنه تهاني،، تإييه ياخيتي؟؟ إحترمي حالك إنتي،، هيا دي كنها هيا يما؟؟
تهاني ••إيوة يابتي هيا،، خرابة لبيوت العمرانه،،
نظرت لها چدايل وفتحت فمها بتعجب لا تريد أن تخرج حرفااا دون ان تعرف من تلك المرأه،، ولحقت بها حفصه لتسكتها عن اي خطأ،،
حفصه ••إتلمي ياتهاني،، الكبيرة مامتذكراكيش عاد من أساسه،،
نظرت لها چدايل وكأن فيلمااا من السينما عمل برأسها ورجعت للوراء وكأنها إلتقطت وجهها من ذي قبل ثم عادت من شرودها وكأن عينها تأخذ فلاشااا لها وهي تقف أمامهاا،،
چدايل ••آااااه،، هوا إنتي؟؟ أهلااا أهلااا خاله تهاني معلش،، ماتذكرتكيش بسهوله كمنك خرچتي وأنا لسه عيله صغيرة يعني
تهاني ••بتهكم،، ههءء عيله صغيرة؟؟ ليه ياخيتي؟؟ مش طلجني وإتچوزك؟؟ تبجي كيف إصغيرة يعنى؟؟ كنتي شايبه وكبيره،،
صاح فيها الجميع بنهرة ألجمو لها نطقها حتي تدخلت چدايل،،
چدايل ••باااس،، إيه ياچماعه؟؟ هتاكلوها عاد ولاأيه،، سيبو الست تتحدت
تهاني ••وه ياولااد؟؟ والنبي إييه؟؟ عامله حكيمه صُح؟؟ طب ياحبيبتي وسعي أدخل داري،،
چدايل ••بلين ورويه،، حاضر حاضر ياخاله هتدخلي،، مهاينفعشي توجفي إكده،، أدخلي إنتي والبنته،، بس الحاچه هتجعد هبابه لحد مانتفجو،،
هلل الچميع في صوت واحد،، لاااه،، تخش فين لايمكن،،
ردت چدايل،، بااااس،،، إيه؟؟ ماعحكيش آني ولاإيه؟؟ آني جولت عتدخل يبجي عتدخل،،
رُبي••إكده ياچدايل؟ عما تصغرينا يابتي؟؟ دة يصح؟؟
چدايل ••إلتفتت لها،، أنا ياخاله ربي؟؟ لاعشت ولاكنت يمااا ! سحبتها من يدها ووقفا بجوار الباب،،ياخاله مايصحش إكده،،دي ليها في الدار كيفنا عشان البنته يمااا،،والناس عما تتفرچ علينا يعچبك إكدة؟؟بيت الحچ رشيد يبجي فرچه للخلج بسبب طليجته وحريمه اللي معندين جدام بعض؟؟
إبراهيم ••الذي كان ثاائراا في دقيقه بعدما سمع كلمات چدايل تحدث لأمه،، خلاص يمااا،، إللي چدايل تشوفه وعوزاه عين العجل والثواب،،
ربي••هزت رأسها المتدليه أمامها،،إيوة صُح يابتي،،عندك حج،،دخليها لچل مايحصلش فضايح ،،
حفصه ••ربتت علي كتف چدايل من الخلف قاائله،، عين العجل يابتي،، كنه رشيد مماتش،، كنك بته مش مرته،،
نكزتها چدايل في يدها لتتوقف،، ودخل الجميع داخل الدار ليجدو حلااا لما يحدث ،،،
إبراهيم ••چرا إيه ياخاله تهاني؟؟ إيه الغارة اللي إتي عملهالنا برا الدار دي؟؟ الخلج كلاتها عما تتفرچ علينا يابت عمي !!
تهاني••يتفرچو ياود چوزي عشان يبجو شهود،،ماعيهمنيش آني،،آني لاواخده أرض وعما أعملها مُدرسه وابني وأ صرف وأكلف في مال غيري دون علمهم،، نظرت لجدايل وهي تتحدث،،
چدايل تستمع للكلمات وهي تنظر للأرض ثم نظرت لها بعدما انهت كلماتها،، لكن الكلام لم يعجب جميع من يقف فبادرو بالرد وأولهم رُبي،،
رُبي••هوا إيه الحديت الماسخ ده؟؟ مصاريف إيه وكلفة إيه؟؟ مين جالك إننا بنبعزجو فمال حد؟؟ وإنتي چايه بعد ياچي عشره خمستاشر سنه تتحدتي دلوك علي مال ومحتال؟؟
حفصه ••إحنا مبناكلوش مال حد ياتهاني،، إنتي ياحبيبتي اللي من يوم لما الراچل مات وانتي ماچاتيش حتي يوم ميتته،، ولا حد شافك انتي وبنتتك،، چايه تحكي وتخافي علي مالك دلوك!! قاطعتها چدايل بنطقها تلك الجمله،،
چدايل ••ثانيه واحدة ياخاله حفصه،، مالها أنهو؟؟ هيا ليها مال عندينا؟؟ دة مال بناتها مهواش مالها،، وإحنا مش وكالين ورث حد،، قاطعها إبراهيم بحدة
إبراهيم•• بحمقه إنتي عمرك ماكلتي حج حد ولا چاتي علي حد ياچدايل،،
ردت جميله زوجته عليه،،
چميله ••إيوة فعلاااا الست چدايل إديلي إهنه ياچي كام سنه وعمرها مازعلت حد في الدار دي،،
تهاني ••خلاااص !! كلكو عليا ولا إيه؟؟ ماوجعناش في الغرجه عااد،،
چدايل ••إيه اللي إنتي عوزاه ياخاله تهاني؟؟ اللي إنتي عوزاه هراضيكي بيه،،،
تهاني ••خلاص،، يبجي البيت اللي فيه حج بناتي وورثهم معهملوش وأمشي تاني،،،
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية جدايل حكيمة الجبايل)
